ފަޔާޒް މޫސާ
5 ޖުލައި 2023
ބެންގަލޫރު - ޖުލައި 4، 2023: ސާފް ބަންގަބަންދު ޗެމްޕިއަންޝިޕް 2023 ގެ ފައިނަލްގައި ފުރިހަމަ ވަގުތުގެ ކުޅުން ހަމަވި އިރު 1-1 އިން ނަތީޖާ އެއްވަރު ވެގެން ޕެނަލްޓީ ޝޫޓްއައުޓްގައި 5-4 އިން ކުވެއިތުގެ މައްޗަށް ކުރި ހޯދައި އިންޑިއާ އިން މުބާރާތުގެ ޗެމްޕިއަންކަން ދިފާއު ކުރުން. އިންޑިއާގައި އޮތް މި މުބާރާތުގެ ފައިނަލަށް ވެސް އިންޑިއާ ދަތުރު ކުރީ ޕެނަލްޓީ ޖަހައިގެން. މީ އިންޑިއާ އިން މި މުބާރާތް ކާމިޔާބުކުރި ނުވަވަނަ ފަހަރު. ކުވެއިތާއި ލެބަނަން އަށް ދައުވަތު ދީގެން މި މުބާރާތް ކުރިއަށް ގެންދިޔައިރު، މިއީ ސަރަހައްދުން ބޭރުގެ ގައުމުތަކަށް ދައުވަތު ދީގެން ސާފް ޗެމްޕިއަންޝިޕް މުބާރާތް ބޭއްވި ފުރަތަމަ ފަހަރު. ބެންގަލޫރުގެ ސްރީ ކަންތީރަވާ ސްޓޭޑިއަމްގައި 26،380 ސަޕޯޓަރުންގެ ކުރިމަތީގައި މިރޭ ކުޅުނު ފައިނަލް މެޗުގައި ދެ ޓީމުގެ ފަރާތުން ވެސް ވާދަވެރި ކުޅުމެއް ފެނުނު ނަމަވެސް ގޯލާ އަމާޒުކޮށް ދެ ޓީމަށް ވެސް މާގިނަ ހަމަލާތަކެއް ވަނީ ފޮނުވާ ނުލެވިފަ. މި މުބާރާތުގައި އެންމެ ގިނަ ގޯލް ޖަހައިގެން ރަން ބޫޓު އިންޑިއާގެ ސުނިލް ޗެތުރީ ހޯދި އިރު، މުބާރާތުގެ އެންމެ މޮޅު ކީޕަރަކަށް ހޮވިފައިވަނީ ބަގްލަދޭޝްގެ ގޯލް ކީޕާރު، އަދި މުބާރާތުގެ ފެއާ ޕްލޭ ޓީމަކަށް ހޮވިފައިވަނީ ނޭޕާލް ޓީމް. -- ފޮޓޯތައް: ފަޔާޒު މޫސާ | މިހާރު
އިންޑިއާ ޓީމުގެ ކުޅުންތެރިންނާ އޮފިޝަލުން ތައްޓާއި މުބާރާތް ކާމިޔާބުކުރުމުން ލިބުނު 50000ޑޮލަރުގެ ޗެކާއެކު ފޮޓޯއަކަށް ހުއްޓިލައިގެން -- ފޮޓޯ: ފަޔާޒު މޫސާ | މިހާރު
ސުނިލް ޗެތުރީ ރަން މެޓަލްގައި ދަތް އަޅާލައިގެން ފޮޓޯއަކަށް ހުއްޓީލައިގެން، މުބާރާތުގެ ރަން ބޫޓުވެސް ވަނީ ސުނިލް ޗެތުރީ ހޯދާފަ -- ފޮޓޯ: ފަޔާޒު މޫސާ | މިހާރު
އިންޑިއާއިން 9 ވަނަ ފަހަރަށް ސާފްޗެމްޕިއަންޝިޕް ކާމިޔާބުކުރުމަށްފަހު އެ ޓީމުގެ ކެޕްޓަން ސުނިލް ޗެތުރީ ތައްޓާއެކު ދަނޑުމަތީގައި ކުޅުންތެރިންނާއެކު އުފާފާޅުކުރަނީ -- ފޮޓޯ: ފަޔާޒު މޫސާ | މިހާރު
ނުވަވަނަ ފަހަރަށް އިންޑިއާއިން ސާފްޗެމްޕިއަންޝިޕް ކާމިޔާބު ކުރުމަށްފަހު އެ ޓީމުގެ ކެޕްޓަން ސުނިލް ޗެތުރީ ޓީމު ކުޅުންތެރިންނާއެކު ދަނޑުމަތީގަ އުފާފާޅުކުރަނީ -- ފޮޓޯ: ފަޔާޒު މޫސާ | މިހާރު
އިންޑިއާއިން ސާފްޗެމްޕިއަންޝިޕް ނުވަވަނަ ފަހަރަށް ކާމިޔާބު ކުރުމަށްފަހު އެ ޓީމުގެ ކެޕްޓަން ސުނިލް ޗެތުރީ ދަނޑުމަތީގަ އުފާފާޅުކުރަނީ -- ފޮޓޯ: ފަޔާޒު މޫސާ | މިހާރު
ޕެނަލްޓީ ޖަހައިގެން ކުވައިތު ބަލިކޮށް ސާފް ޗެމްޕއިަންޝިޕް ކާމިޔާބު ކުރި އިންޑިއާއިން އެ ޓީމުގެ ޓްރޭނަރު ކެޕްޓަން ސުނިލް ޗެތުރީ ކޮނޑަށް އަރުވައިގެން ދަނޑުމަތީގައި އުފާފާޅުކުރަނީ -- ފޮޓޯ: ފަޔާޒު މޫސާ | މިހާރު
ކުވައިތު ޓީމުން ޖެހި ޕެނަލްޓީ އިންޑިއާ ކީޕަރު ގުރްޕްރީތު ސިންގް މަތަކުރުމާއެކު މުބާރާތުގެ ޗެމްޕިއަންކަން އިންޑިއާއިން ހޯދުމުން ކުޅުންތެރިން ދަނޑުމަތީގަ އުފާފާޅުކުރަނީ -- ފޮޓޯ: ފަޔާޒު މޫސާ | މިހާރު
ކުވައިތު ޓީމުންޖެހި ޕެނަލްޓީ މަތަކުރުމުން އިންޑިއާ ޓީމުގެ ކުޅުންތެރިން އެ ޓީމުގެ ކީޕަރު ގުރްޕްރީތު ސިންގްއާއިއެކު އުފާފާޅުކުރަނީ -- ފޮޓޯ: ފަޔާޒު މޫސާ | މިހާރު
އިންޑިއާގެ ކުޅުންތެރިޔާ އެ ޓީމުގެ 4ވަނަ ޕެނަލްޓީ ފޮނުވާލަނީ: މި ޕެނަލްޓީ ގޯލް ދަނޑިމަތިން ދިޔައީ ބޭރަށް -- ފޮޓޯ: ފަޔާޒު މޫސާ | މިހާރު
ސުނިލް ޗެތުރީ ބޯޅަ ލިބޭތޯ މަސައްކަތްކުރަނީ: މި މުބާރާތުގެ އެންމެ ގިނަ ގޯލް ޖެހި ކުޅުންތެރިޔަކަށް ހޮވުނީ ސުނިލް ޗެތުރީ -- ފޮޓޯ: ފަޔާޒު މޫސާ | މިހާރު
އިންޑިއާ ގޯލް ކީޕަރު ގުރްޕްރީތު ސިންގް ގޯލް ކުރިމަތިން ބޯޅަ އެއްލަނީ: މި މުބާރާތް އިންޑިއާއަށް ކާމިޔާބު ކޮއްދިނީ ކުވައިތު ކުޅުންތެރިޔާ ޖެހި ޕެނަލްޓީ ގުރްޕްރީތު މަތަކޮއްގެން -- ފޮޓޯ: ފަޔާޒު މޫސާ | މިހާރު
ކުވައިތު ކުޅުންތެރިން ފޮނުވާލި ބޯޅައެއް އިންޑިއާގެ ކުޅުންތެރިޔާ ބޮލުން ޖަހަނީ -- ފޮޓޯ: ފަޔާޒު މޫސާ | މިހާރު
އިންޑިއާގެ ބައެއް ސަޕޯޓަރުން ފައިނަލް މެޗުގައި ޓީމަށް ސަޕޯޓުކުރަނީ: 26،380 މީހުން ވަނީ ބެންގަލޫރުގެ ސްރީ ކަންތީރަވާ ސްޓޭޑިއަމް ޖަމާވެފަ -- ފޮޓޯ: ފަޔާޒު މޫސާ | މިހާރު
އިންޑިއާ ދެ ކުޅުންތެރިން ކައިރިން ކުވައިތު ޓީމު ކުޅުންތެރިޔާ ބޯޅަ ފޮނުވާލަނީ -- ފޮޓޯ: ފަޔާޒު މޫސާ | މިހާރު
އިންޑިއާ ކެޕްޓަން ސުނިލް ޗެތުރީ ބޯޅަ ކޮންޓްރޯލް ކުރަން މަސައްކަތްކުރަނީ -- ފޮޓޯ: ފަޔާޒު މޫސާ | މިހާރު
ކުވައިތު ޓީމުގެ 3 ނަންބަރު ކުޅުންތެރުޔާ އިންޑިއާ ގޯލަށް ފޮނުވާލާ ބޯޅަ ހުއްޓުވަން އިންޑިއާ ކުޅުންތެރިޔާ މަސައްކަތްކުރަނީ -- ފޮޓޯ: ފަޔާޒު މޫސާ | މިހާރު
ކުވައިތުގެ ކުޅުންތެރިޔެއް އަތުން ބޯޅަ ހޯދަން އިންޑިއާގެ 17 ނަންބަރު ކުޅުންތެރިޔާ މަސައްކަތްކުރަނީ -- ފޮޓޯ: ފަޔާޒު މޫސާ | މިހާރު
