ދެކުނުގެ ރަށެއްގައި 18 އަހަރު ނުވާ ކުއްޖަކު ރޭޕްކޮށް ބަލިވެއިން މައްސަލައެއް ފުލުހުން ތަހުގީގު ކުރަން ފަށައިފި އެވެ.
ފުލުހުން ބުނީ ގއ. ގދ. އަތޮޅުގެ އިތުރުން އައްޑޫ އަދި ފުވައްމުލައް ހިމެނޭހެން ދެކުނަށް ނިސްބަތްވާ އަތޮޅުގެ ރަށެއްގައި ކުޑަ ކުއްޖަކު ބަލިވެ އިން މައްސަލައެއް ހުށަހަޅާފައި ވަނީ މިދިޔަ ހުކުރު ދުވަހު ކަމަށެވެ.
އެ މައްސަލައާ ގުޅޭ އިތުރު ތަފްސީލެއް ފުލުހުން ހާމަ ނުކުރި ނަމަވެސް މައްސަލަ ތަހުގީގު ކުރަމުން އަންނަ ކަމަށް ފުލުހުން ބުންޏެވެ.
ޖެންޑާ މިނިސްޓްރީން ބުނި މިފަދަ މައްސަލައެއް ހުށަހެޅުމާ އެކު، ކުއްޖާގެ ރައްކާތެރިކަމަށް ކުރަންހުރި އެންމެހާ ކަންކަން ކުރަމުންދާ ކަމަށެވެ.
ކުޑަކުދިންނާ ގުޅޭ މިފަދަ މައްސަލަތައް އިތުރު ވަމުން ދާއިރު މިކަންކަމަށް އެދެވޭ ހައްލެއް ހޯދާ ދިނުމަށް ކަމާބެހޭ އިދާރާތަކުން އެކަށީގެންވާ މަސައްކަތް ނުކުރާ ކަމުގެ ޝަކުވާ އާންމުން އަބަދު ވެސް ކުރެ އެވެ.