ޚަބަރު / ޑރ. މުހައްމަދު ޝަހީމް އަލީ ސައީދު (މިނިސްޓަރު)

އަދާލަތު ޕާޓީން ޝަހީމް ވަކިވެވަޑައިގެންފި

ޑރ. ޝަހީމް: އޭނާ ޕާޓީން ވަކިވެވަޑައިގަތީ ދެތިން އަހަރެއްހާ ދުވަހު ޚިޔާލު ތަފާތުވުންތަކުގައި އުޅުއްވުމަށް ފަހު ކަމަށް ވިދާޅުވި.--- ފޮޓޯ: ހުސައިން ވަހީދު/ މިހާރު

މުއިއްޒު އިބްރާހިމް، މިހާރު

27 ފެބުރުއަރީ 2017 - 10:08

29 comments

ކުރީގެ އިސްލާމިކް މިނިސްޓަރު އަދި މިހާރު އިސްލާމިކް ޔުނިވަސިޓީގެ ޗާންސެލަރު ޑރ. މުހައްމަދު ޝަހީމް އަލީ ސައީދު އަދާލަތު ޕާޓީން ވަކިވެވަޑައިގެންފި އެވެ.

އަދާލަތު ޕާޓީގެ މެމްބަރުކަމުން ވަކިވެވަޑައިގަތުމަށް އެ ޕާޓީއަށް ޝަހީމް ހުށަހެޅުއްވީ މި މަހުގެ 14 ވަނަ ދުވަހުގަ އެވެ. ޝަހީމްގެ އެގޮތަށް އެދިވަޑައިގަތުމުން، އޭނާގެ ނަން ދަފްތަރުން އުނިކުރުމަށް އަދާލަތު ޕާޓީން މިހާރު އިލެކްޝަންސް ކޮމިޝަންގައި އެދިފައިވާ ކަމަށް ވަނީ އެނގިފަ އެވެ.

ޝަހީމް އޭނާގެ ފޭސްބުކްގައި ލިޔުއްވާފައިވާ ގޮތުގައި، އަދާލަތު ޕާޓީން ވަކިވެވަޑައިގަންނަވަން ހުށަހެޅުއްވީ، މިދިޔަ ދެތިން އަހަރެއްހާ ދުވަހު ޚިޔާލު ތަފާތުވުމެއްގެ ތެރޭގައި އުޅުއްވުމަށް ފަހުގަ އެވެ.

ޝަހީމް ވިދާޅުވީ އަދާލަތު ޕާޓީން ވަކިވެވަޑައިގަތަސް، އޭނާ ކުރައްވަމުން އަންނަ އިސްލާމީ އެއްވެސް މަސައްކަތަކަށް އުނިކަމެއް ނާންނާނެ ކަމަށެވެ. އަދި އަދާލަތު ޕާޓީގެ އެއްވެސް ބޭފުޅަކާ މެދު އޭނާއާ މެދު ހިތުގައި ނުތަނަވަސްކަމެއް ނުގެންގުޅުއްވާ ކަމަށް ޝަހީމް ވިދާޅުވި އެވެ.

ސަރުކާރާ ދެކޮޅަށް އަދާލަތު ޕާޓީން މަސައްކަތް ފެށި ފަހުން އެ ޕާޓީގެ ޖަލްސާތަކާއި އަދި އެއްވެސް ހަރަކާތެއްގައި ޝަހީމް ބައިވެރިވެވަޑައެއް ނުގަންނަވަ އެވެ.

ކުރީގެ ރައީސް މުހައްމަދު ވަހީދުގެ ސަރުކާރާއި މި ސަރުކާރުގައި ވެސް އިސްލާމިކް މިނިސްޓަރުގެ މަގާމު ފުރުއްވުމަށް ފަހު ޝަހީމް އެ މަގާމުން އިސްތިއުފާ ދެއްވީ 2015 ވަނަ އަހަރުގަ އެވެ. އޭގެ ފަހުން އިސްލާމިކް ޔުނިވަސިޓީގެ ވައިސް ޗާންސެލަރުގެ މަގާމަށް ރައީސް އަބްދުﷲ ޔާމީން، ޝަހީމް އައްޔަން ކުރެއްވި އެވެ. އިސްލާމިކް ޔުނިވަސިޓީގެ ޗާންސެލަރުގެ މަގާމަށް އޭނާ ބަދަލު ކުރެއްވީ މިދިޔަ އަހަރުގަ އެވެ.

ސިޔާސީ ޕާޓީ އަދާލަތު ޕާޓީ ޑރ. މުހައްމަދު ޝަހީމް އަލީ ސައީދު (މިނިސްޓަރު)

29 ކޮމެންޓް, 98 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ދޭމްޔޫ

27 February 2017

މިއީވެސް ޖީއެމްއާރަށް އެއާޕޯޓް 25 އަހަރަށް ދިނިމުން އެއާޕޯޓް ވިއްކާލިއްޔޭ ކިޔައިގެން ނިދިނައިސްގެން އުޅުނު މީހެއް. އެކަމަކު މިހާރު ދިވެހި ބިން ބޭރުމީހުންނަށް ވިއްކާއިރު އެއިނީ ހޮރަށް ވަދެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަމަބުއްދި

27 February 2017

އަދާލާތު ޕާޓީ އަކީ "ދެކޮޅަށް ދެމޭ ރަބަރެއް" ފަދަ ބައެކެވެ. އަންނިއާ "ނަގޫ ގޮށް ޖަހާގެން" މައުމޫނުގެ ވެރިކަން ވައްޓާލަން ނުކުރީ ވެސް ތިމީހުން ނެވެ.މައުމޫނަކީ " ސުންނަތް ޖަމާޢަތުގެ މުސްލިމެއް ނޫނޭ" ކިޔާފައި ސުޕްރީމް ކޯޓަށް މައްސަލައެއް ހުށަހެލީ ވެސް ތިމީހުން ނެވެ." 23 އިއްތިހާދެއް ހަދާގެން" ނިކުމެ ރާޅުގަޑު ސަރަހައްދުގައި" އަންނި ވައްޓާލަން ނަމާދު ކުރީ ވެސް ތިމީހުންނެވެ. ޑރ ވަހީދާ ގުޅިގެން ނިކުމެ އަންނި ވައްޓާލީ ވެސް ތި މީހުންނެވެ.ޖުމްހޫރީ ޕާޓީ އާއި އިއްތިހާދުވެ ގެން ނިކުފައި ޖުމްހޫރީ ޕާޓީއަށް "25މިލިއަންގެ ގެއްލުމެއް" ދީފައި މަޖްލީސް ގޮޑިތަށް ޖުމްހޫރީ ޕާޓީ އަށް ލިބުނަ ނުދިނުމަށް ކެންޑިޑޭޓުން ނެރުނީ ވެސް އިމްރާނުގެ އަދާލާތު ޕާޓީ އިންނެވެ. މިހާރު އެ އުޅެނީ އަނެއްކާ "އުބައްޖަހައެވެ" އަދަލާތު ޕާޓީ އަކީ އިތުބާރު ގެއްލިފައިވާ ސިޔާސީ ޖޯކް ޕާޓީ އެކެވެ