އާރުޑީސީގެ ސީއެފްއޯ ޔާސިރު: އޭނާގެ އެކައުންޓަށް ގިނަ އަދަދެއްގެ ފައިސާ ޖަމާވި ކަމަށް ބުނާ މައްސަލައެއް ފުލުހުން ދަނީ ބަލަމުން --- ފޮޓޯ/އާރުޑީސީ
04 ޖުލައި 2023 - 22:33
88 comments
އާރުޑީސީގެ ޗީފް ފައިނޭންޝަލް އޮފިސަރު (ސީއެފްއޯ) ޔާސިރު ހަސަންގެ އެކައުންޓަށް 13 މިލިއަން ރުފިޔާ ޖަމާވި ކަމަށް ބުނާ މައްސަލައެއް ފުލުހުން ތަހުގީގުކުރަން ފަށައިފި އެވެ.
އެނގިފައިވާ ގޮތުގައި، ޔާސިރުގެ އެކައުންޓަށް އެއް ފަހަރާ ގިނަ އަދަދެއްގެ ފައިސާ ޖަމާވި މައްސަލަ ފުލުހަށް ހުށަހެޅީ އެމްއެމްއޭގެ ފައިނޭންޝަލް އިންޓެލިޖެންސް ޔުނިޓު (އެފްއައިޔޫ) އިންނެވެ. ނަމަވެސް، އޭނާގެ އެކައުންޓަށް ފައިސާ ޖަމާވީ ސީދާ އާރުޑީސީގެ އެކައުންޓުން ކަމެއް ސާފެއް ނުވެ އެވެ.
އެކަމަކު ފުލުހުން މީޑިއާތަކަށް ފޮނުވި މެސެޖުގައި ބުނީ އާރުޑީސީއާ ގުޅޭ މައްސަލައެއް ބަލަމުންދާ ކަމަށެވެ. އޭގެ އިތުރު ތަފްސީލެއް ނުދެ އެވެ.
މަގު ހެދުމަށް ސަރުކާރުން އުފައްދާފައިވާ ކުންފުނީގެ މެނޭޖިން ޑިރެކްޓަރު މޫސާ އަލި މަނިކު (މޫކޭ) އަދި ޔާސިރަކީ އެއް ރަށަކަށް އުފަން، ވަރަށް ގާތް ދެ ރަހުމަތްތެރިންނެވެ. އަދި ޔާސިރު ވަނީ މީގެ ދުވަސްކޮޅެއް ކުރިން މޫކޭގެ ކޮއްކޮއަކާ ކައިވެނިކޮށްފަ އެވެ.
އެ ދެ ބޭފުޅުން އާރުޑީސީގެ އެކައުންޓުން 13 މިލިއަން ރުފިޔާ ނެގި ކަމަށް ބުނެ އެހެން މީޑިއާއަކުން ލިޔުނު ހަބަރަކަށް ރައްދު ދެއްވައި މޫކޭ ކުރެއްވި ޓްވީޓުގައި ވިދާޅުވީ އެފަދަ އެއްވެސް ކަމެއް ނުކުރާ ކަމަށެވެ.
"ކަނޑައެޅިގެން ދޮގެއް. ވައްކަން ކޮށްގެން އަމިއްލަ އެކައުންޓަށް ފައިސާ ޖަމާކުރަން މިއީ ޔާމިނެއް ނޫން. އެއް އެކައުންޓުން އަނެއް އެކައުންޓަށް ހިނގާ މުއާމަލާތްތައް ފެންނަން ހުންނާނެތާ ގައިމު ވެސް. ކުރު ވާހަކަ ލިޔާއިރު ވެސް މިއަށް ވުރެ ގަބޫލުކުރެވޭ ކަހަލަ ވާހަކަ ލިޔަން ފަރިތަ ކޮށްލުން ރަނގަޅު ވާނެ ކަމަށް ފެނޭ." އޭނާ ވިދާޅުވި އެވެ.
މޫކޭއަކީ އެމްޑީޕީގެ މަޑުއްވަރީ ދާއިރާގެ ރައީސެވެ. އެޗްޑީސީގެ ޕްރޮކިއުމެންޓް މެނޭޖަރަކަށް ވެސް މީގެ ކުރިން އުޅުއްވި ޔާސިރަކީ އެމްޑީޕީގެ ހުޅުމާލެ ދާއިރާގެ ރައީސެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ވަހީދުބެ
05 July 2023
އަމާ ޖޫސްޕެޓީ ވިއްކަން ފަށައިފި 90ގެ ކުރީކޮޅު... އެހެން ގޮސް އެއްވި 13 މިލިޔަން ރުފިޔާ އެއީ
ޓެރޭ
05 July 2023
ޔާމީން ވެސް ބުނި ކުރުވާހަކަ ލިޔާނީ ލިޔަން ދަނެގެންނޭ.... 1 މިލިޔަން ޑޮލަރަކީ ފައިސާ މާރުކުރަން ރައްޓެއްސަކު ދިން އެއްޗެކޭ.
ގުލުމީ
05 July 2023
ކިހިނެއް ތިހެދީ އިންތިހާބު ބޯމަތިވެފައޮއްވާ ޔާސިރު މެންނާ ހަދައިގެން އިބުރާހިމު މިފަހަރު ހޮވޭނެކަމެއްވެސް ނޭގެ
ގުލުމީ
05 July 2023
ކީކުރާ އެންޓި ކޮރަފުސަން ކޮމިސަނެއްމީ މިހާރު
އެއްކަލަ މީހާ ދޯ
05 July 2023
އާންމު ރައްޔިތުމީހާގެ އެކައުންޓަށް 500 ރުފިޔާ ވަނަސް މީރާ އަދި ބެންކުން ދުވާނެ ފަހަތުން. ނުވިތާކަށް އަދި އެކައުންޓް ފްރީޒްވެސް ކުރާނެ. އަކަމަކު މި މީހުން އެކައުންޓަށް މިލިއަނުން ވަންނަވާހަކަ އަޑު މިއިވެނީ. އެހެންވީމަ އަހަރެމެން އެކައުންޓަށްވެސް މިލިއަނުން ނުވަންނާތީދޯ ބޭންކުން އެކައުންޓް ބްލޮކް މިކޮށްލަނީ؟
ޞިކުނީ
05 July 2023
ތި މީހާއާމެދު އެއަޗެއް ބުނެވޭކަށްނެތް. ތުނބުޅި އެބަހުރި. ރަނގަޅަށްވިއްޔާ ފައިކުރި ހުންނާނީ ކުރުކޮށްފަ. ދެން ތީ ހަމަ އިލްމުވެރިޔެއް.
ސިތާ
05 July 2023
މިސަރުކާރުން ކޮންމެ ކަމެއްކުރިއަސް އޯކޭވާނެ. ސަބަބަކީ އެވާހަކަ ދައްކާ އެކަމުގެ އަސްލު ރައްޔިތުންނާ ހަމައަށް ގެނެސްދޭން އޮތް މުޢައްސަސާ މި އޮތީ ސަރުކާރުގެ މުށުތެރޭގައި. ސޯ ދެން އެވާހަކަ ދައްކާނެކަމެއްނެތް. އެ ފައިސާ އުދުހިފައި އައިސް އެކައުންޓްތަކަށް ވަނުމަކުން އެކުދިން ކުރާނޭ ކަމެއްނޯންނާނެ. ނިކަމެތި ރައްޔިތުމީހާ އެކައުންޓަށް ދެރުފިޔާ ބައި އެއްފަހަރާ ވަދެއްޖިއްޔާ ބީ.އެމް.އެލްވެސް ހީވާނީ މީ އެހެންފަދަ ކަމެއްވެގެން އުޅޭހެން.
ރަދީފްއޮފިޝަލް
05 July 2023
ރޯނުއެދުރު މޫކޭގެ ލަދު ކޮބާ؟؟
ފޮނަދޫމީހާ
05 July 2023
ރައްޔަތުންގެ ފައިސާ ކެވުނު ގޮތަކަށް ކައިހުސްކުރަނީއެވެ. ކުރުވާހަކަ އެއްނޫން ދިގުވާހަކަ އެއްވެސް ތިފަދަ މީހުންނާދޭތެރޭ މާރީއްޗަށްވެސް ލިޔެލެވޭނެ ..!! ތިޔައީ ރައްޔަތުންގެ ބައިތުލްމާލު ހުސްކުރަން ވައްދާފަތިބޭ ބައެއް ... ޙަޤީގަތަކީ އަޑެއްކިޔާފިއްޔާ ރެނދެއް ލާނެ ..!! އެހެންވީމާ ތިޔައީ ނުހިނގާ ކަމެއްކަން ޝަރުޢީ ކޯޓެއްގައި ސާބިތުކޮށްދެއްވާ ... އާރޫ ޑީ ސީ
ކުޑަކަތީބު
05 July 2023
ޢެގޮލާ ބިންކޮޅެއް ގަނެލަން ދީލަތި ބޭފުޅަކު ވެދެއްވި ދީލަތި އެހީއެއް، އެތަނުން އެތިކޮޅަކާއެކު މާދަން ނިކުންނާނީ ކެމްޕެއިނަށް
ގުލުމީ
05 July 2023
ގަންނަާކައް ނުޖެހޭ މިކަހަލަމީހުން ނައް ރައީސް ބިން ދެއްވާނެ