"ދަ ލޭޑީކިލާ" އަކީ އަރުޖުން

މަސްތައް ވިރުވާލައި މިހާރު ހަށިގަނޑާއި ލުކަށް ވެސް ވަރަށް ބޮޑު ބަދަލެއް ގެނެސްފައިވާ ބޮލީވުޑްގެ އެކްޓަރު އަރުޖުން ކަޕޫރް "ދަ ލޭޑީކިލާ" ކިޔާ ތުރިލާއަކަށް ސޮއިކޮށްފި އެވެ.

މިހާރު ޕޯސްޓަރު ވެސް ދައްކާލާފައިވާ މި ފިލްމަކީ އަޖޭ ބާލް ޑައިރެކްޓްކުރާ އެއްޗެކެވެ. އޭނާ އަކީ ސީރިއަސް ފިލްމުތަކެއް ކަމަށްވާ 2012 ގެ "ބީއޭ ޕާސް" އާއި 2019 ގެ "ސެކްޝަން 375" ގެނެސްދިން ޑައިރެކްޓަރެވެ.

މާ ބޮޑު ތަފުސީލެއް އަދި ހާމަނުކުރާ "ދަ ލޭޑީކިލާ" އަކީ ޓީ ސީރީޒްގެ ބުޝަން ކުމާރާއި ޕްރޮޑިއުސަރު ޝާއިލޭޝް ސިންގް ޕްރޮޑިއުސްކުރާ ފިލްމެކެވެ.

މިދިޔަ މަހު ރިލީޒްކުރި ހޮރޯ-ކޮމެޑީ "ބޫތު ޕޮލިސް" ގެ ކާސްޓްގައި ވެސް ހިމެނޭ އަރުޖުން ސޮއިކޮށްފައިވާ ފިލްމުތަކުގެ ތެރޭގައި ޑައިރެކްޓަރު މޯހިތު ސޫރީގެ ތުރިލާ "އޭކް ވިލަން ރިޓާންސް" އާއި އަލަށް ޑައިރެކްޝަނަށް ނުކުތް އާސްމާން ބަރަދްވާޖްގެ ކްރައިމް ޑްރާމާ "ކުއްތޭ" ހިމެނެ އެވެ.

"ދަ ލޭޑީކިލާ" ގެ ގެ ޕޯސްޓަރު އިންސްޓަގްރާމްގައި ޕޯސްޓްކޮށް އަރުޖުން ބުނީ މިއީ ލޯތްބާއި ސަސްޕެންސާއި އެ ނޫން ވެސް އެތައް އިހުސާސެއް އެކުލެވޭނެ ވަރަށް ވެސް ޝައުގުވެރި ވާހަކައެއް ކަމަށެވެ.

"މިއީ މިހާތަނަށް އަހަރެންގެ އެންމެ އުންމީދީ ފިލްމަށް ވާނެ." އޭނާ ބުންޏެވެ.