މަޖީދިއްޔާ ސްކޫލަށް 95 އަހަރު ފުރުން ފާހަގަކުރުމަށް އެ ސްކޫލުގައި ބޭއްވި ހާއްސަ އެސެމްބްލީގައި ބައެއް ކުދިންނާއި ބައެއް ޓީޗަރުން ބައިވެރިވަނީ.--- ފޮޓޯ: ފަޔާޒު މޫސާ | މިހާރު
05 ޑިސެމްބަރ 2023 - 20:42
41 comments
ދަރިވަރުންގެ ހިތްތަކުގައި ގައުމިއްޔަތުގެ ރޫހު އާލާކޮށް ދިރުވުމަށްޓަކައި، ކޮންމެ ސްކޫލު ދަންފަޅިއެއް ގައުމީ ސަލާމުން ފަށަން ރައީސް ޑރ. މުހައްމަދު މުއިއްޒު މިއަދު ނިންމަވައިފި އެވެ.
ކެބިނެޓުގައި މިއަދު ނިންމި ނިންމެވުންތައް ހިއްސާކުރުމަށް ރައީސް އޮފީހުގައި މިއަދު ބޭއްވި ނޫސްވެރިންގެ ބައްދަލުވުމުގައި ރައީސް ވިދާޅުވީ މި ބަދަލު ގެނައުމަށް ނިންމާފައިވަނީ ޑިސެންބަރު މަހު ސްކޫލުތައް ބަންދުވުމަށް ފަހު ދެން ހުޅުވޭ ސެމިސްޓާއިން ފެށިގެން ކަމަށެވެ.
މިއީ ގައުމީ ލަވަ އާއި ގައުމީ ދިދަ އާއި ގައުމިއްޔަތަށް ޅަ އުމުރުގައި ހިތްތަކުގައި ލޯބި ޖައްސައި އާލާކުރަން ނިންމުމަށް ނިންމި ނިންމެވުމެއްގެ ގޮތުގައި އެމަނިކުފާނު ވަނީ ސިފަ ކުރައްވައިފަ އެވެ.
"[ގައުމީ ލަވައިގައި] އެ ކިޔޭ އެއްޗެއްގެ މާނަ ވިސްނި، އެއަށް ލޯބި ކުރުމަށް ހިތްޖެއްސުމަށްޓަކައި،" ރައީސް ވިދާޅުވި އެވެ.
މި ބަދަލު ގެންނެވުމަށް ފަހު ރައީސް ވަނީ ގައުމިއްޔަތު ދިރުވާ އާލާ ކުރުމަކީ މި ސަރުކާރުގެ އެންމެ މުހިންމު ވައުދުކަން ފާހަގަކުރައްވައިފަ އެވެ.
ރައީސްގެ ފުރަތަމަ 100 ދުވަހުގެ ވައުދުތައް ހިމެނޭ "ހަފްތާ 14" ގައި ވެސް ވަނީ އިސްލާމްދީނާއި، ގައުމިއްޔަތާއި، ދިވެހިރާއްޖޭގެ ތާރީހާއި ސަގާފަތަށް ދަރިވަރުން އަހަންމިއްޔަތުކަންދޭ މިންވަރު އިތުރުކުރުމަށްޓަކައި ސްކޫލްތަކުގައި ޤައުމީ ފެންވަރުގެ ހާއްސަ ޕްރޮގްރާމުތައް ހިންގަން ފެށުމަށް ހިމަނައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އައިމިނާ
06 December 2023
ހުސްގޮނޑި ފުރަތަމަ ދުވަހު ބެހެއްޓުމުން ނުރުހޭނަމަ ބުނީމަ ނުބަހައްޓާނެކަން ޔަގީން. އެނގިގެން ދިޔައީ ރުހުމުގަ ހުސްގޮނޑި ބަހައްޓަން ބޭނުންވެފައޭ ތިބީ. ހުރިހާ ރަށެއްގަ ހުސްގޮނޑިބަހައްޓާ ނިމުނީމަ މިހާރު ކީކޭތޯ މި ކިޔަނީ.
ގުދުގުދާބެއްޔާ
06 December 2023
ގައުމީ ސަލާމުގައި އައުދާނަ ކަން ލިބިގެން އެވާ ދިދައަށް ކުރީމެސަލާމް. އައުދާނަ އެބުނެވެނީ އަޅަކައްވެ ހުރެ. ގައުމީ ނިސާނައް ހުރުމަތާއެކު ބޯލަނބާތިބެގެން! ހުރުމަތާ އެކު ބޯލަބަން ހަމަ އެކަނި ޖެހޭނީﷲ އަށް. އަދި "އައުދާނަ" އަޅަކައްވެ ހުރެ ބޯލަބަން ޖެހޭނީ ހަމައެކަނި ﷲއަށް. ދިވެހިބަހާ ތާރީހައް ޚިދިމަތް ކުރެއްވާ ބޭފުޅުން މިކަންތައް ތަގަޅުކުރަން ޖެހޭނެ! އެހެން ނޫނީ %100 މުސްލިމުގައުމެކޭ ނުކިޔާ!
ބަދަ
06 December 2023
މިސަރުކާރުން އަދިކުރަމުންމިދަނީ ވަރަށް ކޫސަނި ދެންމާމޮޅުކަމެއް ކަމަށްދެކިގެން އެއްކަލަ ތޮއްޑޫ ނަސީރު ދޭއައިޑިއާއި ސުޕީޗްތައް.މަގޭ ރައްޓެއްސެއްވެއްޖެ މާލޭގަ ވޯޓްއަޅާފަ ދިޔަގޮތައް އެމްއާރުއައި ނެހެދިގެން. މިކަހަލަ ގައުމީ ބޮޑެތި މައްސަލަތައް ހައްލުކޮށްދީބަލަ.ޑޮކްޓަރަށް ދެއްކުމުގެ ކިއު . ޕުރައިވެޓް ރޫމް ކިއު، އެމްއާރުއައި އަދި އެކި ސުކޭންތަކުގެ ކިއު
ނަޖީބު
06 December 2023
ސްކޫލު ލަވައަށްވުރެ މުހިންމުވާނެ ގައުމީ ލަވަ. އެއީ އަބަދުވެސް ގައުމު އިސްކުރަން ޖެހޭނީ ހުރިހާ މީހުންވެސް.
ހާޖަރާ
07 December 2023
ހުރިހާ އެއްޗަކަށްވުރެ ޤުރުޢާން ގެ ބަރަކާތުން ފެށުން އެންމެ މޮޅު އިތުރު ވެގެން ވަނީ....
ހާފިޒުު
06 December 2023
ޑރ.މުޢިއްޒު މިކަން ކުރަން މި ނިންމީ ވަރަށް ރަނގަޅަށް. މިކަމުގެ ފައިދާ ވަރަށް ބޮޑަށް ކުރާނެ.
އަލިބެެ
06 December 2023
ދަރިންގެ ހިތްތަކުގައި ގައުމީ ލޯބި އުފެދިގެން ދަަނީ ގައުމީ ލަވަ ޖަހާގެން.
އަހުމަދު ސައިފުލް
06 December 2023
ބަލަގަ ކޮންމެ ދުވަހަކު މި ކަން ކުރީމަ ގައުމީ ސަލާމް ގެ ޚާއްސަ ކަމާއި މުހިންމު ކަމުގެ އަގު ކުޑަވާނެ ކަމަށް ދެކެނީ!
ޤައުމަށް އިޙްތިރާމްކުރަން.
06 December 2023
އައުހެދުންވެސް މާގިނަފަހަރު ލީމަ ދެންވާނީ ބައު ހެދުމަކަށް.ދެން އެހެދުން ލާހިތެއްނުވާނެ މުހިއްމު ހަފްލާތަކުގައެއް. ޤައުމީ ސަލާމްވެސް އަބަދުކީމާ އެއަށް ދޭންޖެހޭ ޤަދަރު ގެއްލިގެންދާނެ. މިހާރުވެސް އަޅުގަނޑުމެންގެ ސްކޫލްގައި ހަފުތާ ފަށަނީ ޤައުމީ ސަލާމުން(އާދީއްތަ ދުވަހު) ދެން އެސެންބުލީ އޮންނާނީ ބުރާސްފަތީގަ އެދުވަހު ކިޔަނީ ސްކޫލް ލަވަ. އެއީވެސް ކިޔެވުމަށާއި ރަށާއި ޤައުމަށް ލޯބިޖައްސާ ލަވައެއް.
ނޫން
06 December 2023
ތި ހީކުރާ ގޮތާ އިދިކޮޅަށް އެކަން އޮންނަނީ.
ބޮންތިޔާ
06 December 2023
ތިޔައީ ރައީސް ޔާމީނު ސަލާމަތް ކުރަން އަހަރުމެން ވޯޓްދީގެން ވެރިކަމަށް ގެނައި މީހަކެވެ. ނަމަވެސް މިހާރު މިއުޅެނީ ހުރިހާކަމެއް ޤައުމީ ސަލާމާއި ދިދައިން ހަމަޖައްސާށެެވެ.
ކުލީގެވާހަކަ، ނުދައްކާވާހަކަ
06 December 2023
އުމުރު މިދަނީ ކުއްޔަށް މަހަކު 35،000 ދައްކަމުން. އެކަމަކު ޝަރުތު ހަމަވާކަމަކަށްނުވޭ.މާލެތަރައްގީ ކުރީ މާލެ ރައްޔިތުންނެއެނޫން. ކިރިޔާ އިންސާނަކަށް އުަޅެވޭވަރު ތަންކޮޅެއް ވިއްޔާ 2މަސް ޑިޕޮޒިޓް. ކުލި 35،000 ހުން މަތި. ކުކުޅުލޮށި ކަހަލަތަންތަން ފެޝެނީ 20،000. 2 މަސް ޑިޕޮޒިޓް.އެހެންރައްތަކަށް އިހުމާލުވުން ކަމަކީ.
އައިމިނާ
06 December 2023
އިސްކޫލްގަ އުޅުނު އިރު ކުރީގަ ގައުމީސަލާމް ކިޔަނީ. ފަހުން "ޅަފަތުގައި އުގެނެމާ" އިސްކޫލް ފެށުމުގެ ކުރިން. ފަހުން އެކި އެއްޗިއްސަށް ބަދަލުވީ ކަންނޭގެ. މިހާރު އެ އިސްކޫލެއްގެ ލަވައެއް ކިޔަނީ.