ވަގަށް އަދާލަތު ޕާޓީއަށް ވައްދާފައިވާ ކަމަށް ތުހުމަތުކުރާ އާއިލާގެ މީހަކު، ޕީޕީއެމްގެ ބައެއް މެމްބަރުންނާ ބައްދަލުކުރައްވަނީ.-- ފޮޓޯ: ޕީޕީއެމް
28 އެޕްރީލް 2022 - 23:31
19 comments
ޕީޕީއެމަށް ސޮއިކޮށްފައިވާ އާއިލާއެއްގެ ނަމުގައި "ވަގަށް" ފޯމު ހުށަހަޅައިގެން އަދާލަތު ޕާޓީއަށް ވައްދާފައިވާ ކަމަށް ތުހުމަތުކޮށް އެ މައްސަލަ ކޯޓަށް ހުށަހަޅަން ނިންމައިފި އެވެ.
ޕީޕީއެމްގެ ފޭސްބުކް ޕޭޖުގައި މިއަދު ބުނެފައިވަނީ އާއިލާގެ ހަތަރު މީހަކު އަދާލަތު ޕާޓީއަށް ވައްދާފައިވާ މައްސަލަ އެ އާއިލާއިން ޕާޓީއަށް ހުށަޅާފައިވާ ކަމަށެވެ.
އަދާލަތު ޕާޓީން އިލެކްޝަންސް ކޮމިޝަން (އީސީ) އަށް ހުށަހަޅި ފޯމުގައި ޖަހާފައިވާ ގޭގެ ނަމްބަރަކީ ރަޖިސްޓްރީކޮށްފައިވާ ނަމްބަރެއް ނޫން ކަމަށާއި އަދި ހެކިންގެ ގޮތުގައި ސޮއިކޮށްފައިވާ މީހުންގެ ނަމްބަރަށް ގުޅުމުން އެއީ ވެސް އޮޅުވާލައިގެން ލިޔެފައިވާ ނަމްބަރުތަކެއްކަން އެނގިފައިވާ ކަމަށް ޕީޕީއެމުން ބުންޏެވެ.
"އެ ބޭފުޅުންގެ ފިންގަޕްރިންޓާއި ފޯމުގައި ޖަހާފައިވާ ފިންގަޕްރިންޓާ ދިމާ ނުވާ" ކަމަށް ވެސް ބުނެފައިވެ އެވެ.
ޕީޕީއެމުން ވަނީ އެ ހަތަރު ފޯމުގެ ފޮޓޯ އާއި އެ ތަނުން މީހެއްގެ ވީޑިއޯއެއް ސޯޝަލް މީޑިއާގައި ހިއްސާކޮށްފަ އެވެ.
އެ ވީޑިއޯގައި އަންހެން މީހާ ބުނީ އެ އާއިލާގެ 13 މީހުން ޕީޕީއެމަށް ސޮއިކޮށްފައިވާ ކަމަށެވެ. އެކަމަކު މި ފަހުން ބެލިއިރު އޭނާގެ ނަން އޮތީ އަދާލަތު ޕާޓީގައި ކަމަށާއި އެއީ މައްސަލައެއް ކަމަށް އޭނާ ބުންޏެވެ.
ޕީޕީއެމްއަށް ސޮއިކޮށްފައިވާ އާއިލާއެއް އަދާލަތު ޕާޓީއަށް އެފަރާތްތަކަށް ނޭނގި ވައްދާފައިވާތީ އެ ޢާއިލާގެ ފަރާތުން މިމައްސަލަވަނީ ޕީޕީއެމަށް ހުށައަޅާފައި. އަދާލަތުން ހުށައަޅާފައިވާ ފޯމުގައި ގުޅޭނެ ކަމަށް ބުނެފައިވަނީ ރަޖިސްޓްރީ ކޮށްފައިވާ ނަމްބަރެއް ނޫން. 1/3 pic.twitter.com/l3Kx6YGy3G
— Progressive Party of Maldives (@ProgressPartyMV) April 28, 2022
"އަހަރެން ވެސް، އަހަރެންގެ ފިރިމީހާ ވެސް އަދި އަހަރެމެންގެ ދަރިފުޅުމެން ވެސް އަދާލަތު ޕާޓީގައި. ދެން އަހަރެންނަށް ކިހިނެއް ވެގެން ވީ ކަމެއްތޯ ބަލަން އަހަރެން އިލެކްޝަނަށް ސިޓީ ލީ. ލާފައި އެ މީހުން ބުނީ ކަލޭމެން ގަބޫލުނުވާ ކަމަށް ވަންޏާ ވަކިވާން ފޯމު ލާށޭ. އަހަރެން ބުނީ އެ އެއް ނޫނޭ އަހަރެން ބޭނުންވަނީ. އަހަރެން ބޭނުންވަނީ އަހަރެން ނަމުގައި އެތަނަށް ވައްދާފައި އިން ފޯމު ހޯދާށޭ،" އޭނާ ބުންޏެވެ.
އަންހެން މީހާ ބުނީ ފޯމު ނުދެވޭނެ ކަމަށް ބުނުމުން އީސީގެ ރައީސް ފުއާދު ތައުފީގާ ބައްދަލުކޮށް އެ ޝަކުވާ ހުށަހެޅީ ކަމަށެވެ. އަދި އެ އެންމެންގެ ނަމުގައި ސިޓީ ހުށަހެޅުމުން އަދާލަތަށް ވައްދަން އެ ކޮމިޝަނަށް ފޮނުވި ފޯމު ލިބިފައިވާ ކަމަށް ބުންޏެވެ.
"އަހަރެން މި ހިރީ މި ފޯމު ނަގާފައި. އަހަރެން ބޭނުން ޝަރީއަތުގައި މި މައްސަލަ ޖައްސަން. މިއީ އަހަރެމެންގެ ފިންގަޕްރިންޓު ނޫންކަން އެނގޭނެ. މިއީ ފައިގެ އެއްޗެއް. ފައިގެ ބޮޑުވާ އިނގިލިން ޖައްސާފައިވާ އެއްޗެއް. މިހާ ބޮޑު ވައްކަން އަދާލަތުން ކުރަނީ،" އޭނާ ބުނެ އެވެ.
ނަމަވެސް މި ކަމުގައި އަދި އަދާލަތުގެ ބަހެއް ނުލިބެ އެވެ.
މިދިޔަ އޮކްޓޯބަރު މަހުން ފެށިގެން މިހާތަނަށް ޕީޕީއެމްގެ 5،000 މެމްބަރުން އެހެން ޕާޓީތަކަށް ވައްދާފައިވާ ކަމަށް ޕީޕީއެމުން ބުނެ އެވެ. އެ މައްސަލަ ފެންމަތިވު މާއެކު އީސީން ވަނީ ޕާޓީ ރަޖިސްޓްރޭޝަން ސެކްޝަންގެ އޮޑިޓެއް ހަދަން ނިންމައިފަ އެވެ.
ޕާޓީތަކަށް މެންބަރުން އިތުރު ކުރުމަށް ފައިސާގެ އިނާމު ދީގެން ވެސް ކެމްޕޭނުތައް ހިންގާއިރު ފައިސާގެ ބޭނުމުގައި، އޮޅުވާލައިގެން މީހުންގެ ނަމުގައި ފޯމު ހުށަހަޅަ އެވެ. އަދި ބައެއް މީހުން އެކި ބޭނުންތަކަށް އެހެން ޕާޓީތަކަށް ރުހުމުގައި ސޮއިކުރި ނަމަވެސް ކުރިން އޮތް ޕާޓީގެ މީހުން ގާތު އެއީ ވަގަށް ފޯމު ލައިގެން ކޮށްފައިވާ ރަޖިސްޓްރީއެއް ކަމަށް ބުނާ މައްސަލަ ވެސް ދިމާވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ލޭކަރުނަ
30 April 2022
ތީ ޢާންމު ކަމެއް. ޕީޕީއެމްގަ ތިކަހަލަ ކިތައ ފޯމާ ދިމާނުވާ ފިންގަރޕްރިންޓް ހުރިތޯ ބަލާބަލަ. ހުރިހާ ޕާޓީއެއްގައިވެސް ތިކަން އިންތިހާއަށްހުންނާނެ. ޞޭކާރު ވާހަކަ ނުދައްކާ. ޢެހެން ވިއްޔާ އީސީން ފަށަންވީނު ހުރޮހާ ޕާޓިއެއްގެ ފޯމުތަކުގެ ފިްނގަރ ދިމާވޭތޯ ބަލަން؟ ތިކަމާ ގުޅިގެން ތިޕާޓިއާ ދެކޮޅަށް ކޯޓަށް ވައްދާ މައްސަލަތަކަށް ތައްޔާރުވާތި. ތިފަށަނީ ކަމެއް އިނގޭ؟
ޖުމެއިންސަން
30 April 2022
ދިވެހިރާއްޖޭގެ ސިޔާސީ ޕާޓީތަކާއި ސިޔާސީ މީހުންނަކީ ވަރަށް ކޮރަޕްޓް ބައެއް އަމިއްލަ އެދުމަށްޓަކައި ހަރާމެއް ހަލާލެއް ރަނގަޅެއް ގޯހެއް ނުބަލާ ކޮންމެކަމެއްވެސް ކޮށްލާ މީހުން ވަގަށް ޕާޓީއަށް މީހުންވެއްދުމަކީވެސް ހަމަ ހުރިހާ ޕާޓީއަކުންވެސް ހިންގާ ޖަރީމާއެއް ތިތާ ނޫޅޭ ރަނގަޅު އެއްބައެއްވެސް ވަރަށް ސަލާމް
ރެޑްވޭވް
30 April 2022
ކުރިން 5000 ފޯރމް އޭ ކިޔާފައި ވަރަށް އަޑުއަރުވާފައި ނިމުނުއިރު މިވީ އެންމެ ދެތިން ފޯރމްއަށް. ބޮޑަށް ވައްތަރީ ޕާރޓީއަށް މީހުން އިތުރުވޭތޯ މީހުންގެ ހިތުގައި ސައްކުއުފައްދަން ޖައްސާ ސްޓަންޓްއެއްހެން.
އަބްޑޫޅް
29 April 2022
ބަލަ މި ދައިތަ މި އިނީ އަދާލަތު ޕާޓީ ގެ ރަސްމީ ޔުނިފޯމުގައޭ. އިނގިލީގެ ލިސާނެއް ބޭނުމެއް ނުވޭ.
ޣައްމާ
29 April 2022
މަގޭ އެމްޑީޕީ ނޫން ބަޔަކަށް ސޮޔެއް ނުކުރަން. ޢެކަމު މިހާރު ނަން އޮންނަނީ ގާސިމް ޕާޓީ ގައި. ދެން މިހާރު އަޅައެއްނުލަން އެކަމާ.އެއި އެކަމަކުން ސަލާމަތެއް ނުވާނެ ވިއްޔާ.އެހާ ޕާޓީތަށް ގިނަވީމަ.
ވަގުން
29 April 2022
ތިގޮތަށް ވައްކަން ނުކުރާ އެއްވެސް ޕާޓީއެއް ނެތް. ޕީޕީ އަށް ވަގަށްވެއްދިީ ކިތައްމީހުންތޯ ރަގަޅަށް ބަލައިފިއްޔާ އަންތަރީސް ވާނެ
ލައިލާ
29 April 2022
މިތާ ކޮމެންޓް ކުރާ ކުދިންގެ ވިސްނުމުގެ ފެންވަރާމެދު ދެރަވެ، ކަރުނަ އަޅާވަރުވޭ. މީގައި އެންމެ ބޮޑު އިޝޫއަކަށް ވާންވީ އީސީއިން ފިންގަރޕްރިންޓް ވެރިފައި ނުކޮށް ޕާރޓީ ބަދަލުކުރުން ނޫންބާ؟ އުޅަނބޮށީގެ ނިޝާން ޖަހައިގެންވެސް ޕާރޓީ ބަދަލުކުރެވެންޏާ، ފޯރމްގައި ފިންގަރޕްރިންޓް ޖެހުމުގެ ބޭނުމަކީ ކޮބާ؟ ޕާރޓީތަކަށް މިގޮތަށް ވައްކަން ކުރެވެނީ އީސީގެ ނާގާބިލުކަމުން ނޫންބާ؟ ވަގު ފޯރމް ހުށަހެޅީ ކާކުކަން ނޭނގުން އެއީ މައްސަލައެއް ނޫންބާ؟
ސިޔާސަތު
29 April 2022
ޕީޕީއެމް މީހުންނަކީ އެންމެ މަތީ ފަޑިން ފެށިގެން ވެސް ވަރަށް މަކަރުވެރި ބައެއް. އަމިއްލައަށް ފައިގެ ޕްރިންޓް ޖަހާ ނުބައި އެޑްރެސް ޖަހައިގެން މިކަހަލަ ޖަރީމާ ހިންގާ އެހެން ޕާރޓީތަށް ބަދުނާމު ކުރަން ވަރަށް ކުޅަދާނަ ބައެއް. މީ ވަރަށް ކައިރިން ފެނި އަތުން ހިފާފަ ހުތި ކަންކަން.
ކުނިބެ
29 April 2022
ވަކިޕާޓީއެއްގެ ނަން ތިކަމުގަ ކިޔަނެކަމެއްނެތް ހުރިހާ ޕާޓީންވެަްސް ގަންނަ ގަނޑުތީ 5މިލިޔަން 3މިޔަން ބަޖެޓުން ކާލަން ކުރާކަންކަން ތިހުންނަނީ ދައުލަތުގެ ބަޖެޓުން 1% ދޭން ހެޔޮނުވާނެ ؟
އަމިއްލައަށްކުރުވި
29 April 2022
ތިއީ ޕީޕީ ކުދިން އަޑީގައި ތިބެގެން ބަޔަކުލައްވައި ގަސްތުގައި ކުރުވިކަމަކަށްވެސް ވެދާނެ. އެޕާޓީއަކީ ފިތުނަފަސާދަ އުފައްދައިގެން ސިޔާސީ މަންފާހޯދުމުގައި މަޝްހޫރުބައެއް