މުސާރަ ނުދޭ ކަމަށް ބުނެ މާލޭގައި މިއަދު އިހުތިޖާޖު ކުރަމުންދިޔަ 55 ބިދޭސީން އިމިގްރޭޝަންގެ ބެލުމުގެ ދަށަށް ގެންގޮސްފި އެވެ.
ފުލުހުންގެ މީޑިއާ އޮފިސަލް ވިދާޅުވީ މުސާރަ ނުދޭ ކަމަށް ބުނެ ބިދޭސީންތަކެއް މުލީއާގެއާ ހިސާބުގައި ހިތްހަމަނުޖެހުން ފާޅުކުރަމުންދާ މައްސަލައަކާ ގުޅިގެން އެތަނަށް ފުލުހުން ދިޔަ ކަމަށެވެ.
މުލިއާގެ ކައިރިއަށް އެއްވި ބިދޭސީން އިމިގްރޭޝަނުން ގެންދަނީ- ފޮޓޯ: މިހާރު
ފުލުހުން ބުނީ އެ މީހުން މިހާރު އިމިގްރޭޝަންގެ ބެލުމުގެ ދަށަށް ގެންގޮސްފައިވާ ކަމަށާއި އޭގެ ތެރޭގައި ހިމެނެނީ އިންޑިއާގެ 38 މީހުންނާއި ބަންގްލަދޭޝްގެ 17 މީހުން ކަމަށެވެ.
މުލިއާގެ ކައިރިއަށް އެއްވި ބިދޭސީން އިމިގްރޭޝަނުންގެ ބެލުމުގެ ދަށަށް ގެންދަނީ-- ފޮޓޯ: މިހާރު
އެ އެއްވުމުގައި ބައިވެރިވެފައި ވަނީ ކޮން ކުންފުންޏެއްގައި މަސައްކަތް ކުރާ މީހުންނެއް ކަމެއް އަދި ނޭނގެ އެވެ.
ބިދޭސީން ރާއްޖެ ގެނައުމަށް ފަހު މަސައްކަތް ކުރުވައި، މުސާރަ ނުދޭ މައްސަލަތަކުގައި މީގެ ކުރިން ވެސް ބިދޭސީން މުޒާހަރާކޮށްފައިވެ އެވެ.
