އާދަމް އާޒިމް: މަޝްރޫއުތައް ސަރުކާރަށް ބަދަލުކުރަން ކައުންސިލުން ނިންމުމުން ވަނީ ކަންބޮޑުވުން ފާޅުކުރައްވާފައި - ފޮޓޯ: މިހާރު
17 ޖެނުއަރީ 2024 - 21:23
57 comments
މާލޭ ސިޓީ ކައުންސިލުން ހިންގަމުން އަންނަ ބޮޑެތި މަޝްރޫއުތަކެއް ކޮންސްޓްރަކްޝަން އެންޑް އިންފްރާންސްޓްރަކްޗާ މިނިސްޓްރީއާ ހަވާލުކުރަން އެ ކައުންސިލުން މިއަދު ފާސްކުރުމާ ގުޅިގެން އިންތިހާބީ މޭޔަރު އާދަމް އާޒިމް ކަންބޮޑުވުން ފާޅުކުރައްވައިފި އެވެ.
އާޒިމް އެކްސްގައި ކުރެއްވި ޕޯސްޓެއްގައި ވިދާޅުވީ،ކައުންސިލްގެ އެ ނިންމުމަކީ މާލޭގެ ކަންކަން ކުރިއަށްގެންދާންވީ ގޮތް ރައްޔިތުން ސާފުކޮށް ބުނެފައި ވަނިކޮށް، އަދި ގާނޫނުއަސާސީގެ 8 ވަނަ ބާބާއި ލާމަރުކަޒީ ގާނޫނުގައި ކަނޑައަޅާފައިވާ ގޮތާއި ހިލާފަށް ކޮށްފައިވާ ކަމެއް ކަމަށެވެ.
"...ރައީސް އޮފީހުގެ ވަޒީރު ބޭފުޅުން ވަންނަވައިގެން ސިޓީ ކައުންސިލުގެ މަސައްކަތްތައް އަތުލައްވަން ކުރައްވާ މަސައްކަތްތައް ހުއްޓާލެއްވުމަށް ސަރުކާރަށް ގޮވާލަން،" އާޒިމް ވިދާޅުވި އެވެ.
އޭނާ ވަނީ މާލޭ ރައްޔިތުން އިންތހާބުކޮށްފައިވާ މޭޔަރު މަގާމާ ހަވާލުވަންދެން މިއަދު ކައުންސިލުން ނިންމި ނިންމުމަށް އަމަލުކުރުން ފަސްކުރަން ވެސް ގޮވާލައްވައިފަ އެވެ.
މިއަދު ބޭއްވި ކައުންސިލުގެ ބައްދަލުވުމުގައި އޮތީ ސިޓީ ކައުންސިލުން ފަށަން ހަމަޖައްސާފައިވާ ޕްރޮޖެކްޓްތަކުގެ އަޕްޑޭޓް ހިއްސާކުރުމާއި ބައެއް ހުށަހެޅުންތަކަށް މަޝްވަރާ ކުރުމަށް ފަހު ގޮތެއް ނިންމުމެވެ.
އެ ޕްރޮޖެކްޓްތަކުގައި ކައުންސިލްގެ ފަރާތުން އޭރު މަސައްކަތް ކުރެއްވި މުހައްމަދު ޝާހިދު މިއަދު ބައްދަލުވުމުގައި ބައިވެރިވެވަޑައިގަތެވެ. މިހާރު ރައީސް އޮފީހުގެ ކޯޕަރޭޓް ޑިވެލޮޕްމަންޓް މިނިސްޓަރުގެ މަގާމުގައި ހުންނެވި ޝާހިދު ވަނީ އެ ބައްދަލުވުމުގައި ސިޓީ ކައުންސިލްގެ މަޝްރޫއުތައް ޕްލޭނިން މިނިސްޓްރީއާ ހަވާލުކުރަން ހުށަހަޅުއްވައިފަ އެވެ.
ކައުންސިލުން ހުށަހެޅީ 100 މިލިއަން ރުފިޔާ އަށް ވުރެ އަގު ބޮޑު ބައެއް މަޝްރޫއުތައް ސަރުކާރަށް ދިނުމަށެވެ. ނަމަވެސް ހަ މަސް ދުވަހުގެ ތެރޭގައި މަސައްކަތް ނުފެށިއްޖެ ނަމަ އަލުން އެ ޕްރޮޖެކްޓުތައް ކައުންސިލަށް ބަދަލުވާ ގޮތަށް ވަނީ ނިންމައިފަ އެވެ.
ވެރިކަންކުރާ ޕީއެންސީ/ޕީޕީއެމްގެ މެޖޯރިޓީ އޮތް ކައުންސިލުގެ އެ ހުށަހެޅުމަށް ބައްދަލުވުމުގައި ބައިވެރިވެވަޑައިގެންނެވި 10 މެމްބަރުންގެ ތެރެއިން އެންމެ މެމްބަރަކު ފިޔަވައި ހުރިހާ މެމްބަރުން ތާއީދުކުރެއްވި އެވެ. އެއް މެމްބަރަކު ވަކި ގޮތަކަށް ވޯޓެއް ނުދެއްވަ އެވެ.
މިގޮތަށް ކައުންސިލުން ކުއްލި ގޮތަކަށް ނިންމާފައި ވަނީ މާލޭގެ މޭޔަރުކަމަށް އިދިކޮޅު އެމްޑީޕީގެ ކެންޑިޑޭޓް އާދަމް އާޒިމް އިންތިހާބުވެފައި ވަނިކޮށް ކަމުން ފާޑުކިޔުން ކައުންސިލަށް ވަނީ އަމާޒުވެފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަންދަލޫސިޔާ
19 January 2024
ޕީޕީއެމް/ޕީއެންސީ އަށް ކައުންސިލްތައް ގެއްލޭ ކޮންމެ ފަހަރަކު، މޭޔަރުންގެ މުސާރަތައް ކުޑަކުރޭ އަދި ބާރުތައް ސަރުކާރަށް ނަގާ. މިއީ ހަމަ ޑިކްޓޭޓަރުން އުޅޭގޮތް. ޑިމޮކްރަސީ ސަލާމަތްކުރަންޏާ މިމީހުންނަށް ނަމަނަމަ މަޖުލިސް ނުދޭތި!
14789
19 January 2024
ޕީއެންސީ އަށް މަޖުލިސް ނުލިބިއްޖެއިޔާ އަގްލަބިއްޔަތު ލިިބެެންދެން އިދިކޮޅު މެމްބަރުން ގަންނާނެ މީހަޤީގަތަކީ ވީމާ ޕީއެންސީ ކެންޑި ޑޭޓުން މިފަހަރު ހޮވާތި ނޫނީ ރައްޔޮތުންގެ ލާރިން އިދިކޮޅުމީހުން ގަންނާނެ އަގްލަބިއްޔަތު ލިިބެެންދެން މިދިޔަ ފަހަރު އެމް.ޑީ.ޕީ އަށް ދިހެން ބުއްދިވެރީ މިގޮތް މަގޭ ހިޔާލު
އެޑަމް
19 January 2024
މުސްކުޅިންގެ ހަރުބަހެއް އެއްހަރަކުން ދެފަހަރަކައް ކައްޓެއްނުޖެހޭނެކަމައް ވީމާސަރުކާރުހިންގާޕާޓީއައް މަޖިލިހުގެމެޖޯރިޓީ ދިނުމުން ވާގޮތްމިހާރުއެގިވަޑައިގެންފިނޫންތޯއެވަރުންއެދިޔައީވެސްއިބޫއަކީ އަޚުލާގުރަގަޅުމީހެއްކަމުން މިސަރުކާރަށް މެޖޯރިޓީދީފިނަމަ ރައްޔިތުންގެލޮލުން ފައިބާކަރުނަ ހިއްކާލެވޭވަރުގެ ބޭހެއްދުނިޔޭގެއެއްވެސް ފާމަސީއަކުންނުލިބޭނެ!ރިސްވަތުގެފައިސާގެދަޅައިގަކޮސްނަހަދާތި!!
ހައރާނުވޫތޭ
19 January 2024
ކަންބޮޑުނުވޭ ހަވާލުވާހިސާބުން ބާކީވެފާހުރި މާލޭމުނިސިޕަލްޓީދަފްތަރުގާތިބިމީހުނައްދެވެންއޮއްތަނަކުންގޯތިދޭނީ އިޚްތިސާސްގެތެރެއިން ބާކީމިއޮއްދުވަސްކޮޅުރަގަޅައްބަޔަކުގެސަޕޯޓްހޯދާ ކުރިއައްއޮއްއަހަރުގެއިންތިޚާބައްކަޑަޖަހާއެއިރުންފައްކާވާނެ
ފެށުނީ
18 January 2024
އެއްކަލަ 2 ޕާޓީގެ މީހުންނަށް މަގާމުތައް ލިބުނީމަ ކޯޅުން ފެށުނީ. ދެން އަބަދުވެސް އިވޭނީ ކޮންމެވެސް މައްސަލައެއްގެ ވާހަކަ. އެއް ޕާޓީ މީހުންނާ ހެދި އަނެއް ޕާޓީ މީހާއަށް ކަމެއްނުކުރެވޭ ވާހަކަ. މިއީ ޕާޓީތަކުން މީހުން ހޮވީމަ ޖެހޭނެ ހާލަކީ. ހަމަ އެއްކަމެއް ރިޕީޓްވާނީ. ދުވާލަކު ސުރުޚީއެއް އަރާނެ ނޫހަށް ކަންކަން ނުވެގެން އުޅޭ ކަމަށް.
ދީމުގުރާތުސް
18 January 2024
އާޒިމް ޕްލީޒް.. ފެންވަރުން އުޅޭ.. ކައުންސިލަކީ މަގުން ކުނިކެހުމުގެ މަސައްކަތް ރަނގަޅަށް ނުކުރެވިގެން އުޅޭ ތަނެއް. ވީ ޑޯންޓްވޯންޓް މެގަ ޕްރޮޖެކްޓްސް ޓު ފެއިލް ބިކޯޒް އޮފް ކައުންސިލްގެ ދޯހަޅިކަމުން.. ނޯ ތޭންކްސް..
ޢެމެރިކާ
18 January 2024
ކީއްކުރަން ތިހާވަރަ ތިއުޅެނީ. ޢެމްޑީޕީގެ ވެރިކަމުގަ ސިޓީ ކައުންސިލްވަނީ ފިޔަކޮޝާލާފަ.
ނާޑުވާ
19 January 2024
ނާ ހަމަ ތެދެއް? ޔާމީން ސަރުކާރުގަ މިސްކިތް ފޮޅާ ސާފުކުރުން ފިޔަވާ ހުރިހާ ބާރެއް ނެގީ ސީދާ މުއިޒް. ނުވިތާކަށް މިސާރަތައް ވެސް ކުޑަކޮށްލީ. މިދިޔަ ސަރުކާރުން އިދިކޮޅު މޭޔަރެއް ހުއްޓަވެސް އަލުން ބާރުތައް ކައުންސިލަށް ދިނީ. ތަނެއް ދޮރެއް ނޭނގި ތައްމިނަށް އަނގަ ހުޅުވުމަކީ ސިޔާސީ ވުމެއްވެސް ނޫން.
ޥެންތިލޭޓަރު
18 January 2024
ހަވާލުކުރާނީ ކިހިނެތް މިހާރުވެސް ކާނިވާތެރޭ ޑޮލްފިންކުރިމަތީ އޮތް ހުސްބިން އޮތީ އާއިލާ ކުންފުންޏަށް ނަގާފަ
ފިރުޝާނާ
18 January 2024
އާޒިމްއަށް ކެރޭނެބާ މާލެ ސިޓީ ކައުންސިލުން މިހާރު ކުރަމުން އަންނަ ބަސް ދަތުރުތައް ހުއްޓާލަން.. ދެން އެބުނީ އާޒިމް މާލޭގެ ފެން ބޮޑުވާ މައްސަލައަށް ހައްލެއް ގެނެސްދޭނެ އޭ.. ބަލަ އެމްޑަބްލިޔުއެސްސީގައި ހުރެގެން އެކަން ރަނގަޅު ކުރަން ފުރުސަތު ލިބުނު އިރު އެކަން އާޒިމް ނުކުރި.. ކުރީ ސަރުކާރޭ ކިޔާލަ ކިޔާލަ ހުރީ.. އޭރު ނިޒާމް ރަނގަޅު ނޫންނަމަ ހަމަ ކުރަންވީ ތޯ<<<
އަލީބެ
18 January 2024
ކައުންސިލްގެ ނިންމުމުން ދޭހަވަނީ އެތަނަށް ހިވިފަތިބީ ނާގާބިލު ބައެއްކަމާ ލާމަރުކަޒީ ނިޒާމުބޭނުންނުވާކަން.
ގުލުމީ
18 January 2024
އާޒިމު2028