އަދުހަމް ބުނީ ހަމަލާ ދިނުމުގައި ބައިވެރިވެވުނީ ދީނީ ގޮތުން ގަބޫލު ކުރެވުނު ކަންތައްތަކެއްގެ ސަބަބުން ކަމަށް. ނަޝީދާއި އިތުރު ބަޔަކަށް އަނިޔާ ވެފައިވާތީ އޭނާ މާފަށް އެދުނު.
ނަޝީދަށް އަމާޒުކޮށް އެއްޗެއް ގޮއްވާލުމުގައި އަމަލީ ގޮތުން ބައިވެރިވި އަދުހަމް: އޭނާ 23 އަހަރަށް ޖަލަށްލާން ވަނީ ހުކުމް ކޮށްފައި
14 ޑިސެމްބަރ 2021 - 13:24
13 comments
ކުރީގެ ރައީސް އަދި ރައްޔިތުންގެ މަޖިލީހުގެ ރައީސް މުހައްމަދު ނަޝީދަށް އަަމާޒުކޮށް އެއްޗެއް ގޮއްވާލައި، ޓެރަރިސްޓް ހަމަލާ ދިނުމުގައި އަމަލީ ގޮތުން ބައިވެރިވި އަދުހަމް އަހުމަދު ރަޝީދު 23 އަހަރަށް ޖަލަށްލާން ކްރިމިނަލް ކޯޓުން މިއަދު ހުކުމްކޮށްފި އެވެ.
މިދިޔަ މެއި މަހު، ނަޝީދު ދިރިއުޅުއްވި ގ. ކެނެރީގެ ކައިރީގައި ނަޝީދަށް އަމާޒުކޮށް ސައިކަލެއްގައިި އެއްޗެއް ގޮއްވާލައިގެން ދިން ހަމަލާގައި ނަޝީދާއި އިތުރު ބަޔަކަށް ވެސް ވަނީ އަނިޔާވެފަ އެވެ. އަދުހަމަކީ އަމިއްލައަށް ތައްޔާރުކޮށްފައިވާ ގޮވާ އެތި ގޮއްވާލުމުގައި އަމަލީ ގޮތުން ބައިވެރިވި މީހާ އެވެ. އެ މައްސަލާގައި އޭނާގެ މައްޗަށް ދައުލަތުން ހަތަރު ދައުވާއެއް ކުރިއިރު، ދައުލަތާ އެކު ހެދި އިއުތިރާފް އެއްބަސްވުމެއްގެ ދަށުން އޭނާ ވަނީ ކޯޓުގައި ކުށަށް އިއުތިރާފްވެފަ އެވެ.
އެ މައްސަލާގައި ކްރިމިނަލް ކޯޓުން މިއަދު ހުކުމްކުރީ އަދުހަމްގެ އަމިއްލަ އިއުތިރާފުން އެ ކުށް ސާބިތުވާ ކަމަށެވެ. އަދި އެ ދައުވާތަކުގެ އަދަބެއްގެ ގޮތުން އަދުހަމާ އެކު ދައުލަތުން ހެދިި އިއުތިރާފް އެއްބަސްވުމުގައިވާ ގޮތަށް 23 އަހަރާއި 6 މަހާއި 9 ނުވަ ދުވަހަށް އަދުހަމް ޖަލަށްލާން ހުކުމްކުރީ ކަމަށް އެ ހުކުމުގައިވެ އެވެ.
ހުކުމް ކުރުމުގެ ކުރިން ކްރިމިނަލް ކޯޓުގައި މިއަދު ބޭއްވި މަޖިލީހުގައި އަދުހަމް ވަނީ އިއުތިރާފް އެއްބަސްވުމުގައިވާ ގޮތަށް އިއުތިރާފް ދަމަހައްޓަން ބޭނުންވާ ކަމަށް ބުނެފަ އެވެ. އެ ހަމަލާ ދިނުމުގައި ބައިވެރިވެވުނީ ދީނީ ގޮތުން ގަބޫލު ކުރެވުނު ކަންތައްތަކެއްގެ ސަބަބުން ކަމަށާއި އެ ހަމަލާގައި ނަޝީދާއި އިތުރު ބަޔަކަށް އަނިޔާ ވެފައިވާތީ ނަޝީދާއި އަނިޔާ ލިބުނު އެންމެންގެ ކިބައިން މައާފަށް އެދޭ ކަމަށް ވެސް އަދުހަމް ބުންޏެވެ.
އަދުހަމް 23 އަހަރަށް ޖަލަށްލާން ހުކުމް ކުރިޔަސް، އޭނާ ބަންދުގައި ހޭދަކުރި މުއްދަތު ހުކުމުގެ މުއްދަތުން އުނިކުރަން ޖެހޭނެ އެވެ.
އަދުހަމް ކުށަށް އިއުތިރާފްވި އެ ޝަރީއަތުގެ ބޮޑު ބައެއް ކުރިއަށް ގެންދިޔައީ ސިއްރުކޮށްގެންނެވެ. އެ މައްސަލަ ބެއްލެވީ ތިން ފަނޑިޔާރުންގެ ބެންޗަކުންނެވެ.
ނަޝީދަށް ދިން ހަމަލާއާ ގުޅިގެން އިތުރު ގިނަ ބައެއްގެ މައްޗަށް ވެސް ދައުލަތުން ދައުވާ ކުރެ އެވެ. އެ މައްސަލަތަކުގެ ޝަރީއަތް ކުރިއަށް ގެންދަނީ ވަކިންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އެމްސް
15 December 2021
އަސްލު ބޮސް ނުހޯދާބާ؟
މަޢާފް ކޮށްފިން އިނގޭ
14 December 2021
ﷲ އީ ގިނަގިނައިން ޢަފޫ ކުރައްވާ އޯގާވަންތަ އިލާހެވެ. ވީއިރު އެކަލާނގެ އަޅުން އެކަކު އަނެކަކަށް މަޢާފް ނުދީ ވާކަށް ނެތެވެ. އަދުހަމްގެ ޙަމަލާއިން މީހަކު މަރުނުވިކަމީ ﷲގެ ރަޙްމަތެކެވެ.
ފޯގެރި
14 December 2021
ކަލެއައް މާފުކުރާކައް ނުޖެހޭނެ ޖަަލުގަ އޮވޭ ކާންވެސް ދޭނެކަމެއްނެއް ކަލޭ އުޅުނު ގޮތުގެ ހިތި ވާނެ ބަލަން
ނައިކް21
14 December 2021
ބޮޑަކަށް ހަމަލާ ދިނީމަ އަވަހޭދޯ ހުކުމްވެސް.. ބޮޑު މައްސަލައެއްވިޔަސް.. އެހެން ނޫންނަމަ 2 އަހަރާ 9 އަހަރާ ދެމެދު ހޭދަވާނެ ހުކުމެއް ކުރަންވެސް
ކެނެޑީ
14 December 2021
އަދުހަމެއް ގާސިމެއް ހަސަނެއްކިޔާނެ ކަމެއްނެތް މިމީހުންގެ ބޮލަށްސަވާރުވާ މުއްލާއިން މިހިނދުންމިހިނދަށް ހައްޔަރުކޮށް 100 އަހަރަށް ޖަލަށްލުން އެދެން. އެއީ އަދުހަމް ކަހަލަ 100 އަދުހަމް ޖަލަށްލިޔަސް އަދުހަމުގެ ސިކުނޑިއަށްވެއްދި ފިކުރު ޖަލަށްނުދާހާހިނދަކު އެމުއްލާއިން ތީގެ އަދުހަމެއް އިސާހިތަކު ތައްޔާރުކޮށްލުމަކީ ވަރަށްކައިރީގައިވާކަމެއް
ޟުއްލާ
14 December 2021
އަޑީގަ އޮތީ މުއްލާއެއް ކަމެއް ގުންޑާއެއް ކަން އިނގޭތަ؟
ގޯގޯ ލަތީފް
14 December 2021
ޖަލައް ލީމާ ދެން ހަލާކު ކުރާނީ އެތަނުގަ ތިބި މީހުން .. އެން ރަނގަޅުވާނީ މަރުހެ އަދަބު ދިނުން
މަގޭ ސަމުސާ
14 December 2021
އެންމެ ގޮތަކައްވެސް ދުލެއް ނުދީ 23 އަހަރު ޖަލުގަ ބަހައްޓަން ޖެހޭނެ. ސިޔާސީ ވެރިން އަތްބާނައިގެންވެސް މީނައައް ދުލެއް ލިބިއްޖިއްޔާ ގައުމުގަ މިފަދަ ކަންކަން ކުރުމައް ލިބޭ ބާރަކައް ވާނީ. ރޮޓްއިންޖެއިލް!!
ޢިސްރާފް
14 December 2021
ޖަަލައްލީމައެވަނީ ޖޯކަކަށް ދައުލަތަށް ބޮޑުބުރައަކަށް ރައްޔިތުން މީނާބަލަހައްޓައި ކާންދީ ބޯންދީ ބޭސްފަރުވާދީ، ހުރިހާބުރައެއް ރައްޔިތުންނަށް ނިކަން މަރުގެ އަދަބުދީބަލަ މިކަހަލަ ބޮޑެތިކުއްކުރާމީހުންނަށް
އޭނީ
14 December 2021
މިގައުމުގެ އެތަށް ދަރިންނެއް ހަރުކަށި ފިކުރުގަޖެހި މީހުންމެރުން ފޭރުން ފޭރިގެންހޯދާ ފައިސާ ހަލާލުކަމަށް ހަދައި ގައުމު އޮޔާގޮއްސިއެވެ.
އިއއwoއwiޖjs
14 December 2021
އެތަށް...އ ސުކުން ބުރޯ.. ދަސްކުރޭ
ކޮންޑޮރިއާނޯ
14 December 2021
ޔޫ އާ އޮންލީ ސޮރީ ޔޫ ގޮޓް ކޯޓް!
ބޮކިފުރާޅު ޢީސާ
14 December 2021
މިމީހުން ބޯކާލާފާ ހުންނަވަރީ، ކަންކޮށްނިމުނީމާ ހަމަހޭޖެހެނީ. އޭގެކުރިން ބޮލަކަށް އިނީ ވާކޭ އުނބުގަނޑެއް.