ކުރީގެ ރައީސް އަދި ޕީޕީއެމްގެ ރިޔާސީ ކެންޑިޑޭޓް ޔާމީން އަދި މާލެ ސިޓީ ކައުންސިލްގެ މެމްބަރު ރަމީޒް.
20 އެޕްރީލް 2023 - 14:37
65 comments
ޕީޕީއެމްގެ ރިޔާސީ ކެންޑިޑޭޓް ކުރީގެ ރައީސް އަބްދުﷲ ޔާމީންގެ ކެންޑިޑެސީ އަށް ހުރަސް އެޅޭ ގޮތަށް، މާލޭ ސިޓީ ކައުންސިލްގެ މެމްބަރު އާދަމް ރަމީޒު މަސައްކަތް ކުރެއްވި ކަމުގެ ތުހުމަތު ކުރެވޭތީ އެ މައްސަލަ ސީރިއަސް ކަމެއްގެ ގޮތުގައި ބަލަން އެންގެވީ ސީދާ ޔާމީން ކަމަށް އެ ޕާޓީން އެންމެ ފަހުން ބުނެފި އެވެ.
ޕީޕީއެމްގެ ނައިބު ރައީސް އަދި ނައިފަރު ދާއިރާގެ މެމްބަރު އަހުމަދު ޝިޔާމް ނޫސްވެރިން ގާތު އެހެން ވިދާޅުވިއިރު، އެ ޕާޓީގެ ސުލޫކީ ކޮމިޓީ އަށް ރަމީޒު މިދިޔަ އަންގާރަ ދުވަހު ހާޒިރުކޮށް ވަނީ ބަޔާން ނަގައިފަ އެވެ. އަދި ދިފާއުގައި އޭނާ ހެކި ވެސް ހުށަހެޅުއްވި އެވެ. އެކަމަކު، ކޮމިޓީން މައްސަލަ ބަލައި ނުނިމެނީސް، އެ ރޭ ދަންވަރު ރަމީޒް ވަނީ ކުއްލި ގޮތަކަށް ޕީޕީއެމުން ވަކިވެވަޑައިގެންފަ އެވެ.
އެ ނިންމުން ނިންމެވި ސަބަބު ރަމީޒް އަދި އޮތީ ސިއްރު ކުރައްވައިފަ އެވެ.
އިލެކްޝަންސް ކޮމިޝަން (އީސީ) ގެ މެމްބަރުންނާ ބައްދަލުކުރެއްވުމަށް ފަހު، ނޫސްވެރިއެއްގެ ސުވާލާ ގުޅިގެން ޝިޔާމް ވިދާޅުވީ، ރިޔާސީ ކެންޑިޑެސީ އަށް ހުރަސްއެޅޭ ފަދަ ކަންތައްތަކެއް ރަމީޒު ކުރައްވާ ކަމަށާއި ސީރިއަސް މައްސަލައެއްގެ ގޮތުގައި އެކަން ބަލައި ފިޔަވަޅު އަޅައިދިނުމަށް އެދިވަޑައިގަތީ ޔާމީންގެ ފަރާތްޕުޅުން ކަމަށެވެ.
ޕީޕީއެމްގެ އިސް އޮފިޝަލުންތަކެއް، އީސީގެ މެމްބަރުންނާ މިއަދު ބައްދަލުކުރައްވަނީ.-- ފޮޓޯ: ޕީޕީއެމް
"ރަނގަޅު، ރައީސް ޔާމީންގެ ފަރާތްޕުޅުން ޕާޓީ އަށް ލިބިފައި އެބައޮތް އެ ކަހަލަ އިރުޝާދެއް. އެ މަނިކުފާނުގެ ރިޔާސީ ކެންޑިޑެސީ އަށް ހުރަސްއެޅޭ ފަދަ ކަންތައްތަކެއް މި ދެންނެވި ފަރާތުން ކުރައްވާ ވާހަކަ. އެހެންވެ، އެއީ ސީރިއަސް މައްސަލައެއްގެ ގޮތުގައި އަޅުގަނޑުމެން ބަލައި ފިޔަވަޅު އަޅައި ނިންމުމަށް،" މާފުށީ ޖަލަށް ލާފައިވާ ޔާމީންގެ އެންގެވުމާ ގުޅޭ ގޮތުން ޝިޔާމް ވިދާޅުވި އެވެ.
ރަމީޒާ ދެކޮޅަށް ހެކިބަސް ނުވަތަ ބަޔާން ދެއްވުމަށް ސުލޫކީ ކޮމިޓީ އަށް މިދިޔަ އަންގާރަ ދުވަހުގެ ރޭ ޝިޔާމާއި ޕީއެންސީގެ ނައިބު ރައީސް އަދި މާލެ ސިޓީ ކައުންސިލްގެ މެމްބަރު އިބްރާހިމް ޝުޖާއު ހާޒިރުވުމަށް އެންގި ކަމަށް ވެސް އެ ރޭ އަޑު ފެތުރުނެވެ. އެކަމަކު، މީޑިއާ އަށް އެ ވާހަކަ އައުމާއެކު، ޕީޕީއެމުން އެ ވާހަކަ ދޮގުކުރި އެވެ.
ރަމީޒުގެ މައްސަލައިގެ ތަފުސީލެއް ޕީޕީއެމުން ފުރަތަމަ ފަހަރަށް މީޑިއާ އަށް މިއަދު ތިލަކުރި ނަމަވެސް އޭނާގެ މައްސަލަ ސުލޫކީ ކޮމިޓީން ބަލަން ފެށީ ޔާމީން ފޮނުއްވި ނޯޓަކާ ގުޅިގެން ކަމަށް މީޑިއާ އަށް ވަނީ އެނގިފަ އެވެ. އޭގައި ޔާމީން އެދިވަޑައިގަތީ އެ މަނިކުފާނުގެ ކެންޑިޑެސީ އަށް ހުރަސްއެޅޭ ގޮތަށް ރަމީޒް މަސައްކަތް ކުރައްވާ ކަމަށް ތުހުމަތު ކުރެވޭތީ އެ މައްސަލަ ސުލޫކީ ކޮމިޓީން ބަލައި ފިޔަވަޅު އަޅައި ދިނުމަށެވެ.
ޔާމީންގެ މައްޗަށް 11 އަހަރުގެ ޖަލު ހުކުމެއް އައިސްފައިވާއިރު، މި އަހަރުގެ ރިޔާސީ އިންތިހާބުގައި އެ މަނިކުފާނަށް ވާދަކުރެވިދާނެ ކަމާ މެދު ބައެއް މީހުން ދަނީ ސުވާލު އުފައްދަމުންނެވެ. އޭގެ ތެރޭގައި ޕީޕީއެމްގެ ބައެއް މެމްބަރުން ވެސް ހިމެނެ އެވެ. އެކަމަކު، ޕީޕީއެމްގެ ލީޑަޝިޕުން ބުނަނީ ސެޕްޓެމްބަރު 9 ގައި ބާއްވާ ރިޔާސީ އިންތިހާބުގައި ޔާމީން ވާދަކުރައްވާނެ ކަމަށާއި ޝަރުއީ ނިޒާމުގެ ތެރެއިން އެ މަނިކުފާނަށް އެ ފުރުސަތު ލިބޭނެ ކަމުގެ ޔަގީންކަން އެބައޮތް ކަމަށެވެ. ޝިޔާމް މިއަދު ވެސް ވިދާޅުވީ، މި އަހަރުގެ ރިޔާސީ އިންތިހާބުގައި ޔާމީނަށް ވާދަކުރެވޭނެ ކަމުގެ ޔަގީންކަން އެބައޮތް ކަމަށެވެ. އެހެންވެ، އިތުރު އެހެން ގޮތެއް ނުބައްލާ ކަމަށް ވިދާޅުވި އެވެ،
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަމީލާ
21 April 2023
މިއީ ޔާމީނު އަންގައިގެން ރަމީޒު ކުރިކަމެއް، ސަބަބަކީ ޓިކެޓް ބޭނުންވެގެން ޖަމީލުމެން ސައީދުމެން އަދި އަދުރޭ ތަޅާފޮޅާތީ ޔާމިނު ދަރި ލައްވާ ރަމީޒުއަށް ގެނެސްދިން މެސެޖެއްގެ ސަބަބުން ޖެހި ސްޓަންޓެއް. މިހާރު އަނެއްކާވެސް ޔާމީނަށް ޔަޤީންކަން ލިބިއްޖެ.
ފިސް
21 April 2023
މީނަމިހިރީ ރިޔާސީ ޓިކެޓާހެދި މޮޔަވެފައި.
ތުނޑުހަސަނު
21 April 2023
ވެރިކަމުގެ އާރާއި ބާރު ލިބުނު އެއްވެސް މީހަކު ގައުމު އިސްލާޙްގެ މަގަށް ގެންދަން އުޅުނުތަނެއް ނުފެނުނު. އެމީހުންގެ ވަޢުދުތަކާއި އަޙުދުތައް ކޮންމެ ގޮތަކަަށް ހުއްޓަސް ގައުމު ދަތުރުކުރަމުންދަނީ ނާމާންކަމުގެ ތެރެއަށްް ގެނބި ޣަރަގުވެދާނެ ފަދަ މިސްރާބަކަށް. ހެޔޮނިޔަތުގައިި ހެޔޮބަދަލަކަަށް މަސައްކަތްކުރާތަން ނުފެނޭ. މިހާރު ރާއްޖެއަށް ބޭނުންވަނީ ހަރުކަށިކަން ދައްކައިގެން ވިޔަސް އަމާން ބަނދަރަކަށް ގައުމު ގެންދެވޭނެ ވެރިއެއް. މިފަދަ މީހަކަަށް ހުރީ ކާކު؟!!
200000
23 April 2023
އުމަރު
މަތީނު
21 April 2023
ޖަލުގަ ހުރި ގައިދީއަކު، އެއްވެސް ހައިސިއްޔަތެއް ނެތި، ސިޔާސީ ޕާޓީއެއްގެ އެތެރޭގެ ކަންތަކާބެހި ހަމަނުޖެހުން އުފެއްދުން މިއީ ވަރަށް ބޮޑު މައްސަލައެއް. ދައުލަތުން ޚަރަދުކުރާ އިންސްޓިޓިއުޝަނަކަށް ޕާޓީ ވާއިރު، މިއީ ޢާއްމު ރައްޔިތުންގެ މަސްލަޙަތު އޮތްކަމެއް. އަނެއްކޮޅުން، ވަކީލުކަން ކުރާނަމުގަ، ގައިދީއަށް ޕޯސްޓުމަނެއްގެ ދައުރު އަދާކޮށްދީ، މުޖުތަމަޢުން އެކަހެރިކޮށްފަ ހުރި މީހަކު، އެހެން މީހުނަށް ބިރުދައްކަން މަގުފަހިކުރާ މައްސަލަވެސް ކުޑައެއް ނޫން!
ސޭކުސްތާނު
21 April 2023
މިފަހަރު ޔާމީން އަށް ފުރުސަތުދީ އޭނާބަލިކުރުމުގެ ފުރިހަމަ ބާރު ރައްޔިތުނަނަށް ލިބިދޭންވާނެ.
ރޯޒަސް
22 April 2023
ޔާމީނަށް ތި ހައްގު ދެންޏާ ޖަލުގައި ތިބި އެންމެނަށްވެސް ކުރިމަތިލެވޭނެ.
ޖުލައި2023
20 April 2023
ޕީޕީއެމްއަށް އެންމެ މޮޅު ޗޮއިސްއަކީ މުއިއްޒު. ރާއްޖޭގެ ގިނަރައްޔިތުންގެ ތާއީދު އެބައޮތް މުއިއްޒުގެ ހިންގުންތެރިކަމަށް. ރައީސް ޔާމީނަށް ކުރިމަތިނުލެއްވޭ ހާލަތެއްގަ މުއިއްޒު ނެރުމަކީ އެންމެ ކާމިޔާބު ގޮތް. މުއިއްޒު 2023
މޮޔަވެއްޖެ
21 April 2023
މުއިއްޒަކީ ރާއްޖޭގެ ރައީސުލް ޖުމްހޫރިއްޔާކަމަށް ގާބިލް މީހެއްކަމަކަށް ނުދެކެން.
އަދާލަތު
20 April 2023
ރަމީޒު އަމިއްލަފުޅަށް ޕާރޓީއިން ވަކިވެ ވަޑައިގަތުމަކީ، އަމިއްލަފުޅަށް އިޢުތިރާފުވެ ވަޑައިގަތުން.
މައްކާރު ޣައްދާރު ޕާޓީއެއްނު؟
20 April 2023
"ޕީޕީއެމްގެ ލީޑަޝިޕުން ބުނަނީ.. ޝިޔާމު މިއަދުވެސް ވިދާޅުވީ.. ސެޕްޓެމްބަރު 9 ގެ ރިޔާސީ އިންތިހާބުގައި ޔާމީން ވާދަކުރައްވާނެ ކަމަށާއި ޝަރުއީ ނިޒާމުގެ ތެރެއިން.. އެ ފުރުސަތު ލިބޭނެ ކަމުގެ ޔަގީންކަން އެބައޮތް ކަމަށެވެ" ނޫނޭވާ!! ޝައްކެއްނެތި ޔާމީނު އެއިނީ ކުރިޔަށް އޮތް ދައުރުގެ ރައީސްކަމަށް ހޮވި ދިވެހި ރިޔާސީ ތަޚްތުގައި!! ކީކޭ ދެން ބުނާނީ؟ އަޚްލާގެއް ނެތް ކޮރަޕްޓް މި ބޮޑު މަކަރު، ދިވެހި އެތައް ރައްޔިތުނެއްގެ ހައްގުގާ ޖެއްސިގެން ނުވާނެ! ކޮބާތަ އީސީސީ؟
މިނިކާބާޒް
20 April 2023
ބަލަ ޔާމީނު ނޫނަސް ކުރިމަތިލާން ބޭނުން ކޮންމެ ދިވެހި ރައްޔިތަކަށްވެސް ލިބިގެންވާ ހައްޤެކޭ ރައީސުލްޖުމުހޫރިއްޔާ ކަމަށް ކުރިމަތިލުމަކީ. އަދި ބޮޑުކުށެއްކޮށްގެން ޔާމީނު ޖަލައްލީމަ ޕީޕީއެމުގަތިބި ހަމަބުއްދިފިލާ ކޮންމެ މީހަކުވެސް ވިސްނާނެ ޔާމީނަށް ކުރިމަތިނުލެވޭ ހާލަތުގަ ޕާޓީތެރެއިން އެމީހަކު ތާޢީދު ކުރާމީހަކު ނެރުމަށް ކެންޕައިންކުރަން އެއީ ވަހީދަކަސް ޖަމީލަކަސް ޤައްސާނަކަސް މުއިއްޒަކަސް ސައީދަކަސް އާދަނަކަސްހެޔޮ... ދެން ކޮން މައްސަލައެއް ބަލާކަށް!
ހަސަން ކުރުސީބެ
20 April 2023
ޔާމީނު ނައްޓައިފިއްޔާ ތޫފާނެއް އުފެދޭނެ. އެހެންވެ އަދުރޭވެސް ފިއްތާލައިގެން އެހުންނަނީ.