މަޖިލީހުގެ ކުޑަދޮށުގައި ނަޝީދު އެމަނިކުފާނަށް ތާއީދު ކުރައްވާ މެންބަރުންނާ ބައްދަލު ކުރައްވަނީ--
13 ޖޫން 2023 - 10:54
63 comments
ރައްޔިތުންގެ މަޖިލީހުގެ ރައީސް މުހައްމަދު ނަޝީދު ރިޔާސަތާ ހަވާލުވެވަޑައިނުގެން، ޖަލްސާ ކުރިޔަށް ނުގެންދެވި ހުއްޓާލަން ޖެހުނު ނަމަވެސް އެމަނިކުފާނު މިއަދު މަޖިލީހަށް ވަޑައިގެން އެހެން މަސައްކަތްތަކުގައި ބައިވެރިވެވަޑައިގެންފި އެވެ.
މަޖިލީހުގައި މިއަދު އެޖެންޑާ ކޮށްފައި އޮތީ ނައިބު ރައީސް އަދި ގަލޮޅު އުތުރު ދާއިރާގެ މެންބަރު އީވާ އަބްދުﷲ ގެ އިތުބާރު ނެތް ކަމުގެ މައްސަލަ އެވެ.
މަޖިލީހުގެ ގަވައިދުގެ 205 ވަނަ މާއްދާގެ (ބ) ގައި ބުނާ ގޮތުން އެ ގަރާރުގެ މަސައްކަތް ކުރިޔަށް ދާއިރު ރިޔާސަތުގައި އިންނަވަން ޖެހޭނީ މަޖިލީހުގެ ރައީސް އެވެ.
މަޖިލީހުގެ ކުޑަދަށުގައި ނަޝީދު އެމަނިކުފާނަށް ތާއީދު ކުރައްވާ މެންބަރުންނާ ބައްދަލު ކުރައްވަނީ--
ނަމަވެސް ނަޝީދު މަޖިލީހުގެ ރިޔާސަތާ ހަވާލުވެވަޑައިގަތުމަށް އުޒުރުވެރިވާ ކަމަށް ބުނެ ސިޓީފުޅެއް ފޮނުވާފައި އޮތުމުން އަމީން އާންމު ފާތިމަތު ނިއުޝާ ވަނީ އެ މައްސަލާގައި ވަކި ގޮތެއް ކަނޑައެޅެންދެން ޖަލްސާ ކުރިޔަށް ނުގެންދެވޭނެ ކަމަށް އަންގައި ޖަލްސާ މެދުކަނޑާލައިފަ އެވެ.
އެހެން ނަމަވެސް "މިހާރު" އާ ވާހަކަ ދައްކަވަމުން އެމްޑީޕީގެ ޕީޖީ ލީޑަރު އަދި ހިތަދޫ އުތުރު ދާއިރާގެ މެންބަރު މުހައްމަދު އަސްލަމް ވިދާޅުވި ގޮތުގައި މިއަދު 8:45 ގައި ނަޝީދު މަޖިލީހަށް ވަޑައިގަތެވެ.
ޖަލްސާ ކުރިޔަށް ނުގެންދެވިގެން ހުއްޓާލުމާ އެކު ނަޝީދު އެމަނިކުފާނަށް ތާއީދު ކުރައްވާ މެންބަރުންނާ މަޖިލީހުގެ ކުޑަދަށުގައި ބައްދަލު ކުރައްވާ ފޮޓޯތަކެއް ވެސް "މިހާރު" އަށް ވަނީ ލިބިފަ އެވެ.
ކުޑަދަށުގައި ނަޝީދާއި އީވާގެ އިތުރުން ދަ ޑިމޮކްރެޓްސް އުފައްދަން މަސައްކަތް ކުރާ މެންބަރުންނާއި އެމްޑީޕީގައި އަދިވެސް ހުންނެވި ނަޝީދަށް ތާއީދު ކުރައްވާ މެންބަރުން ތިއްބެވި އެވެ.
އީވާގެ މައްސަލަ ކުރިޔަށް ދެވޭނެ ގޮތެއް ނެތިގެން މަޖިލިސް ހުއްޓުމަކަށް އައިސްފައިވާ އިރު ކޮމިޓީތައް އެކުލަވާ ނުލެވޭތީ އެ މައްސަލައިގެ ބަހުސް ކުރާނެ ވަގުތު ވެސް ކަނޑައެއް ނޭޅެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އެޑަމް
15 June 2023
ނަސީދުނުބައެއްނޫނެވެ.ނަސީދުނުބައިކުރުވަނީ އޑޕ ޕީޖީގުރޫޕާ އިދާރީއިސްބޭފުޅުންނެވެ.މިހެނީ ވަގުތުނަގާނުލާ ސްޕްރިމްކޯޓައް މަޖިލިސްހުއްޓުވާފިކަމައްބުނެ އަވަސްނިޔާއަކައްއެދިހުށަހެޅިނަމަ މިހާރުއޮތީހީނިމިފަ ތިޔަގޮތައްމުސާރަނަގައިގެން ޗަރުކޭސްކުޅެންކިތަންމެދުވަހަކުވެސްތިބެވިދާނެތިޔައީހުރިހާފަރާތެއް ގުޅިގެންސަރުކާރުދެކެރައްޔިތުން ރުޅިއަރުވަންމަޖިލިސްތެރޭކުޅޭކުޅިވަރެއް!!
ދުރުންދޭ ތައުލީމު
14 June 2023
ނަޝީދަށް ވުރެގޯސް ނޫންތޯ އޭނައަށް އެހީތެރިވާ ކެންދޫ އަލީ ހުސެއިން ,ކުޅުއްފުށި ޔާސިރު , އައްޑޫ އަހުމަދު ރަޝީދު , އިލްޔާސް ލަބީބު, ކުޑަހުވަދޫ އާމިރު, މިމީސްމީހުންނަކީ ބޮޑުއުއްމީދެއްގައި ރައްޔަތުން ހޮވިމެންބަރުން. މިހާރު ހުރިހާކަމެއް ހަދާންނެތި ވަކިމީހެއްގެ ފަތުން ދުވަނީ.
ކަންހުޅީގެއަވާ
14 June 2023
ލަދެއްވެސް ނުގަނެދޯ ޖަލްސާގެ ރިޔާސަތުގަ ނީދެ ގުނބޯތައް ގޮވައިގެން ކުޑަދަށުގަ އިންނަން.
2000
14 June 2023
މަޖިލީހުގެ މުސާރަވެސް ނުނަގާނަމަ ރަގަޅު ...
ފަކުރެއްގެ މެރުން
13 June 2023
މި ސިޔާސީ މީހުން މަސައްކަތަށް މަކަރުހަދާ މަސައްކަތް ނުކޮށްތިބެ ނަގާ މުސާރަ އަދިވެސް ކުޑައީ.
ނާޒިމް ގޯތި އާދަމް
13 June 2023
ބަލަ ޑިމޮކްރަޓްސް ގެ ބައްޕަ ޑިމޮކްރަޓް ޑިމޮކްރަސީގެ މައި އެއްތަނބު ތަޅާ ސުންނާފަތި ކުރަނީ.
ގުދުގުދާބެއްޔާ
13 June 2023
އިތުބާރު ނެތް ކަމުގެ ވޯޓް އީވާ އާޢި ނަސީދުގެ ނުނެގޭނެ! ނަގަން އުޅޭ ކޮންމެ ފަހަރަކު ދާނީ ޗޮކޮހުން! އީވާ މަޖިލިސް އަށް ހާޒިރުނުވާނެ! އަދި ނަސީދު މަޖިލިސް އަށް ހާޒިރުނުވާނެ ބަލިކަމުން! މަޖިލިސްގެ ބައެއް މެންބަރުން ދައުރުގައި 4 ފަހަރު ހާޒިރުނުވާ މެންބަރުން އެބަތިބި. ނަސީދު އީވާ ބަލިވީމާ ހާޒިރެއް ނުވެވޭނެދޯ؟ މިގޮތައް!
ކަންހުޅީގެއަވާ
14 June 2023
ބެއްޔާތިބުނީ ރަގަޅަށް، ނަޝީދަކާ ނުކުޅެވޭނެ. އެއަށްވުރެ މާ ބޯބޮޑުވާނެ. އީވާގެ މާ ލޯބޮޑުވާނެ.
ކުރުސީ 1.2
13 June 2023
ފިކުރެއްގެ ނިމުން.
ބޮންދޭ
13 June 2023
އެ އެއްކަަލަ ޒީރޯ ކޮރަޕްޝަން ބޮންދޭތަ އޭނީ ކުޑަދޮށުގަ. އެއްކަލަ އެމް.އެމް.ޕީރާސީ ކަންތައްގަޑުގައި އުޅުނު އަދީބާ ގުޅިގެން ސަކަރާތްޖެހި ސޮރުދޯ. މިހާރު އެކަމަކު ވަރަށް ކޮރަޕްޝަނާ ދެކޮޅުދޯ. އެވެސް ރަނގަޅު ގޮތެއް. ކުރިން ކޮންމެ ގޮތަކަށް އުޅުނަސް، މިހާރު ޒީރޯ ކޮރަޕްޝަން ވީމަ އޯކޭވާނެ.
މަންމަން
13 June 2023
ވާނީވެސް އެހެން. ދެން ހެދޭ ނެހެދޭ ނޭގިގެން، މިއީ ވަގުތީ ދުނިޔެ އެއްކަން ނޭގި، މީހުންގެ ހައްގުތަކަށް އަރައިތިބެ މިކިޔަނީ ރައްޔިތުންނަށްޓަކައި، ގައުމަށް ޓަކައި.