ބިދޭސީންގެ ފިންގަޕްރިންޓާއި ފޮޓޯ ނެގުމުގެ ކެމްޕެއިން ފަށައިފި، މިނިސްޓަރު ވިދާޅުވީ ކާމިޔާބުވާނެކަމަށް
ބިދޭސީންގެ ފިންގަޕްރިންޓާއި ފޮޓޯ ނެގުމުގެ ގައުމީ ކެމްޕެއިން، "ކުރަނގި" ފެށުމަށްފަހު، ބިދޭސީއަކު ފިންގަޕްރިންޓު ޖަހާއިރު ހޯމް ލޭންޑު ސެކިއުރިޓީ މިނިސްޓަރު އިހުސާން މަޑުކޮށްލައްވައިގެން.-- ފޮޓޯ: ނިޝާން އަލީ/ މިހާރު
02 މެއި 2024 - 11:46
66 comments
ރާއްޖޭގައި އުޅޭ ހުރިހާ ބިދޭސީންގެ ފޮޓޯއާ އިނގިލީގެ ނިޝާން ނަގަން ފަށައި، ގަވައިދާ ހިލާފަށް އުޅޭ ބިދޭސީން ގަވައިދަށް ފެއްތުމުގެ މަސައްކަތް ރަސްމީކޮށް މިއަދު ފަށައިފި އެވެ.
ކ. ހިންމަފުށީގައި ބޭއްވި ރަސްމިއްޔާތުގައި، "ކުރަނގި" ނަމުގައި ފެށި ގައުމީ ކެމްޕެއިން ފައްޓަވައިދެއްވަމުން ހޯމްލޭންޑު ސެކިއުރިޓީ މިނިސްޓަރު އަލީ އިހުސާން ވިދާޅުވީ ބިދޭސީންގެ ކަންކަން ބޮއްސުންލައިގެން ގޮސް، އިޖުތިމާއީ މައްސަލަތައް ގިނަވެފައިވާ ކަމަށެވެ.
އެހެންވެ، ގައުމީ ސަލާމަތަށް އޮތް ނުރައްކަލެއް ކަމަށް ބަލައި، ބިދޭސީންގެ މައްސަލަ ހައްލުކުރަން ގައުމީ ބޮޑު މަސައްކަތެއް ފެށީ ކަމަށް އިހުސާން ވިދާޅުވި އެވެ.
ބިދޭސީންގެ ފިންގަޕްރިންޓާއި ފޮޓޯ ނެގުމުގެ ގައުމީ ކެމްޕެއިން، "ކުރަނގި" ފެށުމަށްފަހު، ހިންމަފުށީގައި މަސައްކަތްކުރާ ބިދޭސީންތަކެއްގެ މައުލޫމާތު ނެގުމަށް މަޑުކޮށްލައިގެން.-- ފޮޓޯ: ނިޝާން އަލީ/ މިހާރު
އެ ރަސްމިއްޔާތަށް ފަހު ނޫސްވެރިންނާ ވާހަކަދައްކަވަމުން މިނިސްޓަރު ވިދާޅުވީ، ބިދޭސީންގެ މައްސަލަ ހައްލުކުރަން ކުރީގެ ސަރުކާރުން ވެސް މަސައްކަތް ފެށި ކަމަށެވެ. އެކަމަކު، އޭރު އިސްކަންދިނީ މާލޭގައި ދިރިއުޅޭ ބިދޭސީން ގަވައިދަށް ފެއްތުން ކަމަށް ވާތީ، ރަށްރަށުގައި މަސައްކަތް ކުރާ ބިދޭސީން އެކަމަށް ހާއްސަކޮށްގެން މާލެ އައުމަކީ އުނދަގޫ ކަމެއް ކަމަށް އޭނާ ވިދާޅުވި އެވެ.
ނަމަވެސް، އިމިގްރޭޝަނާއި ފުލުހާ ވެސް ގުޅިގެން ފެށި ކެމްޕެއިންގައި ބިދޭސީންނާ ހަމައަށް ދާނީ، މިނިސްޓަރު ވިދާޅުވި ގޮތުގައި، ޓާސްކު ފޯސްގެ ޓީމުތަކުންނެވެ. އެ ޓީމުތަކުން ރިސޯޓުތަކާއި ސިނާއީ މަސައްކަތްކުރާ ރަށްރަށަށް ވެސް ދާނެ އެވެ. ރަށްރަށުގައި މި މަސައްކަތްކުރާނީ އެ ކައުންސިލްތަކުންނެވެ. އެހެންވެ، ރަށްރަށުގައި މަސައްކަތްކުރާ ބިދޭސީން އަޕްޑޭޓްކުރުމަކީ މީގެ ފަހުން އެ ކައުންސިލެއްގެ ޒިންމާއެއް ކަމަށް މިނިސްޓްރީން ބުންޏެވެ.
ބިދޭސީންގެ ފިންގަޕްރިންޓާއި ފޮޓޯ ނެގުމުގެ ގައުމީ ކެމްޕެއިން، "ކުރަނގި" ފެށުމަށް ހިންމަފުށީގައި މިއަދު ބޭއްވި ރަސްމިއްޔާތުގައި ހޯމް ލޭންޑު ސެކިއުރިޓީ މިނިސްޓަރު އިހުސާން ވާހަކަދައްކަވަނީ.-- ފޮޓޯ: ނިޝާން އަލީ/ މިހާރު
"...ފުރަތަމަ އެއް އަހަރު މި ބަލަނީ ބިދޭސީން ކޮންތާކު، ކާކުތާ ހުރީ އަދި އޭނާގެ އައިޑެންޓިޓީ ގާއިމްކުރުން. ޖެހިގެން އަންނަ ދެ އަހަރު މަސައްކަތްކުރާނީ ކަށަވަރުނުވާ، ރަސްމީ ލިޔެކިޔުންތައް ނެތް، ސިސްޓަމް ތެރެއަށް ނުގެނެވޭނެ މީހުން ރާއްޖެއިން ބޭރު ކޮށްލަން. ޖުމްލަ ތިން އަހަރުގެ މަސައްކަތެއް މި ފަށަނީ. ފުރަތަމަ ފޭސް މިއީ އެއް އަހަރުގެ މަސައްކަތެއް." އިހުސާން ވިދާޅުވި އެވެ.
"އަޅުގަނޑަށް މި މަސައްކަތް ކުރެވޭ ގޮތުން 100 ޕަސެންޓް ޔަގީންކަން އެބައޮތް."
މިނިސްޓަރު ވިދާޅުވީ ޓޫރިސްޓު ވިސާގައި ރާއްޖެ އައުމަށް ފަހު، ވަކި މުއްދަތެއް ފަހުން އަދި އެ މީހަކަށް ދީފައިވާ ހުއްދައާ ހިލާފަށް މަސައްކަތްކުރާ މީހުން އެބަތިބި ކަމަށެވެ. އެ ބިދޭސީންގެ އަތުގައި ވެސް ރަސްމީ ލިޔެކިޔުމެއް އޮވެފައި ބަޔަކާއެކު ދިގު މުއްދަތަކަށް މަސައްކަތްކޮށްފައިވާ ނަމަ، އެ ކުންފުންޏެއްގެ ދަށަށް ބިދޭސީން ރަޖިސްޓްރީކުރާނެ ކަމަށް އިހުސާން ވިދާޅުވި އެވެ.
ބިދޭސީންގެ ފިންގަޕްރިންޓާއި ފޮޓޯ ނެގުމުގެ ގައުމީ ކެމްޕެއިން، "ކުރަނގި" ފެށުމަށްފަހު، ހިންމަފުށީގައި މަސައްކަތްކުރާ ބިދޭސީންތަކެއްގެ މައުލޫމާތު ނެގުމަށް މަޑުކޮށްލައިގެން.-- ފޮޓޯ: ނިޝާން އަލީ/ މިހާރު
ބިދޭސީ މީހާގެ އަތުގައި އޭނާގެ އެއްވެސް ލިޔެކިޔުމެއް ނެތް ނަމަ އެ މީހާގެ ފޮޓޯއާ ފިންގަޕްރިންޓު ނެގުމަށްފަހު، ރާއްޖޭގެ ސިސްޓަމްތަކުން އެ މީހެއްގެ މައުލޫމާތު ނަގާނެ އެވެ. އެ އުސޫލުން ވެސް އެ މައުލޫމާތު ނުލިބޭނަމަ، ބިދޭސީ މީހާ ފޯރުކޮށްދޭ މައުލޫމާތުތައް ނަގާނެ އެވެ. އެއަށްފަހު، އެ މީހާ ނިސްބަތްވާ ގައުމެއްގެ އެމްބަސީއަށް ފޮނުވައިގެން ކަށަވަރުކުރާނެ އެވެ. އެއިން އެއްވެސް މަރުހަލާއަކުން، ސައްހަ މައުލޫމާތު ނުލިބޭ ނަމަ ވަކި މުއްދަތެއް ފަހުން ޑީޕޯޓުކޮށްލާނެ ކަމަށް އޭނާ ވިދާޅުވި އެވެ.
ސަރުކާރުން ވަނީ، ގަވައިދާ ހިލާފަށް އުޅޭ ބިދޭސީން ދައްކަންޖެހޭ ޖޫރިމަނާތައް މައާފުކޮށްގެން ވެސް މި މަސައްކަތް ކާމިޔާބުކަމާއެކު ކުރިއަށްގެންދާށެވެ.
ބިދޭސީންގެ ފިންގަޕްރިންޓާއި ފޮޓޯ ނެގުމުގެ ގައުމީ ކެމްޕެއިން، "ކުރަނގި" ފެށުމަށްފަހު، ބިދޭސީއަކު ފިންގަޕްރިންޓު ޖަހާއިރު ހޯމް ލޭންޑު ސެކިއުރިޓީ މިނިސްޓަރު އިހުސާން މަޑުކޮށްލައްވައިގެން.-- ފޮޓޯ: ނިޝާން އަލީ/ މިހާރު
"އަޅުގަނޑުމެންނަށް އެނގޭ އެ މީހާގެ ނެތްކަން ޖޫރިމަނާ ދައްކާނެ ފެންވަރެއް. ހަމަ ޖޫރިމަނާ ނުދައްކާތީ މިއޮތް ހުރިހާ ދުވަހު ވެސް އަޅުގަނޑުމެން ތިބީ. މި މައްސަލައަށް ހައްލެއް ލިބޭނީ އަޅުގަނޑުމެން ވެސް ކޮންމެ ވެސް ވަރަކަށް ލުއިތަކެއް ދީގެން. މި މައްސަލައިގެ އަސްލަށް ވިސްނާފައި މި މައްސަލަ ހައްލުކުރެވޭނެ ގޮތްތައް ބަލަންޖެހޭ." އިހުސާން
"ޓާސްކްފޯހަށް ދީފައިވަނީ ގައިޑެންސްއަކީ މި މަސައްކަތް ކުރަމުންދާއިރު އެއްވެސް ގަވައިދަކުން، މަސައްކަތަށް ހުރަސްއެޅޭނަމަ އަޅުގަނޑުމެން އެ ގަވައިދެއް ބަދަލުކުރާނެ. ޓާގެޓަކީ މީހުން އައިޑެންޓިފައި ކޮށްފައި 100 ޕަސެންޓް އެކައުންޓްބެލިޓީ، ހާއްސަކޮށް ބަޔޯމެޓްރިކް ލެވެލްގައި 100 ޕަސެންޓް އެކައުންޓްބިލިޓީ ނެގުން. މި މަސައްކަތް ނިމޭއިރު، ކޮންމެ މީހެއްގެ ފޮޓޯ، އެ މީހާ ހުރި ފިޒިކަލީ ކޮން ލޮކޭޝަނެއްގަތޯ ޔަގީންވާނެ."
ކުރަނގި ކެމްޕެއިންގެ ތެރެއިން، ހިންމަފުށީގައި ބިދޭސީއަކު ފިންގަޕްރިންޓު ޖަހަނީ.-- ފޮޓޯ: ނިޝާން އަލީ/ މިހާރު
މި ކެމްޕެއިންގައި ބޭނުންކުރާނީ، ބިދޭސީންގެ ރަޖިސްޓްރޭޝަނުގައި މިހާރު ވެސް ބޭނުންކުރާ ސިސްޓަމެކެވެ. އޭގެ ތެރެއިން، ވަކި ޕޯޓަލްއެއް ހަދާފައިވެ އެވެ.
އިހުސާން ވިދާޅުވީ ރާއްޖެ އައިސް ފުރައިގެން ގޮސްފައިވާ ބިދޭސީންގެ މައުލޫމާތުތައް އެ ސިސްޓަމްގައި ހުންނާނެ ކަމަށެވެ. ހުރިހާ ގައުމެއް ހިމަނައިގެން 200،000 މީހުންގެ ރިކޯޑު ހުރުމުން، ބިދޭސީން ފިންގަޕްރިންޓް ޖަހާއިރު އެ މީހާ ދެނެގަނެވޭނެކަން މިނިސްޓަރު ފާހަގަކުރެއްވި އެވެ.
"ސީދާ ކާކުކަން ނޭނގުނަސް ސިސްޓަމުން ދައްކާނެ އެންމެ ގާތްކުރަނީ މި ތިބި 10 މީހުންނޭ. މި މީހުންގެ ތެރެއިން ޕްރޮބެބިލިޓީ އެންމެ ހައިއީ މިވެނި މީހެކޭ. ދެން އެ މީހާގެ ޕާސްޕޯޓު ޕުލްއައުޓުކޮށްފައި، ގްރައުންޑުގައި ހުރި މީހާއާ ޖައްސާލާއިރު އެއީ އެ މީހާ ކަމަށްވަންޏާ އެ ސައިން ކުރާނީ." އިހުސާން ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ސިކުނޑި
03 May 2024
އެއްޗެކޭ ކިޔައިގެން ލައިފް ފެކްޓްރީގައި ތިބި މީހުން އަވަހަށް ރެގިއުލަރައިޒްކޮށްލަނީ؟!؟ ސާބަހޭ ވަޒީރު!!
ިއިހްސާން
03 May 2024
މާތްކަލާކޯ - ތިފައިސާ ސަރުކާރުގައި މިއުޅޭ ސިޔާސީ ބައިގަޑު (ސްޓޭޓް މިނިސްޓަރުން / ނައިބުން) ލައަވާ އައްޔާ އެބުނިި ކަންކަން ކުރުން މާރަނގަޅު -
އައްޔަ
03 May 2024
އިނގިލީގެ ނިސާން ލޮލުގެ ނިސާން އިސްކޮލު ފޮޓޯ ނަގައިގެންވެސް މި ގައުމުގަ ގެންގުޅެން ޖެހޭތަ އެހައް ދުވަހު އިހްސާން ބުންޏޭކިޔާފަ އޮތް ހަބަރެއްގަ އޮތް ގަވައިދައް އުޅޭ 61 ޕަސެންޓް މީހުން ވިސާނުދައްކާ މިމީހުން އެހައް ފޮނުވާލަންވީނު ހަދާގޮތަކީ މިމީހުންވެސް ހޯދާފަ ކުޱަ ފީއެއްނަގާފަ އިނގިލީގެ ނިސާން ނަގާފަ ފޮޓޯނަގާފަ ބުނަނީ ބޮންދު ކަލޭ ގަވައިދައް ފެތުނީ ކަލޭދަނީ ވިސާދައްކަނީ އޯކޭ މިހެންބުނީމަ ނިމުނީ މި 7 ވަރަކައް ލައްކަ މީހުން ގަވައިދައް ފައްތަން އިނގިލީގެ ނިސާން ފޮޓޯނަގަމުން މާކެތެރެއައް ދޫކުރީމަ ކިހާލާރިއެއް ސަރުކާރައް ލިބޭނެ މީމިޖަހާ ސަކަރާތަކީ ދެން ނޫސްތަކައް ސުރުޙީ މި އަރުވަނީ 48 ގެ ތެރޭގަ ޱީޕޯޓް ކޮއްލަނީ މިހެން ބޮންދުން އެބަވުނެޔޭ އެކަކުވެސް ފޮނުވާނުލަނީ އެ ސަރުކާރު ބޮޱު ދޮގުހަދަނީ މިވައްތަރު ހަދަނީ އިނގިލީގެ ނިސާން ނަގަނީ ފޮޓޯނަގަނީ ކުޱަލާރި ނަގަނީ ބުނަނީ ދެން ދަނީ ބަރާބަރު މަސައްކަތް ކުރަނީ ދެން ދަނީ އެމީހުން އަހަރުމެން ދިވެހީން ކާރީ އެދައްކަނީ އެވާހަކަ ބަރާބަރު ސަރުކާރު ވާވާވާ އިހްސާނު
އައްޔަ
03 May 2024
ފުރަތަމަ ކަމަކައް މި ބަންގާޅީން ދުއްވާ ބާވެފަ ހުންނަ ސައިކަލު ހިފަހައްޓާފަ ކޮންމެދުވަހަކު ޗެކްކުރަންވީ ނުހުންނާނެ ފީދައްކާފަކާ އަނެއްކާ މިމީހުން ރަށުކޮޅުން ލައިސަންސް ވަގު ހައްދައިގެން އައިމަ މާލޭން ނުޖެހޭ ޓެސްޓް ވެސް ހަދާކައް މާލޭގަ ދުއްވޭ ދިވެއްސަކު ވީޔާ ލައިސަންސް މިލިބެނީ 2 ވަރަކައް މަހުން މިމީހުން މިޔަދު އައިސްސަ މާދަން ރާއްޖޭގަ ކޮންމެ ފަދަ ވެހިކަލް ދުއްވަންވީ ހަށިވިއްކަނީ އެއްޖިންސުން ގުޅުން ހިންގަނީ މަސްތުވާ އެއްޗެހި ވިއްކަނީ ބޭބޭ އާދޭ ދައްތާ އާދޭ މިތިބެނީ އަބަދު އެހެންގޮވާލަގޮވާލާ ދެން ކޮންމެ ސަރުކާރެއް އައިސް ފުރަމަ ކިޔާނީ ގަވާއިދާ ހިލާފައް އުޅޭ ބިދޭސީން ފޮނުވާލަނީ ޱީޕޯޓްކުރަނީ އަހަރެންގެ ދަރިންވެސް އެއަރޕޯޓް އިމިގްރޭސަންގަ އުޅޭ އަދި އެކަކުވެސް ފޮނުވާނުލާ ދޮގުނުހަދާ އިހްސާން ދެން ފީނުދައްކާ ސައިކަލު ޓޯކުރީމަ އެބަބުނެޔޭ އަހަރެން މައްސަލަ ނެތީ ސައިކަލު ގެންދަނީ އަހަރެން އެބަދޫކޮއްލާ ސައިކަލު ޓޯކޮއްފަ އަނެއްދުވަހު ބާ ސައިކަލު ބޮންދުން އަތުން ގަންނަނީހުރިހާ ގަރާޖެއް ހިންގަނީ ބޮންދުން އެމީހުން އުޅޭނެގޮތަކައް އުޅެންވީ ކޮޓަރީގަ ހުއްދަ ނުހޯދާ ކާބޯތަކެތި ވިއްކަނީ މި ސޯސަންމަގު ދެކުނު ކޮޅުގަ އިންނާނެ ދެއިރައް ހުއްދަ ނެގުމަކާ ނުލާ ބިދޭސީންއައް ދެއިރު ކާންދޭ ތަންތަން އެތެރޭގަ ކޮޓަރި ކޮޓަރީގަ ސިޓީކައުންސިލު މީހުން ވައްދާފަ ދައްކަންވެސް ދައްކާފިން އެކަމަކު ފިޔަވަޅު ނޭޅޭ ކީއްކުރާ ބަޔެއް އަޅިކުލައިގެ ޔުނީފޯމް ލައްވާފަ ރައްޔިތުން ޓެކްސް ފައިސާއިން މުސާރަ ދީފަ ކިހާ މަޖާ ގައޮމެއް މީ ވާވާ ވާ
އިއްބެ
03 May 2024
އަދިވެސް ބިދޭސީން މަދުކުރާކަށް ނޫން, ތިބި މީހުން ކޮންމެސް އެއްޗެކޭ ކިޔައިގެން ބައިތިއްބަން. ހީވަނީ ބަލަދު އަރާފަހެން. މުޅި ދުނިޔޭގެ އެންމެން އައިސް މިތާ ފްރީކޮށް ތިބެންވީ. ރައްޔިތުން ކަމަކަށް އެދުނީމަ ގޮތްދައްކަން ހަމަ ކަމެއް ކޮށްލަނީ. ގައުމަށް ހެވާ މަންފާއަށް އެދިގެން އެއްވެސް ކަމެއް ނުކުރޭ. މިވަގުތަށް ތިކަމެއް ކޮށްފަ ދެން ބަޔަކު އުޅޭތޯ ބަލާވެސް ނުލާނެ.
އަބްޑޫޅް +
03 May 2024
ލޮލުގެ ކޮއި ގެ ލިސާން ނަގާފަ އައިޑީކާޑުގެ ޗިޕަށް ލާން، ޕީއެޗުޑި ނަގާފަތިބި، ކަލޭމެންގެ ދަކުތަރުންނަށް ނޭގެނީތަ؟ އޭރުން އައިޑީ ބަލާކަށްވެސް ނުޖެހޭނެ. މަގުމަތިން ހިނގާފަދާއިރުވެސް، އެމީހަކު އެހުރީކޮންތާކުކަން ސަރުކާރަށް އެގޭނެ. މިކަހަލަ ސަޅިކަންތައް ކުރަން ކަލޭމެން ދަސްކޮށްބަލަ. އޭރުން، ހުކުރަށް ނުދަނީ ކާކުކަންވެސް އެނގޭނެ. ރޯދަމަހު މެންދުރު، އިންޝުޓެންޓު ނޫޑުލިޝް ގަންނަނީ ކާކުކަންވެސް އެނގޭނެ.
އަފްރާސިޔާބު
02 May 2024
އެހެންވީމާ ރާއްޖެއަށް ބަންގާޅީން ޓޫރިސްޓުންގެ ގޮތުގައި ވީހާވެސްގިނައިން ގެންނަންވީތާ. އައުމަށްފަހުގައި ޕާސްޕޯޓު އެއްލާލައިބުނަންވީ ބޮސް ނޭގެނީ. ދެން ގައުމުގައި ސަރުކާރުން އެހެންތިބި މީހުން ގަވާއިދަށް ފައްތަންވީ. ކިހާރަނގަޅުތާ ސަރުކާރު. ގާނޫނާ ޚިލާފުވީމާ ބިދޭސީން ގާނޫނުގެ ތެރެއަށް ފައްތާލާފައި ބައިތިއްބަންވީ. ރައްތިތުން އަތުން ޓެކްސް މިމީހުންގެ އަތުން ޓެކްސް ނެގުމެއްނެތި ގައުމުގައި ކައިގެން ބޮއިގެން އެއުޅެނީ. ވާވާ ސަރުކާރު.
ދިވެހިމައްސަލަ
02 May 2024
އެކަކުގެ "މައްސަލަ" ހައްލުވާ އިރު ތިން މީހުން އޮން އެރައިވަލް ވިސާގައި ރާއްޖެ އެތެރެ ވާނެ އެޅޭނެ ފިޔަވަޅެއްވެސް ނޯންނާނެ ބިދޭންސީންގެ މައްސަލައެއް ނޫން މިއީކީ ގައުމު ހިންގަން ތިބި ދިވެހީންގެ މައްސަލައް މީ މިއަށް ކިޔަން ވީ " ބިދޭސީންގެ މައްސަލައެއް " ނޫން "ސަރުކާރު ފީކަޅާކަން"
ބަރުބާދު
02 May 2024
ސައޫދީ، ޑުބާއީން ތިމީހުން މަދުކުރިގޮތައްނޫނީ ތިކަމެއްނުވާނެ. ފުރަތަމަ ވިސާދިނުންހުއްޓާލީ، ދެން ވިސާނެތްއެންމެން ވަކިތަނެއްގަ ކަރަންޓީނުކޮއްފަ ޑީޕޯޓްކުރީ. އެހެން ގައުމަކައް އެތެރެވެވިއްޖެއްޔާ ފިލާބަޔަކު ކޮންގަވާއިދަކައްފެއްތޭނީ؟.
ބަރުބާދު
02 May 2024
ދުނިޔޭގެ ގިނަ ގައުމުތަކުގަ ބަންގާޅީންނަކީ އެޑްވާންސް ވިސާއާނުލާ އެތެރެވޭބައެއްނޫން، ބަންގާޅީން މަދުކުރާނެގޮތެއް ބުނެދީބަލަ ޓުއަރިސްޓްވިސާގަ ބޭނުންއިރަކުއައިސް ރާއްޖެއެތެރެވެވޭއިރު. އެތެރެވުމައްފަހު ފިލާބައެއް. ރައިއްޔަތުންލޮލުގަ ކޮންމެސަރުކާރަކުންވެސް އަޅުވާއަނދުނެއްތީ.