1980ގެ އަހަރުތަކުގައި ގިނައިން އެޅީ ކުރިމައްޗަށް ދެ ކަން ވައްޓާލައިފައިވާ ބުރުގާއެއް. މި ބުރުގާ ލިބާސް، ދިގު ހެދުން އަދި ހައުސް ކޯޓު ސްޓައިލުގެ ހެދުމާ އެކު ވެސް އެޅި. މި ބުރުގާ 90ގެ އަހަރުތަކުގައި ސްޓައިލް ތަފާތުކޮށް އަޅަން ފެށި. ފޮޓޯ : މުހައްމަދު ހަލީމް (ކެސްޓޯ)

1980ގެ އަހަރުތަކުގައި އެޅި ބުރުގާ އަކީ ވަރަށް އާދައިގެ ވައްޓަފާޅިއަކަށް ހުންނަ ބުރުގާއެއް. އޭރު މި ބުރުގާ ގިނައިން އެޅީ އުމުރުން ދުވަސްވީ އަންހެނުން. މި ބުރުގާ އާއްމުކޮށް އެޅީ ކޮޓޮން ޕޮލިއެސްޓާ ފޮތީގެ އެއް ކުލައިގެ ފޮއްޗަކުން. އަތް ދިގު ޕްރިންޓު ޖެހި ހެދުމާ އެކު މި ބުރުގާ އެޅިކަން ފާހަގަވޭ. ފޮޓޯ މުހައްމަދު ހަލީމް (ކެސްޓޯ)

އެންމެ ފުރަތަމަ އެޅި ބުރުގާ އަކީ "އެއްލި ބުރުގާ" ކަމަށް ގިނަ ބަޔަކު ބުނޭ. އޭރު ހާއްސަ މުނާސަބަތަކަށް މި ބުރުގާއާ އެކު ފައްޓަރުބައި، ލިބާސް އަދި ފޭލި ލައި ކަމަށް ފާހަގަވޭ. ތުނި ދޮޕައްޓާ ސްޓައިލެއްގެ ފޮއްޗަކުން ތައްޔާރު ކޮށްފައިވާ ބުރުގާ ވިދާ މިނާ އަދި ލޭސް ޑިޒައިނުން ޖަރީ ކޮށްފައި ވެސް ހުރޭ.. މި ބުރުގާ ސްޓައިލް ކޮށްފައި ހުންނަނީ ވަރަށް ދޫ ކޮށް، އިސްތަށިގަނޑު އަދި ހުޅި ޖަހާފައި ހުންނަ އިރު 'ސަޑު' ފެންނަ ގޮތަށް.

ރާއްޖޭގައި 1960ގެ އަހަރުތަކުގައި އެޅި ބުރުގާ ގެ އެކި ސްޓައިލްތައް މި ފޮޓޯއިން ފެނޭ. އޭރު އެޅީ ވަރަށް ތުނި ފޮއްޗެއްގެ ބުރުގާއެއް. އަދި އިސްތަށިގަނޑު ފެންނަ ގޮތަށް އޮޅާފައިވާކަން ފާހަގަވޭ. ލިބާހާއި ފޭއްޔާ އެކު މި ބުރުގާ އެޅި. ފޮޓޯ : މުހައްމަދު ހަލީމް (ކެސްޓޯ)

ރާއްޖޭގައި 1960ގެ ތެރޭގައި މަގުބޫލުވި "އެއްލި ބުރުގާ" . ފޮޓޯ :މުހައްމަދު ހަލީމް (ކެސްޓޯ)

ޝީފޯން އަދި ޝޯލް ފޮތި ރާއްޖޭގައި ގިނައިން ލިބެން ހުރުމުގެ ސަބަބުން، މި ސްޓައިލް ދިވެހިންގެ ތެރޭގައި މިހާރު ވަނީ އާންމުވެފައި.

މިހާރު އަޅާ "5 މުށް ބުރުގާ" : މިއީ ކަޅު ކުލައިގެ މަޑު ޝިފޯން ފޮތިން ދޫ ސްޓައިލަކަށް ބޮޑުކޮށް އަޅާ ވައްތަރެއް. މިއީ އާއްމުކޮށް ކަޅު އަބާޔާއާ އެކު އަޅާ ބުރުގާއެއް.

ދިވެހިންގެ ތެރޭގައި 2000ގެ އަހަރުތަކުގައި މަގުބޫލުވި ބުރުގާއެއް: ގޮތް ބޮޑު ސްޓައިލެއްގެ މި ބުރުގާ އެޅީ އުސް ހުޅިއެއް ޖަހާފައި އޭގެ މަތިން މާޖެހި ޕިން ހަރުކުރުމަށްފަހު.

ދިވެހިން 80ގެ އަހަރުތަކުގައި އެޅި ދެ ކަން ވައްޓާލައިފައިވާ ބުރުގާ: އޭރު ގިނައިން ބޭނުންކުރީ މާޖެހި ފޮތީގެ ބުރުގާއެއް. އަދި ބުރުގާއާ އެކު ގުޅުވާލައިގެން ލަނީ އަތް ދިގު ކުރުތާ ސްޓައިލްގެ ޓޮޕް.

1980ގެ އަހަރުތަކުގައި ދިވެހިން އެޅި ދެ ކަން ވައްޓާލައިފައިވާ ބުރުގާ

އެއްލި ބުރުގާ: މިއީ 1960 ގެ އަހަރުތަކުގައި އެޅި ބުރުގާއެއް. މިއީ ތުނި ދޮޕައްޓާ ސްޓައިލެއްގެ ފޮއްޗަކުން ދޫކޮށް އޮޅާލާފައި އޮންނަ ބުރުގާއެއް. މި ބުރުގާއާ އެކު އިސްތަށިގަނޑު ސްޓައިލްކޮށްފައި ހުންނަނީ ހުޅި އަކަށް. އަދި އާއްމުކޮށް ލައި އުޅުނީ ލިބާހާއި ފޭއްޔާ އެކު.