ޚަބަރު / މަޖިލިސް އިންތިހާބު 2024

މަޖިލިސް އިންތިހާބުގައި ވާދަކުރުމުގެ ފުރުސަތު މި މަހު 30 ގައި ހުޅުވާލަނީ

އިލެކްޝަންސް ކޮމިޝަންގެ މެމްބަރުން: މަޖިލިސް އިންތިހާބުގައި ވާދަކުރުމުގެ ފުރުސަތު މި މަހު 30 ގައި ހުޅުވާލަން އެ ކޮމިޝަނުން ވަނީ ނިންމައިފައި.-- ފޮޓޯ: މިހާރު

އިފްރާޒް އަލީ، މިހާރު

11 ޖެނުއަރީ 2024 - 11:28

9 comments

ރައްޔިތުންގެ މަޖިލީހުގެ އިންތިހާބުގައި ވާދަކުރުމުގެ ފުރުސަތު މި މަހު 30 ގައި ހުޅުވާލަން އިލެކްޝަންސް ކޮމިޝަން (އީސީ) އިން މިއަދު ނިންމައިފި އެވެ.

އީސީގެ ނައިބު ރައީސް އަދި ތަރުޖަމާން އިސްމާއިލް ހަބީބް އެކްސްގައި ކުރެއްވި ޕޯސްޓެއްގައި ވިދާޅުވީ މަޖިލީސް އިންތިހާބުގައި ވާދަކުރައްވާ ކެންޑިޑޭޓުންނަށް އެ ފުރުސަތު ހުޅުވާލަން އެ ކޮމިޝަނުން ތާވަލުކޮށްފައި ވަނީ މި މަހު 30 އިން ފެށިގެން އަންނަ މަހު 14 ގެ ނިޔަލަށް ކަމަށެވެ.

މަޖިލިސް އިންތިހާބު އަންނަ މާޗު މަހުގެ 17 ވަނަ ދުވަހު ބާއްވަން ނިންމައި އީސީން ވަނީ އިއްޔެ އެކަން އިއުލާންކޮށްފަ އެވެ.

އެ ކޮމިޝަނުން އިއްޔެ ނެރުނު ނޫސްބަޔާނެއްގައި ބުނީ ރޯދަ މަހުގެ ތެރޭގައި މަޖިލިސް އިންތިހާބު ބާއްވަން ނިންމީ، ރޯދައިގެ ފަހުގެ ތާރީހެއްގައި އެކަން ކުރަން އިދާރީ ބޮޑެތި ހުރަސްތަކެއް ހުރެގެން ކަމަށެވެ. އަދި ކުޑަ އީދު ބަންދަށް ފަހު ފެށޭ ހަފުތާއަކީ ސްކޫލުތަކުގެ އިމްތިހާނު ދުވަސްވަރު ކަމަށް އެ ކޮމިޝަނުން ބުންޏެވެ.

އީސީން ބުނި ގޮތުގައި ރޯދައިގެ ފަހުން އިންތިހާބު ބާއްވާ ނަމަ ސްކޫލްތައް ނުލިބި ވޯޓުލާ މަރުކަޒުތައް ގާއިމްކުރަން އެކަށީގެންވާ ތަންތަން ނުލިބިދާނެ އެވެ.

Majlis inthikhaabu March 17 gai baavvan nimmaifi

The most trusted news source in the Maldives

Mihaaru

ކޮމިޝަނުން ބުނީ ރޯދައިގެ ފަހު 10 ބަންދުކުރަން ސަރުކާރުން ހަމަޖައްސާފައިވާތީ އިންތިހާބު ލަސްވެއްޖެ ނަމަ ދައުލަތުގެ އިދާރާތަކުގެ އެއްބާރުލުމާ އެކު ކުރަން ޖެހޭ މަސައްކަތްތަކުގައި ވެސް ދަތިތަކެއް ކުރިމަތިވާނެ ކަމަށެވެ.

ރޯދަ މަހުގެ ފުރަތަމަ ހަފުތާގައި އިންތިހާބު ބާއްވަން ނިންމީ އެ ސަބަބުތަކާ ހެދި ކަމަށާއި ވޯޓުލާ ގަޑިތަކާއި މަރުކަޒުތައް މި މަހުގެ 30 ގައި އިއުލާންކުރާނެ ކަމަށް އީސީން ބުންޏެވެ.

މިހާރު ހިނގަމުންދާ 19 ވަނަ މަޖިލީހުގެ މެންބަރުންގެ ދައުރު އަންނަ މެއި މަހުގެ 28 އަށް ހަމަވާނެ އެވެ.

ރައްޔިތުންގެ މަޖިލިސް އިލެކްޝަންސް ކޮމިޝަން މަޖިލިސް އިންތިހާބު 2024

9 ކޮމެންޓް, 0 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ވިސްނާލުމަށް އެދެމޭ

11 January 2024

Ramadan މަހު އިންތިހާބު ނުބާއްވާށޭ މިކަން ބަދަލު ކޮއްދޭން މޑޕއަށް ގޮވާލަން...ވޯޓުހޯދަންވެސް މީފުކެއް ބޮޑުވަރު..ރޯދަމަސް ނިމުނީވެސް އިންތިޙާބު ބޭއްވޭނެ..މޑޕ އިދިކޮޅުޕާޓީއަކަށް އޮވެ ޒިންމާއަދާނުކުރެވޭ..ސަރުކާރުން ޖަހާ ޗައްކަރު ހުއްޓުވަން ކުރެވޭކަމެނުފެނޭ މޑޕގެ އިސްމީހުން ސަރުކާރަށް ކޮމްޕްރަމައިޒް ވެފަތިބޭކަމަށް ފެންނަނީ..ރނަޝީދު މަނިކުފާނުގެ ޒިންމާއެއްކުގަދެކި މިއިންތިހާބު ރޯދައިގެފަހަށް ބޭއްވުމަށްބާރުއަޅާދީ ރޔާމީން އެހުންނެވީ ދޫބަންދުކޮއްފަ..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރިސްފަތު.

11 January 2024

އެމްޑީޕީ އޮތީ ރޫޅިފައި. އެންމެ ފަހުން ތިމި މެންބަރުން ކޮޅުވެސ ޤައުމަށްތަކާ ދީނަށްޓަކާ ޕީއެންސީއާއި ގުޅިއްޖެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮރަލް

11 January 2024

މިނިވަން ކަމާއެކު މަސްވެރީން ނާ ދަނޑުވެރީން ތަމްސީލް ކުރާނެ ގާބިލް ބަޔަކު ބޭނުން ވެ އެވެ. މަސްވެރިކަމާ ދަނޑުވެރި ކަމުގެ ސިނާ އަތު އޮތީ ވ ފަހަތުގަ އެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

11 January 2024

ޤއ ގެ 72 ހ ގައި ބުނެފައިވަނީ މަޖިލީހަށް މެންބަރުންއިންތިޙާބުކުރާންވާނީ ސަރަޙައްދުތައް އިދާރީދާއިރާތަކަކަށް ބެހުމަށްފަހު "ކޮންމެ އިދާރީދާއިރާއަކުން" މީހަކުކަމަށް. # މީގެ ދުސްތޫރީމާނައަށްބަލާލުމުން މިދެންނެވިއުސޫލުން ބަހާލިދާއިރާތަކުގެތެރެއިން ކޮންމެދާއިރާއަކުން މީހަކު މަޖިލީހަށްފޮނުވަން ބާރުއަޅާފައިއޮތްކަން އިގޭ. އެއްވެސް ހަމައަކުން އެމާއްދާމާނަކޮށްގެން އެއީ "އިދާރީ ދާއިރާއަކަށް" މީހަކު އިންތިޙާބުކުރާންޖެހޭ ވާހަކަކަމަށް މާނަކުރެވޭނެ ޖާގައެއްނެތް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަދަނީލޯޔަރު.

11 January 2024

އަފީފު ދީދީއަކީ އައްޑޫ ބޭފުޅަކަށް ވުމުން ކޮންމެވެސް ވަރަކަށް ދިވެހިބަހަށް ކޮށިވުމުން 72 ހ ގައި ބުނާ މާނަ ދެނެގަތުމުގައި އޮޅުން ތަކެއް އަރަނީ ކަމަށ ވެދާނެ. ތިޔަ ބުނަނީ އެމާއްދާގެ ހަޤީގީ މާނައެއްނޫން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

11 January 2024

މަދަނީލޯޔަރު އަށް: ދިވެހިބަސް (މާލޭމީހުން ވާހަކަދައްކާ ބަހުރުވަ) ރަދީފުގައި "ދާއިރާ އަކަށް" ނުވަތަ "ދާއިރާ އަކުން" މިދެބަހުގެމާނަ މުޅިންތަފާތު. # ސްޕްރީމްކޯޓް ފަނޑިޔާރަކަށް އިންނެވި ހުސްނު އަލް ސުޢޫދު ވެސް ހިމެނިވަޑައިގަންނަވާގޮތަށް ޤާނޫނީ އެތައްބަޔަކު ތިއްބެވިމަޖިލީހަކުން 72ހ ލިއުމުގައި "ކޮންމެ އިދާރީ ދާއިރާއަކަށް" ނުލިޔެ އެ ޖުމްލައިގެ ފަހުއަކުރު "އަކުން" ލިޔެފައިވަނީ އޮޅިގެން އިމްލާ ކުށެއްގެގޮތަކަށްނޫން އިގޭތޯ. އެއީ އެގިތިބެ ލިއުނު އެއްޗެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

11 January 2024

ކުރިން ގޯސްކޮށްކަމެއް ކުރެވިފައިވުމަކީ އެގޮތުގައި ދެމިތިބެންޖެހޭސަބަބެއް ކަމުގައިނުވާތީ މަޖިލިސް އިންތިޙާބަށް އިއުލާންކުރާއިރު ދައުލަތުގެ ޤާނޫނުއަސާސީގެ ރޫޙާއިއެއްގޮތަށް ލާމަރުކަޒީއުސޫލުން ރާއްޖޭގެ ސަރަޙައްދުތަކުގެ ރައްޔިތުންނަށް ޤާނޫނުއަސާސީންދީފައިވާ ޤާނޫނީބާރުވެރިކަންދިނުމަށްޓަކާ ދައުލަތުގެ ޤާނޫނުއަސާސީގެ 72 ހ އަދި ށ ގައި ބަޔާންކޮށް އަމުރުކޮށްފައިވާގޮތަށް "ދާއިރާ ރަށްވެހިންގެތެރެއިން މެންބަރުން އިންތިޙާބުކުރަން" ރައްޔިތުނަށް ފުރުސަދު ދޭންޖެހޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަހަރެން މަޑުކޮށްލިން.

11 January 2024

މީގެ ކުރިން ދީދީ މިނޫހުގައި ކޮމެންޓް ކުރި މިފަހަރުގެ އިންތިހާބުގައި 72 ހ އާއި ހިލާފަށް ކުރިމަތިލާ ފަރާތް ތަކަށް އިލެކްޝަންކޮމިޝަނުން ފުރުސަތުދީފިނަމަ ކޯޓަށް ގޮސްގެންވެސް ހުއްޓުވާނެ ކމަށް. އެކަން އޮތީ މިހާރު ކިހިނެއް؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

11 January 2024

އަހަރެން މަޑުކޮށްލިން އަށް: ޤާނޫނުއަސާސީގެ 72 ހ ގައި ލިބޭ ޤާނޫނީ ޙައްޤު އައްޑޫމީހުންނަށް ކަށަވަރުކޮށް ދިނުމަށްޓަކާ މިސިޓިގެ އެއްވެސް ދާއުރާއަކަށް ކ.އަތޮަޅު މާލޭ މީހެއް ނުވަތަ އެހެން އަތޮޅެއްގެ ރަށްވެއްސަކު ކުރިމަތި ލައިފިނަމަ (މާލޭ ޝަރީފް އާއި ޑޮނާޑު ރޮޒޭނާ ވިޔަސް) އެކަން ހުއްޓުވަން ދޫސްތޫރީ މައްސަލައެއްގެ ގޮތުގައި ސްޕްރީމްކޯޓަށް ވައްދާ އަދި ﷲ ގެ މިންވަރުފުޅުން ފަސޭހަކަމާއިއެކު އެމައްސަލަ ކާމިޔާބު ކުރާނެކަމުގެ ޔަޤީންކަންވެސް އެބައޮތް އިގޭތޯ.