"އެއް ބިމެއްގައި ދެ ސްކޫލު އެޅުމަކީ އަޅުގަނޑުމެން ބަލައިގަންނާނެ ކަމެއް ނޫން. ބެލެނިވެރިން ތިބީ ނުތަނަވަސްކަމުގައި. މި ވަގުތު މި ތިބީ ވެސް ކިޔެވުމަށް އެކަށީގެންވާ މާހައުލެއްގައެއް ނޫން،"
02 އޮކްޓޯބަރ 2022 - 12:54
217 comments
އަރަބިއްޔާ ސްކޫލުގެ ދަރިވަރުންނަށް ދާއިމީ ހައްލެއްގެ ގޮތުގައި ހަމަޖެއްސި ބާޖަމާލުއްދީން ބިމުގައި ޖަމާލުއްދީން ސްކޫލުގެ ބައެއް ވެސް ހަދާތީ އަރަބިއްޔާގެ ބެލެނިވެރިން ހިތްހަމަނުޖެހިއްޖެ އެވެ.
އެ ސްކޫލުގެ ޕީޓީއޭގެ ނައިބު ރައީސް އައިޝަތު ޝާދިޔާ "މިހާރު" އަށް ވިދާޅުވީ އަރަބިއްޔާގެ މައްސަލައިގައި މިދިޔަ އަހަރު ރައީސް އިބްރާހިމް މުހައްމަދު ސޯލިހުއާ ބައްދަލުކުރެއްވުމުން ބާޖަމާލުއްދީން ބިން ދެއްވައި، އެ ތަނުގައި އިތުރު ސްކޫލު އަޅާ ކަމަށް އޭރު ވިދާޅުނުވާ ކަމަށެވެ.
އެކަމަކު މިނިސްޓްރީއާ ބިން ހަވާލުކޮށް، މަސައްކަތުގެ އެއްބަސްވުމުގައި ސޮއިކުރިއިރު މި އޮތީ ކަންބޮޑުވާ ގޮތަކަށް ކަމަށް ޝާދިޔާ ވިދާޅުވި އެވެ.
އޭނާ ވިދާޅުވި ގޮތުގައި ބާ ޖަމާލުއްދީން ބިން ބަހާފައި ތިން ހަތަރު ސްކޫލު އަޅާނެ ޖާގައެއް އެ ތަނުގައި ނެތެވެ.
އެޑިއުކޭޝަން މިނިސްޓްރީން މިދިޔަ ބުރާސްފަތި ދުވަހު ވަނީ ބާ ޖަމާލުއްދީން ބިމުގައި އަރަބިއްޔާގެ އާ އިމާރާތް އަދި ޖަމާލުއްދީން ސްކޫލެއްގެ ބައެއް އަޅަން އަމިން ކޮންސްޓްރަކްޝަން ކުންފުންޏާއެކު ސޮއިކޮށްފަ އެވެ. އަހަރަކާއި ތިން މަހުން ނިންމާ ގޮތަށް އެ މަޝްރޫއު ހަވާލުކުރީ 168 މިލިއަން ރުފިޔާއަށެވެ.
އެ ތަނުގައި އަރަބިއްޔާގެ 40 ކްލާސްރޫމާއި މަލްޓިޕާޕަސް ހޯލެއް ހަދާނެ އެވެ. އޭގެ އިތުރުން ޖަމާލުއްދީންގެ ކިޔެވުން އެއް ދަންފަޅިއަށް ބަދަލުކުރަން ބޭނުންވާ 34 ކްލާސްރޫމް ވެސް، ބާ ޖަމާލުއްދީންގެ ބިމުގެ ބައެއްގައި ހަދާނެ އެވެ. ޝާދިޔާ ވިދާޅުވީ ސަރުކާރުގެ ސިޔާސަތަކީ ސްކޫލުތައް އެއްދަންފަޅިއަށް ހިންގުން ކަމަށްވާތީ ސްކޫލު ހިންގާ ބިން 25،000 އަކަފޫޓަށް ވުރެ ކުޑަވެގެން ނުވާނެ ކަމަށް އެޑިއުކޭޝަން މިނިސްޓްރީއާއެކު މީގެ ކުރިން ބޭއްވި ބައްދަލުވުންތަކުގައި ބުނެފައިވާ ކަމަށެވެ.
ޖަމާލުއްދީނާއި އަރަބިއްޔާގެ އާ އިމާރާތް އަޅަން 168 މިލިއަން ރުފިޔާއަށް އަމިން އަށް https://t.co/z54aewML9I
— Mihaaru (@Mihaarunews) September 29, 2022
އެކަމަކު، މައުލޫމާތު ހޯދައި ލިބިގަތުމުގެ ގާނޫނުގެ ދަށުން އާއްމުންގެ މީހަކު ފޮނުވި ސުވާލަކަށް ދިން ޖަވާބުގައި މިނިސްޓްރީން ބުނީ އަރަބިއްޔާ ސްކޫލު އަޅަން ކަނޑައަޅާފައިވަނީ 18،000 އަކަފޫޓުގެ ބިމެއްގައި ކަމަށެވެ. އަދި އެ ސްކޫލުގެ ކިޔެވުން އެއްދަންފަޅިއަށް ބަދަލުކުރަން 50 ކްލާސްރޫމް ބޭނުންވާ ކަމަށް ވެސް އޭނާ ވިދާޅުވި އެވެ.
"އެއް ބިމެއްގައި ދެ ސްކޫލު އެޅުމަކީ އަޅުގަނޑުމެން ބަލައިގަންނާނެ ކަމެއް ނޫން. ބެލެނިވެރިން ތިބީ ނުތަނަވަސްކަމުގައި. މި ވަގުތު މި ތިބީ ވެސް ކިޔެވުމަށް އެކަށީގެންވާ މާހައުލެއްގައެއް ނޫން،" އޭނާ ވިދާޅުވި އެވެ.
ޝާދިޔާ ވިދާޅުވީ ރައީސް އިބްރާހިމް މުހައްމަދު ސޯލިހު ވެވަޑައިގެންނެވި ވައުދާ ހިލާފުވުމުން އެ މަނިކުފާނާ ބައްދަލުކުރަން ބެލެނިވެރިން ބޭނުންވާ ކަމަށެވެ. އެކަމަށް އެދި މިއަދު ސިޓީ ފޮނުވާނެ ކަމަށް އޭނާ ވިދާޅުވި އެވެ.
"އެ ބިން ދީފައި އަނދުން އަޅުވައި އަތުލުމަކީ އަރަބިއްޔާއަށް ނިކަމެތިކަން ގެނައި ކަމެއް. އަޅުގަނޑުމެން އަޑުގަދަކުރަން މަޖުބޫރުވަނީ މިގޮތަށް ކަންތައްތައް ކުރާތީ. އިސްލާމީ ތައުލީމު މި ގައުމުން ފޮހެލުމަށް ކުރާ ކަމެއް ކަމަށް އަޅުގަނޑުމެން ގަބޫލުކުރަނީ،" އޭނާ ވިދާޅުވި އެވެ.
ނަމަވެސް، އެޑިއުކޭޝަން މިނިސްޓްރީން މިދިޔަ ހަފުތާގައި ބުނީ ދެ ސްކޫލު ވަކިވާނެ ގޮތަށް އެ ދެމެދުގައި ވަކި މަގެއް ހަދާނެ ކަމަށެވެ.
އަރަބިއްޔާގެ މައްސަލައިގައި ކަމާބެހޭ ފަރާތްތަކަށް އަޑުއިއްވުމަށް ހަދާފައިވާ "ސޭވް އަރަބިއްޔާ" ފޭސްބުކް ޕޭޖުގައި ބުނީ އަރަބިއްޔާއަކީ އެޑިއުކޭޝަން މިނިސްޓްރީ ނުވަތަ ސަރުކާރުން ބޭނުން އިރަކު ބޭނުން ގޮތެއް ހަދަން އޮތް ތަނެއް ނޫން ކަމަށެވެ.
"އަޅުގަނޑުމެން މި ތިބީ ވަގުތީ އިމާރާތެއްގައި ބަންދުވެގެން. އެތައް ކަމަކުން މަހުރޫމްވެގެން. އަރަބިއްޔާއަށް ވެސް މުސްތަގިއްލު އިމާރާތެއް މި ދިވެހި ލޮބުވެތި ފަސްގަނޑުން ލިބޭނެ ކަމުގެ ފޮނި އުއްމީދުގައި ތިއްބާ އަރަބިއްޔާ އިތުރަށް ފަހަތަށް ޖައްސައި ނިކަމެތި ކޮށްލުމީ އެއްގޮތަކަށް ވެސް އަޅުގަނޑުމެން ބަލައިގަންނާނެ ކަމެއް ނޫން،" ޕޭޖުގައި ބުންޏެވެ.
މީގެ އަށް އަހަރު ކުރިން ބޭނުންކުރަން ފެށި އަރަބިއްޔާގެ އިމާރާތުގެ ތަނބުތަކުގައި ވަރަށް ބޮޑަށް ރެނދުލައި ގެއްލުން ވެފައި ހުރުމުން މިދިޔަ ޖެނުއަރީ މަހުން ފެށިގެން އެ ސްކޫލްގެ ދަރިވަރުންނަށް ވަގުތީ ގޮތުން ކިޔަވައިދެމުން އަންނަނީ ކުރިން ފޮރިން ފޮރިން މިނިސްޓްރީ ހިންގި އިމާރާތުގަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ނަޖްވާ
04 October 2022
ބަލެނިވެރިން ބޭނުންވާ ގޮތަށްތަ ސްކޫލު އަޅަންވީ! ރާއްޖޭގެ ގައުމީ ތަރައްގީގެ ޕްލޭން އެކުލަވާލާފައިވާ ގޮތަށް އެއަށް ފުށުނާރާ ގޮތަށް ސްކޫލަކަށް އެހެން ތަނަކަސް އިމާރާތް ކުރަން ޖެހޭނެ ކަމަށް ދެކެނީ! ކޮންމެހެނަކުން ބެލެނިވެރިން ބޭނުންވާ ތަނެއްގަ އެމީހުން ބޭނުން ވާ ޑިޒައިނެއްގަ އެމީހުން ބޭނުންވާ ކުލަލައިގެނެއް ނޫން އިމާރާތް ކުރަންޖެހޭނީކީ!
ޚިޔާލެއް
04 October 2022
ބޮއިކޮޓް ޝާދިޔާ
ބޮއިކޮޓް ޝާދިޔާ
04 October 2022
މިހާރުވެސް ޖަމާލުއްދީން ސްކޫލަށް ޖާގަ ކުޑަވެގެން އުޅެނީ. އެހެންވީމާ މިހާރު ޕްލޭންކޮށްފައިވާ އަރަބިއްޔާ ސްކޫލާއި ޖަމާލުއްދީނު ސްކޫލް ހެދުމުގައި އިސްކަމެއް ދޭންވީ ޖަމާލުއްދީން ސްކޫލަށް. އަރަބިއްޔާ ސްކުޅުގެ ބެލެނިވެރިން ބޭނުންވާ ވަރުގެ ބިމެއް ހުޅުމާލެއިން ލިބޭތޯ ބައްލަވައި އެތަނުގައި އަޅަންވީ. އެރަށުން ލިބެންނެތްނަމަ ގުޅީފަޅު ހިއްކާއިރު އަރަބިއްޔާއަށް ބޭނުންވާ ބޮޑުމިނުގެ ބިމެއް ހިއްކައި އެތަން އިމާރާތް ކުރުން ބުއްދިވެރި. ލައްކައެއްހާ އަކަފޫޓު ދޭންވީ
ޝާދިޔާ
04 October 2022
މާ ކަންތަށްގަނޑު ބޮޑު ކުރަންޔާ ތި އަރަބިއްޔާ އުވާލީމަ ނިމުނީ
ެިއިމަނާ
04 October 2022
މިހާރު ތިދިނީ އިގިރޭސި ތަޢުލީމަށް ބައެއް އަޅަންވެގެން ބައެއް، އޭނައަކަށް ނޭނގޭނެ ޢަރަބިއްޔާގެ ކުދިން އެއް ދަންފަޅިއަށް ކިޔަވަން ޖެހޭނެކަމެއް. އަދި އިތުރަށް ކިޔަވަން ކުދިން ވަންނާނެކަމެއްވެސް ނޭނގޭނެ. ކުދިން ވަންނަންއުޅޭކަމަށް ވާނަމަ ޖާގައެއްނެތޭ ބުނުމުން އެވެސް އިސްލާމީ ތަޢުލީމަށް ދެރައެއްދެވުނީތާ. އެކަމުންވެސް އޭނައުފާވާނެ. އަދި ނޭނގެ އިންޑިޔާ ސިފައިންނަށްވެސް ބައެއްނުދޭނެކަމެއް. އެކަމާވެސް ބެލެނިވެރިންޖެހޭނީ ހަޅޭއްލަވަން.
ވުޖެން
04 October 2022
އމޑޕ އަރަބި ތައުލީމުދެކެ ބިރުގަންނާނެ
ވިކުރާ
04 October 2022
ސުކޫލުގެ ނަމްބަރ ގިނަކުރަން ކެންޕޭނުގަ ބުނެވޭނެއްނު އެހެރީ މިތަައްމިތައް ސުކޫލުެކޭ
ގުޑުލުކު
04 October 2022
3 ސުކޫލު އަޅާ ބާ ޓިނުން އެތާ
ޙޮނު
03 October 2022
އަރަބިއްޔާ ކުދިންނަށް މަންނައާ ސަލުވާ ލިވެންޖެހޭ ކިޔާފަ ރައީސާ ބައްދަލު ކުރަންވީނު. ނޫނޭވާ ހިތްމޮޅުބަަަަަަައެެއް.
ޔަހޫދިއްުޔަ
03 October 2022
މި ންވަރަށް އީމާންނު ވާބަޔަކަށްނުވާށެވެ. މިމީހުންގެ ސުންޕާކަން ނިކަންދެކެބަލާށެވެ.މުޅިން އައުސުކޫލެއް އެޅުމުންވެސް އެތަން ބޭނުންކުރެވޭވަރުވީ ހައެއްކައަށެއްކަ އަހަރު. މިއީ ވަރަށް މަދުންނޫނީ ދިމާނުވާކަމެއް. އަނެއްކާ ބޮޑާ ހާކަށް ފެށީއެވެ. މަންނައާ ސަލްވާއަށް އެދެނީއެވެ. ނިކަންދެކެހޭއަރާށެވެ.