ފޮޓޯއެއް ނެގި ކަމަށް ބުނެ ކުޑަކުއްޖެއްގެ ކުރިމަތީ މީހަކު ހައްޔަރުކުރި ގޮތުން ފުލުހުންނަށް ފާޑުކިޔުން!
އެ މިހާ ހައްޔަރު ކުރުމަށް ފުލުހުން މަސައްކަތްކުރަނީ.--
07 ޖުލައި 2023 - 22:22
37 comments
އިދިކޮޅު ޕީޕީއެމް/ޕީއެންސީން މިއަދު ހަވީރު މަގުމަތީ އިހުތިޖާޖުކުރި ވަގުތު ސައިކަލެއްގައި ކުއްޖަކު ގޮވައިގެން ދިޔަ މީހަކު އެ ސަރަހައްދަށް މަޑުކޮށް އެތަނުގައި އުޅުނު ފުލުހުންގެ "ފޮޓޯއެއް ނެގުމުން" ކުއްޖާގެ ކުރިމަތީ އެ މީހާ ހައްޔަރުކުރި ގޮތުން ފާޑުކިޔުން އަމާޒުވެއްޖެ އެވެ.
ޕީޕީއެމް އިން ނެރުނު ބަޔާނެއްގައި ބުނީ ހައްޔަރުކުރި އެ މީހާ އަކީ އިހުތިޖާޖު ކުރިއަށް ދިޔަ ވަގުތު އެ ސަރަހައްދުން ދުއްވާފައި ދަމުން މަޑުކޮށްލި މީހެއް ކަމަށާއި އޭނާ ފޮޓޯއެއް ނެގުމުން ކަމަށް ބުނެ ހައްޔަރުކުރީ ކަމަށެވެ.
"ސައިކަލެއްގައި ކުޑަ ކުއްޖަކާ އެކު ދަތުރު ކުރި ފިރިހެނަކު އެސަރަހައްދަށް މަޑުކޮށް އޭނާގެ ފޯނުން ފޮޓޯއެއް ނެގުމަށްފަހު ސަރަހައްދުން ދިޔުމަށް މަސައްކަތް ކުރަނިކޮށް އެ ފިރިހެން މީހާގެ ސައިކަލުގައި އިން އެކުއްޖާއާ ހަވާލުވަނީ ކާކުތޯވެސް ބެލުމެއް ނެތި، އެކުއްޖާގެ ވެސް ކުރިމަތީ އެ މީހާއަށް ފުލުހުން އަނިޔާކޮށް، އަނިޔާވެރިކަމާ އެކު ހައްޔަރުކުރި ކުރުން އެއީ ވަރަށްވެސް ޒިންމާދާރުކަން ކުޑަކޮށް ފުލުހުން ހިންގި އަމަލެއް ގޮތުގައި މިކޯލިޝާނުން ސިފަ ކުރަމެވެ." ޕީޕީއެމްގެ ބަޔާނުގައި ބުންޏެވެ.
ޕީޕީއެމުން ބުނީ އެ މީހާ ހައްޔަރުކުރީ އެއްވެސް ވަރަކަށް ބެލުމެއް ނެތި އަދި ވީ ކީއްކަން ވެސް ނޭނގި ކަމަށެވެ.
"ކުޑަ ކުއްޖެއްގެ ކުރިމަތިން އަނިޔާވެރިކަމާއެކު ހައްޔަރު ކުރި ކުރުން އެއީ އެއްގޮތަކަށްވެސް ބަލައި ގަނެވޭ ކަމެއް ނޫން" ކަމަށް އެ ބަޔާނުގައިވެ އެވެ.
މުޒާހަރާ ކޮންޓްރޯލްކުރަން ގޮސް ތިބި އެސްއޯ ފުލުހުންގެ އެތައް ބަޔަކުވެގެން އެ މީހާ ހައްޔަރުކުރާއިރު ވީޑިއޯ އިން ފެންނަ ގޮތުގައި އެ މީހާ ވެސް ދިޔައީ ގަދަ ދައްކަމުންނެވެ. ފޮޓޯ ނެގީ ކީއްވެތޯ އަހާ އަޑު އިވެ އެވެ. ފުލުހުންނާއި ހައްޔަރުކުރި މިހާ އާއި މުޒާހަރާގެ ބައިވެރިން ބަހުގެ ހަމަލާތައް ދެމުން ގޮސް، އެ މީހާ ފުލުހުންގެ ވެހިކަލަށް އަރުވަ އެވެ.
މުޒާހަރާކުރި މީހުން ވެސް، ކުޑަކުއްޖާ ހުއްޓާ ފުލުހުންނާ ދިމާލަށް ހުތުރު އެއްޗެހި ގޮވާތީ އިވެ އެވެ.
ޕީޕީއެމްގެ ބަޔާނުގައި ވަނީ މި ހާދިސާ ހިއުމަން ރައިޓްސް ކޮމިޝަނާއި ނެޝަނަލް އިންޓަގްރިޓީ ކޮމިޝަނުން ތަހުގީގު ކުރުމަށް ގޮވާލައިފަ އެވެ. އަދި ފުލުހުން ވެސް މި މައްސަލަ ބަލައި ވީގޮތް ސާފުކޮށްދޭން ޕޮލިސް ކޮމިޝަނަރު މުހައްމަދު ހަމީދަށް ވަނީ ގޮވާލައިފަ އެވެ.
ޕީޕީއެމްގެ ބައެއް އެކްޓިވިސްޓުން ސޯޝަލް މީޑިއާގައި ބުނެފައިވާ ގޮތުގައި އެ މީހާ ހައްޔަރުކޮށްގެން ގެންދިއުމުން، އާއިލާއިން ކުއްޖާ ބަލާ އަންނަންދެން އެ ކުއްޖާ ގެންގޮސް ބައިންދާފައި އިނީ ޕީޕީއެމްގެ އޮފީހުގަ އެވެ.
މި މިހާގެ އިތުރުން ވެސް ބައެއް މީހުން ފުލުހުންގެ ބެލުމުގެ ދަށަށް ގެންގޮސްފައި ވާއިރު އެ މީހުން ވެސް ދޫކޮށްލަން ޕީޕީއެމް އިން ގޮވައިލި އެވެ.
ކުޑަ ކުއްޖެއްގެ ކުރިމަތީގައި މީހާ ހައްޔަރުކުރި ވީޑިއޯ ސޯޝަލް މީޑިއާގައި ދައުރުވާން ފެށުމާ އެކު މީހުން އަންނަނީ އެކަމަށް ފާޑުކިޔަމުންނެވެ. ފުލުހުން ބުނީ ކަން ހިނގި ގޮތް އޮޅުންފިލުވުމަށް ފަހު މިކަމާ ބެހޭ ގޮތުން ޖަވާބެއް ދޭނެ ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ރަށު މުދިމު
09 July 2023
ހައަޔަރާ ބެހޭ ގޮތުން ޕީޕީއެމުން ވާހަކަ ނުދެއްކިއްޔާ ރަގަޅުވާނީ. ލަދެއްވާ ނުގަނޭބާ؟؟؟ އަޅުގަޑުވެސް މިއަދުގެ ސަރުކާރަކައް ސަޕޯޓެއް ނުކުރަން އެކަމަކު ނިމިދިޔަ ސަރުކާރައް ސަޕޯޓު ކުރާ ބޭފުޅުން އަނިޔާ އޭ ކިޔަން އަގަހުލުވަން ކެރޭބާއޭ އަޅުގަޑު ހިތައް އަރާ...ދައްކުވާނެ ތަނެއް ދައްކުވާފަ ގެންދަވާނީ.
އިބްރ
08 July 2023
ވަރަށް އަނިޔާވެރި ސަރުކާރެއް. ޚުދުމުތާރު ވެރިކަމެއް ހިނގަމުންމިދަނީ. ތަރައްޤީގެ ރޮނގުން ފަހަތަށްދިޔަ 5 އަހަރު. ޑޮލަރެއް ލިބެނީ 17.8ރ އަށް
މިސްޓަރ ޓިނޭ
09 July 2023
މި ސަރުކާރަކީ އަނިޔާވެރި ސަރުކާރެކޭ ބުނާނެ އެއްޗެއްވެސް ޖާގައެއް ނެތް، ދެންެއޮތީ ތިޔަ މީހާ ހައްޔަރުކުރި މައްސަލަ ، ދިމާލަށް ކަނޑައެޅިގެން ދިވެހިރާއްޖޭގެ ބައިތުލްމާލުން ވައްކަންކޮށް ،އެކަމަށް އަމިއްލަ އިއުތިރާފުން އެއްބަސްވެފައިވާ ބޮޑު ވަގެއް ގެ ހިމާޔަތުގަ ނިކުމެތިބި އަނިޔާވެރި ބައެއްގެ ވާހަކަ ކިހިނެއް ގަބޫލު ކުރާނީ؟؟؟
ރޯޒަސް
08 July 2023
ކުއްޖާ ގޮވައިގެން "ގޭގައި އޮތްނަމަ" ހައްޔަރެއް ނުކުރީސްދޯ؟ ހަމަ ފޮޓޮއެއް ނަގައިގެން ހައްޔަރެއް ނުރާނެ. ތިތަނުގައި އެނެމެންވެސް ތޮބެނީ ފޯނު އަތައް ލައިގެން ފޮޓޯނަގަން.
ޓެރޭ
08 July 2023
އެއްވެސް ކަމެއް ނުކޮށް ހުއްޓަސް ހައްޔަރު ކޮށްފައި އެބަހުރި...
އޯކިޑު
08 July 2023
ދަރިން ތިފަދަ ތަންތަނަށް ގެންދަނީ އައްޑަނައަކަށް ހަދަން ކަންޔަޤީން. މީގެ އިތުރުން ދަރިން ތިބޭނީ ގޭގައި
އޯކިޑު
08 July 2023
ކުދިން ގޮވައިގެން މިފަދަ ކަންކަމަށް ދާނީ މިފަދަ ދަރުސް ހޯދަން، ނުވަތަ އައްޑަނަ އަކަށް ހަދަން ކުދިން ތިބޭނީ ގޭގައި. އެބަދެކެން ދަރިން ސްކޫލަށް ގެންދާއިރުވެސ
އަދުނޭ
08 July 2023
އަމިއްލަ ކުދި ޅަދަރިން ގޮވައިގެން މުޒާހަރާއަށް ދިއުން ކުއްވެރިކުރަން ބެލެނިވެރިއާ ހީކޮށްފާނެ ކުޑަދަރިފުޅެއް ގޮވައިގެން ހުރިއްޔާ އައްޑަނައަކަށް ހެދިދާނެއޭ ފުލުހުން ދޫދޭނެއޭ. ދެން ހައްޔަރުކުރީމައި އޮޅުވާލަން މި ބުނަނީ މުޒާހަރާއަށް ނުދަމޭ ފޮޓޯއެއް ނަގަން އުޅުނުކަމަށް އިދިކޮޅޭމެން ތެދެއް ބުނާނެތަ؟؟؟
ޖިލް
08 July 2023
ފުލުހުންގެ ތެރެއިން ހާއްސަކޮށް އެސްއޯ.. ތިއީ އަބަދުވެސް ވައްތަރު. ކޮންމެ ސަރުކާރެއް އޮތަސް. ދެން ފުލުހުންގެ ލެވެލް ވެއްޓިފަ އޮތް ވަރަކީ އެއިން މީހަކަށް ކިރިއާވެސް ރަނގަޅަށް ކަމެއް ކުރެއްވިއްޖެޔާ މުޅި މީޑިއާގަ އެވާހަލަ. އަސްލު އެއީ ވަޒީފާގެ މަސްއޫލިއްޔަތު.
ހިލަ
08 July 2023
އިންތިހާބު ބޯމަތިވެފައި ވަނިކޮއް ތިކަހަލަ ކަން ތައް ނުކޮއްބަލަ
ަގަބުޅި
08 July 2023
މި ރާއްޖޭގައި ވަގަކަށް ޖަލުހުމެއް އިއްވާފައިނީ ހަމައެނި ޔާމީނަށް. އެހެންކަމުން ވަގަކު މިނިވަންކުރުމުގެ ނަމުގައި ޕީޕީއެމްގެ މެންބަރުން ކޮންމެ ދުވަހަކު ހަވީރު އެކުދިން ގޮވައިގެން ދުއްވާ މަގުތަކުގައި އެކުދިންނަށް އެދައްކަނީ އަހުލާޤީ ނަމޫނާ އެކުދިންނާ ގުޅޭ ފުރިހަމަ ފިލާވަޅުތަކެއްދޯ!
ޕޮލިސް ސިޓީ
08 July 2023
މިއީ ރާއްޖެ ޑިމޮކްރަޓިކް ވަރު ހާމަކޮށްދޭ މިސާލެއް. ގާނޫނަކުން މަނާ ނުކުރާ ކަމެއް ކޮށްގެން ހައްޔަރެއް ނުކުރެވޭނެ ގާނޫނު އަސާސީ އޮތް ގޮތުން، މަނާ ނުކުރާ ކޮންމެ ކަމަކީ ހުއްދަ ކަމެއް. ފުލުހުން ރަސްމީ މަސައްކަތުގަ އުޅޭ ވަގުުތު ފޮޓޯ ނެގުމަކީ ދުނިޔޭގެ ތަހުޒީބު އެއްވެސް ގައުމެއްގަ މަނާ ކަމެއް ނޫން. މިއީ މައުމޫނީ ނިޒާމު. ޔައުނީ، ޑިކްޓޭޓާޝިޕެއްގަ ދަށުގަ އޮންނަ ޕޮލިސް ސްޓޭޓް.