30 ޖުލައި 2024 - 08:44
28 comments
ރާއްޖޭގައި މިހާތަނަށް ހިންގި އެންމެ ބޮޑު ކޮރަޕްޝަންގެ މައްސަލަ ކަމަށްވާ އެމްއެމްޕީއާރުސީގެ ހިޔާނާތުގައި މި ސަރުކާރުގެ އިސްވެރިން ވެސް ބައިވެރިވެވަފައިވާ ކަމަށް ތުހުމަތު ކުރައްވައި، އެ މައްސަލަތައް ތަހުގީގު ކުރަން މިނިވަން ރިޔާސީ ކޮމިޝަނެއް އެކުލަވައިލަން ކުރީގެ ރައީސް އަބްދުﷲ ޔާމީން މިހާރުގެ ސަރުކާރާ "ޗެލެންޖު" ކުރައްވައިފި އެވެ.
ޔާމީންގެ ފަސް އަހަރުގެ ވެރިކަމުގެ ދުވަސްވަރު އެމްއެމްޕީއާރުސީގެ ހިޔާނާތުން ގެއްލުނު ފައިސާ ހޯދައި، ކުށްވެރިވާ މީހުންނަށް ހައްގު އަދަބު ދޭނެ ކަމަށް ރައީސް ޑރ. މުހައްމަދު މުއިއްޒު މި މަހުގެ ހަތް ވަނަ ދުވަހު ބޭއްވި ޕީއެންސީގެ ހަރުގެ ޖަލްސާއެއްގައި ވިދާޅުވި ވާހަކައަށް، ރޭ ބޭއްވި ޕީއެންއެފްގެ ފްރަންޓު އޮފީސް ޖަލްސާގައި ޔާމީން ސުވާލު އުފެއްދެވި އެވެ.
ޔާމީން ވިދާޅުވި ގޮތުގައި، އެ ހިޔާނާތުގައި ބައިވެރިވުމުގެ ތުހުމަތު މި ސަރުކާރުގެ އިސް ވެރިންނަށް ކުރެވޭ އިރު، ތަހުގީގީ އިދާރާތަކަށް އެ މައްސަލަތަކެއް ނުބެލޭނެ އެވެ.
"ބަލަން ހިތްވަރު ހުރެއްޖެކަމަށް ވަންޏާ، އަޅުގަނޑު ރައީސުލްޖުމްހޫރިއްޔާއަށް ޗެލެންޖު ކޮށްފައި ދަންނަވާ ވާހަކައެއް މިއީ، ނުފޫޒުން އެއްކިބާވެގެން މުއައްސަސާތަކަށް މި ކަންކަން ނުބެލޭ ކަމަށް ވަންޏާ ރައީސުލްޖުމްހޫރިއްޔާ އެކުލަވާލައްވަންވީ ނޫންތޯ ރިޔާސީ ކޮމިޝަނެއް،" އެ މަނިކުފާނު ވިދާޅުވި އެވެ.
ޔާމީން ވިދާޅުވި ގޮތުގައި ސަރުކާރުގެ ސުޕާ މެޖޯރިޓީ ރައްޔިތުންގެ މަޖިލީހުގައި އޮވެގެން، ފުލުހުންނަކަށް ވެސް އަދި އެންޓި ކޮރަޕްޝަން ކޮމިޝަން (އޭސީސީ) އަކަށް ވެސް އެމްއެމްޕީއާރުސީ ހިޔާނާތުގެ މައްސަލަތަކެއް ނުބެލޭނެ އެވެ.
އެ ކޮމިޝަންގައި ތިބެންޖެހޭނީ އެ މަނިކުފާނު ވިދާޅުވި ގޮތުގައި، ބަންޑާރަ ނައިބާއި ޕްރޮސެކިއުޓާ ޖެނެރަލްގެ އިތުރުން ސަރުކާރަށާއި ސަރުކާރު ހިންގާ ޕާޓީތަކަށް ނިސްބަތް ނުވާ، މިނިވަން މީހުންނެވެ. މި މައްސަލައިގެ ތަހުގީގު ރައްޔިތުން ބަލައިގަންނާނީ އޭރުން ކަމަށް ތަކުރާރުކޮށް ޔާމީން ވިދާޅުވި އެވެ.
"...ދުވަހަކު ވެސް ކޮރަޕްޝަން ބަލަން ނުކެރުނު ވަރަށް ބަލާނަމޭ ބުނާ ކަމަށް ވަންޏާ، އަޅުގަނޑު މި ދެނީ ޗެލެންޖެއް،" ޔާމީން ވިދާޅުވި އެވެ.
ޔާމީން ވިދާޅުވީ، އެމްއެމްޕީއާރުސީ ހިޔާނާތުގެ މައްސަލަ ބަލަން އެންމެ ބޮޑު ގޮންޖެހުމަކަށް ވާނީ، މި މައްސަލައިގެ އެންމެ ބޮޑު މޭސްތިރި އަދި ކުރީގެ ނައިބު ރައީސް އަހުމަދު އަދީބު، ކުރީގެ ރައީސް އިބްރާހިމް މުހައްމަދު ސޯލިހުގެ ސަރުކާރުން މިނިވަން ކުރުމުން ރާއްޖޭން ބޭރުގައި ހުންނެވުން ކަމަށެވެ.
އަދި އެމްއެމްޕީއާރުސީ މައްސަލަ ބަލަން ފަށައިފި ނަމަ އަދީބު އެނބުރި ރާއްޖެ އަށް ވަޑައިނުގަންނަވާނެ ކަމަށް ވެސް ޔާމީން ރޭ ތުހުމަތު ކުރެއްވި އެވެ.
އެމްއެމްޕީއާރުސީގެ ހިޔާނާތުގެ މައްސަލަ ފެންމަތިވީ ޔާމީންގެ ވެރިކަމުގެ ދުވަސްވަރު ކަމަށް ވާއިރު، އެ މަނިކުފާނަށް އަދި އޭގެ ފަހުން ވެރިކަން ކުރެއްވި ރައީސް އިބްރާހިމް މުހައްމަދު ސޯލިހުގެ ސަރުކާރަށް ވެސް އެ މައްސަތައް ނުބެލުނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަފްރާސިޔާބު
30 July 2024
އެކަން ބަލަން އެއްވެސް ސަރުކާރަކަށް ނުކެރޭނެތާ ގައުމުގައި ތިބީ މުޅިންވެސް ޚިޔާނާތުގެ ފައިސާއިން މަނިކުފާނު ބައި އެޅުއްވި މީހުން ވިއްޔާ. މަނިކުފާނުގެ ހުޝިޔާރު ކަމުން 75 މިލިއަން އަމިއްލަ އެކައުންޓަށް ކަހާލި އިރު، އުއްތަމަ ފަނޑިޔާރުންފެށިގެން ފޫނާއްޓާ ހަމައަށް މަނިކުފާނު ހުރީ ބައި އަޅުއްވާފައި ވިއްޔާ. މަނިކުފާނު ބައި އެޅުއްވި އިރު ހިއެއްނުކުރޭ ބައި ހިފައިގެންދާ މީހާ ހަދާފާނެ އެއްޗަކަށްވެސް. މަޖިލީހަށް އަރާއެތިބަގިނަ މީހުންނަކީ ބައިވެރިން. ނުބެލޭނެ.
މިވާހަކަދޯ
30 July 2024
އަނގަ ފުރާ ތިވާހަކަ ދެއްކުމުގެ ބޭނުމެއް ހަމަ އެއްގޮތަކަށްވެސް ނުވިސްނުން. މަނިކުފާނަށް އޭރު އޮޑިޓަރ ޖެނެރަލް ގޮތްގޮތަށް ދައްކަމުން ގެންދިޔަ ޙަޤީޤީ މަންޒަރާ ބައެއް ލިއުންތައް ނުފެނި އަޑު ނާއްސަވައި ހުންނެވީ ކީއްވެތޯ. މިއަދު ޗަލެންޖެކޭ މުމްޖެކޭ ކިޔާނެ ކަމެއްނެތް. ހަޤީޤަތަކީ މަނިކުފާނު އެވައްކަން ބަރާބަރަށް ނެންގެވިކަން. ކަމެއްސާބިތު ނުވުމަކީ ވައްކަން ނުކުރާމަކަށް ވުމެއްނޫން. ޙުކުމް ކުރެވޭނީ ހެކި ލިބުނީމާ. ކަރުދާސް 15 ބ. ގުނާލި 2 އިނގިލި ދޭތެރެއިން
ޔާމީނު
30 July 2024
އަޅާގެ އަދުގެ ހާލަތު ބަޔާން ކޮށްދެން: މަނީ މަނީ ބޯ ގޮވަނީ.. އެފައިސާ މިފައިސާ…މިނޫން ވާހަކައެއް ނުދެކެވެޔޭ.. ރައްޔިތުން ޕްލީޒް ހަޖަމް އެންޑް މާފު އަޅުގަނޑަށް
22222
30 July 2024
އަނެއްކާ އަނެއް ރިޔާސީ ކޮމިޝަން ހަދާ ބަޔަކަށް ބޭކާރު ފައިސާ ބަހަން އެގޮވަނީ. މީނަގެ މެންޓަލް ޓެސްޓެއް ހަދަން އެބަޖެހޭ.
ޑރ. ތަރާދީ އަބްސީ
30 July 2024
ވަގުންގެ ސޭކުސްތާނަށް މަރުހަބާ! އެއްވެސް ކުއްޖަކު ހައިރާން ނުވާތި. މި ފަހަރު ކޮމިޝަން ހަދާނެ. އަދި އެއްވެސް ވަގެއް ކުއްވެރިނުވާ ކަމަށް ނިންމާނެ. ރެކޯޑު އެއްކޮށް ސާފުކޮށްލާނެ. ދެން ސަރުކާރާ ދެކޮޅު އެމްޑީޕީ ކުދިންނަށް ވާނެ ގޮތެއް އަދި ނޭންގޭ
ބަޑިތަކުރު
30 July 2024
ބޭކާރު ބޮޑު ހޭދައެއްކުރަން ކޮމިޝަންތައް ހަދާނެ ކަމެއްނެތެވެ. ރާއްޖޭގައި މައްސަލަތައް ނިމޭގޮތުން ބޮޑުންނަށްމޮޅުގޮތް ނިކަމެތިންނަށް ދެރަގޮތް ނުވާނެ ދުވަހެއް އަހަރެމެންގެ ހަޔާތުގައިވެސް ފެނިދާނެކަމުގެ އުންމީދެއް މިހާރަކު ނެތެވެ.
ތަބްރޭޒީ
30 July 2024
ވެރިކަން ކުރަން ރައްޔިތުން ދިން ފުރުސަތުގައި ރައްޔިތުންނަށް އަނިޔާވެރިވެފައިވަނީ، ލިބުނު ފުރުސަތު ތިވަނީ އަމިއްލައަށް ގެއްލުވާލާފައި، ދެން އިރާދުކުރެއްވިއްޔާ މަނިކުފޭނަށް މިރާއްޖޭގެ ވެރިކަމެއް ނުލިބޭނެ
ފަނާރު
30 July 2024
ކޮބާ ލަދް!
އަލްހާމާނު ފަހުމީ
30 July 2024
މާ ގިނަ ވާހަކަ ނުދައްކާ ދައުލަތަށް ދައްކަން ޖެހޭ ފައިސާކޮޅު ދައްކައިދެއްވާ، އެއީ އަޅުގަނޑުމެންގެ ޓެކްސް ފައިސާ، އިޖުރާއީ ކަމެއްގެ ސަބަބުން ޖިނާއީ ދައުވާއިން ސަލާމަތްވިޔަސް އެއީ މަނިކުފާނުގެ ދައްކަވަންޖެހޭ ފައިސާ ކަމުގެ ހެކި އެބަހުރި
ސްސި.
30 July 2024
ލަދު ނުގަންނަކަން ތިމާ ވެރިޔަކަަށްހުރެ މިވަރުގެ ކަމެއްކޮއްފަވެސް މޮޅުވާހަކަ ދައްކާކަން