އިދިކޮޅުގެ ރިޔާސީ ކެންޑިޑޭޓް ޑރ. މުއިއްޒު: ވިދާޅުވީ ކައުންސިލްތަކަށް ހާއްސަ މިނިސްޓަރެއް ހަމަޖައްސަވަނީ ސަރުކާރާއި ކައުންސިލްތައް ފަސޭހައިން ގުޅުވައިދޭން ކަމަށް.
19 ސެޕްޓެމްބަރ 2023 - 20:37
50 comments
ލޯކަލް ކައުންސިލްތައް ބާރުވެރި ކުރުވުމަށްޓަކައި ހާއްސަ މިނިސްޓްރީއެއް އޭނާގެ ވެރިކަމެއްގައި ހަމަޖެއްސުމުގެ ބޭނުމަކީ ކައުންސިލްތަކުގެ ބެލެނިވެރިފަރާތް އެލްޖީއޭ އަށް ފުލްޓައިމް މިނިސްޓަރެއް ހަމަޖެއްސުން ކަމަށާއި އެއީ ހަމައެކަނި ކައުންސިލްތަކާއި ސަރުކާރު "ގުޅުވައިދޭ ފާލަމެއް" ކަމަށް އިިދިކޮޅު ރިޔާސީ ކެންޑިޑޭޓް ޑރ. މުހައްމަދު މުއިއްޒު މިއަދު ވިދާޅުވެއްޖެ އެވެ.
އޭނާ އެހެން ވިދާޅުވީ، ކައުންސިލްތަކަށް ހާއްސަ މިނިސްޓްރީއެއް ހަމަޖައްސަން ޕީޕީއެމް/ޕީއެންސީގެ ސަރުކާރެއްގެ ސިޔާސަތުތަކުގެ ތެރޭގައި ހިމެނުމުން ކުރިމަތިވި ފާޑުކިޔުންތަކާ ގުޅިގެންނެވެ. ބައެއް މީހުން ބުނަމުން ގެންދަނީ އެއީ ކައުންސިލްތަކުގެ ބާރުވެރިކަން ސަރުކާރުން ނިގުޅައިގަންނަން ނިންމި ކަމެއް ކަމަށެވެ.
އެކަމަކު، "މިހާރު" އާ ވާހަކަ ދައްކަވަމުން ޕީޕީއެމް/ޕީއެންސީގެ ކެންޑިޑޭޓް މުއިއްޒު ވިދާޅުވީ، އެލްޖީއޭ އަށް މިހާރު ވެސް ހާއްސަ މިނިސްޓަރެއް ކަނޑައަޅާފައި ވިޔަސް އެއީ ފުލްޓައިމް ބޭފުޅަކަށް ނުވާތީ ކައުންސިލްތަކަށް ދޭން ޖެހޭ ސަމާލުކަން ނުދެއްވޭ ކަމަށެވެ.
އެލްޖީއޭ އަށް ސަރުކާރުން ހަމަޖައްސާފައި ހުންނަނީ ހޯމް މިނިސްޓަރެވެ.
މުއިއްޒު ވިދާޅުވީ، މިހާރުގެ ރިޔާސީ އިންތިހާބުގެ ކެމްޕެއިނަށް ބައެއް ރަށްރަށަށް މިހާރ ކުރައްވަމުން ގެންދަވާ ދަތުރުތަކުން ވެސް ފެނިވަޑައިގަތީ ކައުންސިލްތަކަށް ބޭނުންވާ ކަންކަން ނުކުރެވި ލަސްވަމުންދާ މަންޒަރު ކަމަށެވެ.
"ބައެއް ރަށްރަށުގެ ކައުންސިލްތަކުގެ އިދާރާ އަޅަން އުޅެ ވެސް ނޭޅި ކައުންސިލަށް ބޭނުންވާ މުވައްޒަފުން ހޯދަން އުޅެއުޅެ އެކަން ވެސް ނުވެފައި އެބަހުރި. ކައުންސިލަށް ބޭނުންވާ ސްޓޭޝަނަރީ އާއި ކޮމްޕިއުޓަރު ފަދަ ތަކެތި ވެސް ނުލިބުމުގެ ޝަކުވާ އަޅުގަނޑަށް އައި. އެލްޖީއޭ އަށް ހުށަހަޅަން ޖެހެނީ. އެލްޖީއޭ އިން ބުނާނެ ތިމަންނަމެން ތިކަން އޮންނާނީ ފިނޭންސް މިނިސްޓްރީ އަށް ހުށަހަޅާފައޭ. އެކަމަކު އެ ކަމެއް ނުވެ ލަސްވަނީ،" މާލޭގެ މޭޔަރުކަން ވެސް ކުރައްވާ މުއިއްޒު ވިދާޅުވި އެވެ.
އެއީ ކުރީ ޒަމާނުގައި އެޓޮލްސް މިނިސްޓްރީ ހިންގި ގޮތަށް ހުރިހާ ކަމެއް އެ މިނިސްޓްރީން ކުރުމެއް ނޫން. އެ ގޮތަށް ހިންގި ޒަމާން ހިނގައްޖެ،"--- މުއިއްޒު
އޭނާ ވިދާޅުވީ، ކައުންސިލްތަކަށް ހާއްސަ މިނިސްޓަރެއް ހަމަޖެއްސުމުން އެ ބޭފުޅެއްގެ ހުރިހާ ފޯކަސްއެއް ހުންނާނީ ކައުންސިލްތަކަށް ކަމަށް ވުމުން އެ މައްސަލަތައް އަވަހަށް ހައްލު ވާނެ ކަމަށެވެ. ކައުންސިލްތަކަށް ބޭނުންވާ ފައިސާ އާއި ތަކެތި ސަރުކާރުގެ ތެރެއިން ހޯދުން އަވަސް ވާނެ ކަމަށް މުއިއްޒު ދެކެވަޑައިގަންނަވަ އެވެ.
"އޭރުން އެލްޖީއޭ އަށް އަންނަ މައްސަލަތައް ވަގުތުން ވަގުތަށް ހައްލު ވާނެ. އެހެންވީމާ އެލްޖީއޭ ފަންކްޝަން ކުރުވަން ހާއްސަ މިނިސްޓަރެއް ހުރުމަކީ ރަނގަޅު ކަމެއް. މިނިސްޓަރެއް ހަމަޖައްސައިފިއްޔާ އޭނާ އަށް އޮފީހެއް ހުންނަން ޖެހޭނެ. އެކަމަކު އެއީ ކުރީ ޒަމާނުގައި އެޓޮލްސް މިނިސްޓްރީ ހިންގި ގޮތަށް ހުރިހާ ކަމެއް އެ މިނިސްޓްރީން ކުރުމެއް ނޫން. އެ ގޮތަށް ހިންގި ޒަމާން ހިނގައްޖެ،" މުއިއްޒު ވިދާޅުވި އެވެ.
އެލްޖީއޭގެ ބައްދަލުވުމެއްގެ ރިޔާސަތު ހޯމް މިނިސްޓަރު އިމްރާން ބަލަހައްޓަވަނީ: މުއިއްޒު ވިދާޅުވީ، ހޯމް މިނިސްޓަރުގެ މެންޑޭޓް މާ ފުޅާވުމުން ކައުންސިލްތަކަށް ދޭންޖެހޭ ސަމާލުކަން ނުދެއްވޭ ކަމަށް.
"އެއީ ތަންކޮޅެއް ކުރީ ޒަމާނަށް ފިޓްކަމެއް. މިހާރަށް ބޭނުންވަނީ މިހާރު މި އޮތް ގާނޫނު ތަންފީޒު ކޮށްދޭ މިނިސްޓަރެއް. މިހާރު ހުރި މިނިސްޓަރުގެ މައްސަލައެއް ނޫން މި އުޅެނީ. ނިޒާމުގެ މައްސަލައެއް."
މުއިއްޒު ވިދާޅުވީ، މިހާރު އެލްޖީއޭ ހިންގަނީ ހޯމް މިނިސްޓަރުގެ ބެލުމުގެ ދަށުން ކަމަށް ވާއިރު އެ މިނިސްޓަރުގެ މެންޑޭޓް މާ ބޮޑު ކަމަށެވެ. އެލްޖީއޭ އަށް މާ ބޮޑު ސަމާލުކަމެއް ނުދެވެ އެވެ.
"އަޅުގަނޑުގެ ބޭނުމަކީ މިހާރަށް ވުރެ ކައުންސިލްތައް ބާރުވެރި ކުރުވުން. މިހާރު ވެއްޖިއްޔާ އެލްޖީއޭ އިން އުޅެން ޖެހޭ ސަރުކާރުގެ ތެރެއިން ކަންކަން ނުކުރެވިގެން. ކަންކަން ލަސްވޭ. ކަންކަން ކުރިއަށް ނުދާ ހާލަތްތައް މަދެއް ނޫން،" އޭނާ ވިދާޅުވި އެވެ.
މުއިއްޒު ވިދާޅުވީ، އިނގިރޭސި ވިލާތާއި މި ސަރަހައްދުގެ ބައެއް ގައުމުތަކުގައި ވެސް ލޯކަލް ކައުންސިލްތަކަށް ހާއްސަ މިނިސްޓަރެއް ހުންނަ ކަމަށާއި އެ މޮޑެލް ވަރަށް ކާމިޔާބު ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ގުދުގުދާބެއްޔާ
21 September 2023
މިނިސްޓްރީއޮފްއެޓޯލްސް އެޑްމިނިސްޓްރޭޝަން އަނެއްކާވެސް އަންނަކޮޅުމަތިފެންނަން ފަށައިފި!މަހީހީ ހަލާކު
ކަރާސީނު
20 September 2023
ނޫން ނޫން. މަނިކުފާނު ބޭނުންފުޅުވަނީ ކައުންސިލަރުން، ބޭނުން އިރަކު ސަސްޕެންޑްކޮށް، ގޮށްމުށުގެ ބާރު ދައްކަން.
އަޒީމާ އަލީ
20 September 2023
އެލްޖީއޭ އަށް ދަނޑި ބާނައިގެން ކައުންސެލަރުންނަށް ބިރުދައްކާ، ބާރުތަށް މުށަށް ނެގި މީހާ. ކޮބާ ލަދު ހަޔާތުގެ ހަމަ ކަންފުޅެއް ވެސް ނެތޭ ދޯ. ރައްޔިތުން މީ ފައިންޑިންގ ނީމޯގަ އުޅޭ ޑޯރީ އެއް ނޫން. ރައްޔިތުން މީ ގަރަހިތަހާ ހަނދާން ބަލި ބައެއް ނޫން.
ާދާންދޫ
20 September 2023
އިތުރު މިނިސްޓަރަކު ބޭނުމެއްނޫން ތަނަކަށް ލާކަށް. ޤާނޫނުއަސާސީގައި އޮތް ގޮތަށް ކައުންސިލް ތަކާއި އެލް.ޖީ.އޭ ހިންގޭ ތޯ ބައްލަވަންވީ . އެހެން ނޫނިއްޔާ ތިކަމާއި އުޅުއްވާނެ ކަމެއް ނެތް .ގޭގަ އޮންނަވާ ! ތިބުނުއްވާޒާތުގެ މިނިސްޓްރީ ހިންގެވި ބޭފުޅުން މިހާރު ދުނިޔެ ދޫކުރައްވައިފި .
ކްޮްލަ
20 September 2023
އާން ދެން އޮޅުވާލާ
އަންދަލޫސިޔާ
20 September 2023
މި މާލޭގެ ސިޓީ ކައުންސިލް އޮފީހުން ނެރެ އެއްލާލާ، މުދާތައް، ދައުލަތުގެ ލިޔެކިއުން ހިމެނޭހެން މަގުމައްޗަށް އުކާލާ، ބޭނުން ބަޔަކަށް ފްލެޓް ބަހާލާ، އެލްޖީއޭގެ ބާރުތައް އޭރުގެ ރައީސް ޔާމީނަށް ދިނުމަށް މަޖުލިހަށް ހުށަހަޅާ، ބޭރު މީހުންނަށް ބިން މިލްކުކުރެވޭ ޤާނޫނު ފާސްކޮށް، އެހުރިހާ ގަނޑެއް ގަނެފަ މިއަދު ތިކިޔަނީ އެހެން ލަވައެއް. ނުދޭނަން ވޯޓެއް!
ސިލްމާ ޒާހިރު
20 September 2023
މަނިކުފާނޫ، ހުރިހާ ކައުންސިލްތަކުން ބާރުތައް އަމިއްލައަށް ޖަމާކޮށް، ކިރިޔާ ސަރުކާރާ ޚިޔާލު ތަފާތުވިޔަސް ސަސްޕެންޑްކޮށް، އޭރު ސިޓީ ކައުންސިލްތަކުގެ މެޖޯރިޓީ ނުލިބުނީމާ މުސާރަތައް ކުޑަކޮށް، ސަރުކާރުން ކުރަމުން ދިޔަ ވައްކަމާ މެޑަމްގެ ލިސްޓަށް ބަހާލި ފްލެޓްތަކުގެ ލިސްޓް ހާމަކުރި މީހުން މަޤާމުން ވަކިކުރީ. ތިޔަ މީހާ ތިއުޅެނީ ރައީސްކަމަށް ކުރިމަތިލައިގެން.
ރަށުމީދާމީ
20 September 2023
އެލްޖީއޭ ހިންގަނީ ބޯޑަކުން. އެތަނުގައި ފުލްޓައިމް މިނިސްޓަރަކު ހުރެގެން އަތޮޅުތަކާއި ރަށްތަކަށް ނުފޫޒު ފޯރުވުން ނޫން ދެން ކޮންކަމެއްތޯ ފުލްޓައިމްކޮށް އެމީހަކު ކުރާނީ؟ ހައުސިންގ މިނިސްޓްރީގެ ދަށަށް ހުރިހާ ސިޓީކައުންސިލްތައް ގެނެސްގެން މުއިއްޒުގެ ނުފޫޒު ފޯރުވި ދުވަސްތައް ހަނދާނަށް އާވާން ފަށައިފި. ބިރުވެރިކަމަކާ މިދިމާވަނީ އަނެއްކާވެސް.
ގައުވާބު އަމީރު
20 September 2023
ކައުންސްތަކަށް މިނިސްޓަރެއް ބެހެއްޓުން ވަރަށް ރަނގަޅު ކަމެއް. ހޯމް މިނިސްޓަރަށް އެކަމެއް ނުވާނެ އެއްވެސްމީހަކަށްދެމިނިސްޓްރީންމުސާލިބޭ ގޮތައްހުރެގެންނުވާނެ
އެސް ޒެޑް
20 September 2023
ޔާމީން ސަރުކާރުގައި މުޢިއްޒު ހައުސިންގ މިނިސްޓަރަކަށްހުރެގެން ކައުންސިލް ތަކާއި ޤާނޫނުން މަތިކޮށްފައިވާ ޒިންމާތައް ނިގުޅާގަނެ ހައުސިންގ މިނިސްޓްރީގެ ދަށުންހިންގާ އޮފީސްތަކެއް އުފައްދާ އެއޮފީސްތަކުގެ ދަށަށް ކައުންސިލްތަކުން ކުރަމުންއައިހާ މަސައްކަތްތައްވަނީ ބަދަލުކޮށްފަ، މުއިއްޒުގެ ވެރިކަމެއްގައިވެސް މުއިއްޒުބޭނުންވަނީ ހަމަ އެގޮތަށް ރައްޔިތުން ހޮވާފައިވާ ކައުންސިލްތަކުގެ ބާރުތައް ކަނޑުވާލާ ހުރިހާބާރެއް ސީދާ ސަރުކާރުގެ ދަށަށް ގެންނަށް
ލުތުފީ
20 September 2023
މިއީ މީގެކުރިން ވެސް ފެނިފައިވާ ކަންކަން. ކޮންމެ ބަޔަކުވެސް ކަންކުރާނީ އެބަޔަކަށް ދަސްވެފައޮތްގޮތަކަށް. ޔާމީން ސަރުކާރުގަ މާލޭ ސިޓީކައުންސިލަށް ހެދިގޮތް ފެނުނު. އަނެއްކާ އެކަން ތަކުރާރުވަނީ.