މި އަހަރުގެ ރިޔާސީ ބަޔާން އިއްވަވަން ރައީސް މުއިއްޒު ރައްޔިތުންގެ މަޖިލިހުގެ އިދާރާ އަށް މިއަދު ވަޑައިގަތުމުން މަޖިލިހުގެ ރައީސް އަސްލަމް މަރުހަބާ ދަންނަވަނީ.---ފޮޓޯ: ފަޔާޒު މޫސާ| މިހާރު
05 ފެބުރުއަރީ 2024 - 09:31
44 comments
ރާއްޖޭގެ އިގުތިސާދީ އަދި މާލީ ހާލަތު މި ވަގުތު ހުރި ގޮތުން، ދައުލަތް ހިންގުމުގެ ހަރަދު ކުޑަކުރުމަށްޓަކައި ސިޔާސީ އިސް މަގާމުތަކަށް މީހުން އިތުރަށް އައްޔަން ނުކުރަން ރައީސް ޑރ. މުހައްމަދު މުއިއްޒު ނިންމަވަ މިއަދު އެކަން އިއުލާން ކުރައްވައިފި އެވެ.
މި އަހަރަށް ރައްޔިތުންގެ މަޖިލިސް ހުޅުވުމަށް ރައީސް މުއިއްޒު އިއްވެވި އެ މަނިކުފާނުގެ ފުރަތަމަ ރިޔާސީ ބަޔާނުގައި ވިދާޅުވީ، ދައުލަތުގެ މާލިއްޔާ އަށް ކުރިމަތިވެފައިވާ، އަދި ދަރަނި އިތުރުވާން ވެސް ދިމާވެފައިވާ މައިގަނޑު ސަބަބަކީ އާމްދަނީއާ އަޅާބަލާއިރު ސަރުކާރުގެ ހަރަދުތައް ބޮޑުތަނުން އިތުރުވުން ކަމަށެވެ.
އެއާ އެކު، ސަރުކާރު ހިންގުމުގެ ހަރަދުތައް ކުޑަކުރުމުގެ ފިޔަވަޅުތަކެއް އަޅަން މަޖުބޫރުވެފައިވާ ކަން އެ މަނިކުފާނު ހާމަކުރެއްވި އެވެ.
"ސަރުކާރުގެ ހަރަދުތައް ކުޑަކުރުމުގެ ގޮތުން އިސްތިސްނާ ހާލަތްތައް ފިޔަވައި ސިޔާސީ އިސް މަގާމުތަކަށް މީހުން އިތުރަށް އައްޔަން ނުކުރަން އަޅުގަނޑު ނިންމާފައިވާ ވާހަކަ ދަންނަވާލަން،" ރައީސް މުއިއްޒު ވިދާޅުވި އެވެ.
ދައުލަތުގެ މާލީ ހާލަތު ރަނގަޅުކޮށް، ދެމެހެއްޓެނިވި މިންގަނޑަކަށް ދަރަނި އަދި ފިސްކަލް ހާލަތު ގެނައުމަށް، އެ މަނިކުފާނު ވިދާޅުވި ގޮތުގައި މި ސަރުކާރުގެ އަމިއްލަ އިސްލާހީ ސިޔާސަތެއް އެކަށައަޅައި ހިންގާނެ ކަމަށެވެ.
ރައީސް މުއިއްޒު މި އަހަރުގެ ރިޔާސީ ބަޔާން ރައްޔިތުންގެ މަޖިލިހަށް މިއަދު އިއްވަވަނީ.---ފޮޓޯ: މަޖިލިހުގެ އިދާރާ
އޭގެ ތެރޭގައި އާސަންދަ އާއި ސަބްސިޑީ ދިނުމާއި ސަރުކާރު ހިއްސާވާ ކުންފުނިތަކަށް ދައުލަތުގެ މާލިއްޔަތުން ވަމުންދާ އިސްރާފުތައް ކުޑަކުރުން ރައީސް މުއިއްޒު ފާހަގަކުރެއްވި އެވެ.
އެ މަނިކުފާނު ވިދާޅުވި ގޮތުގައި، ދަރަނީގެ ދެމެހެއްޓެނިވިކަން އަނބުރާ އިއާދަކުރުމުގައި މަސައްކަތް ކުރާނެ ގޮތުގެ ޕްލޭނެއް ސަރުކާރުގެ ފުރަތަމަ 100 ދުވަސް ހަމަވުމުގެ ކުރިން ވަނީ އެކުލަވާލައިފަ އެވެ.
"މި މަސައްކަތާ އެކުއެކީގައި ފިސްކަލް ހާލަތު ރަނގަޅުކޮށް، ދެމެހެއްޓެނިވި މިންގަނޑަކަށް ދަރަނި ތިރިކުރުމަށް އަޅަންޖެހޭ ފިޔަވަޅުތައް އަޅުގަނޑުމެން ދާނީ އަޅަމުން،" ރައީސް ވިދާޅުވި އެވެ.
ވެރިކަމާ ހަވާލުވެވަޑައިގަތުމަށް ފަހު، މި ސަރުކާރުގައި ސިޔާސީ މުވައްޒަފުންގެ އަދަދު 700 އަށް ވުރެ އިތުރު ނުކުރަން ރައީސް މުއިއްޒު އޮތީ ނިންމަވާފައި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަންދަލޫސިޔާ
06 February 2024
ތިޔައީ ކުރާ ހުރިހާ ވަޢުދަކާ ޚިލާފުވާ ރައީސެއް. 1. މަތިބަރު ނުކުރަން ވަޢުދުވީ 17 މިނިސްޓްރީ ހުރީމާ. އެކުލަވާލީ 22 މިނިސްޓްރީ. 2. މިނިސްޓަރުންގެ ނައިބުންނަށް 43 ގިނަކަމަށް ބުނި. އައްޔަންކުރީ 163 މިނިސްޓަރުންގެ ނައިބުން. 3. ރައީސް ޔާމީނަށް ކުރީ ޙަރާމް ޙުކުމެކޭ ކިޔައިގެން ވެރިކަމަށް އައީ ޙަރާމް ޙުކުމް ނިންމަން. ފަހުން ބުނީ ވަޢުދުވީ ޖުޑިޝަރީއާ ނުބެހޭށޭ، އަދި 17 ނޮވެންބަރު 2023 ގައި އެ ވަޢުދު ފުއްދަވައިފިއޭ. 4. ފޯޅަވަހި ހޯދަން ބުނީ. ކޮބާ؟
ރަދީފްއޮފިޝަލް
05 February 2024
އަޅުގަޑާ ޖެހެންވާއިރަށް ހުއްޓާލީ ދެއްތޯ. އެކަމަކު ޑެޕިޔުޓީން މަދެއްނޫންތޯ. މި ނިސްޓްރީގަވެސް އެބަތިބި 10 މީހުން ވައްދާފަ އެމީހުންކައިރީގަ ކަލޭމެން ތީ ކިއްކުރްން އައި ބަޔެއްހޭ އަހާލީމަބުނީ ތިމްނަމެންގެ މަސައްކަތަކީ ސިޔާސީ މަސައްކަތޯ.
ޓިނު
05 February 2024
ފަށުއި އިބާރާތުން އަދުރޭ ސައިޒު ކޮށްލެއްވި ވާހަކަ ދެއްތޮ؟ އެގޮތަށް ވެއްޖެއްޔާ ވަރަށް ވެސް ރަނގަޅު.
އިލަ
05 February 2024
ކަލޯ ވާވަރުވީތޯ..؟!
އިސްތިސްނާ ޖުހާ
05 February 2024
ސަރުކާރުގެ ހަރަދުތައް ކުޑަކުރުމުގެ ގޮތުން އިސްތިސްނާ ހާލަތްތައް ފިޔަވައި ސިޔާސީ އިސް މަގާމުތަކަށް މީހުން އިތުރަށް އައްޔަން ނުކުރަން އަޅުގަނޑު ނިންމާފައިވާ ވާހަކަ ދަންނަވާލަން،" އިސްތިސްނާ”” މިހާރު ވެސް އައްޔަންކޮށްފައިހުރީ ތިހާލަތުގަ. ސިޔާސީ މީހުންގެ ގުބޯހެއްދުމުގެ އަޅުވެތިކަމުން މިންޖުވާން ވެއްޖެ.
ހެޔޮ މަށަށް
05 February 2024
ދެން މަށަށް ކީއް؟
ސަމްތިންގ
05 February 2024
ނޫން ނޫން އަދި 100 އިތުރުކޮށްލާ ހެޔޮނުވާނެ
ވިސްނާލުމަށް އެދެމޭ
05 February 2024
ހުއްޓާލާފި ވާހަކަ ވިދާޅުވީމަ ބަލަންވާނީ ފެއްޓީކަމަށް.އެހެން މިބުނީ RM ވިދާޅުވާގޮތާ އިދިކޮޅަށް ކަންކުރައްވާތީ..ނުކުރަން ބުނާކަމެއްވިއްޔާ ގަދަޔަށްކުރައްވަމުންދަނީ..ވައުދާ އަހުދު ނުފުއްދާ ވައުދެއްނަމަ އޮޅާލާފަ ވައުދުފުއްދައިފީމޭ ބުނަނީ.. ސަރުކާރަށްމިވީ ދުވަސްތަކުގަ ފެންނަމުންދަނީ ވަރަށް ނާގާބިލުކޮށް ހައިވެފަތިބި ކުކުޅުހާތަކެއް ކާތަކެއްޗަށް އަރައި ހާވާގޮތް..އަދި ކާނެއެއްޗެ ލިބޭތޯ ފަސްގަޑުހާވާ ކުކުޅުހާތަކެ އުތުރިއަރާތަން. ޕޕމގެ ރޫހުގެއްލި ނަޖިސްވާތަން
ތަދު
05 February 2024
ވާވަރުވީމާ ހުއްޓަލީ ... ވެރިކަމަށް އެރިއިރުވެސް ހާލަތު އިނގޭ ، ރާއްޖޭގައި އޮންނަ ޕާޓީ ވެރިކަމުގެ ސަގާފަތް ދަމަހަންޓަން ވެރިނަން މަޖްބޫރުވާނެ.
މސމދނ
05 February 2024
ހެލްތް ސެންޓަރުތަކަށް ތާކުންތާކު ނުޖެހޭ މީހުން މިހާރުވެސް ތިދަނީލަމުން. އެ އީ އިސްމަގާމަކަށް ނުވަނީތަ..
އަފްރާސިޔާބު
05 February 2024
އިށީންނާނެ ގޮނޑިއެއް ނެތް. އެތައް ސަތޭކަ މީހުން މިހާރުވެސް ސަރުކާރުގައި އެބަތިބި މިހާރުގެ ސިޔާސަތުގެ ތެރެއިން ވައްދާފައި. އެމީހުންނަށް ކުރާނެ މަސައްކަތެއްނޯވޭ. ސޮއިކޮށްލާފައި ގެއަށް. ދެން އެމީހުން އެދަނީ ޕްރައިވެޓް ކުންފުނިތަކަށް. އެކަކަށް ސަރުކާރުގެ ބޮޑު މުސާރަ ލިބޭ ތިން ހަތަރު ވަޒީފާ ދީފައި. ހަމަ އެކަނި ތަނަށް ދައްކާލާ ކަމަށްޓަކައި. އެހުންނަނީ އިންސާފުން ބޭރު ހަރަކާތްތައް.