އާ އުސޫލަށް އެއްބަސްނުވާ ނަމަ ވަޓްސްއެޕް ބޭނުމެއް ނުކުރެވޭނެ

އަހުމަދު އަދްޝަން، މިހާރު

10 ޖެނުއަރީ 2021 - 07:54

މަހުޖަނު އީލޮން މަސްކް މިހާރު އަންނަނީ ވަޓްސްއެޕް ބޭނުންކުރާ މީހުން އެ ދޫކޮށްލައި، ސިގްނަލް އަށް ހިޖުރަކުރަން ގޮވައިލައްވަމުންނެވެ. ސަބަބަކީ ކުރިއަށް އޮތް ދުވަސްތަކުގައި ވަޓްސްއެޕުން އަމަލުކުރަން ފަށާ "ކަންބޮޑުވުން ހުރި" އުސޫލަކާ ހެދި އެވެ. އެހެންވެ ރައްކާތެރި ގޮތަކީ އެ ދޫކޮށްލައި ސިގްނަލް ބޭނުންކުރަން ފެށުން ކަމަށް އޭނާ އަންނަނީ ތަކުރާރުކޮށް ވިދާޅުވަމުންނެވެ.

ވަޓްސްއެޕް ބޭނުންކުރާ އާންމުންގެ މެދުގައި ވެސް މި ފިކުރު ދަނީ ބޮޑުވަމުންނެވެ. މިއީ ކިހިނެއްވާ ކަމެެއްތޯ ސުވާލުކުރާ މީހުން ވަނީ ގިނަ އެވެ.

ކުރު ޖަވާބަކީ، ފޭސްބުކުގެ ދަށުން ހިންވާ ވަޓްސްއެޕުން އެ ބޭނުންކުރާ މީހުންގެ ޒާތީ ބައެއް މައުލޫމާތު ފޭސްބުކާ ހިއްސާކުރަން މަޖުބޫރުކުރުވަނީ އެވެ. އެހެން ނޫން ކަމަށްވާ ވަނަ ވަޓްސްއެޕް ބޭނުންކުރުމުގެ ހައްގުން މަހުރޫމު ވެސް ވެދާނެ އެވެ.

#WhatsApp updated its #Privacy Policy and Terms of Services, making data-sharing with #Facebook mandatory for all.

IMPORTANT — You must accept it before February 8; otherwise, your account will be DELETED.

Details: https://t.co/ghqSUpakUq #infosec #tech
— The Hacker News (@TheHackersNews) January 6, 2021

ރިޕޯޓްތައް ބުނާ ގޮތުން ޑޭޓާ ހިއްސާކުރުމާ ގުޅޭ ގޮތުން ވަޓްސްއެޕުން އަލަށް އަމަލުކުރަން ފަށާ އާ އުސޫލަށް އަންނަ މަހުގެ 8 ގެ ކުރިން އެ ބޭނުންކުރާ މީހުން އެއްބަސްވުމަކަށް އަންނަން ޖެހޭނެ އެވެ. އެކަމުގެ ނޮޓިފިކޭޝަން ވެސް މިހާރު ވަނީ ލިބެން ފަށައިފަ އެވެ. ވަޓްސްއެޕް ދާއިމީކޮށް ބޭނުންކުރަން ބޭނުންވާ ނަމަ އާ އުސޫލަށް އެއްބަސްވާން ޖެހޭނެ އެވެ. އަނެއް ގޮތަކީ އުސޫލު ގަބޫލުނުކޮށް، ވަޓްސްއެޕް ބޭނުންކުރުމުން މަހުރޫވުމެވެ.

Ya don’t say. Reminds me of this timeless classic … pic.twitter.com/Gq1wayoTIr
— Elon Musk (@elonmusk) January 7, 2021

އާ އުސޫލުގެ ދަށުން، ވަޓްސްއެޕް ބޭނުންކުރާ މީހުންގެ ފޯނު ނަމްބަރު ފަދަ ޒާތީ މުހިއްމު މައުލޫމާތުތައް ފޭސްބުކަށް ދޭންޖެހޭނެ އެވެ.

Bro this new WhatsApp privacy policy update is CREEPY and we should be concerned about it trust me

You can read about what data they’ll retain and use from this link: https://t.co/dxDGzgEHTO
— hptardisblue (@HruditaP) January 6, 2021

މީގެ އިތުރުން ބޭނުންކުރާ ޑިވައިސްއާ ގުޅުން ހުރި ބައެއް މައުލޫމާތުތައް ވެސް ހިމެނެ އެވެ. އޭގެ ތެރޭގައި ޑިވައިސްގެ ބެޓެރީ ލެވެލް، ސިގްނަލް ސްޓްރެންތު، އެޕް ވާޝަން، ބްރައުޒާ އިންފޯ، މޮބައިލް ނެޓްވޯކް، ކަނެކްޝަނާ ބެހޭ މައުލޫމާތު (ފޯނު ނަމްބަރު، މޮބައިލް އޮޕަރޭޓަރު/އައިސްޕީ)، ބަހުރުވަ، ޓައިމް ޒޯން، އައިޕީ އެޑްރެސް ޑިވައިސް އޮޕަރޭޝަނާ މައުލޫމާތު ހިމެނެ އެވެ.

With end-to-end encryption, we cannot see your private chats or calls and neither can Facebook. We’re committed to this technology and committed to defending it globally. You can read more here: https://t.co/YpR5RaGoW1
— Will Cathcart (@wcathcart) January 8, 2021

ވަޓްސްއެޕްގެ މި އާ ސޫލަކީ ފޭސްބުކްގެ ދަށުން ހިންގާ އެއްޗެހި ގުޅުވައިލަން ކުރާ މަސައްކަތުގެ ބައެކެވެ. އެއީ އިންސްޓަގްރާމާއި މެސެންޖާ ވެސް ފޭސްބުކާ މިހާރު ގުޅާލާފައި އޮންނަ ގޮތަށެވެ.

We’re proud of the service we offer, and we’ll continue to develop technology and practices to provide private, secure communications for as many people as we can.
— Will Cathcart (@wcathcart) January 8, 2021

އެހެންވެ ވަޓްސްއެޕްގެ އާ އުސޫލާ ބެހޭ ގޮތުން ދައްކާ ވާހަކަތަކަށް ރައްދު ދީ ވަޓްސްއެޕްގެ އޮފިޝަލަކު ވަނީ ގިނަ ޓްވީޓްތަކެއް ކޮށްފަ އެވެ. އޭގައި ވަޓްސްއެޕްގެ ހެޑް ވިލް ކެތުކާޓް ވިދާޅުވެފައިވާ ގޮތުގައި ވަޓްސްއެޕަކީ ފެށުނީއްސުރެ ވެސް ޕްރައިވެސީ އާއި ރައްކާތެރިކަން ކަށަވަރުކޮށްދޭ އެއްޗަކަށްވާތީ އެކަން އަބަދު ވެސް އޮންނާނީ އެހެންނެވެ. އެއީ އެ މީހުންގެ "ޑީއެންއޭ" ގައި ވާ ކަމެއް ކަމަށާއި ވަޓްސްއެޕަކީ މިހާރު "އެންޑް-ޓު-އެންޑް އެންކްރިޕްޓެޑް" ޕްލެޓްފޯމަކަށްވާތީ ޕްރައިވެސީއާ ދޭތެރޭ ކަންބޮޑުވާން ޖެހޭ ވަރުގެ ކަމެއް ނުކުރާނެ ކަމަށް ބުންޏެވެ.

މީގެ 11 އަހަރު ކުރިން ވުޖޫދަށް އައި ވަޓްސްއެޕަކީ މިހާރު 2.5 ބިލިއަން މީހުން ބޭނުންކުރާ އެއްޗެކެވެ. މާކް ޒަކަބާގްގެ ފޭސްބުކުން އެ ޕްލެޓްފޯމް ގަތީ 2014 ގަ އެވެ.