ކޮމަންޑޫގައި އައިސްޕްލާންޓެއް ހަދަން ފެނަކައާ ހަވާލުކޮށްފި

ކޮމަންޑޫގައި އައިސްޕްލާންޓެއް ހަދަން ފެނަކައާ ހަވާލުކުރަން ފިޝަރީޒް މިނިސްޓްރީގައި ބޭއްވި ރަސްމިއްޔާތު.-- ފޮޓޯ: ފިޝަރީޒް މިނިސްޓްރީ

އިފްރާޒް އަލީ، މިހާރު

30 ޖެނުއަރީ 2022 - 20:59

25 comments

ކޮމަންޑޫ ދާއިރާގެ ބައި އިލެކްޝަނާ ދިމާކޮށް އެ ދާއިރާގައި ކުއްލިއަކަށް ގިނަ މަޝްރޫއުތައް ހިންގާ ކަމަށް ފާޑުކިޔަމުން ދަނިކޮށް، ފަސް މިލިއަން ރުފިޔާ ހަރަދުކޮށްގެން ކޮމަންޑޫގައި އައިސްޕްލާންޓެއް ހެދުމުގެ މަސައްކަތް ފެނަކަ ކޯޕަރޭޝަނާ މިއަދު ހަވާލުކޮށްފި އެވެ.

ފިޝަރީޒް މިނިސްޓްރީން ފެނަކައާ އެކު ސޮއިކުރި މި އެއްބަސްވުމުގެ ދަށުން ކޮމަންޑޫގައި ހަދާ މި އައިސްޕްލާންޓްގައި ދުވާލެއްގެ މައްޗަށް 25 ޓަނުގެ އައިސް އުފެއްދޭނެ އެވެ. އަދި 50 ޓަނުގެ އައިސް ރައްކާކުރުމުގެ ކެޕޭސިޓީ ވެސް ހުންނާނެ އެވެ.

މި އެއްބަސްވުމުގައި ފިޝަރީޒް މިނިސްޓްރީގެ ފަރާތުން ސޮއިކުރެއްވީ އެ މިނިސްޓްރީގެ ފައިނޭންޝިއަލް ކޮންޓްރޯލާ އީނާޝް ނަސީރެވެ. އަދި ފެނަކައިގެ ފަރާތުން ސޮއިކުރެއްވީ އެ ކުންފުނީގެ މެނޭޖިން ޑިރެކްޓަރު އަހްމަދު ސައީދު މުހައްމަދެވެ.

ޕީއެސްއައިޕީގެ ތެރެއިން ކުރިއަށް ގެންދާ މި މަޝްރޫއު ހަ މަސް ދުވަހުގެ ތެރޭގައި ނިންމަން ޖެހެ އެވެ.

ކޮމަންޑޫގައި 25 ޓަނުގެ އައިސްޕްލާންޓެއް އެޅުމާ ގުޅޭގޮތުން މިނިސްޓްރީ އޮފް ފިޝަރީޒް، މެރިން ރިސޯސަސް އެންޑް އެގްރިކަލްޗަރ އާއި @TeamFenaka އާ ދެމެދު އެއްބަސް ވުމެއްގައި މިއަދު ސޮއި ކުރައްވައިފި pic.twitter.com/dsa1vRCISz
— Min. of Fisheries, Marine Resources & Agriculture (@MoFMRAmv) January 30, 2022

ކޮމަންޑޫ ދާއިރާގެ ގޮނޑި އަށް ސަރުކާރު ހިންގާ މައި ޕާޓީ، އެމްޑީޕީގެ ކެންޑިޑޭޓަކާއި އިދިކޮޅު ދެ ކެންޑިޑޭޓަކު ވާދަކުރާ އިރު، އިންތިހާބަށް ވަގުތު ކުޑަތަން ވެފައި ވަނިކޮށް، ސަރުކާރުން އެ ދާއިރާގެ ރަށްތަކުގައި ވަރަށް ގިނަ މަޝްރުއޫތައް އިއުލާންކޮށް އަދި ބައެއް މަޝްރޫއުތަކުގެ އަމަލީ މަސައްކަތް ވެސް ފަށާފައިވެ އެވެ.

އެންމެ ބޮޑު ފާޑުކިޔުމެއް އަމާޒުވީ، ކޮމަންޑޫ އާއި އެ ރަށާ ޖެހިގެން އެއް ފަޅެއްގެ ތެރޭ އޮންނަ ފަޅު ރަށެއް ކަމަށްވާ މަތިކޮމަންޑޫ ގުޅާލުމަށް ސަރުކާރުން ފެށި މަޝްރޫއަށެވެ. މިއީ އިންތިހާބަށް ނުފޫޒު ފޯރުވަން ކުރާ ކަމެއް ކަމަށް ތުހުމަތުކޮށް، މި މައްސަލަ ބަލައިދޭން ވަނީ އޭސީސީ އަށް ވެސް ހުށަހަޅައިފަ އެވެ.

މި މަޝްރޫއުތައް ހިންގަނީ އިންތިހާބަށް ނުފޫޒު ފޯރުވުމުގެ ގޮތުން ކަމަށް، މި ގޮނޑިއަށް ވާދަކުރާ އިދިކޮޅު ޕާޓީތަކުގެ ކެންޑިޑޭޓުން ވަނީ ތުހުމަތުކޮށްފަ އެވެ.

އެމްޑީޕީގެ ފަރާތުން މި ގޮނޑިއަށް ވާދަކުރަނީ މުހައްމަދު ރާޝިދެވެ. އަދި އިދިކޮޅު ޕީޕީއެމްގެ ފަރާތުން މޫސާ ފަތުހީ ވާދަކުރާ އިރު، މީގެ ހަތަރު މަސް ކުރިން އުފެއްދި، އެމްއެންޕީން ވާދަކުރަނީ އަބްދުލްހަންނާން އިދުރީސެވެ.

ށ. ކޮމަންޑޫ ފިޝަރީޒް، އެގްރިކަލްޗާ މިނިސްޓްރީ އައިސް ޕްލާންޓް ފެނަކަ ކޯޕަރޭޝަން ކޮމަންޑޫ ދާއިރާގެ ބައި-އިލެކްޝަން

25 ކޮމެންޓް, 13 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޝަފީރު

31 January 2022

ކޮމަންޑޫ މީހުންނަށް ފަސޭހައެއް ލިބުނު ކަމަށްވާނީ ކީކިމިނި މަސްކާރުޚާނާ ހިފެހެއްޓުމެއްނެތި އޮޕަރޭޓު ކުރަންފެށުން. ގާސިމް ވެސް ބުނީ ތިމަންމަނިކުފާނުގެ ރަށް ވެސް ލިބެން އޮތީ މި ގޮނޑި އެމްޑީޕީއަށް ދިނީމައޭ. ގާސިމްއާ ސަރުކާރާ ވެގެން މިކަމެއްނު ކޮށްދޭށޭ ދާއިރާ ކުދިން ބުނަންވީ. ޥަޒީފާވެސް އޮތީ އެތާނގަގޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޝަފީރު

31 January 2022

މަނިކާ ރޯއްޖާވޭ. 25 ޓަނުގެ އައިސް ޕްލާންޓެއް ހަދަން 5 މިލިޔަން ރުފިޔާ. . ހޯރަފުށީ އައިސް ޕްލާންޓް މިފްކޯއިން ހަދައިދިން ފަހުން ކިތައް އަހަރުވެއްޖެތޯ. ޢެކަމަކު އޭތި ބޭނުންކުރުމެއްނެތް. މިކަން ނިމި ބޭނުންކުރަން ފަށާނީ 2023 ގައި ކެމްޕޭނުގައި ހޯރަފުށީ ދަތުރު ފެށުނު ދުވަހަކުން؟؟؟؟ޟިޕްލާންޓަށްވެސް ވާނީ. ޥައުދު ޕްލާންޓަށް ވެފައޮހުރިގޮތް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮރަލް

31 January 2022

އެމްޑީޕީ ކެންޑިޑޭތް އަށް ވޯޓް ނުދޭން ޖެހޭ ހުރިހާ ސަބަބެއް ސަރުކާރުން ހާމަ ކޮށް ފި އެވެ. ބައިތުލް މާލް ގަ ހުރި ފައިސާ އަކީ ދިވެހި ހުރިހާ ރައްޔިތުންގެ އެއްޗެކެވެ. އެއީ އެންމެ ރަށެއްގެ ނޫނީ އަތޮޅެއް ގެ ބަޔަކަށް ދޭން ޖެހޭ އެއްޗެކެވެ. އިންތިހާބަކާ ދިމާ ކޮށް ކަންކަން ކުރާ ނަމަ އެއީ ކޮރަޕްޝަނެވެ. ވީމާ ކޮރަޕްޝަނަށް ނޫނެ ކޭ ބުންނަ ޖެހެ އެވެ. އެކަން ވޯޓް އިން ހާމަ ކޮށް ދޭން ވީ އެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަހައްމަދޫ

31 January 2022

ފޯރި އެބަހުއްޓެއްނު. މިނޫން ދާއިރާއެއް މިހާރު ނެތްކަހަލަ. މިވަރަށް އިންތިހާބަކަށް ނުފޫޒު ފޯރުވޭނީ. ކޮބާ އީސީ . އާނ. ނަގާ ހޫރާލަފާނެތީ އެއްޗެއް ބުނަންވެސް ނުކެރޭނެވިއްޔާ. މިހާވަރަށް ތަނަކަށް ޑެމޮކްރަސީ އަންނާނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޮޑުމީހާ

31 January 2022

ކޮމަންޑޫގައި ޖައްވީ ސްޓޭޝަނެއްވެސް ހަދަންވީ، ޓާޝިއަރީ ހޮސްޕިޓަލަކާއި ޔުނިވާސިޓީތަކާއި، 100 ބުރީގެ އިމާރާތްވެސް އަޅަންވީ.... މިމީހުން ދައްކާ ވާހަކައާއި އަމަލާއި ދުވަހަކުވެސް ދިމާ ނުވާނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރާމިޒް ، ބާރަށް

31 January 2022

ކުޅުދއްފުށީ އެއަރ ޕޯޓު ތަރައްޤީ ކުރުމާއި ރެސްޓޯރެންޓް ފާޚާނާ ބަރި އެއަރ ޕޯޓު ކޮޅުން ގިރާ ސަރަހައްދުގެ މަޝްރޫޢުތައް ވެސް ވަނީ ތިގޮތައް ޙަވާލުކުރެވިފައި ، ކުރިއަށް ކަނޑާތަނެއް ނުފެނެއެވެ. ގޮނޑިއެއް ހުސް ނުވާތީބާ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުކޭ

31 January 2022

މިކަން ތަހުގީގު ކުރަން ގޮވާލަން މިމަކީ ކުރިން ބަޖެޓު ކުރެވުފައިވާ ކަމެއްނޫން އަދި އައިސްޕްލާންޓް އަޅާ ލިސްޓުގައިވެސް ކޮމަންޑުނެތް ކުރިން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކައުންސެލަރު

31 January 2022

ކީހާޅެން ފަރިއްސަށްވެ ނިމެނީ. ތަރައްގީއަކީ ކޮންކުރީޓެއްނޫނޯ. ތެދެއް؟! މަހާޖައްރާފުން ކަނޑުއަޑިން ނަގަނީ ކޮންކުރީޓެއްނޫން. އެމްބިލުލާންސްގެ ހުރީ ދަގަނޑާ ޕްލާސްޓިކު. އައިސް ޕުލާންޓުގަ ހުރީ ރަން. ލަދުގަންނާނީ ކީކޭ ކިއްޔާ؟ އިންތިހާބަށް ނުފޫޒު ނުފޯރުވާ މިފޯރުވަނީ (....) މާދަމާ ކޮމަންޑޫ ދާއިރާ އެއްކޮށް އުޑާ ބިމާ ދޭތެރޭ ހަވާ33 ގާނަށް އުފުލާގޮތަށް އޮތީ ހަމަޖެހިފަ. ކަޑަ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލީ އަލީ

31 January 2022

އަދި އިލެކްސަންގެ ކުރިން ރަންއިލޮށިވެސް ކޮމަންޑޫއަށް ގެންދާނެ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަދީފްއޮފިޝިއަލް

31 January 2022

ސަރުކާރު:ސަރުކާރުގެ މެމްބަރެއް ހުރެގެން ކަންކަން ކުރެވޭނީ. އޯލްސޯ ސަރުކާރު (ކޮމަންޑޫ ދާއިރާގެ ގޮނޑި މިވަގުތު ހުރި ހުސްކޮށް ، އެހެންވީމަ ކަންކަންކޮށް ދިނުމުގެ އިހްލާސްތެރިކަން ހުރިކަމަށްވާނަމަ ކަންކަން ކުރެވޭނެ).