އަރަބިއްޔާ އާއި ޖަމާލުއްދީން ސްކޫލުގެ އާ އިމާރާތުގެ އެއްބަސްވުމުގައި އެޑިއުކޭޝަން މިނިސްޓަރު ޑރ. އައިޝަތު އަލީ އަދި އަމިން ކޮންސްޓްރަކްޝަންގެ ސެކްރެޓަރީ ނިހާދު ސޮއިކުރެއްވުމަށްފަހު ފޮޓޯއަކަށް ހުއްޓިވަޑައިގެން.-- ފޮޓޯ: އެޑިއުކޭޝަން މިނިސްޓްރީ
29 ސެޕްޓެމްބަރ 2022 - 14:29
20 comments
ބާ ޖަމާލުއްދީން ބިމުގައި ޖަމާލުއްދީން ސްކޫލުގެ އިތުރު އިމާރާތަކާއި އަރަބިއްޔާ ސްކޫލުގެ އާ އިމާރާތް އެޅުމަށް 168 މިލިއަން ރުފިޔާއަށް އަމިން ކޮންސްޓްރަކްޝަންއާ ހަވާލުކޮށް އެ ކުންފުންޏާއެކު މިއަދު ސޮއިކޮށްފި އެވެ.
އެޑިއުކޭޝަން މިނިސްޓްރީގައި ބޭއްވި ރަސްމިއްޔާތުގައި، 420 ދުވަހުގެ ތެރޭގައި އެ ދެ ސްކޫލު ނިންމުމުގެ އެއްބަސްވުމުގައި ސޮއިކުރެއްވީ މިނިސްޓަރު ޑރ. އައިޝަތު އަލީ އަދި އަމިން ކޮންސްޓްރަކްޝަންގެ ސެކްރެޓަރީ އިބްރާހިމް ނިހާދެވެ.
އެއް ޕްރޮޖެކްޓެއްގެ ގޮތުގައި ކުރިއަށްގެންދާ ދެ ސްކޫލު، ޑިޒައިން އެންޑް ބިލްޓު އުސޫލުން އެ ކުންފުންޏާ ހަވާލުކުރީ ސެލެކްޓިވް ބިޑިންއަކުންނެވެ. މިނިސްޓްރީން ބުނީ އެ ގޮތަށް ނިންމީ މަސައްކަތް އަވަސް ކުރުމަށް ކަމަށެވެ.
އަރަބިއްޔާ ސްކޫލުގެ އިމާރާތުގެ މައުލޫމާތު
- 40 ކްލާސްރޫމް
- މަލްޓިޕާޕަސް ހޯލް
- ހަތަރު ލިފްޓް
ޖަމާލުއްދީން ސްކޫލުގެ އެނެކްސް އިމާރާތުގެ މައުލޫމާތު
- 34 ކްލާސްރޫމް
- ދެ ލިފްޓް
އެއްބަސްވުމުގައި ސޮއިކުރެއްވުމަށްފަހު މިނިސްޓަރު ވިދާޅުވީ އެ ދެ ސްކޫލުގެ މަސައްކަތް އަންނަ އަހަރުގެ ޑިސެމްބަރު މަހަށް ނިންމާނެ ކަމަށެވެ. އެއަށްފަހު، ޖެނުއަރީ، 2024 ގައި ކިޔަވައިދޭން ފަށާނެ ކަމަށް އޭނާ ވިދާޅުވި އެވެ.
އަރަބިއްޔާގެ ދަރިވަރުންނަށް ބާޖަމާލުއްދީން ބިން ހަމަޖައްސައިދީފި https://t.co/2VSH24iLsH
— Mihaaru (@Mihaarunews) December 20, 2021
މީގެ އަށް އަހަރު ކުރިން ބޭނުންކުރަން ފެށި އަރަބިއްޔާގެ އިމާރާތުގެ ތަނބުތަކުގައި ވަރަށް ބޮޑަށް ރެނދުލައި ގެއްލުން ވެފައި ހުރުމުން މިދިޔަ ޖެނުއަރީ މަހުން ފެށިގެން އެ ސްކޫލްގެ ދަރިވަރުންނަށް ވަގުތީ ގޮތުން ކިޔަވައިދެމުން އަންނަނީ ކުރިން ފޮރިން ފޮރިން މިނިސްޓްރީ ހިންގި އިމާރާތުގަ އެވެ.
އެހެންވެ، އެކަމަށް ދާއިމީ ހައްލެއްގެ ގޮތުން ސަރުކާރުން ވަނީ ބާ ޖަމާލުއްދީން ބިމުގައި އާ އިމާރާތެއް ހަދައިދޭން ނިންމައިފަ އެވެ.
ޖަމާލުއްދީން ސްކޫލަށް ދިމާވެފައިވާ ޖާގައިގެ ދަތިކަން ހައްލުކުރަން ހަދާ އާ އިމާރާތް ވެސް ނިމުމުން އެ ތަނުގެ ކިޔެވުން އެއް ދަންފަޅިއަށް ބަދަލުކުރެވޭނެ ކަމަށް މިނިސްޓަރު ވިދާޅުވި އެވެ.
އެ ދެ ސްކޫލު ހަދަން ކުރުމަށް ބާ ޖަމާލުއްދީން ބިމުގައި ހުރި އިމާރާތްތައް ދަނީ ތަޅާލަމުންނެވެ. މިނިސްޓަރު ވިދާޅުވީ އަންނަ މަހުގެ 14 ގެ ކުރިން އެ އިމާރާތް އެއްކޮށް ތަޅާލައި ހަވާލުކުރުމުން، ސްކޫލުގެ އަމަލީ މަސައްކަތް ފަށާނެ ކަމަށެވެ.
ބާ ޖަމާލުއްދީން ސަރަހައްދުގެ ޓްރެފިކް ހައްލުކުރަން މަދޮށި ގޯޅިން ޖަމާލުއްދީން ހިނގުމަށް ސްކޫލުގެ ބޭނުމަށް އާ މަގެއް ހެދުން ވެސް ޑިޒައިންގައި ހިމެނިފައިވާނެ ކަމަށް މިނިސްޓްރީން ބުންޏެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ނިއު މާލޭ - ޖާބިރު ވިޝަން
29 September 2022
މާލޭ ކޮންމެ މަގެއްގެ އަޑީގައި ކަނެކްޓަޑް ޕާކިން ޓަނަލްތައް އަޅާ ދެވޭނެ. ބަލި މީހުން އެމަޖެންސީކޮށް ޕައިޕެއް ތެރޭން ވަގްތުން ވަގްތައް ހޮސްޕިޓަލަށް ފޮނުވާލެވޭނެ. މަރުވާ މީހުން މި ޕައިޕް މެދުވެރިކޮށް ސަހަރާއަށް ފޮނުވާލެވޭނެ. މަގު މަތީގައި ދުއްވޭނީ ޕްރީމިއަމް އޮކްސިޖަނަށް ބޮޑު ޓެކްސެއް ދައްކާ ވެހިކަލްތައް އެއީ ސަރުކާރު ވިޔަސް. ފައިމަގު ހިނގުން އޯލްރައުންޑް ޓެކްސް ފްރީ. ވެހިކަލަށް ނާރާ ފަރާތްތަކަށް ދައުލަތުން ލިވިން އެލަވަންސް ސަބްސިޑީ 10000 ލިބޭނެ.
ނިއު މާލޭ ޕްލޭން
29 September 2022
ކޮންމެ 2 ކޮށްޓެއް ދެމެދުގައި އިތުރު ސްކޫލެއް އަޅާ ގޯތިތައް އަތުލާ ހުޅުމާލޭން ގަދަބާރުން ބިން ދެވޭނެ. މަޖީދީމަގު އެއްކޮޅުން އަނެއް ކޮޅަށް އެއްދަންފަޅި ވަން ލައިން ސްކޫލެއް އަޅާ، ސްކޫލް ޕްލޭ ގަރައުންޑް ގަލޮޅު އަދި ހެންވޭރު ސްޓޭޑިއަމް، އޯޑިއޯން އަދި ފަނޑިޔާރު މަގު، މާފަނު ސަހަރާ. މަޖީދީ މަގުން މާލެ ދެފަޅިކޮށް އެއް ފަޅިން އަނެއް ފަޅިއަށް ހުރަސް ކުރާނީ ރިންގު ރޯޑުން އެކަނި. ޕާކިން ކަނޑުތޮށިން ބޭރު ފްލޯޓިން ޕާކިން. އެމްބިއުލަންސް ގުޅާލެވޭ ޕައިޕަކުން.
ނުރަބޯ
29 September 2022
ޓިނުން ސްކޫލް އަޅަންޏާ އަގުހެޔޮވާނެ.
ބޮޑުމީހާ
29 September 2022
ކުރިއަށް އޮތް 3 ވެރިކަމުގަވެސް ތިތަން ނިމިއްޖެއްޔާ ރަގަޅު
ކިހިނެތޯ
29 September 2022
ޕާކިން ކަންތައް އޮތީ ކިހިނެއް ތޯ. ހާދަ ކާރޫ ބާރޫ ބޮޑު ސަރަހައް ދެކޭ ! މަގު ބުލޮކް ނުވާނެ ކަހަލަ ގޮތަކަށް ވިސްނާފަ ޑިޒަައިންކުރާނެ ކަމައް އުންމީދު ކުރަން .
ބަސް
29 September 2022
އަސް. ސްކޫލް އަޅަނީ 25 ބުރިޔަށް ދޯ
ވިޝަން ޖާބިރު - މާލެ
29 September 2022
ޕާކިން އޮތީ އެމީހެއްގެ އަމިއްލަ ޔޫއެސްބީ ޕެންޑްރައިވް ނުވަތަ ކްލައުޑަށް އެމީހެއްގެ ވެހިިކަލް ސްޓޯރ ކުރާ ޓެކްނޮލޮޖީ. މަގުމަތީ ވެހިކަލް ނުބެހެއްޓޭނެ. ވަގްތުން ވަގްތައް ވައިރަސް ޕޮލިސް އެޓެންޑްކޮށް ވެހިކަލަށް ހަމަލަދީ ނައްތާލެވޭނެ.
ކިންގް ޗާލްސް 10
29 September 2022
މާމަދު އަސްލު ޙަރަދުވާނެ 500 މިލިޔަން ވަރު
އަސް
29 September 2022
އަސްލު މަދު، 168މ ރުފިޔާ އަކީ 10 މިލިޔަން ޑޮލަރު. 6000 އަކަފޫޓްގަ އެޅި ހޮސްޕިޓަލްގެ އަގު އެއޮތީ 140މިލިޔަން ޑޮލަރުގަ
ޢިމްތި
29 September 2022
ޢަދިވެސް މާލެއަށް މީހުން ޖަމާ ކުރަން ސިޔާސަތު ހުރީ.
ތުނޑުހަސަނު
29 September 2022
މިކަން ވެސް އެންމެފަހުން މިގެންދަނީ އޮޅުވާލުމެއްގެ ތެރެއިން. މިބިން ޢަރަބިއްޔާއަށޭ ކިޔައި އެންމެފަހުން ބިން ބައިކޮށް ޖަމާލުއްދީނަށް ވެސް ބައެއް ދީފައި މިއޮތީ.
އަސް
29 September 2022
ކިހާ ދެރަ ކަމެއް، ކޮންމެ ކަމަކަށް ނެގެޓިވް ހަމަ ވާން ޖެހޭތަ
ދެރަ
29 September 2022
ޢަޅޭ ކޮންމެ ސްކޫލަކުން ކުޔެވިޔަސް މީ ހަމަ އަހަރުމެން އެންމެންގެ ދަރިން ނޫންތަ.
ޢެޑްމުންޑޯ
29 September 2022
މިފަހަރުވެސް ޓިނުން ހަދާފައި ނިންމާލާތި !!!
ލަބީ
29 September 2022
ޓިނުންތަ އަޅަނީ ލޮލް