ސައުދީ ސަފީރު ކަމަށް ކަނޑައެޅި ތޯހާ ޕާކިސްތާނަށް ބަދަލު ކުރަން ފާސްކޮށްފި

ނ. ހޮޅުދޫ އުފަންވެލި، ތޯހާ މުހައްމަދު: އޭނާ ޕާކިސްތާނަށް ބަދަލުކުރަން ވަނީ ފާސްކޮށްފައި.

މޫސާ ރަޝީދު، މިހާރު

30 ޖޫން 2024 - 13:52

ރާއްޖެއިން ސައުދީ އަރަބިއްޔާ އަށް ކަނޑައަޅާ ސަފީރު ކަމަށް އައްޔަން ކުރަން މަޖިލީހުން ރުހުން ދީފައިވާ ނ. ހޮޅުދޫ އުފަންވެލި، ތޯހާ މުހައްމަދު ޕާކިސްތާނަށް ބަދަލު ކުރަން މަޖިލީހުން މިއަދު ފާސް ކޮށްފި އެވެ.

އޭނާ ޕާކިސްތާނު ސަފީރު ކަމަށް އައްޔަން ކުރަން ފެންނަ ކަމަށް މަޖިލީހުގައި މިއަދު ނެގި ވޯޓުގައި ބައިވެރިވި 82 ވޯޓު ދެއްވި އެވެ.

ތޯހާ ސައުދީ ސަފީރު ކަމަށް އައްޔަން ކުރަން ވެސް މަޖިލީހުން މިދިޔަ މަސް ތެރޭގައި ފާސް ކުރި އެވެ.

އެހެން ނަމަވެސް އޭނާއާ އެކު މަޖިލީހުން ރުހުން ދިން އެހެން ސަފީރުންނަށް ރައީސް އޮފީހުން ފަތްކޮޅު އެރުވި އިރު ތޯހާ އެ މަގާމަކަށް އައްޔަން ނުކުރައްވަ އެވެ.

އޭނާ ސައުދީ އަށް އައްޔަން ކުރަން ނިންމުމަށް ފަހު އެ ނިންމުން ބަދަލު ކުރި ސަބަބެއް ސަރުކާރުން އަދި މަޖިލީހުން ވެސް ނުބުނެ އެވެ.

ސައޫދީ އަރަބިއްޔާ ރައްޔިތުންގެ މަޖިލިސް ރާއްޖެ-ޕާކިސްތާން

7 ކޮމެންޓް, 8 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ބޭކާރު ޚަރަދުކުރުން ހުއްޓާލާ

30 June 2024

ދައުލަށް ދަރަނިވެރި ވެފައިވާއިރު އަހަރަކު އެތައްސަތޭކަ މިލިއަން ރުފިޔާ ކޮންމެ އަހަރަކަށް ޚަރަދުކޮށްގެން މިފަދަ އެންބަސީތަށް ހިންގުމަކީ ސަރުކާރުން ކޮންމެހެން ކުރަންޖެހޭ ކަމެއްތޯ އެބަ ބަލަންޖެހޭ. ޓެކްސް ފައިސާއިން އިސްރާފް މިކުރެވޭ ބޮޑު ޚަރަދުގެ ބަދަލުގައި ގައުމަށްލިބޭ މަންފާއަކީ ކޮބައޮތޯ ރަނގަޅަށް ބަލާ ފިޔަވަޅުއަޅަންޖެހޭ. ދުނިޔޭގެ ގައުމަކުން ރާއްޖޭގައި އެންބަސީއެއް ހުޅުވުމަކީ ކޮންމެހެން މިގައުމުގެ އެންބަސީއެއް އެގައުމުގައި ހުޅުވަންޖެހޭސަބަބެއްނޫން