ރަހީނުކުރި ހާދިސާ: ދެ ލޯބިވެރިންގެ ޒުވާބު ހޫނުވީ ގޭގެ ކުލީގެ މައްސަލައެއްގައި

މާލޭގައި ރޭ އަންހެނަކު ރަހީނުކޮށް، ކަރުގައި ވަޅި ޖައްސައިގެން ފުލުހުންނަށް އިންޒާރު ދޭ ހިސާބަށް ދިޔައީ ލޯބީގެ ގޮތުން ގުޅިގެން އުޅޭ ދެ މީހުން ދިރިއުޅެމުން އަންނަ ގޭގެ ކުއްޔާ ގުޅޭ ގޮތުން އުފެދުނު ޒުވާބެއްގެ ތެރެއިން ކަން "މިހާރު" އަށް އެނގިއްޖެ އެވެ.

އަންހެން މީހާގެ ކަރުގައި ވަޅި ޖައްސައިގެން އޭނާ މަގުމައްޗަށް ނެރެ ސައިކަލަށް އަރުވައިގެން ފިލަން މަސައްކަތް ކުރީ އާދަމް އަތުހަރު، ހެޕީލޭންޑް، ށ. މިލަންދޫ އެވެ. އޭނާއަކީ ޖަލު ހުކުމެއް ތަންފީޒުކުރަމުން ދަނިކޮށް، ރައީސުލްޖުމްހޫރިއްޔާ އަށް ލިބިދޭ ބާރުގެ ދަށުން ހުކުމުގެ މުއްދަތު ލުއިކޮށް، 2022 ގައި ދޫކޮށްލާފައި ހުރި މީހެކެވެ.

Anhenaku raheenukuree adhabu luikoh dhookollaafai huri meeheh

The most trusted news source in the Maldives

Mihaaru

ސޯޝަލް މީޑިއާގައި ދައުރުވާ ވީޑިއޯ އިން ފެންނަ ގޮތުގައި، ކަރުގައި ވަޅި ޖައްސައި އަންހެން މީހާ ސައިކަލުގެ ކުރީގައި ބައިންދައިގެން، އަތުހަރު ފުލުހުންނާ ވާހަކަތަކެއް ދެއްކި އެވެ. ފުލުހުން އޭނާއަށް މަގު ދެއްކުމުން އަންހެން މީހާ ގޮވައިގެން ސައިކަލުގައި ނައްޓާލީ އެވެ. އޭނާ މަސައްކަތް ކުރީ ރަތްދެބައިމަގުގައި ހުރި ގެއަކަށް ދާން ކަމަށް ވެ އެވެ.

ނަމަވެސް، އޭނާ ސައިކަލް މަޑުކޮށްލި ދަނޑިވަޅު ބަލައި ފުލުހަކު ވަނީ އަތުހަރަށް މުގުރުން ހަމަލާދީ، އަންހެން މީހާ ސަލާމަތްކޮށްފަ އެވެ. އެ އަންހެން މީހާގެ ކަރުގައި ވަޅި އަޅަން އެ ވަގުތު އަތުހަރު މަސައްކަތް ކުރި ނަމަވެސް، އަންހެން މީހާއަށް ވަޅިން މާބޮޑު އަނިޔާއެއް ނުވެ އެވެ.

އަންހެން މީހާގެ ކަރުގައި ވަޅި އަޅަން އަތުހަރު މަސައްކަތް ކުރަނީ: އަންހެން މީހާއަށް ބޮޑު އަނިޔާއެއް ނުލިބޭ

އެންމެންނަށް ސިހުން ގެނުވި މި ހަމަނުޖެހުން ހިންގަން މެދުވެރިވީ "މިހާރު"އަށް އެނގިފައިވާ ގޮތުގައި އެ ދެ މީހުން ދިރިއުޅޭ ގޭގެ ކުލި ނުދެއްކިގެން ފެށުނު ޒުވާބެއްގެ ތެރެއިންނެވެ. ލޯބީގެ ގޮތުން ގުޅިގެން އުޅޭ މި ދެ މީހުންނާ އެކު އިތުރު މީހަކު ވެސް އެ ގޭގައި ދިރިއުޅެ އެވެ.

އަތުހަރު ވަޒީފާއެއް އަދާނުކުރާތީ، އެ ތަނުގެ ކުލި ދައްކަމުން ދިޔައީ އަންހެން މީހާއަށް ލިބޭ މުސާރައިންނެވެ. ހަމަނުޖެހުން ހިނގީ އަބަދު އެގޮތަށް ކުރިއަށް ދާން ބޭނުން ނުވާ ކަމަށް ބުނެ އަތުހަރަށް ފައިސާ ދޭން އަންހެން މީހާ ދެކޮޅު ހެދުމުންނެވެ.

އެކަމާ އަތުހަރު ރުޅިގަދަވެ، އަންހެން މީހާ އަށް އަނިޔާކޮށް ބޮޑު ހަމަނުޖެހުމަކާ ހިސާބަށް ދިޔައީ ކަމަށް މައުލޫމާތު އެނގޭ މީހަކު ކިޔައިދިނެވެ.

މާލޭ މަގުމަތީ އަންހެނަކު ރަހީނުކޮށް ވަޅިން ބިރު ދެއްކި އަހްތަރު: އޭނާއަކީ އަދަބު ލުއިކޮށް ދޫކޮށްލާފައި ހުރި މީހެއް

އެނގިފައިވާ ގޮތުގައި މަގުމައްޗަށް ދެ މީހުން ނުކުތީ ގޭތެރޭގައި ކުރި ޒުވާބު ހޫނުވެގެންނެވެ.

ހަމަނުޖެހުން ބޮޑުވާތީ ފުލުހަށް މައްސަލަ ރިޕޯޓް ކުރީ އެ ގޭގައި ދިރިއުޅޭ ބައެކެވެ. ފުލުހުން އެ ތަނަށް ދިޔައިރު ވެސް އަތުހަރު ހުރީ އަންހެން މީހާގެ ކަރުގައި ވަޅި ޖައްސައިގެންނެވެ. އޭގެފަހުން، އަންހެން މީހާ މަރާލާނެ ކަމަށް ބުނެ ބިރުދައްކައިގެން އަތުހަރު ގޮސް ސައިކަލް އަރައި، އޭނާ ދާން ބޭނުންވާ ހިސާބަށް ދިޔުމަށް މަސައްކަތް ކުރި އެވެ.

އަންހެން މީހާގެ ކަރުގައި ވަޅި ޖައްސައިގެން:މި ޒުވާބު ހޫނުވެ ހަމަނުޖެހުމަކަށްވީ ފައިސާގެ މައްސަލައެއްގައި

ނަމަވެސް، މަގުގައި ގިނަ އަދަދެއްގެ އާންމުން އެއްވެފައި ތިބުމުގެ ސަބަބުން، ސައިކަލުގައި އަތުހަރު ދާން ބޭނުންވި ހިސާބަށް ނުދެވުނީ އެވެ. ސައިކަލު މަޑުކޮށްގެން އިން ވަގުތު، ސައިކަލުތަކެއްގައި އޭނާގެ ފަހަތުން އައި ފުލުހަކު ވަނީ އޭނާގެ ބޮލުގައި މުގުރަކުން ޖަހައި ސައިކަލާ އެކު އޭނާ ބިންމައްޗަށް ވައްޓާލައިފަ އެވެ. އަދި އެ ވަގުތު ވަށައިގެން ތިބި ފުލުހުންނާއި އާންމުން ވެސް އަރައިގަނެ އަންހެން މީހާ އެތަނުން ސަލާމަތް ކުރި އެވެ.

Anhenaku raheenukuree adhabu luikoh dhookollaafai huri meeheh

The most trusted news source in the Maldives

Mihaaru

މުގުރުން ޖެހުމުގެ ސަބަބުން އަތުހަރު ބިންމައްޗަށް ވެއްޓުނުއިރު، އޭނާއަށް ލިބުނު އަނިޔާއަށް އޭޑީކޭގައި ފަރުވާދިނެވެ. ނަމަވެސް، ސީރިއަސް އަނިޔާއެއް ލިބިފައެއް ނުވާ ކަމަށާއި އޭނާގެ ހާލު މިހާރު ރަނގަޅު ކަމަށް ފުލުހުން ބުންޏެވެ.

އަންހެން މީހާއަށް އައިޖީއެމްއެޗްގައި ފަރުވާދީފައިވާއިރު، އޭނާގެ ހާލު ވެސް ރަނގަޅެވެ.