ހުތުބާ ކިޔުމާއި އިމާމްވެ ހުކުރު ކުރުމުގެ ހުއްދަ 18 އަހަރު ނުވާ 270 ކުދިންނަށް އިސްލާމިކް މިނިސްޓްރީން ދީފި އެވެ.

ޒުވާން ހަތީބުން ތަމްރީނުކުރުމުގެ ޕްރޮގްރާމަކީ ހުތުބާ ކިޔުމާއި އިމާމުވެ ނަމާދުކުރުމާއި ދީނީ އެހެން ތަމްރީނުތައް ވެސް ދޭ ޕްރޮގްރާމެކެވެ. މިއީ ގްރޭޑް 10 އާއި ގްރޭޑް 11 އަދި ގްރޭޑް 12 ގައި އުޅޭ ކުދިންގެ އިތުރުން ސްކޫލު ނިމިފައިވާ ޒުވާން ކުދިންނަށް ހާއްސަ ޕްރޮގްރާމެކެވެ.

އިސްލާމިކް މިނިސްޓަރު ޑރ. މުހައްމަދު ޝަހީމާއި އެ މިނިސްޓްރީގެ އިސްވެރިން، ޒުވާން ހަތީބުން ޕްރޮގްރާމުގެ ނިންމި ދެވަނަ ބެޗުގެ ދަރިވަރުންނާ އެކު.-- ފޮޓޯ: މިނިސްޓްރީ
އިސްލާމިކް މިނިސްޓަރު ޑރ. މުހައްމަދު ޝަހީމާއި އެ މިނިސްޓްރީގެ އިސްވެރިން، ޒުވާން ހަތީބުން ޕްރޮގްރާމުގެ ނިންމި ދެވަނަ ބެޗުގެ ދަރިވަރުންނާ އެކު.-- ފޮޓޯ: މިނިސްޓްރީ

މި ސަރުކާރަށް އަހަރެއް ވި އިރު މިނިސްޓްރީން ކޮށްފައިވާ މަސައްކަތްތަކާ ގުޅޭގޮތުން މިއަދު އާންމުކުރި ބުކްލެޓްގައިވާ ގޮތުން ތިން ބުރެއްގެ މަތިން މިހާތަނަށް 270 ކުދިން ހުތުބާ ކިޔުމާއި އިމާމްވެ ހުކުރު ކުރުމަށް ތަމްރީނު ކޮށްފައިވެ އެވެ. އެއީ:

- ފުރަތަމަ ބުރު (މާލެ) 75 ކުދިން

- ދެވަނަ ބުރު (މާލެ) 177 ކުދިން

- ތިން ވަނަ ބުރު (އައްޑޫ) 18 ކުދިން

ޒުވާން ހަތީބުން ޕްރޮގްރާމް ފުރިހަމަ ކުރި ކުއްޖަކު އިމާމުވެ ހުކުރު ނަމާދުކުރަނީ.-- ފޮޓޯ: ފަޔާޒު މޫސާ | މިހާރު
ޒުވާން ހަތީބުން ޕްރޮގްރާމް ފުރިހަމަ ކުރި ކުއްޖަކު އިމާމުވެ ހުކުރު ނަމާދުކުރަނީ.-- ފޮޓޯ: ފަޔާޒު މޫސާ | މިހާރު

ސަރުކާރުން އަމާޒު ހިފާފައި ވަނީ މި ދައުރުގެ ތެރޭގައި 1،000 ހަތީބުން ތަމްރީނު ކުރުމަށެވެ.

އިސްލާމިކް މިނިސްޓަރު ޑރ. ޝަހީމް އަލީ ސައީދު މީގެ ކުރިން ވިދާޅުވެފައި ވަނީ އެ އަމާޒަށް ވާސިލުވެވޭނެ ކަމުގެ ފުރިހަމަ ޔަގީންކަން އޮތް ކަަމަށެވެ.