ވ. ތިނަދޫ މަގުމަތިން ޓޫރިސްޓުންތަކެއް ހިނގާފައި ދަނީ.-- ފޮޓޯ: ފަޔާޒު މޫސާ | މިހާރު
17 ޖުލައި 2023 - 11:57
11 comments
ޓޫރިޒަމްގެ އެންމެ ބޮޑު އެއް މަޝްރޫއު، ވ. އަތޮޅުގައި ހިންގާނެކަން ރައީސް އިބްރާހިމް މުހައްމަދު ސޯލިހު މިއަދު އިއުލާންކުރައްވައިފި އެވެ.
ރިޔާސީ އިންތިހާބުގެ ކެމްޕެއިނަށް މި އަތޮޅަށް ފައްޓަވާފައިވާ ދަތުރުފުޅުގައި، ކެޔޮދޫ ބަނދަރުގައި ބޭއްވި ޖަލްސާގައި ރައީސް ވިދާޅުވީ ވ. އަތޮޅުގެ އާބާދީ ކުޑަވިޔަސް އިގުތިސޯދީ ހަރަކާތްތަކެއް ހިންގަން ރާވާފައިވާ ކަމަށެވެ.
އެ ކަމުގެ އިތުރު ތަފްސީލް ފަހުން ހިއްސާކުރައްވާނެ ކަމަށް ވިދާޅުވެ، ރައީސް ވިދާޅުވީ ޓޫރިޒަމްގެ އެންމެ ބޮޑު އެއް މަޝްރޫއު، 2،000 އެއްހާ މީހުން ދިރިއުޅޭ މި އަތޮޅުގައި ފަށާނެ ކަމަށެވެ. އެ މަޝްރޫއު ފެށިގެންދާއިރު، ވައިގެ މަގުން މި އަތޮޅު ގުޅިގެންދާނެ ކަމަށް ވެސް ވިދާޅުވި އެވެ.
އެ މަނިކުފާނު ވިދާޅުވީ އޭގެ އެއްބަސްވުމުގައި ސޮއިކޮށް، ދެން އޮތް ކަންތައްތައް އިކްނޮމިކް ކައުންސިލުން މާދަމާ ބާއްވާ ބައްދަލުވުމުގައި އޮންނާނެ ކަމަށެވެ.
"އެ ހުރިހާ ކަމެއް ނިމިގެންދާނެ މި އަތޮޅު ރައްޔިތުން ބޭނުންވި ކަމެއް ޕިކްނިކް އައިލެންޑް. އެކަން ވެސް ލިބިގެންދާނެ ކަމަށް،" ރައީސް ވިދާޅުވި އެވެ.
ލޯކަލް ޓޫރިޒަމް ވެސް ފުޅާ ދާއިރާއެއްގައި ކުރަމުން އަންނަ އެއް އަތޮޅަކީ މި އެވެ. އެކަމަކު، މި ރަށުގެ ކައުންސިލްތަކުގެ ޝަކުވާ އަކީ އެ ރަށްރަށަށް ސަރުކާރުން އަޅާނުލުމެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަލީބެ
19 July 2023
ރާއްޖޭގެ ތަރައްގީ ޕްލޭންކޮބާތޯ ރައްޔިތުން އަހާކަށްނުވޭތޯ. ކުދިކުދި އާބާދީގައި ދިރިއުޅޭނަމަ އަބަދު ޖެހޭނީ ބަނދަރާ ކުލާސްރޫމާ ހެލްތުސެންޓަރަށް އާދޭސް ކުރަން. ތީމާލޭ މީހުން ވޯޓުދޭކަމެއްނޫން. ދައުލަތުން ކޮށްދޭންޖެހޭ ކަންކަމަށް ސަލާން ނުޖަހައި މާލެއަށް ބަދަލުވާން އެދޭށެވެ. ނޫނީ މިނިސްޓްރީތައް ހިންގުން އަތޮޅުތަކަށް ބަދަލުކުރަން ގޮވާލާށެވެ.
އިސްމާލި
17 July 2023
މި ރިޔާސީ އިންތިހާބަށް އަހަރެން ވަރަށް ބޮޑު ވައުދެއް ވާން. އެއީ މި ގައުމުގައި ހިންގާ ތަރައްގީގެ އެންމެ ބިޔަ ބޮޑު މަޝްރޫއު، މަށަށް ވެރިކަން ދީފިނަމަ ހިންގަން. އެ މަޝްރޫއުގައި މާދަމާ ހެނދުނު ސޮއި ކުރާނެ. މަޝްރޫއުގެ ތަފްސީލުތައް ފަހުން ހާމަކުރާނަން. މަގޭ ޓީމް މިހާޜު ވެސް ދަނީ އެ މަޝްރޫއު ރެވުމަށް ނުނިދައި މަސައްކަތް ކުރަމުން.
މުޙުއްމާ
17 July 2023
ޔަޤީން އިންޑިއާއިއެކު ކަން ސިއިކުރާނީ. ހީވަނީ އިންޑިއާނޫނީ ދުނިޔޭގަ ޤައުމެއް ނެތްހެން. މިއޮތީވާ އިންޑިއާއެއް. އިބޫ އާ އަންނީ އަށް ކިހާވަރެއްބާ ތި އިންޑިއާއިން ދިނީ.
ސަސި.
17 July 2023
ތިހެން ކިޔާފަ ގޭދޮށު ޓޫރިޒަމްފެށީވެސް
ހިބިރިންބެއްޔާގެ ކުޑަސޮރު
17 July 2023
ވ. އަތޮޅަކީ ރާއްޖޭގާއޮތް ރީތި ރަށްތަކެއްގެ މައްޗަށް އެކުލެވިގެންވާ އަތޮޅެއް. އަނެއްކާ އަނދިރިދައުލަތުން އެއަތޮޅު ވިއްކާލަންތޯ ވިސްނުންމިހުރީ.
އިފު
17 July 2023
މި ރަށްރަށް ހަމަ މިގޮތަށް ބާއްވަންވީ. އެންމެ އަސާސީ ޚިދުމަތްތައް އެކަނި ދޭނީ. ދެން ލޯކަލް ޓުއަރިޒަމް ތަރައްްްްްޤިކުރާނީ. ރަށުގެ ރަޖިސްޓަރީގަ ތިބެފަ މާލޭގަ ދިރިއުޅުނަސް، ގެ ކުއްޔަށް ދީގެން ގެސްޓް ހައުސް ހިންގީމަ ފައިސާ ލިބޭނެތާ.
ތިހެންބުނި
17 July 2023
2018ގެ ރިޔާސީ އިންތިހާބުގެ ކެމްޕެއިންނަށް ދ.ކުޑަހުވަދޫއަށް އައިސްފައި ވައުދުވި "ބާކީ ހުރި މަގުތަކުގައި ތާރުއެޅިގެންދާނެ". މިހާރު ކޮންމެވެސް ވަރަކަށް ކާނު ވަޅުލާފައި އެބަހުރި ބައެއް މަގުތަކުގައި. އެމަގުތަކުގައި ރިޔާސީ އިންތިހާބު ފެށެންވާއިރަށް ތާރުއަޅައި ނިންމައެއް ދެން ނުލެވޭނެ. ދެން ކޮބާ އަދި ބާކީ ހުރި މަގުތައް؟ އިންތިހާބު ބޯމަތިވީމައި ސިޔާސީ މީހުން، ރައްޔިތުންނަށް ރަން އިލޮށިން ކަދުރު ކާންދޭނެ. ރައްޔިތުންނޭ ވިސްނާ.
ސޯބު
18 July 2023
އެއްމެ މަގެއްގަވެސް ތާރު ނާޅަދެވި ހުރި ކިތައް ރަށް ވޭތޯ ބަލާލައިފައި ތިޝަކުވާ ކޮއްބަލަ.
ނެކްސްޓް
17 July 2023
މިސަރުކާރުގެ މިނިސްޓަރުން ބުނާތީ އެހިން ވައުދުވަނީ ފުއްދާކަށެއް ނޫނޭ. ވޯޓަށް ވީމަ މިކަހަލަ އަޑުތައް ގަދަވާނެ. މާބޮޑަށް ސީރިއަސް ކޮށް ނަގާ އެއްޗެއްނޫން
ދޮހޮއްތު
17 July 2023
ކޮބާހޭ އިގްތިސާދީ ވާހަކަ … ޑޮލަރެއް ނުލިބޭ ….
ލޮޑަރު
17 July 2023
ޑޮލަރުވެސް ލިބޭމީހުންނަށް ލިބޭ. ނުލިބެނީ ނިކަމެތި ރައްޔިތުންނަށް.