އައްޑޫ ކަރަންޓު މައްސަލަ ހައްލުކުރަން ބޭއްވި ރަސްމިއްޔާތުގައި އެއްބަސްވުމުގައި ސޮއިކުރުމަށް ފަހު ފެނަކަ ކޯޕަރޭޝަންގެ މެނޭޖިން ޑިރެކްޓަރު މުއާޒް މުހައްމަދު ރަޝީދު އާއި ޗައިނާގެ ޑޮންފެންގެ ވައިސް ޕްރެޒިޑެންޓް ސެން ޖޮން ކިމް ސަލާމްކުރައްވަނީ. -- ފޮޓޯ: ނިޝާން އަލީ / މިހާރު
18 އެޕްރީލް 2024 - 12:27
22 comments
އައްޑޫގެ ކަރަންޓަށް ދިމާވެފައިވާ މައްސަލަ ހައްލުކުރުމަށް ޗައިނާގެ ކުންފުންޏަކާ ހަވާލުކޮށްފި އެވެ.
އެ އެއްބަސްވުން ހެދީ ޗައިނާގެ ޑޮންފެން އިލެކްޓްރިކް (ޑީއީސީ) އާ އެކުގަ އެވެ.
އެއްބަސްވުމުގައި ސޮއިކުރުމަށް ފެނަކައިގައި ބޭއްވި ރަސްމިއްޔާތުގައި އެ ކުންފުނީގެ ފަރާތުން ސޮއިކުރެއްވީ ފެނަކައިގެ މެނޭޖިން ޑިރެކްޓަރު މުއާޒް މުހައްމަދު ރަޝީދެވެ. ޑޮންފެންގެ ފަރާތުން ސޮއިކުރެއްވީ އެ ކުންފުނީގެ ނައިބު ރައީސް ސަން ޒެންޕިންގް އެވެ.
އައްޑޫ ކަރަންޓު މައްސަލަ ހައްލުކުރަން ބޭއްވި ރަސްމިއްޔާތުގައި އެއްބަސްވުމުގައި ސޮއިކުރުމަށް ފަހު ފެނަކަ ކޯޕަރޭޝަންގެ މެނޭޖިން ޑިރެކްޓަރު މުއާޒް މުހައްމަދު ރަޝީދު (ވ) އާއި ޗައިނާގެ ޑޮންފެންގެ ސަން ޒެންޕިންގް ފޮޓޯއަކަށް ހުއްޓިގެން. -- ފޮޓޯ: ނިޝާން އަލީ / މިހާރު
އެ ރަސްމިއްޔާތުގައި މުއާޒް ވިދާޅުވީ އައްޑޫގެ ކަރަންޓަށް ދިމާވެފައިވާ މައްސަލައަކީ އައްޑޫގެ ރައްޔިތުން ހައްލަކަށް ވަރަށް ބޮޑަށް ބޭނުންވެފައިވާ މައްސަލައެއް ކަމަށެވެ.
އޭނާ ވިދާޅުވީ މިއީ ކުރީގެ ސަރުކާރުތަކުން ހައްލު ކުރުމަށް މަސައްކަތްކުރި ނަމަވެސް މިއަދާހަމައަށް ވެސް ހައްލު ނުލިބިއޮތް މައްސަލައެއް ކަމަށެވެ.
"އަޅުގަނޑުމެން މިއަދު މި އެއްބަސްވި އެއްބަސްވުމާ އެކު (އައްޑޫގެ ކަރަންޓަށް ދިމާވެފައިވާ) މައްސަލައަށް ދާއިމީ ހައްލެއް ކުރިއަށް އޮތް 20، 25 ވަރަކަށް އަހަރަށް ލިބިގެންދާނެ،" އޭނާ ވިދާޅުވި އެވެ.
އައްޑޫ ކަރަންޓު މައްސަލަ ހައްލުކުރަން ބޭއްވި ރަސްމިއްޔާތުގައި އެ ފެނަކަ ކޯޕަރޭޝަންގެ މެނޭޖިން ޑިރެކްޓަރު މުއާޒް މުހައްމަދު ރަޝީދު ވާހަކަ ދައްކަވަނީ. -- ފޮޓޯ: ނިޝާން އަލީ / މިހާރު
އައްޑޫއަށް ދިމާވެފައިވާ ކަރަންޓު މައްސަލަ ރަނގަޅު ކުރުމަށްޓަކައި ވެވުނު އެއްބަސްވުމަކީ 30 މެގަވޮޓްގެ ކަރަންޓު ބޭނުންކުރެވޭ ގޮތަށް އެންމެ ޒަމާނީ ވަސީލަތްތަކާއެކު ތަރއްގީ ކުރެވިގެންދާނެ ޕަވާޕަލާންޓެއް ކަމަށް ވެސް މުއާޒް ވިދާޅުވި އެވެ.
"މި ޕްލާންޓް އިންސްޓޯލް ކުރަނީ ފޭސްތަކަކަށް ބަހާލައިގެން. އެއީ 9.8 މެގަވޮޓްގެ ދެ ޖެންސެޓާއި 5.8 މެގަވޮޓްގެ ދެ ޖެންސެޓް އިންސްޓޯލް ކުރެވިގެންދާނެ،" އޭނާ ވިދާޅުވި އެވެ.
އައްޑޫ ކަރަންޓު މައްސަލަ ހައްލުކުރަން ބޭއްވި ރަސްމިއްޔާތުގައި ފެނަކަ ކޯޕަރޭޝަންގެ މެނޭޖިން ޑިރެކްޓަރު މުއާޒް މުހައްމަދު ރަޝީދު (ވ) އާއި ޗައިނާގެ ޑޮންފެންގެ ސަން ޒެންޕިންގް. -- ފޮޓޯ: ނިޝާން އަލީ / މިހާރު
މުއާޒް ވިދާޅުވީ އެ ޕްރޮޖްކެޓް ނިމޭއިރު 50 މެވަގޮޓްއާ ހަމައަށް އަޕްގްރޭޑް ކުރެވޭ ވަރުގެ ކެޕޭސިޓީއެއް ހުރި ޕަވާޕްލާންޓެއް ހުންނާނެ ކަމަށެވެ. އެ މަސައްކަތާ އެކު، އައްޑޫގެ ރަށްތަކާ ވަކިން އޮންނަ ހުޅުމީދޫ ބްރިޖްގެ މައްސައްކަތް ނިމުމުން އެ ރަށަށް ވެސް ކަރަންޓު ދޫކުރެވޭނެކަން މުއާޒް ވިދާޅުވި އެވެ.
ޑިވެލޮޕާ ފައިނޭންސް ޕްރޮޖެކްޓެއްގެ ގޮތުގައި ކުރިއަށް ގެންދާ އެ މަސައްކަތަށް ފެނަކައިން ފައިސާ ދައްކާ ނިންމަން ދީފައިވާ މުއްދަތަކީ 12 އަހަރު ކަމަށް މުއާޒް ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ފެންނަގޮތް
19 April 2024
އެމްޑީޕީއިން އައްޑޫ ރައްޔިތުނަށް ދިން އެންމެ ބޮޑުއަނިޔާއަކީ އައްޑޫ ބޭރުން ކަނޑު ހާއްސަކޮށް އައްޑޫ މަސްވެރިންނަށް ބަންދުކުރިމެވެ. މިހާރު މަސްބާނަން ދުއްވާލާއިރަށް އެހެން ބައެއްގެ ސަރަހައްދޭ ކިޔާދަ، ހަމަލާ ދެވި، ހައްޔަރު ކުރެވޭނެކަމަށް އެމްޑީޕީ ސަރުކާރުން އެއޮތީ އެއްބަސްވެފަ.. ކިހާ ބޮޑު ގެއްލުމެއް.. ކިހާ ބޮޑު އަނިޔާއެއް.. އެ މަކަރުވެރި އެއްބަސް ވުމުން ކުރިން ބޭނުނަ ކުރެވެން އޮތް45000 އަކަ ކިލޯމީޓަރު ދުވެހިން އަތުން ގެއްލިގެން އެދިޔައީ. ވިސްނާ
ޝޮކްތެރަޕީ
18 April 2024
އެމްޑީޕީ އުޅެނީ ސިޔާސީ ފިތުނަ އުފައްދަން. ޕީޕީއެމް އުޅެނީ ގައުނު ތަރައްގީ ކުރަން.
އަލި.
18 April 2024
ހާދަ ވަރަކަށޭ އައްޑޫ ތަރައްޤީ މިކުރަނީ. އައްޑޫގައި ނިއުކުލިއަރ ޕަވަ ޕަލާންޓެއްވެސް އަދި ހަދާނަމޭ ބުނާނެ.
އޮނަރަބްލް އަފީފު ދީދީ
18 April 2024
އައްޑޫސިޓީގެ ކަރަންޓްގެމައްސަލަ ހައްލުކުރަން މަސައްކަތްކުރާއިރު ކީއްވެގެންތޯ "ކޯއްޓޭ ބުރިޖް" ނިމުމުގެކުރިންވެސް Marine Power Cable ބޭނުންކޮށްގެން އައްޑޫގައި ވަކިންއޮތް ހުޅުމީދޫ އަވަށުގެއިތުރަށް ޝަންގްރިލާޒް ރިސޯޓާއި ސައުތު ޕާމް އަދި ކެނަރީފް އަށް ކަރަންޓްދެވޭގޮތަށް Addu Central Power House އާއި މިތަންތަން ގުޅާލުމަށް މަސައްކަތް ނުކުރާންވީ!!؟ ތިޔަ ޕްރޮޖެކްޓް ތެރޭގައި މެރައިން ކޭބަލް އެޅުމުގެ މަސައްކަތް ކޮށްފިނަމަ މިކަމަށް ހިގާ ޙަރަދުވެސް ކުޑަވާނެ.
ބަބަހަހަ
18 April 2024
ސަބްމެރިން ކޭބަލެއް އެޅުމަކީ ތި ބުނާހާ ފަސޭހަ ކަމެއްނޫން އިނގޭތޯ
އޮނަރަބްލް އަފީފު ދީދީ
18 April 2024
މަތީގައި ދެންނެވިގޮތަށް މެރައިން ކޭބަލް އަޅައިގެން އައްޑޫ ސެންޓްރަލް ޕަވަރ ހައުސްއިން އައްޑޫސިޓީގެ ހުރިހާ ތަނަކަށް ކަރަންޓްދެވޭގޮތް ހަދާފައި "އައްޑޫގެ ކަރަންޓް މަޑުމަޑުން ރިނިއުބަލް އެނާރޖީއަށް ބަދަލު ކުރުމަށްޓަކާ" އިންސްޓޯލްމަންޓް އުސޫލުން ފައިސާ ދެއްކޭގޮތަށް އައްޑޫގެ ވިޔަފާރިތަކަށާއި އާންމު ގޭބިސީތަކަށްވެސް އަވިން ހަކަތަ އުފައްދާ ސޯލާ އަދި ވައިން ހަކަތަ ގެންނަ Horizontal / Vertica ވިންޑް ޓަރބައިން ހަރުކުރަން އާންމުކޮށް ފުރުސަތު ހުޅުވާލަންޖެހޭ.
އޮނަރަ ބުލް
19 April 2024
މެރައިން ކޭބަލް އިޒް ވަޓް؟ ޔޫ މީން މެރީން ކޭބަލް؟ އެއީ އަޅަންވެސް މެއިންޓޭން ކުރަން ވެސް ވަރަށް ޚަރަދު ބޮޑު އެއްޗެއް. ޚާއްސަ ކޮށް މެރީން ޕަވަރަ ކޭބަލް. ކުޑަކޮށް ރިސާރޗް ކޮށްލީމައި އެނގޭނެ.
ޢައްލާ
18 April 2024
ކުރީ ސަރުކާރުން ދޭން ނިންމަވާފައިވާ ކަރަންޓު
ނަސިމު.
18 April 2024
ފައްޔާޒު ބުނާނެ މިވެސް ތިމަންނާމެން ކުރަން ނިންމާފައި ލާރިވެސް ހޯދާފައިވާ ކަމެކޭ. ދެން ރީދޫ ކުދިން އެވާހަކަ ފަތުރާނެ. އެކަމަކު އައްޑޫ މީހުންނަށް އިގޭނެ އެމްޑީޕީ އިން އައްޑޫގައި ކަމެއް ނުކުރާކަން
މުފީދު.
18 April 2024
ތިހެން ނަނާ ހުވަފެން ދައްކާނެ. ވޯޓު ނިމުމުން ހަދާން ނެތޭނެ.
އަލީމު
18 April 2024
ޗައިނާ އަކީ ސޯލާ އެނަޖީގެ ރޮގުން ވަރަށް ކުރީގައުޅޭ ގައުމެއް. ކީއްވެ ތިޕްރޮޖެކްޓުން ސޯލާ އިންސްޓޯލް ނުކުރަނީ؟
ފަތުހުﷲ މުހައްމަދު
18 April 2024
މިހެންވެ ބުނަނީ ރައީސް މުއިއްޒް އަށް ވާނެޔޭ.
މިހުއްމަދު އަފާފް
18 April 2024
މިދިޔަ ސަރުކާރު ތަކުން އައްޑޫއަށް އަޅާނުލާ އޮތް އޮތުން ނިމުމަކަށް. މިކަހަލަ އިންގިލާބީ ބަދަލް މިގެނެސް ދެނީ އައްޑޫއަށް.