ބޮލީވުޑްގެ މަޝްހޫރު ތަރިންނާ ވައްތަރު މީހުން ކޮންމެވެސް ހިސާބަކުން ފެނިގެން އެ މީހަކަށް އާންމުންގެ ސަމާލުކަން ހުއްޓުމަކީ އާ ކަމެއް ނޫނެވެ. ދާދި ފަހުން މިގޮތަށް މަޝްހޫރުވީ ކެޓްރީނާ ކައިފާ ވައްތަރު މީހެކެވެ.

މި ފަހަރު މިއޮތީ ޝާކްރުކް ޚާނާ ވައްތަރު ކަމަށް ބުނާ މީހެއްގެ ވާހަކަ އެވެ.

https://www.instagram.com/p/B3BjHL2nDE3/?utm_source=ig_embed&utm_campaign=loading

މީގެ ކުރިން އިންޑިއާގެ އެކި ސަރަހައްދުތަކުން އޭނާއާ ވައްތަރު މީހުން ފެނިފައިވެ އެވެ. އެކަމަކު މި ފަހަރު "ޝާހްރުކް" ފާޅުވީ މެދުއިރުމަތީގެ ގައުމަކުންނެވެ. ޖޯޑަން އިން ފެނިގެން އުޅޭ ޝާހްރުކާ ވައްތަރު މީހާގެ ފޮޓޯތަކެއް ސޯޝަލް މީޑިއާގައި ވައިރަލްވެފައިވާ އިރު، އޭނާގެ ވާހަކަ މިހާރު ވަރަށް ގަދައަށް އަންނަނީ ދެކެވުންނެވެ.

https://www.instagram.com/p/B3AOxk8nslX/?utm_source=ig_embed&utm_campaign=loading

ފޮޓޯތަކުގައި އޭނާ ޕޯޒްކޮށްގެން ހުންނަ ގޮތުން ވެސް ޝާހްރުކާ ވައްތަރު ގޮތެއް ހުރެ އެވެ.

މި މީހާ އަކީ ޖޯޑަންގެ މަޝްހޫރު ފޮޓޯގްރާފަރެކެވެ. އޭނާގެ ނަމަކީ އަކްރަން އަލް އިއްސާވީ އެވެ. އޭނާގެ ފޮޓޯތަކަށް ސޯޝަލް މީޑިއާގައި ކޮމެންޓް ކުރި ބައެއް މީހުން ވަނީ ޖޯކަކަށް ހަދާފައި "އަކްރަމް، ޝާހްރުކަށް ވުރެ ވެސް ވައްތަރު" ކަމަށް ބުނެފަ އެވެ.

ބައެއް މީހުން ބުނިގޮތުގައި އަކްރަމް ހީވަނީ ޝާހްރުކަށް ވުރެ އެތައް އަހަރެއް ދޮށި މީހެއްހެންނެވެ. ޝާހްރުކަށް އަންނަ މަހުގެ 2 ގައި 54 އަހަރު ފުރޭނެ އެވެ.