05 އޯގަސްޓް 2022 - 20:39
41 comments
ބަންގްލަދޭޝްގެ އަލަމްގީރާއެކު އެއްޖިންސުން ގުޅުން ހިންގި ކަމުގެ ތުހުމަތުގައި ހައްޔަރު ކުރި ރައްޔިތުންގެ މަޖިލީހުގެ ރައީސް މުހައްމަދު ނަޝީދުގެ ކޮއްކޮ އަދި ގާނޫނީ ވަކީލު ނާޒިމް ސައްތާރުގެ ބަންދަށް އަނެއްކާވެސް ހަތް ދުވަސް ޖަހައިފި އެވެ.
އަލަމްގީރާއެކު އެއް ޖިންސުން ގުޅުން ހިންގާ މަންޒަރު ފެންނަ ވީޑިއޯތައް މިިދޔަ މަހުގެ ފަހުކޮޅު އާންމުވިއިރު، ނާޒިމްގެ ވީޑިއޯ އާއްމުކުރީ ފުރަތަމައަށެވެ. އޭރުއްސުރެ ޕާސްޕޯޓް ހިފަހައްޓާފައިވާ ނާޒިމް ހައްޔަރު ކޮށްފައި ވަނީ މިދިޔަ މަހު 28 ގައި އއ. އަތޮޅުގެ ރިސޯޓެއްގައި ހުއްޓަ އެވެ.
ނާޒިމަށް ކުރާ އެއް ޖިންސުން ގުޅުން ހިންގުމުގެ ތުހުމަތު އޭނާ ވަނީ އިންކާރުކޮށްފަ އެވެ. އޭނާގެ ބަންދަށް އިތުރު ހަތް ދުވަސް ޖެހީ ކުރީގެ މުއްދަތު ހަމަވާތީ ކޯޓަށް ހާޒިރުކުރުމުންނެވެ.
ނާޒިމް ހައްޔަރު ކުރުމާ ގުޅިގެން ނަޝީދު ވަނީ ކަންބޮޑުވުންފާޅުކޮށް ސަރުކާރަށް ފާޑު ވިދާޅުވެފަ އެވެ. ނަޝީދާއި އެމަނިކުފާނުގެ އަރިސް ބޭފުޅުން ވަނީ އެ މައްސަލާގައި 100 އެއްހާ މީހުން ޝާމިލުވާއިރު ހަމައެކަނި ނާޒިމް އާއި ދެތިން މީހެއް ހައްޔަރު ކުރި ސަބަބާ މެދު ސުވާލު އުފައްދަވައިފަ އެވެ.
އެ މައްސަލާގައި ނަޒިމްގެ އިތުރުން ދެން ހައްޔަރު ކޮށްފައި ވަނީ ނޮޅިވަރަމް ދާއިރާގެ ކުރީގެ މެމްބަރު ކާނަލް މުހައްމަދު ނަޝީދާއި ފުލުހެކެވެ.
އަލަމްގީރު މައްސަލާގައި ހިމެނޭ އެހެން ބައެއްގެ ވީޑިއޯތަކެއް ވެސް ރޭ ވަނީ އާންމުވެފަ އެވެ. އޭގެ ތެރޭގައި އިމާދުއްދީން ސްކޫލުގެ ޓީޗަރަކާއި ހޯމް މިނިސްޓްރީގެ މުވައްޒަފަކު ހިމެނެ އެވެ. އެ ދެ މީހުން މިހާރު ވަނީ ސަސްޕެންޑްކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ސެމި
07 August 2022
ބަލަ 250މީހުންގެެތެރެއިން މީނައެކަނިތަހުރީ؟ މިއި ހަމަ ސިޔާސީގޭސްގަޑެއް!
ވޮޗްމޭން
07 August 2022
އުމުރަށް
މައި
06 August 2022
ބަލާއެއްތާ ވަކިބަޔަކަށް ވަކި ގޮތެއް ނަޝީދު އެބުނީ ތެދެއް... ހައްޔަރު ކުރަން ވެއްޖެއްނުން. ސަލީމް ވީމަ އޭ ސަލީމެއްނޫން އިބޫ ކޯލިޝަން ވީމަ ތޯއްޗެއް.
އަޑަފި
06 August 2022
މިވާ ގޮތުން ރާއްޖޭގަ ޒިނޭ ކޮއްގެން އުޅޭ ވީޑިއޯ ލީކްވީމަ އެކަންކަންވެސް ފުލުހުން ތަހުގީގު ކުރެވެންވާނެ. ވަކި ބަޔަކަށް ވަކި ގޮތެއް ހަދާތީ މައްސަލައަކީ
ބަރިބަރީ
06 August 2022
ނޫސްތަކުން އަލަމްގީރު ސެލިބުރިޓީ އަކަށް ހަދައި މި ކުޅި ނިއު ނޯމަލް އަށް ހަދަން މަސައްކަތް ކުރާކަމަށް ބެލެވެނީ.
މަޑުމައިތިރި ސާލިމް
06 August 2022
ހަބަރުގެ ފުރަތަމަ ޖުމްލައިން ހީވަނީ އަލަމްގިރިއާއެކު އަމަލެއް ހިންގައިގެން އުޅެނީ ރައްޔިތުންގެ މަޖިލިސްގެ ރައީސް ނަޝީދޭ. ނަޝީދުގެ ކޮއްކޮގެ ބަންދަށް 7 ދުވަސް ޖަހައިފިޔޭ
ސާލިމޫ
06 August 2022
ނަޝީދު އެ އަމަލު ދިފާއުކުރާނަމަ އޭނަ އެވަނީ ކޮންކަހަލަ މީހަކަށްބާ؟ އޭނަގެ ކޮއްކޮ އެފަދަ ކަންކަން ކުރާނަމަ މާކުރިއްސުރެ އެކަން އެނގުނަސް އެކަމާ އަޅާލައި އެފަދަކަމެއް ހުއްޓުވަން އުޅޭނެފަދަ މީހެއްނޫންކަން ނަޝީދަކީ ކިތައް މީހުންނަށްބާ ގަބޫލުކުރެވޭނީ؟
ފަހުދު
06 August 2022
އަދި ނޭންގޭންނު
ކޮރަލް
06 August 2022
ލޯޔަރު ހުއްދަ ކެންސަލް ކުރަން ވީ އެވެ.
މަސްފެން ޒަރީރު
06 August 2022
ތިމާ ނުރުހޭ ކަމެއް ހަރާމް ވެފަ ތިމާ ރުހޭ ކަމެއް ހަލާލެއް ނުވާނެ. ޑްރަގު މައްސަލައަށް ވުރެ ބޮޑު މައްސަލައެއް މުޅި މިގައުމުގަވެސް ނެތް، އިގްތިސާދާއި މީހުންގެ ފުރާނައާއި އިޖުތިމާއީ އުޅުމާއި އަހުލާގުވެސް އޮޔާގޮއްސަ މި އޮތީ އެކަމުގެ ސަބަބުން. އެހެން ވިޔަސް ޑްރަގާއި ވައްކަން ކުރުން މި އޮތީ ބަޔަކު ނިއުނޯމަލް ހަދާލާފަ
ރޭރު
06 August 2022
މިކަންތައް މާބޮޑުކަމަކަށް ހަދައިން މިއުޅެނީ އަލަށް ބަޔަކު ކެެމެރާކުރިމަތީ މިކަމެއް ކުރީމަ. ދުވަސްގަނޑަކަކުން ހިނދިދާނެ.
ސައިކަލޯ
06 August 2022
ހެޔޮނުވާނެ މިމީހުން ފޮޑިއެއް ޖަހާލީމަވެސް ފަލަ ސުރުހީ ނުލިޔެބަލަ. ނޫސްތަކުން މިކުޅި ޕްރޮމޯޓުކުރަން އުޅޭވައްތަރު ޖަހަނީ.
ކަޑވަނީތަ
06 August 2022
ނޫސްތަކުން ނުލިއާނަމަ އެމީހުން ތިބޭނީ ގޭގަ. ނޭނގޭނެ ގައުމު ދޫކޮށް މިނިވަންވެގެންދާއިރުވެސް. ބައެއް ކަންކަން ހިނގާ ގޮތް ބަލަން ބޭނުންވެދާނެ މިވެރިކަން ގެންނަން ވޯޓްދިން މީހުން. ޒާތެއްގެ އަޑިނުބައި ބަޔަކު ވެރިކަމަށް ގެންނަން ތިމާމެންނަށް ކުރެވުނު ކަންކަން ހަނދާންކުރާކަށް ބޭނުންނުމެއްނުވާނެ.
މައިކަލޯ
06 August 2022
ސައިކަލޯ އާ ސަހަރޯ ފަދަ މީހުން ކޮމެންޓްކުރަނީ ތިމާމެން ސަޕޯޓްކުރާ ބައިގެ މީހުން އެފަދަ ކަންކަން ހިންގާކަން ރައްޔިތުންނަށް ނާންގާ ހަނދާންނައްތުވާލަން.
ށަވިޔަނި
06 August 2022
ބަޔަކު އިންކާރުކުރަމުންދާ ތުހުމަތެއްގެ ތަހުގީގުކުރުން އެހާފަސޭހަ ނުވާނެކަން ގަބޫލުކުރެވޭ. ނޫސްތަކުން އިރުއިރުކޮޅާ ތިވާހަކަފެނުން ބޯއަނބުރާގަނޭ.