ރޯލިން ސްޓޯންސްގެ ޑްރަމަރު ޗާލީ މަރުވެއްޖެ

ޗާލީ.

އަހުމަދު އަދްޝަން، މިހާރު

25 އޯގަސްޓް 2021 - 15:16

އިނގިރޭސިވިލާތުގެ މަޝްހޫރު ރޮކް ބޭންޑް ދަ ރޯލިން ސްޓޯންސްގެ ޑްރަމަރު ޗާލީ ވޮޓްސް މަރުވެއްޖެ އެވެ.

މީޑިއާތަކުން ބުނީ 80 އަހަރުގެ ފަންނާނު އަންގާރަ ދުވަހު މަރުވީ ލަންޑަންގެ ހޮސްޕިޓަލެއްގައި ކަމަށެވެ. އޭނާގެ މަރުވި ސަބަބާ ބެހޭ އެއްވެސް ތަފުސީލެއް ނުހިމަނައި، ބޭންޑުން ނެރުނު ބަޔާނެއްގައި ބުނީ ޗާލީގެ ވަކިވުމަކީ އާއިލާ އާއި ބޭންޑާއި އަދި މުޅި މިއުޒިކް އިންޑަސްޓްރީ އަށް ލިބުނު ވަރަށް ފުން ހިތާމައެއް ކަމަށެވެ.

"ޗާލީ އަކީ ވަރަށް ރަނގަޅު ފިރިއެއް ބައްޕައެއް އަދި ކާފައެއް. ވަކިން ހާއްސަކޮށް އޭނާ އަކީ ރޯލިން ސްޓޯންސް އެކު އެ ޖީލުގެ އެންމެ ވަރުގަދަ ޑްރަމަރު،" ބަޔާނުގައި ބުންޏެވެ.

pic.twitter.com/wi6333F6QF
— The Rolling Stones (@RollingStones) August 24, 2021

ދުނިޔޭގެ އެންމެ މަޝްހޫރު ރޮކް ބޭންޑްތަކުގެ ތެރޭގައި ހިމެނޭ ރޯލިން ސްޓޯންސް އަކީ 1962 ގައި އުފަންވި ބޭންޑެވެ. އަދި މިހާރު ވެސް މިއުޒިކީ ދުނިޔޭގައި އެންމެ ނަން ހިނގާ އެއް ބޭންޑެވެ.

އެ ބޭންޑް އުފެދިގެން އައީ މިކް ޓޭލާ އިއާން ސްޓިއުވާޓާއި އާއި ޗާލީ އާއި ބްރަޔަން ޖޯންސާއި ކީތު ރިޗަޑްސްގެ އިތުރުން ބިލް ވީމަންއާ އެކީގަ އެވެ. ރޯލިން ސްޓޯންސްގެ މިހާރުގެ މައިގަނޑު މެމްބަރުންނަކީ މިކް ޖެގާ އާއި ކީތު ރިޗަޑްސްގެ އިތުރުން ރޯނީ ވުޑްސް އެވެ.