ފްލެޓް ދޫކުރަން މިނިވަން ކޮމެޓީއެއް އެކުލަވާލަނީ

ހައުސިން މިނިސްޓަރު އަލީ ހައިދަރު، ގެދޮރުވެރިޔާ ސްކީމްގައި ހިމެނޭ އަމާން ދޯދި ފްލެޓްތައް އިމާރާތްކުރަމުން ގެންދާ ގޮތުގެ ވީޑިއޯއެއް ބައްލަވާލައްވަނީ؛ އަރިހުގައި އެފްޑީސީގެ މެނޭޖިން ޑިރެކްޓަރު ހަމްދާން ޝަކީލު. -- ފޮޓޯ: ފަޔާޒު މޫސާ | މިހާރު

އިފްރާޒް އަލީ، މިހާރު

13 ފެބުރުއަރީ 2024 - 13:27

15 comments

ގެދޮރުވެރިޔާ ސްކީމަށް ޝަރުތު ހަމަވާ މީހުންނަށް ފްލެޓް ދޫކުރުމުގެ މަސައްކަތް އަންނަ ހަފުތާގައި ފެށުމަށް މިނިވަން ކޮމެޓީއެއް އެކުލަވާލަން ނިންމާފައިވާ ކަމަށް ހައުސިން މިނިސްޓަރު ޑރ. އަލީ ހައިދަރު އަހްމަދު މިއަދު ވިދާޅުވެއްޖެ އެވެ.

ރައްޔިތުންގެ މަޖިލީހުގެ ގައުމީ ތަރައްގީ އާއި ތަރިކައާ ބެހޭ ކޮމެޓީގައި ހައިދަރު މިއަދު ވިދާޅުވީ އޭސީސީން ފޮނުވި ފްލެޓަށް ޝަރުތު ހަމަވާ މީހުންގެ ލިސްޓުގައި ހިމެނެނީ 824 މީހުން ކަމަށެވެ. އެ ލިސްޓުގައި ހުރީ އެ މީހުންގެ ފޯމު ނަންބަރުތައް އެކަނި ކަމަށާއި އޭސީސީން މިނިސްޓްރީއަށް ގެދޮރުވެރިޔާ ޕޯޓަލްގެ އެކްސެސް އަދި ނުދޭތީ އެ ލިސްޓާ ގުޅޭ އިތުރު ތަފުސީލް އަދި އެނގިވަޑައިނުގަންނަވާ ކަމަށް އޭނާ ވިދާޅުވި އެވެ.

ހައިދަރު ވިދާޅުވީ ގެދޮރުވެރިޔާ ޕޯޓަލްގެ އެކްސެސް މިހާރު އޮތީ އޭސީސީއަށް އެކަނި ކަމަށެވެ. އެ ޕޯޓަލްގެ އެކްސެސް މިނިސްޓްރީއަށް ލިބުމާ އެކު ޝަރުތު ހަމަވާ ކަމަށް އެ ކޮމިޝަނުން ކަނޑައެޅި މީހުންގެ މައުލޫމާތު މިނިސްޓްރީން ވެރިފައި ކުރުމަށް ފަހު ފްލެޓް ދޫކުރުމުގެ މަސައްކަތް ފަށާނެ ކަމަށް އޭނާ ވިދާޅުވި އެވެ.

ހައިދަރު ވިދާޅުވި ގޮތުގައި، ގެދޮރުވެރިޔާ ޕޯޓަލްގެ އެކްސެސް ދެތިން ދުވަހެއްގެ ތެރޭގައި މިނިސްޓްރީއަށް ލިބޭނެކަން އޭސީސީން މިހާރު އޮތީ އަންގައިފަ އެވެ. އެ ޕޯޓަލްގެ އެކްސެސް އަދި ނުދީ އޮތީ އޭސީސީގެ ތަހުގީގު އެއްކޮށް ނުނިމޭތީ އެވެ.

"އަޅުގަނޑުމެން ޝަރުތު ހަމަވާ މީހުންނަށް ފްލެޓް ދޫކުރުމުގައި ގެންގުޅޭނެ އުސޫލަކީ ލިބިފައި ހުރި ފޯމު ނަންބަރުތައް، ޕޯޓަލްގެ އެކްސެސް ލިބުނީމަ އެއީ ކޮން ބައެއްތޯ ބަލައި ޝަރުތު ހަމަވިކަން ޔަގީންކޮށްފައި، މިނިވަން ކޮމެޓީއެއް އެކުލަވާލައިގެން އެ ކޮމެޓީގެ ލަފަޔާ އެކީގައި ފްލެޓް ދޫކުރުމުގެ ކަންކަން ކުރިއަށް ގެންދާނީ،" އޭނާ ވިދާޅުވި އެވެ.

ނަމަވެސް، މި މިނިވަން ކޮމެޓީގައި ތިބޭނީ ކޮން ބައެއް ކަމާއި އިތުރު ތަފުސީލެއް ހައިދަރު އަދި ނުދެއްވަ އެވެ.

Sharuthu hamavaa 824 meehunnah flat dhookurumuge masahkaiy anna hafthaa ga fashanee

The most trusted news source in the Maldives

Mihaaru

އޭނާ ވިދާޅުވީ ޕޯޓަލްގެ އެކްސެސް ލިބުމާ އެކު، މިނިވަން ކޮމެޓީއެއް އެކުލަވާލައި ގެދޮރުވެރިޔާ ފްލެޓަށް ޝަރުތު ހަމަވާ ކަމަށް ކަނޑައެޅި މީހުންނަށް ފްލެޓް ދިނުމުގެ މަސައްކަތް އަންނަ ހަފުތާގައި ފަށާނެ ކަމަށެވެ. އަދި އެ މަސައްކަތް ގާތްގަނޑަށް ދެތިން ހަފުތާގެ ތެރޭގައި ނިންމާލެވޭނެ ކަމަށް ވެސް އޭނާ ވިދާޅުވި އެވެ.

ގެދޮރުވެރިޔާ ފްލެޓްތައް ލިބޭ މީހުންގެ ދާއިމީ ލިސްޓެއް، މިދިޔަ ސަރުކާރު ނިމެން ދެ ދުވަހަށްވެފައި އޮއްވައި ނެރުމުން އޭސީސީން ވަނީ ފްލެޓް ދޫކުރުން ހުއްޓުވައިފަ އެވެ. ގާތްގަނޑަކަށް ދެމަސް ދުވަހުގެ ތަހުގީގަށް ފަހު އޭސީސީން ބުނެފައި ވަނީ 4،000 ފްލެޓް ލިބުނު މީހުންގެ ތެރެއިން 60 ޕަސެންޓް މީހުންނަކީ ޝަރުތު ހަމަނުވާ މީހުން ކަމަށެވެ. ޝަރުތު ހަމަވާ ބާކީ ފޯމުތަކުގެ ތެރެއިން އެއްވެސް މައްސަލައެއް ނެތީ އެންމެ 20.7 ޕަސެންޓް ފޯމުގަ އެވެ. އަދި އަނެއް 19.7 ޕަސެންޓަކީ ވެސް ޝަރުތު ހަމަވެ، މައުލޫމާތުގެ ފުށުއެރުންތަކެއް ހުރި ފޯމުތަކެވެ.

ރައްޔިތުންގެ މަޖިލިސް ބޯހިޔާވަހިކަން ފްލެޓް ހައުސިން މިނިސްޓްރީ ގައުމީ ތަރައްގީ އާއި ތަރިކައިގެ ކޮމިޓީ ޑރ. އަލީ ހައިދަރު (ހައުސިން މިނިސްޓަރު)

15 ކޮމެންޓް, 12 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ސޮނިކް

14 February 2024

ހައިދަރުގެ އަގައިންތޯ މިނިވަން ކޮމެޓީގެ މެންބަރުންނެރެނީ. ކާކުތޯހުރީ އަތަކަށްނުކެޑި މިނިވަންކޮށް. މިއަދު ވިހާކުއަޖާވެސް މިްައުމުގާ އުޅެންމިޖެހެނީ ކޮންމެވެސް ވިސްނުމަކާއިގުޅިގެން. އެހެންނޫނީ މިތާކުނެތް ފުރުސަތެއް. ހައިދަރު ކޮންތާކުން މިނިވަންމީހާހޯދާނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އައްބެ

14 February 2024

ދޮގު މައުލޫމާތު ހުށަހަޅައިގެން ސަރުތުހަމަވާކަމަށް ނިންމާފައިވާ އެއްވެސް ފްލެޓެއް އަދި ގޯއްޗެއް ދެވިގެންނުވާނެ. ކިތަންމެ ވޯޓެއް ގެއްލުނުކަމުގައި ވިޔަސް. އަދި އެގޮތަށް ދޮގުމައުލޫމާތު ހުށަހެޅި މީހުންގެ ނަންތައް އާންމުކުރުމަށްވެސް ގޮވާލަން. ހުރިހާ ދިމާއަކަުން ހުރިހާމީހުން ވައްކަންކޮށް ފޭރުމުގައި އެމީހަކަށް ވެވުނުގޮތަކުން ބައިވެރިވާތަން މިފެންނަނީ. ސަރުކާރުތަކާއި މަޖިލީހާއި ހުރިހާތަނެއް ފަސާދަވެފައި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އުލްފާާ

14 February 2024

ފްލެޓް ކަހަލަ ހައްސާސީ މައްސަލަތަކަކީ ވަރަށް ވިސްނުންތެރިކަމާއެކީ ކުރަންޖެހޭނެ ކަންކަން. މިނިވަން ކޮމިޓީއަކުން މިކަން ބެލުމަކީ އިނދިކޮޅަށްވެސް އެންމެ ރަނގަޅު ގޮތް. އެކަމް ދަންނާންޖެހޭނެ ކަމަކީ ރޮޒެއިނާއާއި އަކްރަމް ކަމާލުއްދީނާއި މާރިޔާއާއި ފައްޔާޒްމެން ފަދަ ބޭފުޅުން ވަޓްސްއެޕްތަކުގައި ހިންގި ކޮރަޕްޝަން ސާބިތުވާނަމަ ޤާނޫން ހަމަތަކުގެ މަތިން ދައުވާ ކުރެވެންވާނެކަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސްމޭޝ/ފުވައްމުލައް

13 February 2024

މުޅިންވެސް އެކުލަވާލަނީ މިނިވަން ކޮމެޓީތައް. މުއިއްޒު ހައުސިން މިނިނސްތަރުކަމުގައި ހިޔާ ފުލްޓާއި ޓާޓާ ފްލެޓް އަދި ޗައިނާ ފްލެޓްތައް ވެސް ދިނީ މިނިވަން ކޮމެޓީއިން.... ކިހާ އިންސާވުވެރި ދޯ...! ތި އިންސާފެއް މިގައުމުން ލިބޭނެ ނަމަ އޭ ހިތައް އަރާ...؟ މިއުޅެނީ އެހެން ކަމެއް ކުރަން...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަދީފްއޮފިޝަލް

13 February 2024

4000 ފްލެޓް ދޭންވީ ގޮތް ނޭނގިގެން ލަވަ ކިޔަން ޖެހޭ ގައުމެއް މިނޫނީ ދުނިޔޭގަ އޮންނާނެ ބާ؟؟/ ފުރަތަމަ މިކަން ސާފްވާން ޖެހޭ.ވ.ވެދުން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަރުބާދު

13 February 2024

މިނިވަންކޮމިޓީގަ ހުސް މަޖްލިސްމެމްބަރުންނާ ޑިރެކްޓަރުންނާތޯ؟ މިނިވަންތިއޮތީމޫލާފައިބާފަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދޮންއާދަނު

13 February 2024

ވަރަށް ފުރިހަމަ ރަނގަޅު ނިންމުމެއެ... އަދި ތިޔަ އެކުލަވާލާ ކޮމިޓީގެ މަސައްކަތް ބެލެހެއްޓުމަށް ހެނދުނަށް ކޮމިޓީއަކާ ރޭގަނޑަށް ކޮމިޓީއެއް އެކުލަވާލަދޭތި

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރޮޒްް

13 February 2024

ތި ކޮމެޓީގައި ރޮޒް ހިމަނައްޗޭ ޕްލީޒް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދޮން ހަސީނާ

13 February 2024

ތިޔަ މިނިވަން ކޮމިޓީގައި ރައްޓެއްސަކު ހުރިތޯބަލަންވީ. ނެތިއްޔާ ކޮފީދީގެން ރައްޓެހިވާންވީ. ރައްޓެއްސަކު ނެތި އެއްވެސް މުއައްސަސާޔަކުން އެއްވެސްކަމެއް ނުވާހިސާބުގަ ގައުމު މިއޮތީ... މިއީ ކޮރަޕްޝަން ހުއްޓުވަން އެއްވެސް މަސައްކަތެއް ނުކުރާ ގައުމެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

13 February 2024

ޤާނޫނާއި ޤަވާއިދުތަކުގެ އިތުރަށް މުޖުތަމައުގެ މަސްލަހަތަށްވެސް ބެލުމެއްނެތި އެންމެހާ ހަމަތަކާއި އުސޫލުތަކަށް ފުރަގަސްދީފައި "ޤަބީލާ ވަންތަ ސިޔާސަތެއްގެ ދަށުން" މާލޭގެ ޤާނޫނީ ރަށްވެހިންގެ އެތައްހާސް ބަޔަކަށް ފުރިސަތުނުދީ ގޯތިބަހާލިގޮތަށް ތިކަން ނުކުރާނެކަމަށް ވަޒީރު ވިދާޅުވުމުން އޭރު މިކަމަށް ހިތްވަރުދިން އެމްޑީޕީ މެންބަރުން ކިތަންމެރުޅިގަދަވެ ވަޒީރަށް ރުހުންނުދެއްވި ކަމަށްވިޔަސް "އިންސާފުގެމަގުގައި ހުންނެވީތީ" ވަޒީރަށް ޝުކުރު ޙައްޤުކަމަށް ދެކެން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

13 February 2024

ވަޒީރުގެ މަޤާމްގެ މުއްދަތުގައި ބިމާއިބެހޭ ޤާނޫނު އިސްލާޙް ކުރުމުގެ އިތުރަށް "ފުލެޓާއި ގޯތިން ވައްކަން ކުރުން ހުއްޓުވުމަށްޓަކާ" ޕްރޮޕަޓީ ޤާނޫނެއް ވުޖޫދުކޮށް ފުރަތަމަ ބިމާއިފުލެޓް ޓެކްސް ފްރީކޮށް އޭނާ މިލްކުކުރާ 2 ވަނަ ބިމާއި ފުލެޓުން %50 އަދި އިތުރަށް ހޯދާ ކޮންމެ ފުލެޓަކާއި ބިމުން %100 ޖީއެސްޓީ އާއި ލަޤްޒަރީ ޓެކްސް ދައުލަތަށް ނަގާން ކަޑައަޅާ ސޯޝަލް ހައުސިންގ ސްކީމަށް ދޮގުމައުލޫމާތު ދިނުމާއި އެހީތެރިވުމަކީ ޖިނާޢީ ކުށެއްކަމަށް ޤާނޫނުގައި ކަޑައަޅާ.