އަންނަ އަހަރުގެ ބޯހިމެނުމަށް 800 ޓެބްލެޓް ހޯދަނީ

އިފްރާޒް އަލީ، މިހާރު

30 ޑިސެމްބަރ 2021 - 11:36

ހަތް އަހަރަށް ފަހު، އަންނަ އަހަރު ރާއްޖޭގައި ބާއްވާ ބޯހިމެނުމުގައި ބޭނުންކުރުމަށް 800 އަށް ވުރެ ގިނަ ޓެބްލެޓް ހޯދަން ފިނޭންސް މިނިސްޓްރީން އިއްޔެ އިއުލާންކޮށްފި އެވެ.

މޯލްޑިވްސް ބިއުރޯ އޮފް ސްޓެޓިސްޓިކްސް އަށް ބޭނުންވާ ޓެބްލެޓް ހޯދަން ފިނޭންސް މިނިސްޓްރީން ކުރި އިއުލާނުގައި ބުނީ ބޯހިމެނުމަށް 812 ޓެބްލެޓް ބޭނުންވާ ކަމަށާއި މި ތަކެތި ސަޕްލައިކޮށްދިނުމަށް ޝައުގުވެރިވާ ފަރާތްތަކުން ބީލަން ހުށަހެޅުމުގެ ފުރުސަތު މިހާރު ހުޅުވާލާފައިވާ ކަމަށެވެ.

އަންނަ މަހުގެ 24 ގެ ކުރިން ބީލަން ހުށަހަޅަން ޖެހެ އެވެ. މި މަސައްކަތް ކުރުމަށް ޝައުގުވެރިވާ ފަރާތްތަކުން އަނބުރާ ނުލިބޭ ފީއެއްގެ ގޮތުގައި 500ރ. އަދި ބިޑް ސެކިއުރިޓީގެ ގޮތުގައި 33،000ރ. ބަހައްޓަން ޖެހޭނެ އެވެ.

ބޯހިމެނުން އޮންނާނީ އަންނަ އަހަރު ސެޕްޓެމްބަރު 17 އިން 30 ގެ ނިޔަލަށެވެ. އަދި އަންނަ އަހަރު އޮކްޓޯބަރު ހައެއްގައި ބޯހިމެނުމުގެ ވަގުތީ ނަތީޖާ އިއުލާނުކޮށް، ދާއިމީ ނަތީޖާ އެ މަހު 20 ގައި އިއުލާނުކުރަން ވަނީ ކަނޑައަޅައިފަ އެވެ.

މި އަހަރު ތެރޭގައި ވަނީ ބޯހިމެނުން ފަށަން ތައްޔާރުވުމުގެ ގޮތުން ޕްރީ ޓެސްޓިން އަދި ޕައިލެޓް ސެންސަސްއެއް ކުރިއަށް ގެންގޮސްފަ އެވެ.

އެންމެ ފަހުން ރާއްޖޭގައި ބޯހިމެނީ 2014 ގަ އެވެ. އެ އަހަރުގެ ބޯހިމެނުމުން އެނގުނު ގޮތުގައި ރާއްޖޭގައި ދިރިއުޅޭ މީހުންގެ އާބާދީ 500،000 އަށް ވުރެ ގިނަ އެވެ. އެއީ ދިވެހިންނާއި ރާއްޖޭގައި މަސައްކަތްކުރާ ބިދޭސީން ހިމަނައިގެންނެވެ.

ފިނޭންސް މިނިސްޓްރީ ޓެބްލެޓް ބޯހިމެނުން

6 ކޮމެންޓް, 1 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ގަމާރު ޚަރަދު

31 December 2021

މިއޭ މައްސަލައަކީ. ކޮންމެ ގެއެއްގައި ސްމާރޓް ފޯނެއް އޮންނައިރު މިކަން މިކުރާގޮތަކުން މޮޔަވެދާނެ ބަޔަކު. އައިޑީކާރޑު އެހެރީ، ވިހާ، މަރުވާ އެހެރީ. ކައުންސިލްތައް އެހެރީ. ބިލުތަކުން ޑިސްކައުންޓް ދިނަސް އަމިއްލައަށް ކުރާނެ. ވަގަށް ވިޔަސް ބިދޭސީން ވެސް ތިބޭނީ ކޮންމެވެސް ދިވެއްސެއް ކާރީގަތާ. ބޯހިމެނީމާ ރީލޯޑެއް، ޑޭޓާއެއް ދިނަސް ބިދޭސީން ކުރާނެ. ކޮން ބޭކާރު ޓެބްލެޓެއް ކޮރަޕްޝަން ހިންގާކަށް. ޓެކް ތިވަނީ ހިޔާނާތަށް މަގުފަހި ކުރަން އެކަނިތަ؟ ގަމާރު!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢައިމިނަ

30 December 2021

ޙާއްސަ ޓެބުލެޓް ކުންތަ މީގެކުރިންވެސް ބޯހިމެނީ ބައްޕަމެން ދުނިޔޭގަވެސް ތިކަންކުރި ޓެބުލެޓް ބޭނުމެއްނުކުރޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަވަރު ތިނަދޫ މީހާ

30 December 2021

ބޯހިމެނުމުން ބޯހިޔާވަހިކަން ލިބޭތަ. ހަވަރު ތިނަދޫގަ ބޯހިމަނަނީ ޔާމިންގެ ސަރުކާރުން ހިއްކާފަ އޮތް 63 ހެކްޓަރުގެ ހިއްކިބިމުގަ ކުޑަކަކޫމައްޗަށް ތިރިވެ ތިބެތޯ. މިނިސްޓަރު އަސްލަމް ނިކަން ބުނެދީބަލާށެވެ. ކާކަށް ދައްކަންތޯ އެތަނުން ގޯތި ދޫނުކޮއް ބާއްވާފަ އެއޮތީ. އަހަރުން މިކިޔަނީ ކަލޭމެން ތަންތަން ހަދާނެކަމެއްނެތޭ ގޯތި ދިނީމަ އަހަރުމެންގެ ފެންވަރުން އަހަރުމެން ހަދާފާނަމޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޤައުމުދެކެ ލޯބިވާ ރައްޔިތު މީހާ

30 December 2021

ޓެބުލެޓާނުލާ ތިކަންވެސް ނުވަނީތާ! ޤައުމުގެ އިޤުތިޞާދު ނާޒިކު ފައްތެރެއްގައި އޮއްވައި ޓެބުލެޓު... ޚަރަދުކުރުން ހުއްޓާލާފައި ތީގެވެސް އެހެން ޙައްލަކަށް ދިއުމަށް އިލްތިމާސް ކުރަން. ނުވިސްނާ ކުރެވޭ ޚަރަދުތަކުން ފޫނުބެދޭ ގެއްލުންތަކާއި ކުރިމަތިލުމަކީ ދުރުނޫން މުސްތަޤުބަލެއްގައި ތަޖުރިބާ ކުރަންޖެހިދާނެ ކަމަކަށް ވުން އެކަށީގެންވޭ! ތިކަމަށް ޚަރަދުކުރާ މިލިޔަން މިލިޔަން ރުފިޔާއިން ޤައުމުގެ ދަރަނި އަރައްޏަށް ހެދުން މުހިއްމު. ވަރަށް ސަލާމު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖަންބުލް ހަސަނު

30 December 2021

ނަމަނަމަ ތިޓެބުލެޓުތަކުގެތެރެއަށް ކޮރަޕްޝަން އަރުވާނުލާތި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކާސިމްބެ1

31 December 2021

ހީވާ ގޮތުން މިހާރުވެސް އަރާފަ އޮތީ.. އެކަން ބަލަންތިބި މީހުންވެސް މިހާރު އެތިބީ އިސްތިއުފާ ދޭން މަޖުބޫރުކޮށް ދުރުކޮށްފަ .. ދެން ކޮންމެ ކަމެއް ކުރިއަސް ބަލާނެ ބަޔަކު ނެތް.. މަގޭ ހިތަށް އަރަނީ ތިޔަ 800 ޓެބްލެޓް ބޯހިމަނާ ނިމޭއިރު ފެންނާނެބާއޭ..