ބައިނަލްއަގުވާމީ އެންޓި ކޮރަޕްޝަން ދުވަސް ފާހަގަ ކުރުމަށް ރޭ ބޭއްވި ޖަލްސާގެ ތެރެއިން--- ފޮޓޯ/ އޭސީސީ
10 ޑިސެމްބަރ 2021 - 08:32
10 comments
ކޮރަޕްޝަންގެ އެކި މައްސަލަތަކުގައި ދައުލަތަށް އަނބުރާ ހޯދަންޖެހޭ ފައިސާގެ އަދަދު 3.8 ބިލިއަން ރުފިޔާ އަށް އަރާ ކަމަށް އެންޓި ކޮރަޕްޝަން ކޮމިޝަން (އޭސީސީ) އިން ރޭ ބުނެފި އެވެ.
މި އަހަރުގެ ބައިނަލްއަގްވާމީ އެންޓި ކޮރަޕްޝަން ދުވަސް ފާހަގަކުރުމަށް ބޭއްވި ޖަލްސާގައި އެ ކޮމިޝަންގެ ސެކްރެޓަރީ ޖެެނެރަލް މުހައްމަދު ސަލީމް ވިދާޅުވީ، ވޭތުވެދިޔަ ފަސް އަހަރުގެ ތެރޭގައި 5،040 މައްސަލައެއް ބަލައިދިނުމަށް އެދި ހުށަހެޅި ކަމަށެވެ.
"މިއީ ރަސްމީ ދުވަސްތަކުން ހިސާބު ހަދާ ކަމުގައި ވާ ނަމަ ދުވާލަަކަށް ހަތަރު މައްސަލަ. މީގެން މި ހާމަކޮށްދެނީ ރާއްޖޭގައި ކޮރަޕްޝަން އޮތް މިންވަރު،" ސަލީމް ވިދާޅުވި އެވެ.
ބައިނަލްއަގުވާމީ އެންޓި- ކޮރަޕްޝަން ދުވަސް ފާހަގަ ކުރުމުގެ ގޮތުން ބާއްވާ ޚާއްސަ ހަފްލާ pic.twitter.com/uTJ4DMnfi1
— ACC-MALDIVES (@ACC_Maldives) December 9, 2021
އޭނާ ވިދާޅުވި ގޮތުގައި ކޮރަޕްޝަންގެ ސަބަބުން ގެއްލޭ ފައިސާ ވެސް ވަރަށް ގިނަ އެވެ.
ތަފާސްހިސާބުތަކުން ދައްކާގޮތުން ކޮރަޕްޝަންގެ މައްސަލަތަކުގައި ދައުލަތަށް އަނބުރާ ހޯދަންޖެހޭ ފައިސާގެ އަދަދު 3.8 ބިލިއަނަށް އަރާ ކަން ފާހަގަކުރައްވަމުން ސަލީމް ވިދާޅުވީ އެއީ ރައްޔިތުންގެ ވަރަށް ގިނަ ބޭނުންތަކަށް ބޭނުންކުރެވިދާނެ ފައިސާ ކަމަށެވެ.
"....މިއީ ރަނގަޅު ނިޒާމެއްގެ ތެރެއިން އަޅުގަނޑުމެން މަސައްކަތް ކުރާ ކަމުގައި ވަނީ ނަމަ ގެއްލިގެން ދާނެ ފައިސާއެއް ނޫން،" ސަލީމް ވިދާޅުވި އެވެ.
އޭނާ ވިދާޅުވީ ކޮރަޕްޝަންގެ ސަބަބުން ހަމައެކަނި ގެއްލެނީ ފައިސާއެއް ވެސް ނޫން ކަމަށެވެ. އޭގެ ސަބަބުން މުއައްސަސާތަކަށް އޮންނަ އިތުބާރާއި ވެރިކަމުގެ ނިޒާމާއި އަދުލުވެރިކަމުގެ ނިޒާމަށް ކުރާ އިތުބާރު ވެސް ގެއްލޭ ކަމަށް ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަބަދުވެސް
11 December 2021
ދައުލަތަށް ގެއްލުނު ފައިސާ ހޯދަން އަބަދުވެސް ކޮމިޝަންތައް ހަދާނެ އެމްޑީޕީގެ ވެރިކަމެއްގަ. އެކަމު އެކަން ދަނީ ފުލުން ކޮންމެ ފަހަރަކުވެސް. މިވެނި މީހަކު ކުރިކަމަށް މާކުރިން އަޑުއަރުވާފަ ވެރިކަމަށް އައިސް ރަގަޅަށް ކަންކަން ބަލާލާއިރު ބެލެން ނެތް ނުވަަތަ އަތްލެވެން ނެތް މީހުންގެ މައްސަލަ ކަންނޭނގެ އެންމެ ބޮޑަށް އެކަމާ ގުޅިފަ އޮންނަނީ. ދެން ގޮތްހުސްވަނީ ކަންނޭނގެ. ބައެއް ފަހަރު ލޯ ފުހެލާފަ ބަލާލެވޭއިރު ކޯލިޝަން ހެދިފަ އޮންނަނީ އެއިން މީހަކާއެކު.
އަބުދުލް ޤާދިރު
11 December 2021
ހަމައެކަނި އެންޓިކޮރޮޕްޝަން ކޮމިޝަންގެ ރައީސްގެ ވާހަކައިން އެތަނަށް ސަރުކާރުގެ ނުފޫޒުއޮތްވަރު ހާމަވޭ..
ސަހަރޯ ނުވިއޭ ފައިބާ
10 December 2021
ތިތަނަށް ވައްދަނީ ޖަގަހަ ތަކުން އަންނަ މީހުން އެއީ ސަމައްތަރު ހެއު ވަނާތަށް ފެންނާނެ މިނަށް ބާރު ހެދުންލާ ޒިންމާއެއް އަދާ ނުކޮށް އުޅުނު މީހުން އެމީހުންނަކީ ފެންތަށި ބަޖައްޓަން އުޅުނު މީހުން އަތްފުހޭ ތިބާލި ދޭން އުޅުނު މީހުން ދެން ރަނގަޅުވާނީ އެންމެ ބިލިއަނެއް އޮތަސް ނުވިކަމަށް އެއްބަސްވެ ދިޔުން ވައިނޮޅިން ވައްކަން ކުރި މީހުންވެސް ހަމަ ގޭގަ އަރާނު ކަމާއި އެކީ
ދިއްދޫމީހާ
10 December 2021
ކޮރަޕްޝަންގެ މައްސަލަތަކުގައި ދައުލަތަށް އަނބުރާ ހޯދަންޖެހޭ ފައިސާގެ އަދަދު 3.8 ބިލިއަނަށް، 1-މައުމޫން: އެއާމޯލްޑިވްސް އަދި އެފްއައިޑީ 2-ނަޝީދު: ސާކްސަމިޓް އަދި ޑިޒާސްޓާ ސެންޓަރު 3-ޔާމީން: އެމް.އެމް.ޕީ.އާރް.ސީ
ބޮޑުމީހާ
10 December 2021
އޭސީސީއެއް އުފައްދާ ނަތީޖާއެއް ނުނެރެވޭ ތަނަކަށް ދައުލަތުން އަހަރަކު އެތައް މިލިއަނެއް ޚަރަދުކުރުމަކީވެސް ކޮރަޕްޝަން
ހަސްނަ
10 December 2021
ތިކަހަލަ ފައިސާތައް ހާމަކުރާމީހުންވެސް ވަނީ ތި ފައިސާގަ ޖެހިފަ. ދެން ތިހޯދޭނެ ގޮތެއް ބުނެބަލަ. މޮޅުކަމަކީ ދައުވާ ކުރަނީ އެންމެ މީހަކަށް
ނަތީޖާ
10 December 2021
އޭސީސީ ހިންގުންވަނީ މުޅިން ބޮއްސުންލާފަ. ރަނގަޅު މުވައްޒަފުންވަނީ ކެނޑިފަ. އިދާރީ ހިންގުންވަނީ ސުމަކަށްވެއްޓީފަ
ޑިސްއޮނަރަބަލް ޑީޑީ
10 December 2021
އިނގޭއެއްޗަކީ މަގުމަތީގާ ފަތްބޮއިގެން ރޯނާވެފާއޮންނަކަން. އެންމެންނަށްވެސް އެނގޭ އޮތީ ބޮއިގެންކަން. އެކަމަކު އެމީހުން ގަޔަކު ނުޖެހެވޭ. އަދި ނޭންގެނީ އެމީހުން ހިފާހައްޔަރުކުރާނެގޮތެއް. 3.8 ބިލިޔަނަކީވެސް މިފާޑެއްގެ ކަމެއް.
ނަންނުޖަހަ
10 December 2021
ސަލީމް މެންވަނީ ގުޅުންހުރި މީހުންނަށް މަގާމު ދީފަ
ލިކްލީ
10 December 2021
ކޮރަޕްޝަންގައި ބައިވެރިވެފަތިބި މީހުން މިނިވަން މުއައްސަސާތަކުގެ ވެރިންނަަށް ލާފަ އެބަތިބި..އެމީހުން އެތަންތަނަށް ލީވެސް ވަކިބައެއްގެ ނަންތައް ލިސްޓްތަކުން އުނިކުރަން..ކަންކަން ފޮރުވަން ޖަރީމާތައް ހިންގާހާ ހިނދަކު ކަމެއް ރަނގަޅުނުވާނެ..