އިލެކްޝަންސް ކޮމިޝަންގެ މެމްބަރުން: މަޖިލީހުގެ އިންތިހާބީ ދާއިރާތައް ކަނޑައެޅި ގޮތާ ބެހޭގޮތުން 65 ޝަކުވާއެއް އެ ކޮމިޝަނަށް ހުށަހަޅާފައިވޭ --- ފޮޓޯ/މިހާރު
24 އޮކްޓޯބަރ 2023 - 18:28
14 comments
ރައްޔިތުންގެ މަޖިލީހުގެ އިންތިހާބީ ދާއިރާތައް ކަނޑައަޅާފައިވާ ގޮތާ ބެހޭގޮތުން 65 ޝަކުވާއެއް ލިބިފައިވާ ކަމަށް އިލެކްޝަންސް ކޮމިޝަނުން މިއަދު ބުނެފި އެވެ.
އަންނަ އަހަރު ބާއްވާ މަޖިލިސް އިންތިހާބުގައި އިންތިހާބުކުރާ މެމްބަރުންގެ އަދަދު 93 އަށް އިތުރުކުރަން އިލެކްޝަންސް ކޮމިޝަނުން ކުރިން އޮތީ ނިންމައިފަ އެވެ. މިހާރު ތިއްބަވާ 87 މެމްބަރުންގެ ބަދަލުގައި 93 މެމްބަރުން އިތުރުކުރަން ނިންމީ އާބާދީ އަށް ބެލުމަށް ފަހު ބައެއް ދާއިރާތައް އިތުރުކުރަން ނިންމުމުންނެވެ.
އިލެކްޝަންސް ކޮމިޝަނުން މިއަދު ބުނީ ދާއިރާތައް ކަނޑައެޅި ގޮތާ ބެހޭގޮތުން ޝަކުވާ ހުށަހަޅަން ހުޅުވައިލުމުން 65 ޝަކުވާއެއް ލިބުނުއިރު އޭގެ ތެރެއިން އެންމެ ގިނައީ އަލަށް އުފައްދަން ނިންމާފައިވާ އައްޑޫ ފޭދޫ އުތުރު ދާއިރާގެ ޝަކުވާތައް ކަމަށެވެ. އެ ދާއިރާއާ ބެހޭގޮތުން 44 ޝަކުވާއެއް ހުށަހަޅާފައިވެ އެވެ.
މާލޭގެ ދެ ދާއިރާއަކާއި އައްޑޫގެ ބައެއް ދާއިރާތަކުގެ އިތުރުން އަތޮޅު ތެރޭގެ ބައެއް ދާއިރާތަކާ ބެހޭގޮތުން ވެސް ޝަކުވާ ހުށަހަޅާފައިވާ ކަމަށް އިލެކްޝަންސް ކޮމިޝަނުން ބުންޏެވެ. އެ ޝަކުވާތަކާ މެދު އަންނަ މަހުގެ ފަސް ވަނަ ދުވަހުގެ ކުރިން އެ ކޮމިޝަނުން ގޮތެއް ނިންމާނެ އެވެ.
ރައްޔިތުންގެ މަޖިލީހުގެ އިންތިހާބީ ދާއިރާތަކުގެ ގާނޫނު ބުނާގޮތުން އިންތިހާބީ ދާއިރާތައް ކަނޑައަޅާނީ އާބާދީ އަށް ބެލުމަށް ފަހު އެވެ. އެހެންވެ، ކޮންމެ މަޖިލިސް އިންތިހާބެއްގައި ދާއިރާތަކުގެ އަދަދު ދަނީ އިތުރުވަމުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޖުލައި2021
25 October 2023
މާލޭގަ ވަޒަންވެރިންގެ ތެރއިން ދަފްތަރުމިޔާ ފޮތުގަ ޖައްސާފަތިބޭމީހުން އެމީހުންގެ ބަސްބުނާނެބަޔަކު ނުތިބޭގޮތަށް އެކި އިލެކްޝަން ކޮމިސަނަކުން އޭރަކު ހިތައްއަރާގޮތަކަށް ދާއިރާތަކަށް ބަހާލާ ގޮތަށް ދާއިރާ ކަނޑައެޅުން ބަދަލުކުރުމަށް ގޮވާލަން. ދަފްތަރު ދާއިރާ އެއީ މާލޭގެ ވަކި ދާއިރާއެއްކަމަށް ކަނޑައަޅާ ދަފްތަރުގެ ބަދަލުނުވާނެ ދާއިމީ ގޮނޑިތަކެއް ކަނޑައަޅަންޖެހޭ. އަދި މިހާރު ދާއިރާ ކަނޑއެޅުމަށް ބަލާ ދާއިމީ އެޑްރެސް އުވާލާ.
ޙަސަން އަލީ
25 October 2023
ދާއިރާ ތައް 10000 އަށް ބަދަލް ކުރަން ފެނޭ
ހުސްތީ
25 October 2023
އިލެކްޝަންސް ކޮމިޝަނުން އާބާދީ ރިޕޯޓް ތައްޔާރު ކުރި ގޮތެއްވެސް ބަލަން ބޭނުން. ރަށު ކައުންސިލްގެތަކުގެ އާބާދީ ރިޕޯޓްތަކާއި، ނެޝަަނަލް ރަޖިސްޓްރޭޝަންގެ އާބާދީ ރިޕޯޓްތައް ދިމާނުވޭ.
އަބްޑޫޅް +
25 October 2023
ހޫނ. ސަކުވާ މި ކުރަނީ މުޅިންހެންވެސް ބީރަށްޓެހިން. އަހުރެމެން، ފުރަމާލޭގެ މުގައްދަސް މީސްތަކުން މިއީ އެހާ ސަކުވާކުރާ ބައެއް ނޫން.
އަލީ ރާޖާ.
25 October 2023
ފުލެޓެކޭ ބިމެކޭ ބުނެފިނަމަ ތިޔަ ފުރަ މާލޭ މީހުންގެ ލޮލަށް ނިދިވެސް ނާންނާނެ. އަމިއްލަ ގޯތީގައި 10 ބުރީގެ އިމާރތެއް ހުރެފައި އެންމެ ދަރިއެއް ހުއްޓަށް ވަންނާނެ ތަނެއް ނެތްކަމަށް ބުނެ ދޮގު މައުލޫމާތުތައް ފޯމް ގައި ލިޔެގެން ފުލެޓް ދަމައިގަނެ އެތަން ކުއްޔަށްދީފައި ދެންވެސް ބަލަބަލާ ހުންނާނީ ފުލެޓަށް އިއުލާން ކުރޭތޯ.
އޮނަރަބްލް އަފީފު ދީދީ
25 October 2023
ދައުލަތުގެ ޤާނޫނުއަސާސީގައި ކަޑައަޅާ ބަޔާންކޮށްފައިވާ ގޮތަށް (72 ހ ގައި) "ދިވެހި ރާއްޖޭގެ ރަށްޔިތުންގެ މަޖިލިސް" އިންތިޙާބުކުރާން ރައްޔިތުނަށް ފުރުސަތުނުދީ (ދާއިރާތަކުގެ ރަށްވެހިން އެދާއިރާތައް ތަމްސީލު ކުރާގޮތަށް) މިދެންނެވި ޤާނޫނީ އުސޫލާއި ދިމާ އިދިކޮޅަށް (މިހާރު ހޮވަމުން މިދާ އުސޫލުން) ހޮވައިފިނަމަ ސަރުކާރު ޒިންމާދާރު ކުރުމާއި ޤާނޫނުހެދުމުގެ ބާރުގެ ގޮތުގައި އޮންނަ "ރައްޔިތުންގެ މަޖިލީހުގައި" 2039 ވަނަ އަހަރުން ފެށިގެން ތިބޭނީ ހުސް މާލޭ މީހުން.
ސެޓީ
25 October 2023
މާލޭ ފުލެޓް، ބިން ދާއިރާ 40000 މީހުން އެބަ އިތުރު ވޭ . މީވެސް ނުބަލާ ދޫކޮއްލާ ވަރު ކަމެއް ނޫ !
މަކަރުވެރި ސަރުކާރު.
25 October 2023
މާލެ ސަރަހައްދުގައި ނޫނީ އަދާކުރާނެ ވަޒީފާއެއް ނެތް. ދެން މިޖެހެނީ މާލެ އަށް އަންނަން. މިތަނުން އުޅޭނެ ތަނެއް ހޯދަން މިރަށުގެ ދަފުތަރުގައި ޖެހުން ނޫން ގޮތެއްނެތް. ބޭނުމަކީ މާލެއަށް ގޮނޑި އިތުރު ކުރުން.
އޮނަރަބްލް އަފީފު ދީދީ
24 October 2023
ޤާނޫނުއަސާސީގެ 72 ހ ގައި ބުނެ އަމުރުކޮށްފައިވަނީ 71 ވަނަ މާއްދާއާއިގައިވާ އުސޫލާއި ޙިލާފުނުވާނޭހެން ކޮންމެ އިދާރީދާއިރާ "އަކުން" ވަކި އިންތިޙާބީ ދާއިރާތަކެއް ކަޑައަޅާންވާނެކަމަށާއި، މިއިންކޮންމެ އިންތިޙާބީދާއިރާ "އަކުން" އިންތިޙާބްކުރާންވާނީ އެއް މެންބަރުކަމަށް. # އިންތިޙާބީޤާނޫނުގެ އެތައްތަނެއްގައި "އަކަށް" ނުލިޔެ އެތަންތަނުގައި "އަކުން" ލިޔެފައިވަނީ ފަހަރެއްގައިވެސް ނޭގި ނުވަތަ އިމްލާ ކުށެއްގެ ގޮތުގައިކަމަށް ބަލައިގަނެވޭނެ ޤާނޫނީ ހަމައެއްނެތް.
ކޮރަލް
24 October 2023
މަޖްލިސް އިންތިހާ ބަށް ތައުލީމީ މީހުން ކުރިމަތި ލާން ވީ އެވެ. މިހާރު އޮތް މަޖްލިސް މެމްބަރުން ވަނީ ފެއިލް ވެފަ އެވެ. އެކަމު އެމީހުން ޕާޓީ ގެ ނިވަލުގައި ކޮންމެ ފަހަރަކު މަޖްލީހަށް އަންނީ އެވެ. މަސްވެރީންނާ ދަނޑުވެރީން ތަމްސީލް ކުރާނެ ބަޔަކު ވެސް މަޖްލީހަށް ބޭނުން ވެ އެވެ.
އަބްޑޫޅް +
25 October 2023
އެއް އިރެއްގަ ތިބި، "ވިޔަފާރިވެރިންގެ މިންބަރުން".
ޙިޝާމް
24 October 2023
ދާއިރާ މަދު ކުރަން ޖެހޭ
އޮނަރަބްލް އަފީފު ދީދީ
24 October 2023
މިފަހަރު މަޖިލިސް އިންތިޙާބުގައި ވާދަކުރާން ޕާޓީތަކުގެ ޓިކެޓްހޯދަން ބާއްވާ ޕްރައިމެރީގައި އެއްވެސް ދާއިރާއަކަށް އެދާއިރާގެ ރަށްވެއްސަކަށްނޫނީ ކުރިމަތިލާން ފުރުސަތު ނުދެއްވާނެކަމަށް އުއްމީދުކުރަން. # ޕާޓީ ޓިކެޓްހޯދައިގެންވެސް އެފަދަ ފަރާތަކުން މިފަހަރުގެ އިންތިޙާބުގައި ވާދަކުރަންއުޅެފިނަމަ އެއީ ޤާނޫނުއަސާސީގެ 72 ހ އާއި ޙިލާފުކަމަކަށްވާތީ، އެކަންހުއްޓުވަން ދުސްތޫރީމައްސަލަ ސްޕްރީމްކޯޓަށް ވައްދާނެވާހަކަ އެފަރާތްތަކުގެ މައުލޫމާތަށްޓަކައި ދަންނަވަން.
އޮނަރަބްލް އަފީފު ދީދީ
25 October 2023
ބައެއް ފަރާތްތަކުން (ޙާއްސަކޮށް މަޖިލީހުގައި މިހާރުވެސް ދާއިރާގެ ރަށްވެހިކަންނެތް މެންބަރުން) ޤއ ގެ 72 ހ ގައި ބުނެފައި އޮތް "ދާއިރާ އަކުން" ގެ މާނައަކީ ދާއިރާގެ ރައްޔިތުން ވޯޓްއަޅައިގެން މީހަކުހޮވުންކަމަށް ބުނިކަމުގައިވިޔަސް ލާމަރުކަޒީ ޤާނޫނުގެއިތުރަށް މިދެންނެވިމާއްދާތައް ޤާނޫނުއަސާސީގައި ހިމެނުމަށް ޙާއްސަ މަޖިލީހުގެ ޖަލްސާތަކުގައި ދައްކާފައިވާ ވާހަކަތައް ބަލާދިރާސާކުރަން ޔައުމިއްޔާ ބަލައިފިނަމަ ވަރަށްރަނގަޅަށް މިކަންއޮތްގޮތް ސާފުވާން އެބައޮތް.