ގަވާއިދާ ހިލާފަށް އުޅޭ ބިދޭސީންގެ މައްސަލަ ހުށަހަޅަން ހާއްސަ ޕްލެޓްފޯމެއް، މައުލޫމާތު ސިއްރު ވާނެ

އިމިގްރޭޝަނާ ގުޅޭ އެކިއެކި މައްސަލަތައް އެ އިދާރާއާ ހިއްސާ ކުރެވޭ "އިމިގްރޭޝަން ވޮޗް" ކޮންޓްރޯލަރު ޝަމްއާން މިއދު އިފްތިތާހު ކޮށްދެއްވަނީ.--- ފޮޓޯ: ނިޝާން އަލީ| ހާރު

އައިޝަތު ނުޒުހާ، މިހާރު

17 ޖުލައި 2024 - 19:09

21 comments

ރާއްޖޭގައި ގަވާއިދާ ހިލާފަށް އުޅޭ ބިދޭސީންގެ މައުލޫމާތު އަދި އިމިގްރޭޝަނާ ގުޅުން ހުރި ކޮންމެ މައްސަލައެއް ކޮންމެ މީހަކަށް ވެސް އެ އިދާރާއާ ހިއްސާ ކުރެވޭނެ ހާއްސަ ޕްލެޓްފޯމެއް މިއަދު ތައާރަފުކޮށްފި އެވެ.

"އިމިގްރޭޝަން ވޮޗް"ގެ ނަމުގައި ތައްޔާރު ކޮށްފައިވާ އެ ޕޯޓަލެއް އިފުތިތާހު ކޮށްދެއްވީ މި ސަރުކާރުގައި ބޭއްވި އިމިގްރޭޝަންގެ ފުރަތަމަ މީޑިއާ ބްރީފިންގައި އިމިގްރޭޝަން ކޮންޓްރޯލަރު މުހައްމަދު ޝަމްއާން ވަހީދެވެ.

އިމުގާ ވެބްސައިޓުގައި ގާއިމްކުރި މި ޕޯޓަލް އަށް ކާކުކަން ސިއްރު ކުރެވޭ ގޮތަށް ވެސް ޝަކުވާ ހުށަހެޅޭނެ އެވެ. ފޮޓޯއާއި އިތުރު މައުލޫމާތާ އެކު، ރިޕޯޓު ކުރެވޭ މި ޕޯޓަލް އަށް 24 ގަޑިއިރު މައްސަލަ ހުށަހެޅޭނެ އެވެ.

މިއަދުގެ މީޑިއާ ބްރީފިންގައި އިމިގްރޭޝަން ކޮންޓްރޯލަރު ޝަމްއާން ބައެއް މައުލޫމާތު ނޫސްވެރިންނާ ހިއްސާ ކުރައްވަނީ.---ފޮޓޯ: ނިޝާން އަލީ| މިހާރު

"އިމިގްރޭޝަން ވޮޗް" އިފްތިތާހު ކޮށްދެއްވުމަށް ފަހު ޝަމްއާން ވިދާޅުވީ، އެއީ ގިނަ އަދަދެއްގެ އާންމުންނާއި އިމިގްރޭޝަނާ ގުޅިގެން މަސައްކަތް ކުރެވިދާނެ ޕްލެޓްފޯމެއް ކަމަށެވެ.

"މި ޕްލެޓްފޯމުން ކޮންމެ ފަރާތަކަށް ވެސް ގަވައިދާ ހިލާފަށް އުޅޭ ބިދޭސީއެއްގެ މައްސަލަ ރިޕޯޓު ކުރެވިދާނެ. ނޫނީ ރާއްޖެ އަށް ވަގަށް އެތެރެވާން މަސައްކަތް ކުރާ ބިދޭސީއެއްގެ މައްސަލަ ހިއްސާ ކުރެވިދާނެ،" ކޮންޓްރޯލަރު ވިދާޅުވި އެވެ.

Introducing 'Immigration Watch'. An online platform to report immigration or border-related offences.

'އިމިގްރޭޝަން ވޮޗް' މެދުވެރިކޮށް އިމިގްރޭޝަނާއި ގުޅުންހުރި މައްސަލަތައް ފަސޭހަކަމާއެކު ރިޕޯޓުކުރައްވާ!

Visit: https://t.co/RwKYe4fLv0 @HomeMinistrymv @ShamaanW @Ashfan20 pic.twitter.com/zaKfxI3OY0
— Maldives Immigration (@ImmigrationMV) July 17, 2024

އޭގެ ނަތީޖާއަކީ ޝަމްއާން ވިދާޅުވި ގޮތުގައި، މުޖުތަމައާ ގުޅިގެން މަސައްކަތް ކުރުމުގެ ފުރުސަތު އިމިގްރޭޝަނަށް ފަހިވެ، އެ އިދާރާގެ މަސައްކަތަކަށް އިތުރު ބާރެއް ލިބުމެވެ.

މި ސަރުކާރު ވެރިކަމަށް އައިސް އެންމެ އިސްކަން ދީފައިވާ އެއް ކަމަކީ ރާއްޖޭގައި ގަވާއިދާ ހިލާފަށް އުޅޭ ބިދޭސީން އަތުލައިގަނެ ޑީޕޯޓް ކުރުމެވެ. މިދިޔަ ހަތް މަސް ތެރޭގައި 2،000 އަށް ވުރެ ގިނަ ބިދޭސީން ޑީޕޯޓް ކޮށްފައިވާއިރު، ރާއްޖޭގައި ގަވާއިދާ ހިލާފަށް ވިޔަފާރި ހިންގާ ބިދޭސީން ހޯދުމުގެ ރެއިޑް އޮޕަރޭޝަންތަކެއް ވެސް ވަނީ ފަށައިފަ އެވެ. ރާއްޖޭގައި ގަވާއިދާ ހިލާފަށް ވިޔަފާރި ހިންގާ 100 އަށް ވުރެ ގިނަ މީހުން އެ އޮޕަރޭޝަންގެ ދަށުން ވަނީ އަތުލައިގަނެފަ އެވެ.

ގަވާއިދާ ހިލާފަށް އުޅޭ ބިދޭސީން އިމިގްރޭޝަން މުހައްމަދު ޝަމްއާން (އިމިގްރޭޝަން ކޮންޓްރޯލަރު) މޯލްޑިވްސް އިމިގްރޭޝަން ބިދޭސީން

21 ކޮމެންޓް, 10 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ސަމީމު

18 July 2024

ތިޔަކަން ކޮންމެހެން ޕްލެޓްފޯމަކުން ހުށަ ނާޅާ، ތިޔަ ކުދިން މަގުތަކުގާ ހގާލަން ނުކުންނަވަން ވީނުންތޯ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފަހީމު

18 July 2024

ކުރާނެ ކަމެއް ނެތިގެންތަ ތިޔަ އުޅެނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހެހެހެެ

18 July 2024

މަށަށް ފެންނަނީ ތިކަމަށް ވަކި މިނިސްޓްރީއެއް އުފައްދަން. މިނިސްޓަރަށް 2 ލައްކައެއްހާރުފިޔާގެ މުސާރައަކާ ސާޅީހައްކަ ސްޓޭޓުމިނިސްޓަރުންނާއެކު ހިނގާލެވިދާނެހެން ހީވަނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަނގަޅު

18 July 2024

ވަރަށްރަނގަޅު ކަމެއް. ޝުކުރިއްޔާ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހޔޅބ

18 July 2024

ތިއޭ މައްސަލައަކީ... މިނިސްޓްރީތައް ހަދާފަ ނަގާފަތިބޭހާ މުވައްޒަފުން ތިބެންވަނީ ފިނިކޮޓަރީގައި. އާންމު ރައްޔިތުން މިޖެހެނީ ހުރިހާ ގޭނުމެއް ގޭނެން. ދެން އިވޭނީ ފަރުދީ ޒިންމާއެކޭ ކިޔާފަ މިކަންވެސް ނިމޭއަޑު ތޯއްޗެ. މެޑަމް ވިދާޅުވިގޮތަށް. ލޮލް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ަސޭޑް

18 July 2024

ކިހާދެރަކަމެއްތަ. ކޮންމެކަމަކަށް ޕޯޓަލް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޔަގީން ރަނގަޅު އެކަކުވެސް އެތާ ނެތްކަން

18 July 2024

މިގޭ ކައިރީ އާދަޔާ ހިލާފަށް ބިދޭސީން ގިނަ. ޢެމީހުނާއި ހެދި ކުދިކުދި ޕޭވްމަންޓުގައި ހިނގަންވެސް ވަރަށް ޢުނދަގޫ. މުޑުދާރީ މުޑުދާރު ކަމަކަށް ވެސް ނޫން. ޢެމީހުން ގެ ފިހާރައާއި ބޯކޮށާތަނާއި ހޮޓާތަށް މިހިސާބުގަ އޮންނަނީ. ޢައި ޑޯންޓް ނޯ އަބައުޓް ދެއަރ ނޭމްސް އޯ އެނީ ތިންގ ދެން ކިނިހެއް ރިޕޯޓް ކުރާނީ؟ ކޮވިޑް އިރު އެއްގޭ ތެރެއިން 200 މީހުން ނެރުން. ލައިން ހައްދައިގެން ޓެސްޓްހަދަން ގެންދިޔަ. ސޯ ޕޮލިހުންނަށް ވެސް ނޭންގޭނެ ކަމެއްނޫން މީކީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

18 July 2024

މާރުކޭޓް ތަކާއި ފިހާރަ ތަކުގެ މާހައުލުން މިފަދަ ބިދޭސިން އަތުލައިގަންނަ ފަދައިން އިމިޤްރޭޝަން ޤާނޫނާއި ޙިލާފު ބިދޭސިން ލައްވާ އިމާރާތް ކުރުމާއި، ގޭގެ ފުރާޅު އެޅުމާއި، ފެންވައިރު ކުރުމާއި، އެފަދަ މަރާމާތު ކުރުވަން ތިއްބާ "ސީދާ މަސައްކަތުގެ މާހައުލުން" މިފަދަ ބިދޭސިން އަތުލައިގަތުމަށް އިސްކަން ދިނުން ވަރަށް މުހިންމު. # މީގެ ބޭނުމަކީ "އެފަދަ މީހުނަށް މަސައްކަތް ދިނުމަކީ ރައްކާތެރި ކަމެއްނޫންކަން" މަސައްކަތް ދޭފަރާތަށް އިޙްސާސް ވާވަރު ކުރުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

18 July 2024

މަތީގައި މިދެންނެވިގޮތަށް "އިމާރާތް ކުރުން ފަދަ" އެމަސައްކަތް ހުއްޓާލުމުން މަސައްކަތް ޙަވާލު ކުރި ފަރާތްތަކަށް މާލީ ގެއްލުން ލިބޭފަދަ ކަންކަމުގައި އިމިޤްރޭޝަން ޤާނޫނާއި ޙިލާފު މީހުން ބައިވެރިކޮށްގެން ތިއްބާ އެފަދަ މީހުން ހައްޔަރު ކުރުން އާންމު ވެއްޖެނަމަ މިފަދަ ބިދޭސިންނަށް މަސައްކަތް ދިނުމަށް ޖެހިލުންވާނެ. އަދި މަސައްކަތްނުލިބޭނަމަ އިމިޤްރޭޝަން ޤާނޫނާއި ޙިލާފަށް ތިބުމުން އެމީހުނަށްލިބޭ މޮޅެއްނެތްނަމަ އެމީހުން އެގޮތަށް ތިބުމުގެ ބޭނުމެއް ނޯންނާނެ.