ފްރާންސްގެ ފޯވަޑް އެމްބާޕޭ ލަނޑު ޖެހުމަށް ފަހު އުފާ ފާޅު ކުރަނީ --- ފައިލް ފޮޓޯ: އޭއެފްޕީ
22 ޖޫން 2021 - 14:15
1 comments
ލަންޑަން (ޖޫން 22) - ރޭ ކުޅުނު މެޗުތަކުގެ ނަތީޖާ އިން، ހަތަރު ޓީމަކުން، އެ ޓީމުތައް ކުޅެން ޖެހޭ މެޗުތައް ކުޅުމުގެ ކުރިން ދެ ވަނަ ބުރުން ޖާގަ ހޯދައިފި އެވެ.
ފްރާންސް، އިންގްލެންޑް، ޗެކް ރިޕަބްލިކް، ސްވިޑެން ވަނީ ގްރޫޕްގެ ފަހު މެޗުތައް ނުކުޅެ ދެ ވަނަ ބުރަށް ދަތުރުކޮށްފަ އެވެ. އަދި ގްރޫޕް ސްޓޭޖު ކުޅެ ނިމެންދެން އިންތިޒާރު ކުރަން ޖެހޭނެ ކަމަށް ބެލެވުނު ނަމަވެސް، ސްވިޒަލެންޑް ވެސް ވަނީ ދެ ވަނަ ބުރުން ޖާގަ ހޯދައިފަ އެވެ.
އެ ފަސް ޓީމު ދެ ވަނަ ބުރަށް ދަތުރު ކުރީ، ކޮންމެ ޓީމަކުން ވަސް ހަތަރު ޕޮއިންޓް ހޯދާފައި ވުމުން ގްރޫޕްތަކުގެ ތިން ވަނައަށް ވުރެ ފަހަތަށް ނުވެއްޓޭނެކަން ކަށަވަރު ވުމުންނެވެ.
ރޭ ކުޅުނު ގްރޫޕް ބީ އަދި ސީގެ މެޗުތަކުން ފިންލެންޑާއި ޔޫކްރޭން ތިން ވަނައިގައި އޮތީ ތިން ޕޮއިންޓާ އެކު އެވެ. އެ ދެ ޓީމަށް ތިން ޕޮއިންޓް ލިބިފައި ވުމުން، ތިން ވަނަ ހޯދާ ޓީމުތަކުގެ ތެރެއިން ހަތަރު ޕޮއިންޓް ހޯދާފައިވާ ހުރިހާ ޓީމެއް ދެ ވަނަ ބުރަށް ދަތުރު ކުރާނެ އެވެ.
ފިންލެންޑާއި ޔޫކްރޭން މުބާރާތުން ކަޓައިގެން ދިޔައީކީ ވެސް ނޫނެވެ. ގްރޫޕް ޑީ އާއި އީގެ ތިން ވަނަ ހޯދާ ޓީމުތައް ދެ ޕޮއިންޓްގައި ނިންމާލުމުގެ ފުރުސަތު ވެސް އެބައޮތެވެ. އެހެންވެއްޖެ ނަމަ ތިން ޕޮއިންޓް ހޯދާފައިވާ ފިންލެންޑް އަދި ޔޫކްރޭން ވެސް ދެ ވަނަ ބުރަށް ދަތުރު ކުރާނެ އެވެ.
ގުރޫޕް ބީން ބެލްޖިއަމް ވަނީ ފިންލެންޑް ބަލިކޮށް އެ ގުރޫޕްގެ އެއް ވަނަ ހޯދައިފަ އެވެ. އަދި ރަޝިއާ ބަލިކޮށް ޑެންމާކު ވެސް ވަނީ ދެ ވަނަ ބުރަށް ދަތުރުކޮށްފަ އެވެ.
ދެ ވަނަ ބުރުގެ ފުރަތަމަ މެޗުގައި އަންނަ ހޮނިހިރު ދުވަހުގެ ރޭ ވާދަކުރާނީ ވޭލްސް އާއި ޑެންމާކް އެވެ. އެ ރޭ ދަންވަރު އިޓަލީ އާއި އޮސްޓްރިއާ ވާދަކުރާނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ރަދީފްއޮފިޝިއަލް
22 June 2021
މަމެންގެ ގައުމު ކުޅޭ މުބާރާތުގަ އޮންގޮތަކީ މުބާރާތުން ކެޓީކަމަށް ހީކޮށް ގައުމަށް އެނބުރިއަންނަން ލަގެޖް ރެޑީކުރަނިކޮށް މިބުނަނީ ތަމެން މިހާރުވަނީ މިބާރާތުގަ ކޮލިފައިން ބުރަށް އޮޓޯއިން ހޮވިފަކަމަށް.މަމެންގެ ގައުމު ޔައުނީ ދެވެހިސްތާން ކުޅޭ މުބާރާތްތަކަށް ކޮލިފައިވެސް ވަނީ ގުރުލައިގެން.ހެހެހެހެ