ޚަބަރު / އަބްދުﷲ ރަޝީދުގެ މަރު (ހޯނޑެއްދޫ)

ރަޝީދުގެ މަރަށް ތަހުގީގީ ނަޒަރަކުން ބެލުމުން ފެންނަނީ ތަފާތު މަންޒަރެއް: އިމްރާން

އަބްދުﷲ ރަޝީދު

މޫސާ ރަޝީދު، މިހާރު

07 މާޗް 2023 - 11:24

ފުލުހުންގެ ބެލުމުގެ ދަށުގައި ހުއްޓާ މަރުވި އަބްދުﷲ ރަޝީދުގެ މައްސަލަ އަށް ތަހުގީގީ ނަޒަރަކުން ބަލާ ނަމަ ރައްޔިތުންނަށް ފެނުނު ކަންކަމާ މުޅިން ތަފާތު މަންޒަރެއް ފެންނަ ކަމަށް ހޯމް މިނިސްޓަރު އިމްރާން އަބްދުﷲ ރައްޔިތުންގެ މަޖިލިހުގައި މިއަދު ވިދާޅުވެއްޖެ އެވެ.

އޮކްޓޫބަރު 25، 2022 ގައި ފުލުހުން ގދ. ހޯޑެއްދޫގައި ހިންގި ޑްރަގް އޮޕަރޭޝަނެއް ތެރެއިން ހައްޔަރުކުރި ރަޝީދު މަރުވީ އޭނާ މެޔަށް ތަދެއް އެރުމުން ފަރުވާ ދިނުމަށް ފުލުހުން އިންކާރު ކުރުމުން ކަމަށް އާއިލާ އިން ތުހުމަތު ކުރެ އެވެ.

ފުލުހުންގެ ލޯންޗެއްގައި އެ ދުވަހު ގދ. މަޑަވެލީގެ ހެލްތު ސެންޓަރަށް ގެންދިޔަ އިރު ވެސް އޭނާ އޮތީ މަރުވެފަ އެވެ. އެ މަރަށް ފަސް މަސް ވެފައިވާއިރު ވެސް ފުލުހުންގެ އިހުމާލަށް ކުރާ ތުހުމަތުގެ މައްސަލައިގެ ތަހުގީގު ނިމުނު ކަމަކަށް ކަމާ ބެހޭ އިދާރާތަކުން ނުބުނެ އެވެ.

އެކަމާ ގުޅޭ ގޮތުން ރައްޔިތުންގެ މަޖިލީހުގެ މިއަދުގެ ޖަލްސާގައި އިމްރާންއާ ސުވާލު ކުރައްވަމުން މަޑަވެލި ދާއިރާގެ އެމްޑީޕީގެ މެންބަރު ހުސެއިން ފިރުޝާން ވިދާޅުވީ، އެ ހާދިސާ ހިނގި ވަގުތު އެ ރަށުގައި ތިބި މީހުންނާ އޭނާއާ ބައްދަލުވި ކަމަށާއި ލޯ ކުރިމަތިން އެކަން ހިނގައިދިޔަ ގޮތް ފެނިވަޑައިގެންނެވި ކަމަށެވެ.

Rasheed ge postmortem report aailaa akah nudhin, Media ah ves haama eh nukuraane

The most trusted news source in the Maldives

Mihaaru

އެ މައްސަލާގައި އިހުމާލުވެފައިވާ ފުލުހުންނަށް މިހާތަނަށް އެއްވެސް ފިޔަވަޅެއް އަޅާފައިވޭތޯ އޭނާ ސުވާލު ކުރެއްވި އެވެ.

ޖަވާބުގައި އިމްރާން ވިދާޅުވީ، ރަށުގައި ތިބި މީހުންނަށް އެކަން ފެނުނު ގޮތާއި އެ މައްސަލަ އަށް ތަހުގީގީ ނަޒަރަކުން ބެލުމުން ގަބޫލު ކުރެވޭ ގޮތާއި އޭގެ ފަހަތުގައި ހުރި ކަންކަން ވަރަށް ތަފާތު ކަމަށެވެ.

ރައްޔިތުންގެ ކުރިމަތިން ރަޝީދު ގެންދިޔަ އިރު ހިނގި 10 ވަރަކަށް މިނިޓުގެ މައްޗަށް ބެލުމަށް ފަހު ގޮތެއް ނިންމައިފި ނަމަ އެއީ ރަނގަޅު ގޮތަކަށް ނުވާނެ ކަމަށް މިނިސްޓަރު ވިދާޅުވި އެވެ. އެއީ ފަހަތުގައި ވަރަށް ބޮޑެތި ކަންކަން ހިނގާފައިވާ މައްސަލައެއް ކަމަށް ވެސް ވިދާޅުވި އެވެ.

"އަޅުގަނޑު ބެލިން ދެކޮޅުން ހިނގައި ދިޔަ ގޮތް. ކިހިނެތްތޯ ތިބޭފުޅުންނާ ހަމައަށް ދިއުމުގެ ކުރިން އެ މައްސަލަ ފެށިގެން ދިޔައީ އަދި ތިބޭފުޅުންގެ ލޯމަތިން ދިޔުމަށް ފަހު ދެން ކިހިނެތްތޯ ދިޔައީ. މެދުތެރެއިން ފެނުނު ބައެއްގެ މައްޗަށް ބަލާފައި މައްސަލައެއްގައި އެ ވަރުގެ ޖަޖްމަންޓެއް ނެރުން އެއީ ރަނގަޅު ކަމަކަށް ނުވާނެ،" އިމްރާން ވިދާޅުވި އެވެ.

އެ މައްސަލަ މިހާރު އަންނަނީ ފުލުހުންނާއި ނޭޝަނަލް އިންޓަގްރިޓީ ކޮމިޝަން (އެންއައިސީ) އިން ގުޅިގެން ތަހުގީގު ކުރަމުންނެވެ. އެކަމަކު، އެކަމާ ބެހޭ މާ ބޮޑު ތަފްސީލެއް އެ މުއައްސަސާތަކުން ހާމައެއް ނުކުރެ އެވެ. އެހެންވެ، ފުލުހުން އިހުމާލުވި މައްސަލާގައި ޖަވާބެއް ނުލިބެ އެވެ.

ފުލުހުން ރައްޔިތުންގެ މަޖިލިސް އިމްރާން އަބްދުﷲ، ހޯމް މިނިސްޓަރު ނެޝަނަލް އިންޓަގްރިޓީ ކޮމިޝަން އަބްދުﷲ ރަޝީދުގެ މަރު (ހޯނޑެއްދޫ)

15 ކޮމެންޓް, 13 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

LaamuonlineDOTcom

09 March 2023

މިހިރީ ދީނީޢިލްމުވެރިންކަމަށްބުނާ މީހުންގެވެސް ރާގުބަދަލުވާގޮތްދޯ!! އިމްރާނު މުޒާހަރާތަކުގައި ލަވާފަހުރި ހަޅޭތަކާ މިހާރު އެކިކަންކަމާ ގުޅިގެން ދައްކާވާހަކަތައް އުޑާބިމާހާތަފާތު، ޝަހީމު ޔާމީނުގެ ރަނިންމޭޓަކަށް އަރާ ރާއްޖެޓީވީ އިންޓަވިއުގެ ސުވާލުތަކަށްދިން ދެކޮޅުނުޖެހޭ ޖަވާބުތައް، މިނޫނަސް ސިޔާސީ މައިދާނަށްނިކުތް ދީނީޢިލްމުވެރިން ކަމަށްބުނާ %99 މީހުންގެ ދެފުށްދެގޮތްކަން ވަނީ ހާމަވެފަ! މާނައަކީ މިރާއްޖޭގައި ހަގީގީ ދީނީއިލްމުވެރިން ވަރަށްމަދޭ!!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވަހުތާން

08 March 2023

ބޭކަލުންނޭ ކޮންމެ މީހަކު މަރުވިޔަސް ވާނީ މައްޔިތަކަށް! އެކަމަށް ސަމާލުވޭ! މައްޔިތާ ކުރިކަމަކާއި އުޅުނުގޮތަކާއި ބެއްލެވި އެއްޗަކާއި، ކުރި ވިޔަފާރިއަކީ އަދި އެހެން ހުރިހ ކަމާކާ އެކަން ބަލާނީ އެކަން ބަލަންވާ ފަރާތުން! އަދި ތިހުރިކަމެއް އެންމެ ރަނގަޅަށް ބައްލަވާ ދުވަހު އިންޞާފު ލިބޭނެ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މައިތިރި ޕާލާ

07 March 2023

މައްޔިތާގެ ހަށިގަނޑު ވާރުތަވެރީންނަށް ދެއްކުމަކީ ތަހުގީގީ ނަޒަރަކުން ހަރާންކަމެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވަހީދުބޭބެ

07 March 2023

ތަހުގީގުން ފެންނާނެ މަންޒަރު ތަފާތުވާނެކަަން އެންމެނަށް ވެސް އެނގޭނެ. މަރުވީ ފުލުހުންގެ އިހްމާލުން، ފަހުން އާއިލާއަށް ނުވެސް ދެއްކި ރޮއެ އާދޭސް ކުރީމަ ވެސް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަބްލާހި

07 March 2023

އޭނަ ކުރިކަމެއް ކުރީ އެކަމު އެމަރަކީ ފަރުވާކުޑަކަމުގެ ލާމަސީލު އެދޫވީ ފުރާނައަށް ޒިންމާވެ އިސްތިއުފާދީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިމްރާންކޮއްކޮ

07 March 2023

އިމްރާންގެ ޖަވާބު ހާދަސަޅިއޭ ދޯ! މާނައަކީ އިމްރާންގެ 3 ވަނަ ލޯ، އެތާ ފެށުމާއި މެދުތެރެއާއި ނިމުމުގައިވެސް ވެއޭ. އެހެންވެ ތިޔަހާ ސަޅި ޖަވާބެއް ތިޔަދިނީ. މުޖްރިމަކަސް ، ޖަނަވާރަކަސް އޭނާއަށް ލިބިދޭންޖެހޭ އަސާސީ ޙައްޤުތައް ހުންނާނެ. މީހަކު މަރަށްތެޅުނުއިރު އެކަން ނިމިދިޔައީ ހާދަހާ ފުރިހަމަކޮށޭ އިމްރާން ތިޔަބުނަނީ؟ އެއީ އިމްރާންގެ އަޚަކަށްވެފައި އިމްރާން ތިޔަ މަޤާމުގައި ނެތް ހިނދެއްގައިވެސް ހަމަތިހެންބާ ޖަވާބުދޭނީ؟؟ ރުޅިއަރުވަންނޫޅޭ..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހުސެންދީ

07 March 2023

ޖަވާބެއް ނުލިބެނީ ފުލުހުން އިހްމާލުވެފައި އޮތީމާ. ފުލުހުން ގެ ކުށެއް އިހްމާލެއް ނެތް ނަމަ ހުރިހާ ސުވާލަކަށް ވެސް ޖަވާބު ލިބުނިސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަފްލާ

07 March 2023

ސީންގަ އުޅުނު ފުލުހުންވެސް އަޅާ ނުލާ ތިބީ ތަހުގީގީ ނަޒަރަކުން ބަލަން..ފުލުހުން ހައްޔަރު ކުރާ މީހުނަށް އަނިޔާދެނީވެސް ތަހްގީގީ ނަޒަރަކުން ބަލާތީ..މުޒާހަރާ ކުރާ މީހުން އުފުރާލަނީވެސް ތަހްގީގީ ނަޒަރަކުން..ދެން ގާނޫނު ކޮބާ؟؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފާންފޮތި

07 March 2023

އަޅެ ރައްޔިތުން މިކިޔަނީ ދެފޮޅުވަތް ދޭތެރޭ ހިނގިކަންކަން ތަހްގީގު ކުރުމަށްފަހު ވީގޮތް އޮޅުން ފިލުވައިދޭން 5 މަސް ވީމާ ހާދަ ސްލޯއޭ. އޭގެ ތަފްސީލް އޮޅުން ފިލުވައިދޭށޭ. އެއީވެސް ދިވެހި ރައްޔިތެކޭ. އޭނާ ކަމެއްކުރިނަމަ އެއީ އަދި މުޅިން އެހެންކަމެކޭ.