12 ޖޫން 2023 - 09:24
21 comments
ރައްޔިތުންގެ މަޖިލީހުގެ ރިޔާސަތުގައި އިންނަވަން މަޖިލީހުގެ ރައީސް މުހައްމަދު ނަޝީދާއި ނައިބު ރައީސް އީވާ އަބްދުﷲ އުޒުރުވެރިވެވަޑައިގަތުމުން، ވިލުފުށި ދާއިރާގެ މެންބަރު ހަސަން އަފީފާ ރިޔާސަތު ހަވާލުކޮށް، މަޖިލިހުގެ މިއަދުގެ ޖަލްސާ ފަށައިފި އެވެ.
މިއަދުގެ ޖަލްސާ ފައްޓަވަމުން އަމީން އާންމު ފާތިމަތު ނިއުޝާ ވިދާޅުވީ، ރައީސާއި ނައިބު ރައީސް ވަކިކުރުމުގެ ދެ ގަރާރު ލިބިފައިވާ ކަމަށާއި އެ ގަރާރުތަކާ މެދު ގޮތެއް ނިންމަންދެން ރިޔާސަތުގައި އިންނަވަން އުޒުރުވެރިވެވަޑައިގަންނަވާ ކަމަށް އެ ދެ ބޭފުޅުން އަންގަވާފައިވާ ކަމަށެވެ.
"ވީމާ މަޖިލީހުގެ ގަވައިދުގެ 44 ވަނަ މާއްދާގެ ބ. ގެ ދަށުން ރިޔާސަތަށް ވަޑައިގަތުމަށް ވިލުފުށީ ދާއިރާގެ މެންބަރު ހަސަން އަފީފް އަށް ދަންނަވަން،" ނިއުޝާ ވިދާޅުވި އެވެ.
މަޖިލިހުގެ ގަވައިދުގެ 44 ވަނަ މާއްދާ ބުނާ ގޮތުން، ރައީސާއި ނައިބު ރައީސް ރިޔާސަތު ބަލަހައްޓަން އުޒުރުވެރިވާ ހާލަތެއްގައި ދެން ރިޔާސަތު ބަލަހައްޓަވާނެ މެންބަރުން ކަނޑައަޅުއްވާނީ މަޖިލީހުގެ ރައީސް އެވެ.
އެގޮތަށް ކަނޑައަޅާނީ މަޖިލީހުގައި މެދުނުކެނޑި އެންމެ ގިނަ ދުވަހު ހިދުމަތް ކުރެއްވި މެންބަރުންގެ ތެރެއިން ފަސް މެންބަރެކެވެ. އެކަމަކު، ގަވާއިދުގައި ވާ ގޮތުން، އެ އިން މެންބަރަކަށް ރިޔާސަތު ބެލެހެއްޓޭނީ ވިދިވިދިގެން ތިން ޖަލްސާގަ އެވެ.
މަޖިލީހުގެ ރިޔާސަތު އަފީފާ ހަވާލު ކުރެއްވި ނަމަވެސް އެ މައްސަލާގައި އެމްޑީޕީގެ ޕާލަމެންޓަރީ ގްރޫޕްގެ ގިނަ މެންބަރުން ހިޔާލު ތަފާތެވެ. ބައެއް މެންބަރުން ދެކެވަޑައިގަންނަވާ ގޮތުގައި މެދުކެނޑުމެއް ނެތި އެންމެ ގިނަ ދުވަހު މެންބަރު ކަން ކުރައްވާފައި ވަނީ ދ. މީދޫ ދާއިރާގެ މެންބަރު އަހުމަދު ސިޔާމް މުހައްމަދު ކަމަށް ވާތީ ރިޔާސަތުގައި އިންނަވަން ޖެހޭނީ ސިޔާމެވެ.
އޭގެ އިތުރުން މިއަދުގެ ޖަލްސާގައި އެޖެންޑާ ކުރަން ޖެހޭނީ އީވާ ވަކި ކުރުމުގެ މައްސަލަ ކަމަށް ވެސް އެ މެންބަރުން ވިދާޅުވެ އެވެ.
އެ މައްސަލާގައި މަޖިލީހުގައި އެމްޑީޕީގެ މެންބަރުން ގެންދަވަނީ އަޑުގަދަކުރައްވައި، ނިޒާމީ މައްސަލަ ނަންގައި ޖަލްސާ ކުރިޔަށް ގެންދިޔުމަށް ހުރަސް އަޅަމުންނެވެ. މަޖިލީހުގައި މިއަދު އެޖެންޑާގައި ފުރަތަމަ އޮތް ޓްރާންސްޕޯޓް މިނިސްޓަރު އައިޝަތު ނަހުލާއާ ސުވާލު ކުރުން ވެސް ކުރިޔަށް ނުގެންދެވުނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބޮޑުމީހާ
12 June 2023
55 މެމްބަރުންގެ އަގްލަބިއްޔަތު އޮވެ މިހާތަނަށް ކުރެވުނު ކަމަކީ ޓެކްސް ބޮޑުކުރުމާއި ކޮތަޅުން 2ރ ނެގުން. އީވާ އާއި އަންނި ބޭރުކޮށްގެން ވިޔަސް ރައްޔިތަކަށް ފައިދާ ހުރި ނިންމުމެއް ނިމިއްޖެއްޔާ ރަގަޅު
ކަންހުޅި ޑްރިންކްސް
12 June 2023
އަސްލަމް މިއަދުވެސް ނިދިކުރައްވާފައިތޯ އޮންނެވީ؟ ނޫހެއްގެ ހެޑް ލައިނުންވެސް އެއްޗެއް ވިދާޅުވި އަޑެއްނީވެއެވެ. ކޮސް ހައްދެވުނީމައި ފިއްލެވީތޯއެވެ؟
ރައްޒާގު
12 June 2023
ތި ދެބޭފުޅުން އުޒުރުވެރި ވާންވީއެއްނޫން، އިސްތިއުފާ ދޭންވީ. މަޖިލީހުގެ %64 މެމްބަރުން ސޮއިކޮއްފަ ހުށައެޅީމަ އެއޮތީ އިތުބާރު ގެއްލިފަ. ބަހަނާނުދައްކާ.
މަޖްލިސް24
12 June 2023
ރައްޔިތުންނަށް މިހުންމީ މިނިސްޓަރާ ސުވާލުކުރުން. އެކަމަކު މެމްބަރަށް މުހިއްމީ ޕާޓީ. ރައްޔިތުންނަށް ހެޔޮއެދޭ ބަޔަކު މަޖްލިހަކަށް ނުވަދޭ އަދި. މުޅިންވެސް އަމިއްލައެދުން. މިމަހުގެ މުސާރަ ހަލާލެއްނުވާނެ ތީގެން އެންމެ މެމްބަރެއްގެވެސް. ކޮފީއަަށް ގޮސް ކޮފީތަށި ހިއްލާލާއިރު ހަދާން ކުރާތި ރައްޔިތުންގެ ހައްގު ތަކަށް އެރިފައި ހުރިކަން.
އުޒުރު
12 June 2023
މީ ވަރަށް ފައްކާ ގޮތެއް. ހިނގާ ބަލަ ދައުލަތުގެ ކޮންމެ މުވައްޒަފަކުވެސް ހަވާލުވެފައިވާ މަސައްކަތް ނުކޮށްފައި އުޒުރުވެރިވެފައި ތިބެމާ. އޭރުން ކަމެއް ނުކުރިޔަސް މުސާރަ ލިބޭނެ. ވަޒީފާ މިހޯދަނީ މަސައްކަތް ނުކޮށް މުސާރަ ހޯދަންތަ!
ޣހެދރފޗޗހހހހގފދދދ
12 June 2023
ޑިމޮކްރެޓްސް ގައުމުގެ ހަލާކު!!!
ބަރަބޯ ފާތުމަ
12 June 2023
ތި ގޮޑިތަކަށް ސަވާރު ވާން އަހަރުމެން ކާރިއަށް ވޯޓް ހޯދަން ނާންނާތީ...
ދެރަސޮރު
12 June 2023
ްްްމަޖިލިސް ގެ އަމީންއާންމު ވަކިކުރެވޭނެ ގޮތެއް ނޯވޭތަ! އެބޭފުޅާ މިހާރު ކަންކުރަށްވަނީ ރަނގަޅަށް ނޫންކަމަށާއި ވަކި މީހަކު ަނގާގޮތައްކަން ހާމަބާތީ ހަމަ އޮޅުންފިލުވާލަން ބޭނުނވީ
މިއީ މަށޭ
12 June 2023
ކީއްވެ އަފީފު؟ މަމިހިރީ ތި ގޮނޑިއަށް ފައި ނަގައިގެން..
ދީމުގުރާތުސް
12 June 2023
މަހަކު އެއްފަހަރު އުޒުރުވެރިވާވާހަކަ އެއީ އެނގިފައިއޮންނަކަމެއް. އަދި މިބޭފުޅުންވެސް ދުވާލަކު އެއްފަހަރު އުޒުރުވެރިވުން، މިއީދެން ހާދަ މަޖާކަމެކޭ!