ހއ. ދިއްދޫ ފަރަށް އެރި އެމްއެމް އެކްސްޕޯޓްގެ ޓަގް: ހަތަރު ދުވަހަށް ފަހު އެ ޓަގު ރޭ ވަނީ ފުންކޮށްފައި.
05 މެއި 2023 - 11:03
13 comments
ހއ. ދިއްދޫ ފަރަށް، އެރި އެމްއެމް އެކްސްޕޯޓްގެ ޓަގު ހަތަރު ދުވަހަށް ފަހު ރޭ ދަންވަރު ފުންކޮށްފި އެވެ.
މީގެކުރިން ވެސް ޓަގުތަކާއި ބާޖުތައް ފަރަށް އެރުމުގެ ތާރީހެއް އޮތް އެމްއެމް އެކްސްޕޯޓުގެ ޓަގު ބޯޓަކާއި ބާޖެއް ދިއްދޫގެ ފަރަށް އެރީ މިދިޔަ ހޯމަ ދުވަހު އެވެ.
ދިއްދޫ ކައުންސިލްގެ ރައީސް އަބްދުﷲ ރަޝީދު ވިދާޅުވީ، އިއްޔެ ހަވީރު އެ ރަށަށް އައި އެހެން ޓަގްބޯޓަކުން ވާޖަހައިގެން، ފަރުމަތީގައި އޮތް ޓަގު ބޯޓް "މުތާ ޕްރިންސަސް" ފުން ކުރަން މަސައްކަތް ކުރި ކަމަށެވެ.
"ފުން ކުރަން އައި ޓަގު ބޯޓުން އިއްޔެ ވެސް މަސައްކަތް ކުރި ފަރުމަތީގައި އޮތް ޓަގު ބޯޓް ފުން ކުރަން. އެކަމަކު އޭރު އެންމެ ބޮޑު ދިޔަވަރު ނެތީމަ ނުކުރެވުނު. ރޭ ދަންވަރު ގާތްގަނޑަކަށް 2 ޖެހިއިރު އެންމެ ބޮޑު ދިޔަ ލިބުނީމަ ފުން ކުރެވުނީ،" ރަޝީދު ވިދާޅުވި އެވެ.
އެ ޓަގާ އެކު އެ ރަށަށް ގެންދިޔަ ހިލަބަރުކޮށްފައި އޮތް ބާޖެއް ވެސް ފަރުމައްޗަށް އެރި އެވެ. އެކަމަކު އެ ބާޖު ވަނީ ކުރިން ފުންކޮށްފަ އެވެ.
ރަޝީދު ވިދާޅުވީ ޓަގް ބޯޓާއި ބާޖް ފަރަށް އެރި މައްސަލަ އެންވަޔަރްމެންޓް މިނިސްޓްރީ އާއި އީޕީއޭ އަށް ހުށަހަޅާފައި ވާނެ ކަމަށެވެ.
"ފަރަށް ލިބުނު ގެއްލުންތައް ދެނެގަނެވޭނީ އީޕީއޭއިން އެކަން ބެލީމަ. ލިބުނު ގެއްލުމަށް ބަލާފަ އީޕީއޭއިން ގޮތެއް ކަނޑައަޅާނެ ކަމަށް އަޅުގަނޑު ގަބޫލު ކުރަނީ،" އޭނާ ވިދާޅުވި އެވެ.
އެމްއެމް އެކްސްޕޯޓްގެ "މުތާ ރޯޔަލް" ނަމަކަށް ކިޔާ ޓަގް ބޯޓާއި "މުތާ ގްރޭސް" ކިޔާ ބާޖެއް ކ. ފުށިދިއްގަރު ފަރަށް 2015 ގައި އެރި އެވެ. މައްސަލައިގައި 110 މިލިއަން ރުފިޔާ ދައްކަން އެންގިތާ ހަތަރު އަހަރުވީ އިރު ވެސް ފައިސާ ދައްކާފައެއް ނުވެ އެވެ. އެ ފަރުގެ 4،370 އަކަމީޓަރުގެ ސަރަހައްދަކަށް ގެއްލުންވި ކަމަށް އޭރު އީޕީއޭއިން ބުންޏެވެ. އެ ކުންފުނީގެ ބޯޓެއް 2014 ވަނަ އަހަރުގެ ތެރޭގައި ތިލަފުށީ ފަރަށް ވެސް އެރި އެވެ. އެ މައްސަލަ ބެލުމަށްފަހު އެ ބޯޓް 22 މިލިއަން ރުފިޔާ އިން ޖޫރިމަނާކުރި ނަމަވެސް އެމްއެމް އެކްސްޕޯޓުގެ އެދުމުގެ މަތިން ފަހުން ވަނީ ޖޫރިމަނާ 2.8 މިލިއަން ރުފިޔާ އަށް ކުޑަކޮށްދިނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ނަހަމަ
06 May 2023
ހައިޑްރޯގްރަފީ ސާރވޭ ހަދަނީ މިކަހަލަ ކަންކަން ވިޔަނުދޭންކަމަށް ބުނެ އެހެން ގައުމަކަށް މިގައުމުގެ ކަނޑުގެ ހުރިހާ ވަނާތަކެއް ދައްކައި މަށަންދަތި އަޅަންދީގެން މިގައުމުގެ ސަރުކާރު އޮންނަނީ. 'ހެޔޮއެދިގެން' ސާރވޭ ހަދައިދޭ ގައުމުގެ ބޮޑެތި ބޯޓު ފަހަރު މިގައުމުގެ ފަރުތަކަށް އަރައި ފަރުހަލާކުވެ އެއަށް ޖޫރިމަނާ ދައްކަންޖެހޭއިރު ނުދައްކާ. އެކުރާ ސާރވޭއެއްގެ ބޭނުން އެބުނާ ބޭނުންތަކަކަށް ނުހިފޭކަމާ އެއީ ހަމަ އަޅުވާލާ އަނދުނެއްކަން މިފަދަ ކަންކަމުން މި އެނގެނީ.
އެޑަމް
06 May 2023
އެމްއެމް އެކުސްޕޯޓްއެގޭތޯ ތިމުއުތާއަކީއަޅުގަޑުމެންނާއެކުގަ ދަމާކަޑަން އުޅުނުމީހެއް އޭރުއަހަރުމެންްގެ އެޖެންޓުންނަކީ އާރުކޭ އެންޓަރޕުރައިސް. މުއުތާ. ޕުރަކާސް.އެވެ މުއުތާއަކީމިހާރު އިންޑިއާގެމިލިއޮނަރެކެވެ. އޭނާމިލިއޮނަރަކައްހަދާދިނީ ޔާމީނެވެ އެސްޓީއޯއިންކޮޗިންގަގުދަނާއެއްޗިހިފާދީިގެން.މުޅިންދިވެހިންގެލެއިންމުއްސަދިވިމީހެއް.ޔާމީނައްފަހުންއެސްޓީއޯއައިވެރިންމީނާގަނެލީއެވެ ކަރަޕުސަންގެފައިދާގެފިފުޓީ ފިފުޓީ ލިބެންފެށީމަ އަންނަކޮންމެއެމްޑީއަކުހުރީމޮޔަވެފަ.ކޮންމެ އެމްޑީއެއްއަޔަސްއެސްޓީއޯއައްކާޑުގަތުންދެނެއްބަދަލެއްނުކުރެވޭނެ
އެޅަބެއްޔާ
05 May 2023
ތި ޢެމް އެމް އެކްސްޕޯޓް ފައިސާ އެއް ނުދައްކާނެ. ސަރުކާރުގެ ކުންފުނި ތައް އޮތީ އެމީހުން ނަށް ދަރާ ބޯނުހިކޭ ހިސާބުގަ ކުރެވޭނެ އެއް ކަމެއް ނޯންނާނެ
މަހުރަމް
05 May 2023
އީޕީއޭ އޮތީ މިކަމުގަ ލޯ މަރާލައިގެން
ކޮރަލް
05 May 2023
އީޕީ އޭ އިން ތިޔަ ރަށައް ދިޔަ ތޯ ބަލާލަ ބަލާށެވެ. އެމީހުން ރަށައް ދިޔައީމަ މައްސަލަ ބަލާ ގޮތެއް ނިންމަން ޖެހޭނެ އެވެ. ރަށައް ނުދާނަމަ މައްސަލަ ނުނިން ބޭއްވިދާނެ އެވެ.
ސައުތު
05 May 2023
މި އެމްއެމްއެކްޕޯޓް އިން ރާއްޖޭގެ ކިތައް ފަރު ހަލާކު ކުރީމަތޯ މި މީހުން މިތަނުން ބޭރުކުރާނީ؟ މި ރާއްޖޭގަ ދިވެހި ކުންފުންޏެއް ގޮތަށް މި މީހުން ބޭނުން ވިޔަފާރިއެއް ކުރަން ފުރުސަތު ދީގެން މި ތިބެނީ ކޮން ބަޔެއް؟
ޢަރުތަ
05 May 2023
ކުރީ ސަރުކާރުންވެސް މިސަރުކާރުންވެސް ތިއޮތީ ޑީލްހަދާފަ، އެމީހުންގެ އުޅަނދުތައް ރާއްޖޭގެ އެކިއެކި ފަރަށް އަރާފަ ހުރި ތާރީޚްތަކަށް ބަލާލީމަ އެކަން ވަރަށް ސާފު ދެއްތޮ.
ޛުލްމް
05 May 2023
މަ ބުނީ ޖޫރިމަނާކުރީމަ ވަނީ ކޮން ފައިދާއެއްތަ؟ އެ ފައިސާއިން އެފަރަށް ލިބުނު ގެއްލުން ރިކަވަރ ކުރަން އެންމެ ރުފިޔާއެއްވެސް ހޭދަ ކުރާނެތަ؟ ހަމަ އެކަނި ފައިސާ ބޭނުމުގަތަ ޖޫރިމަނާ ކުރަނީ؟
ގުލް ޞާލިހު
05 May 2023
އައްދެ! އެމް އެމް އެކްސްޕޯޓް އިންޑިއާ އަކާ ނުކުޅެވޭނެ. ކިހާ ޖަރީމާ އެއްހިންގާ ބައެއްތީ، ތިމައްސަލާގެ ޖޫރިމަނާ ނުދައްކާނެ، އެމް އެމް ކޮސްޕޯޓް އަދި އެފްކޮންސް ގެ ޖޫރިމަނާ ނަގާކަށް ލާހިކެއްނޫން... މިހާތަނަށް ކުޅެވިފައެއް ނެތް
ޢަރުތަ
05 May 2023
ރަނގަޅު ވާހަކައެއް، 2015ގަ އެމީހުންގެ އުޅަނދެއް ފަރަށް އަރައިގެން ކުރި ޖޫރިމަނާވެސް ނުދައްކާ، އަނެއްކާ 2014 ވަނަ އަހަރުގެ އެމީހުންގެ އުޅަނދެއް ތިލަފުށީ ފަރަށް އަރައިގެން 22 މިލިއަން ރުފިޔާ އިން ކުރި ޖޫރިމަނާ 2.8 މިލިއަން ރުފިޔާ އަށް އޭރުގެ ސަރުކާރުން ކުޑަކުރީ ކޮންކަހަލަ ޑީލެއްގެ ދަށުންކަމެއްވެސް ނޭގެ.
އަތްޖަހާ
05 May 2023
ސަރުކާރުގެ އެންގުންތަކަށް ބޯނުލަބާ ޖޫރިމައިނާ ނުދައްކާ ރާއްޖޭގަ މިމީހުން އޮޕަރޭޓް މިކުރަނީ ކިހިނެއް
ޞުލިހުލި
05 May 2023
ޢެމްއެމް އެކްސްޕޯޓު މީ ކޮރަޕްޝަން އައްޕަ. ޙުރިހާ ސަރުކާކު ކުނއފުނި މި މީހުން ދަށުވެފަ