ހުޅިދޫގައި އިހްތިޖާޖް ކުރާތީ ފުލުހުން ގޮސް މައްސަލަ ހައްލުކުރަން އަތޮޅު ކައުންސިލްގެ ރައީސް ޝުޖާއުއާ ވާހަކަ ދައްކަނީ: މުޒާހަރާ ކުރާ މީހުން ތިބީ ހައްލު ނުލިބެނީސް ހުއްޓާލާ ގޮތަކަށް ނޫން.
14 އޮކްޓޯބަރ 2022 - 14:57
39 comments
ވ. އަތޮޅުން ދަނޑުވެރިކަމަށް ދޫކޮށްފައި އޮތް ހުޅިދޫގެ އެއްބަސްވުން އުވާލައި އަތޮޅު ކައުންސިލާ ރަށް ހަވާލުނުކުރަނީސް ރަށުން ނުފައިބަން އިހްތިޖާޖްކުރާ މީހުން ނިންމައިފި އެވެ.
ހުޅިދޫ ހަވާލުނުކޮށްގެން އިއްޔެ ހެނދުނުން ފެށިގެން އެ ރަށުގައި އަންނަނީ އަޑުއުފުލަމުންނެވެ. އަތޮޅު ކައުންސިލްގެ ރައީސް ޝުޖާއު އަލީ ވެސް ބައިވެރިވެވަޑައިގަންނަވާ އިހްތިޖާޖުގައި ބައެއް މީހުން ރޭ ނިދީ ވެސް އެ ރަށުގަ އެވެ. އަތޮޅުގެ ބައެއް ރައްޔިތުންނާ އެކު މިއަދު ހަވީރު ބޮޑު ބައްދަލުވުމެއް ވެސް އެ ރަށުގައި ބާއްވަން ވަނީ ހަމަޖައްސައިފަ އެވެ.
ޝުޖާއު ވިދާޅުވީ އެއްބަސްވުމާ އެއްގޮތަށް އެއްވެސް ކަމެއް ކޮށްފައި ނުވާ ހުޅިދުއަކީ މިހާރު އެއްވެސް ބައެއްގެ ބެލުމުގެ ދަށުގައި އޮތް ތަނެއް ނޫން ކަމަށެވެ. އެ މީހުންގެ ޑިމާންޑަކީ ރަށް ހަވާލުކޮށްދިނުން ކަމަށް ވިދާޅުވި އެވެ.
ހުޅިދޫގައި އިއްޔެ މުޒާހަރާކުރަނީ: މިއަދު ހަވީރު ވެސް މި ރަށަށް ގިނަ ބަޔަކު އަރައި ބައްދަލުވުމެއް ބާއްވަން ނިންމާފައިވާ ކަމަށް ޝުޖާއު ވިދާޅުވި.
"މަސްދުވަސް ވިޔަސް އަޅުގަނޑުމެން ނުފައިބާނަން. ސައްހަ އެގްރިމަންޓެއް ނެތް، ގާނޫނީ ގޮތުން ސަރުކާރުން ކުރަން ޖެހޭ ކަންކަން ނިންމައި މި ރަށް އަތޮޅުގެ ރައްޔިތުންނާ ހަވާލުކޮށްދޭން އަޅުގަނޑުމެން މިއެދެނީ،" އޭނާ ވިދާޅުވި އެވެ.
The ppl of #VaavuAtoll are justified to ignore such nonsense and continue to demand their public commons, grabbed through @governmentmv corruption & malfeasance.
— #SaveMaldives Campaign (@SaveMaldivesMV) October 14, 2022
Vaavu is making a very clear demand to return the people's assets.
Stop the #PicnicIslandHoax.#HulhidhooHavaalukurey pic.twitter.com/kfFkAarMXO
އެގްރިކަލްޗާ މިނިސްޓްރީން މި ރަށް ދޫކޮށްފައި އޮތީ "އާރަށް އިންވެސްޓްމަންޓް ޕްރައިވެޓް ލިމިޓެޑް" އަށެވެ. މި ކުންފުންޏަށް މި ރަށް ތަރައްގީކުރަން ދިން މުއްދަތުގައި އެކަން ނުކުރެވުމުން އަލުން އެދިގެން އެއްބަސްވުމުގެ މުއްދަތު އިތުރުކޮށްފައިވާ ކަމަށް ޝުޖާއު ވިދާޅުވި އެވެ.
އޭނާ ވިދާޅުވި ގޮތުގައި ހުޅިދޫ ކުއްޔަށް ދޫކޮށްގެން ދިގު މުއްދަތެއް ހޭދަވިއިރު އަތޮޅުގެ ރައްޔިތުންނަށް އެއްވެސް ފައިދާއެއް ނުލިބުނެވެ. އެހެންވެ މި ރަށް އަތުލައި ރައްޔިތުންގެ ބޭނުންތަކަށް ބާއްވާ ގޮތަށް އަތޮޅު ކައުންސިލުން ވަނީ ގަރާރެއް ވެސް ފާސްކޮށްފަ އެވެ.
ޝުޖާއު ވިދާޅުވީ ގުދަރަތީ ވަސީލަތްތަކުން ވ. އަތޮޅަށް ފައިދާ ލިބެން އޮތަސް އެކަމަށް ހުރަސްތަކެއް ކުރިމަތިކުރުވާފައިވާ ކަމަށެވެ. ދަނޑުވެރިކަމަށް 21 އަހަރަށް ދޫކުރި ހުޅިދޫން މިިހާ ދުވަސްވި އިރު ފައިދާއެއް ނުލިބުމަކީ ރައްޔިތުންގެ ކަންބޮޑުވުން އިންތިހާއަށް އޮތް ކަމެއް ކަމަށް ވިދާޅުވި އެވެ.
އެކަމަކު އެ ރަށުގެ އެއްބަސްވުން ހެދީ ރައްޔިތުންނަށް ވެސް އިގްތިސާދީ ފައިދާވާ ގޮތަށް ތަރައްގީކުރާށެވެ. އެކަމަކު މިހާ ދުވަސްވި އިރު ވެސް އެ ރަށް ތަރައްގީނުކޮށް ބާއްވާފައި އޮތުން ބޮޑު މައްސަލައެއް ކަމަށް އޭނާ ވިދާޅުވި އެވެ.
"ރަށް ދޫކުރި ފަރާތުން އަމަލުކޮށްފައިވާ ގޮތުން ތިމާވެށީގެ ގޮތުން ވެސް ބޮޑެތި ގެއްލުންތަކެއް ވަނީ ލިބިފައި. ބާޖެއް ދޫކޮށްލާފައި އޮންނަތާ ވެސް ގިނަ ދުވަސްތަކެއް ވެއްޖެ،" އޭނާ ވިދާޅުވި އެވެ.
"އެ ރަށް ކުއްޔަށް ދޫކޮށްފައި އޮތީ އަހަރަކު 36،000ރ. އަށް."
އޭނާ ވިދާޅުވި ގޮތުގައި ވ. އަތޮޅުގެ ތަންތަން ފައިދާ ނުވާ ގޮތަށް އެކި މީހުންނަށް ދޫކޮށްލައިގެން ސަކަރާތް ޖަހާކަށް ބޭނުމެއް ނުވެ އެވެ. އަތޮޅު ކައުންސިލުގެ ނިންމުމަކީ އެގްރިމެންޓް ބާތިލްކޮށް ރައްޔިތުން ދަތުރުދާ ރަށެއްގެ ގޮތުގައި އެތަން ބޭއްވުން ކަމަށް ޝުޖާއު ވިދާޅުވި އެވެ.
"ވ. އަތޮޅުގެ ރައްޔިތުންނަށް ނެތް ފަޅު ރަށެއް. މިގޮތަށް ފައިދާ ނުވާ ގޮތަށް އެކި މީހުންނަށް ރަށްތައް ދޫކޮށްގެން ރައްޔިތުންނަށް ލިބޭ ފައިދާއެއް ނެތް. އަޅުގަނޑުމެން މިއެދެނީ އެގްރިމަންޓް ބާތިލްކޮށް މި ރަށް ރައްޔިތުންނާ ހަވާލުކުރަން،" އޭނާ ވިދާޅުވި އެވެ.
ރަސްމީ އިދާރާތަކުގައި ލިއުމުން އެދިފައިވިޔަސް، ޝުޖާއު ވިދާޅުވި ގޮތުގައި، މިހާތަނަށް ހައްލެއް ނުލިބުނެވެ. އެއްބަސްވުން ބާތިލްކޮށްދޭން އެދި ފިޝަރީޒް މިނިސްޓްރީ އާއި ޓޫރިޒަމް މިނިސްޓްރީ އަށް ވެސް ވަނީ ސިޓީ ފޮނުވައިފަ އެވެ.
"އަޅުގަނޑުމެން ބޭނުންވަނީ ހައްލެއް، އެ ހައްލު ނުލިބުމުން މި ރަށުގައި އިހްތިޖާޖްކުރަން ޖެހުނީ،" އޭނާ ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކައްތިރި ބަވަނަ
16 October 2022
އަސްލު ވަރަށް ދެރަ. ސުޖާމެން ތިވަރަށް ގުބޯ ހައްދާއިރުވެސް ރައްޔިތުން ރޭކާ ނުލާ. އަސްލު ސުޖާ މިހާވަރަށް ތެޅިފޮޅި "އެކްޓިވިސްޓް" ވެގެން އުޅޭ ސަބަބު ސުޖާ ދަންނަ އެންމެނަށް އެނގޭނެ. ދެރައީ ރައްޔިތުންނަށް އެކަން ނޭނގޭތީ.
އިބްރ
15 October 2022
މިނޫހުގައިވެސް މިކަހަލަ ޚަބަރުތަށް ޖަހަންވާނެތޯ؟
ވަކަރޭ
14 October 2022
ހެހެ، ކުންފުންޏެއް ރައްޔިތުންނަށް ދައްކާފަ ހުންނާނީ މުޅިންވެސް، ތިސަކަރާތެއް ޖަހައިގެން އުޅޭމީހަކު ނޭނގޭނެ ނޫހަކުންވެސް.
ބާނީން
14 October 2022
ހަމަ ހިތަށް އަރާ ސަރުކާރު ތަކުން ކޯއްޗެބާއޭ މިހަދަނީ.ފަޅުރަށްކޮޅާ ފަޅުތައް އަތޮޅު ރައްޔިތުންނަށް ބައްދުކޮށް އޭގެއިން ނަފާ ލިބޭނެގޮތް ނަހަދާ ރަށްރަށަށް ގޮއްސަ މިކިޔަނީ ލާމަރަކަޒޭ އަނެކައްޗެކޭ.ދިމަލެއް ނުވޭ. މިކިޔާ އެއްޗެއް.
އަހްމަދ
15 October 2022
ސަރުކާރު ތަކުން ތިޔަ ހެނެއް ނުކިޔަ އެވެ.ވީމާ ކިޔަނީ ކޮން ސަރުކާރެއްތޯ ބަލާ، ރަށްތައް ދިނީ ކޮން ސަރުކާރަކުންތޯ ބަލާފައި ވާހަކަ ލިއުނީމާ އެވާހަކަ މޮޅުވާނީ.
ޑަރޯގާ
14 October 2022
ތިވަރު ފަޅުރަށެއް މަހަކު 3000 އަށްވީމަ ބޮޑު، 3 ރުފިޔާއަށް ދިންނަމަ.
މުޑަހަންޖާ
14 October 2022
މަހަކު 3،000 ރުފިޔާއަށް ފަޅުރަށްރަށް ދީފަމިހުންނަނީ، ދެން ސަރުކާރު އާމްދަނީ މަދޭކިޔާފަ ދުވާލަކު ޓެކުހެއް ހަދައިގެން އަހަރެމެން މިފެލަނީ، ހެޔޮނުވާނެއެއްނު.
ޔަހުޔާބެ
14 October 2022
ޢެެއުޅެނީ ކައުންސިލައް ކަޓުލިބޭގޮތަށް ބަޔަކަށް ނުދެވިގެން. ދެން އިންތިހާބްވާ ކައުންސިކް ބަދަލުވެއްޖެންމަަ މިގޭމް އަލުން ފަށާނީ. ޏިމުނެއް ނޯންނާނެ. މިއޮތީވާ ގައުމެއް.
ރައްޔިތުންގެ
14 October 2022
36 ހާސް އަހަރަކަށް ވީމާ . ޢެއީ ކޮންމެ މަހަކު 3 ހާސް ރުފިޔާ. ގޯހެއް ނޫން.
ރައްޔިތުންގެ އަޑު
14 October 2022
މަހަކު 3 ހާސް ރުފިޔާއަށް ރަށެއް. އަނެއްކޮޅުން ސަރުކާރުން މިދުވަނީ ހިޔާ ފްލެޓުގައި ދިރިއުޅެމުން ދާ ނިކަމެތި ރައްޔިތުންގެ އަތުން މަހަކު 8 ހާސް ރުފިޔާ ނަގަން.
ވގ13
15 October 2022
ނިކަމެތިން ނެތް ނޫން ހުރިހާމީހުންނަކީ އެބަހުރި 5 ތަރި ފެންވަރައް ހަދާފަ ހަފްތާބަންދުގަ ގޮސް މަޖާކޮއްލަން
ސަލާމަތީ
14 October 2022
އަހަރަކަށް 36،000 ރުފިޔާ އަށް ރަށެއް ކުއްޔަށް ދީފަ. ތި މައްސަލަ ކައުންސިލުން ކޯޓަށް ހުށަހަޅާ. މަޖީދީ މަގުން ފިހާރައެއް ވެސް މިހާރު މަހަކު 50،000 އަށް ވުރެ ކުޑަ އަގެއް ގައި ނުލިބޭނެ. މިއީ ބޮޑު ޖަރީމާ އެއް.
ޝާހީ
14 October 2022
ރައްޔިތުންގެ ބާރު މާގަަދަ ވާނެ. ވ. ކައުންސިލަށް ސާބަސް.