މި ފަހުން ދިވެހިރާއްޖެ އަށް އެންމެ އާންމުކޮށް ޗުއްޓީ އަށް އަންނަ ބޮލީވުޑްގެ ބަތަލާއިންގެ ތެރޭގައި ހިމެނޭ މަންދިރާ ބޭދީގެ ފިރިމީހާ ޑައިރެކްޓަރު ރާޖް ކޯޝަލް ބުދަ ދުވަހު މަރުވެއްޖެ އެވެ.
މީޑިއާތަކުން ބުނީ އޭނާ މަރުވީ ހާޓްއެޓޭކެއް ޖެހިގެން ހާލު ސީރިއަސްވެ ފަރުވާ ދެމުން ދަނިކޮށް ބުދަ ދުވަހުގެ ހެނދުނުގެ ވަގުތެއްގައި ކަމަށެވެ. ރާޖްގެ މަރާ ގުޅިގެން އެންމެ ފުރަތަމަ އެ ވާހަކަ ޓްވީޓްކުރި މީހުންގެ ތެރޭގައި އޭނާއާ އެކު "މައި ބްރަދާ...ނިކިލް" ގައި މަސައްކަތްކުރި ޑައިރެކްޓަރު އޮނީރް ހިމެނެ އެވެ.
ރާޖް ޑައިރެކްޓްކޮށްފައިވާ ފިލްމުތަކުގެ ތެރޭގައި އެންތަނީ ކޯން ހޭ (2006) އާއި ޝާދީ ކާ ލައްޑޫ (2004) އަދި ޕިޔާރު މޭ ކަބީ ކަބީ (1999) ހިމެނެ އެވެ. ޑައިރެކްޓަރެއްގެ އިތުރުން ރާޖަކީ ޕްރޮޑިއުސަރެއްގެ ގޮތުގައި ވެސް މަސައްކަތްކޮށްފައިވާ މީހެކެވެ.
އޭނާ އާއި މަންދިރާ ކައިވެނުކުރީ 1999 ގަ އެވެ. އަދި 2011 ގައި ފިރިހެން ދަރިޔަކު ލިބިފައިވެ އެވެ. އަދި މިދިޔަ އަހަރު މަންދިރާ އާއި ރާޖް އަންހެން ކުއްޖަކު އެޑޮޕްޓްކޮށްފައިވެ އެވެ.
އާންމުކޮށް ފިލްމުތަކުގެ ސަޕޯޓިން ރޯލްތަކުން ފެންނަ މަންދިރާ އެންމެ ފަހުން ފެނިފައިވާ ފިލްމަކީ 2019 ގެ "ސާހޯ" އެވެ. މަންދިރާ އެންމެ ފަހުން އާއިލާއާ އެކު ރާއްޖޭޗައި ޗުއްޓީ ހޭދަކުރީ މިދިޔަ އަހަރުގެ ސެޕްޓެމްބަރު މަހުގެ ތެރޭގަ އެވެ.
