ހެރީ ސްޓައިލްސް މި ހޭވީ ކޮން ހަޑިއެއް؟

ހެރީ ސްޓައިލްސް އޮސްޓްރޭލިއާގެ ކޮންސާޓެއްގައި އަރައިގެން ހުރި ބޫޓަށް އެއްޗެއް އަޅައިގެން ބޮނީ

އަހުމަދު އަރުޝަމް، މިހާރު

23 ފެބުރުއަރީ 2023 - 06:28

އޮސްޓްރޭލިއާގައި ބޭއްވި ކޮންސެޓެއްގައި، ހެރީ ސްޓައިލްސް އޭނާ އަރައިގެން ހުރި ބޫޓު ބޭލުމަށް ފަހު އޭގެތެރެއަށް އެއްޗެއް އަޅައިގެން ބުއިމުން ގިނަބަޔަކަށް ހައިރާންކަން ލިބިއްޖެ އެވެ.

އޮސްޓްރޭލިއާގައި މިހާރު ކުރިއަށްދާ ހެރީގެ "ލަވް އޮން ޓުއާ" ގެ ފުރަތަމަ ކޮންސެޓުގައި ކުރި މި ކަމަކީ އެ ގައުމުގެ ދުވަސްވީ މިއުޒިކްގެ ސަގާފަތެކެވެ. އާންމުކޮށް އޮސްޓްރޭލިއާ މީހުން އެއަށް ކިޔާ އުޅެނީ "ދަ ހަމްބަލް ޝޫއީ" އެވެ.

މިދިޔަ ހޯމަ ދުވަހު އޮސްޓްރޭލިއާގެ ޕާތުގެ އެޗްބީއެފް ޕާކުގައި ގާތްގަނޑަކަށް 20،000 މީހުންގެ ބޮޑު ކްރައުޑެއް ބައިވެރިވި، އެ ކޮންސެޓުގައި ހެރީގެ އަލްބަމް، "ހެރީސް ހައުސް" ގެ ދެ ލަވައެއް ފިޔަވައި ހުރިހާ ލަވައެއް ޕަފޯމް ކުރި އެވެ.

Harry doing a shoey! 👟#LoveOnTourPerth
20.2.23

🎥: icecoIdstyIes

pic.twitter.com/SD5qbOguK3
— HL Daily On Tour (@HLDTour) February 20, 2023

ދެހާސްވިހި ވަނަ އަހަރުގެ ކޮންސެޓެއްގައި ހެރީ ގާތު ފޭނުން "ޝޫއީ" ޖައްސަން އެދުމުން، އޭނާ ވަނީ ދުވަހަކު ވެސް ބޫޓަށް އެއްޗެއް އަޅައިގެން ނުބޯނެ ކަމަށް ބުނެފަ އެވެ.

އެކަމަކު ހޯމަ ދުވަހުގެ ރޭގެ ކޮންސެޓު ނިމެން އުޅެނިކޮށް، އޯޑިއެންސުން މީހަކު "ޝޫއީ" އެއް ޖެއްސުމުން، ހެރީ ގާތު ވެސް އެކަން ކުރުމަށް އޯޑިއަންސްގެ މީހުން އެދެމުން ދިޔަ އެވެ.

"މިއީ މިހާތަނަށް އަހަންނަށް ފެނުނު އެންމެ ހަޑިމުޑުދާރު ސަގާފަތް،" ބޫޓު ބާލައި އޭނާގެ ގެންގުޅުނު ފުޅިއާ ދިމާލަށް ހިނގަމުން ހެރީ ބުންޏެވެ.

ބޫޓުން ބުއިމަށް ފަހު ހެރީ ބުނީ އޭނާ އަށް އިހުސާސްވަނީ އެހެން މީހެއްގެ ގޮތުގައި ކަމަށެވެ.

"އަހަރެން މިހިރީ ވަރަށް ލަދުގަނެފައި. މިއީ ވަރަށް ޕާސަނަލް ކަމެއް. އެހާ ގިނަބަޔަކާ ހިއްސާކުރަން ވަރަށް އިންޓިމެޓް ކަމެއް. އަހަރެންގެ ތެރަޕިސްޓާ ދިގު ވާހަކަތަކެއް ދެކެވޭނެ މިވާގޮތުން،" ބޫޓުން ބުއިމަށް ފަހު ހެރީ ބުންޏެވެ.

i did not just see harry styles do a shoey…am i on acid? pic.twitter.com/XwXOewadFo
— stacie ✿ (@timhalchalz) February 20, 2023

ހެރީގެ ބޫޓުން އެއްޗެއް ބޯ މަންޒަރު ފެންނަ ވީޑިއޯ ސޯޝާލް މީޑިއާގައި މިހާރު ވަނީ ވައިރަލްވެފަ އެވެ. އަދި އެމަންޒަރު ބަލަންތިބި ގިނަ ފޭނުންގެ އިތުރުން އެކިކަންކޮޅުތަކުގައި އުޅޭ ގިނަ ބަޔަކު ތިބީ ހެރީ އެފަދަ ކަމެއް ކުރުމުން ހައިރާންވެފަ އެވެ.

still cant believe i got to experience harry styles finding out what a shoey is pic.twitter.com/kTtfVMK3LI
— stace🪩 (@treacheroussdr) September 19, 2020

ހާއްސަކޮށް އޮސްޓްރޭލިއާއަށް ނިސްބަތްވާ މީހުން، އެ ގައުމުގެ ސަގާފީ "ޝޫއީ" ޖެއްސުމުން ތިބީ ބޮޑު ހައިރާންކަމަކާއި އުފަލެއްގެ ތެރޭގަ އެވެ.

I hadn't heard about it until your tweet, then I made the mistake of finding out what it was. 🤮
— Sean - 'In a perpetual eye roll' - McGurk 🌸 ✝️ (@SeanMgk) February 21, 2023

އޭގެ އިތުރުން، ހެރީގެ "ޝޫއީ" އާ އެކު އެ ސަގާފަތުގެ ވާހަކަ އެނގުނު މީހުން އަންނަނީ އެކަމަކީ ވަރަށް މުޑުދާރު އަމަލެއް ކަމަށް ބުނެ އެ ވާހަކަ ދައްކަމުންނެވެ.