ކުޑަހުވަދޫގައި އާރުސީސީން އަޅާ އެޕާޓްމަންޓުތަކުގެ 50 ޕަސެންޓް ވިކިއްޖެ

ކުޑަހުވަދޫގައި އާރުސީސީން އިމާރާތްކޮށް ވިއްކާ ފްލެޓްތައް ހަދާ ބިން އެ ކުންފުންޏާ ހަވާލުކުރުމުގެ އެއްބަސްވުމުގައި މިދިޔަ މަހު ސޮއިކުރަނީ.---ފޮޓޯ: ފަޔާޒު މޫސާ| މިހާރު

އާސިމާ ނިޒާރު، މިހާރު

15 މެއި 2025 - 13:17

3 comments

ދ. ކުޑަހުވަދޫގައި އާރުސީސީން އަޅަން ތައްޔާރުވަމުންދާ "މާވޭރު" އެޕާޓްމަންޓުތަކުގެ 50 ޕަސެންޓް ފެލްޓްތައް ވިކިއްޖެ އެވެ.

އެ ކުންފުނީގެ ޗެއާމަން މުހައްމަދު ނާޒިމް "މިހާރު"އަށް ވިދާޅުވީ އެޕާޓްމަންޓުތަކަށް މިދިޔަ މަހު ހުޅުވާލުމާއެކު ފްލެޓްތަކުގެ ދެބައިކުޅަ އެއްބައި އެކި ފަރާތްތަކުން ގަނެފައިވާ ކަމަށެވެ. އަދި ބާކީ ހުރި ތަންތަނަށް ހަދާނެ ގޮތަކާ މެދު ކައުންސިލާއެކު މަޝްވަރާކުރަމުން އަންނަ ކަމަށް އޭނާ ވިދާޅުވި އެވެ.

ތިން ކޮޓަރީގެ އެޕާޓްމަންޓުތައް ވިއްކަނީ 1.5 މިލިއަން ރުފިޔާއަށެވެ. އެއީ ދެ ޓަވަރުގައި ހަދާ 160 އެޕާޓްމަންޓެވެ.

ނާޒިމް ވިދާޅުވީ އަންނަ ހޯމަ ދުވަހު ސާވޭ ޓީމު ކުޑަހުވަދުއަށް ދާނެ ކަމަށެވެ. އެއަށްފަހު، މަޝްރޫއުގެ ބިންގާ އަޅަން ނިންމާފައިވަނީ އަންނަ މަހުގެ ތެރޭގަ އެވެ.

Kudahuvadhoo gai 160 flat himeney 2 imaaraaiy RCC inn hadhai vikkaanee

The most trusted news source in the Maldives

Mihaaru

މިއީ، ކުންފުންޏަކުން ވިއްކާ ގޮތަށް މާލެއިން ބޭރުގައި އިމާރާތް ކުރާ ފުރަތަމަ އެޕާޓްމަންޓުތަކެވެ.

ކުޑަހުވަދޫ ކައުންސިލްގެ ރައީސް ޖާދުﷲ ހަމީދު ވިދާޅުވީ، ރަށުގެ އާބާދީ އިތުރުކުރުމުގެ މަގުސަދުގައި ފަށާ މަޝްރޫއުގެ ތެރެއިން ކޮންމެ މީހަކަށް ވެސް އެޕާޓްމަންޓު ގަނެވެނޭ ކަމަށެވެ. އެކަމަކު، ކުޑަހުވަދޫގައި ރަޖިސްޓްރީވެފައިވާ މީހުންނަށް އެޕާޓްމަންޓަށް ކުލި ދެއްކުމުގައި ލުއިތަކެއް ލިބޭނެކަން ފާހަގަ ކުރެއްވި އެވެ.

އެ ޓަވަރުތައް ނިމުމުން ހައުސިންގެ ދެވަނަ މަޝްރޫއު ފަށާނެ ކަމަށް ޖާދުﷲ ވިދާޅުވި އެވެ.

ކުޑަހުވަދޫ ކައުންސިލްގެ އަމާޒަކީ، އަލަށް ހިއްކި ސަރަހައްދުގައި 320 އެޕާޓްމަންޓް ތަރައްގީ ކުރުމެވެ. އާރުސީސީއާއެކު އެއްބަސްވުމުގައި ސޮއިކުރި ފަހުން އިތުރު ކުންފުންޏަކުން ވެސް ވަނީ އެޕާޓްމަންޓް އެޅުމަށް ޝައުގުވެރިކަން ފާޅުކޮށްފަ އެވެ.

ބޯހިޔާވަހިކަން ދ. ކުޑަހުވަދޫ މުހައްމަދު ނާޒިމް (މާފަންނު އުތުރު ދާއިރާ) އާރުސީސީ

3 ކޮމެންޓް, 2 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ރަދީފްއޮފިޝަލް / ބޯހިޔާވަހިކަން

15 May 2025

ރައްޔަތުންގެ އަތުގެ ފައިސާ ނެތޭ އަބަދު މިކިޔަނީ ކީއްވެ ބާ؟؟ ފްލެޓެއް އޮތްނަމަ އޮޓޯކޭޑް ކުރެހުން ހިސާބުން ވިކިފަ ، ކެފޭ ރެސްޓޯރެންޓްތައް ފުލްވެފަ ގޮނޑިއެއް ނެތް ، އެއާލައިން ސީޓްތައް ފުލްވެފަ ، ސައިކަލް ވިއްކާ ފިހާރަ ހުސްވެފަ ، ސެންޓް ، ފޯނު ، ފޭރާން ، ގެސްޓްހައުސްތައް ބުކިން ފުލްވެފަ. އަހަރުމެން މިތިބީ އަނގަޔާ އަތާ ދިމާނުވެފަ.ފައިސާ ހުރި މީހުންވެސް އުޅޭތީވެ އުފާކެރަން.ވ.ވެދުން.