ޒުވާނުންނާ ގުޅޭ ކަންކަމުގައި ކުރާ ހޭދަ އިތުރު ކުރުމަށް ރައީސް އެދިވަޑައިގެންފި

ރައީސް މުއިއްޒު: ރައީސް ވިދާޅުވީ 2062 ވަނަ އަހަރު އަންނަން ވާއިރު ރާއްޖޭގެ އާބާދީގެ ފަސްބައިކުޅަ އެއްބައި މީހުންނަކީ އުމުރުން 65 އަހަރަށް ވުރެ ދޮށީ މީހުންނަށް ވާނެ ކަމަށް އަންދާޒާ ކުރެވޭ ކަމަށް.

11 ޖުލައި 2025 - 15:09

13 comments

ޒުވާނުންނާ ގުޅޭ ކަންކަމުގައި ކުރާ ހޭދަ އިތުރު ކުރުމަށް ރައީސް ޑރ. މުހައްމަދު މުއިއްޒު މިއަދު އިލްތިމާސް ކުރައްވައިފި އެވެ.

އެ މަނިކުފާނު އެ ކަމަށް އިލްތިމާސް ކުރެއްވީ މިއަދު ފާހަގަކުރަމުން އަންނަ ދުނިޔޭގެ އާބާދީ ދުވަހުގެ މުނާސަބަތުގައި ފޮނުއްވި މެސެޖެއްގަ އެވެ.

ރައީސްގެ މެސެޖުގައި ވަނީ ރާއްޖޭގެ އާބާދީ އުމުރުން ދޮށިވަމުން ދާއިރު، ކުރިމަގުގެ ހަމަޖެހުމާއި ކުރިއެރުން ކަށަވަރު ކުރުމުގައި ދިވެހި ޒުވާނުންގެ މުހިންމު ދައުރު ފާހަގަކުރައްވައިފަ އެވެ. އެންމެ މުހިންމީ ޒުވާނުންނާ ގުޅޭ ކަންކަމަށް ކުރާ ހޭދަ މިހާރަށް ވުރެ އިތުރު ކުރުން ކަމަށް އެ މަނިކުފާނު ވިދާޅުވި އެވެ.

ރައީސް މުއިއްޒު ވިދާޅުވީ، މަސައްކަތުގެ މާހައުލުން ލިބިދޭންޖެހޭ ލުއިފަސޭހަކަން ކަށަވަރު ކޮށްދިނުމާއި ހެޔޮއަގުގައި ބޯހިޔާވަހިކަން ފޯރުކޮށްދިނުމާއި ދަރިން ބެލުމުގެ ކަންކަން ފަހިވެފައި އޮތުމާއި ތަފާތު ކުރުމެއް ނެތި ހަމަހަމަކަމާ އެކު ފެންވަރު ރަނގަޅު ތައުލީމާއި ސިއްހީ ހިދުމަތްތައް ފޯރުކޮށްދިނުން ފަދަ ކަންކަން ހިމެނޭ ގޮތަށް، ޒުވާނުންނަށް ފަހި ވެއްޓެއް ބިނާކޮށްދިނުމަށް އެ މަނިކުފާނުގެ ސަރުކާރުން ހާއްސަ އަހައްމިއްޔަތު ކަމެއް ދޭ ކަމަށެވެ.

"އަދި ދަރިމައިވުމާއި ގުޅުން ހުރި ސިއްހީ ހިދުމަތްތަކުގެ ފެންވަރު ރަނގަޅު ކުރުމާއި ކައުންސެލިން އާއި ވަށާޖެހޭ ފުރިހަމަ ސިއްހީ ފަރުވާގެ އެހީތެރިކަން ފޯރުކޮށްދިނުން ހިމެނޭ ގޮތަށް، ދިރިއުޅުމުގެ ނިންމުންތައް ނިންމުމަށް ޒުވާނުން ތައްޔާރު ކުރުމުގެ މުހިންމުކަން ރައީސުލްޖުމްހޫރިއްޔާގެ މެސެޖުގައި ފާހަގަކުރައްވާފައިވެ އެވެ،" ރައީސް އޮފީހުގެ ވެބްސައިޓުގައި ވެ އެވެ.

ދުރުރާސްތާ އަށް ރޭވުމުގެ ބޭނުންތެރިކަން ފާހަގަކުރައްވައި، ގައުމީ ހަގީގަތްތައް ދައްކުވައިދޭ، އަދި ކުރިމަތިވެދާނެ ގޮންޖެހުންތަކަށް ރާއްޖެ ތައްޔާރު ކުރަނިވި، ފުރިހަމަ އާބާދީގެ ސިޔާސަތެއް އެކުލަވައިލުމަށް ވެސް ރައީސް މުއިއްޒު ގޮވައިލެއްވި އެވެ.

ރައީސް ވަނީ އާބާދީ ދުވަހުގެ މުނާސަބަތުގައި އެ މަނިކުފާނުގެ އެކްސް އެކައުންޓުގައި ވެސް ޕޯސްޓެއް ކުރައްވައިފަ އެވެ. އެ ޕޯސްޓުގައި ރައީސް ވިދާޅުވީ 2062 ވަނަ އަހަރު އަންނަން ވާއިރު ރާއްޖޭގެ އާބާދީގެ ފަސްބައިކުޅަ އެއްބައި މީހުންނަކީ އުމުރުން 65 އަހަރަށް ވުރެ ދޮށީ މީހުންނަށް ވާނެ ކަމަށް އަންދާޒާ ކުރެވޭ ކަމަށެވެ.

އެހެންވެ، އުމުރުގެ ގޮތުން ދޮށީ މުޖުތަމައެއްގެ ސަބަބުން ކުރިމަތިވާ ގޮންޖެހުންތަކުން އަރައިގަތުމަށް ޒުވާނުން ތައްޔާރު ކުރުމަށް ސަރުކާރުން ސަމާލުކަން ދެމުން އަންނަ ކަމަށް އެ މަނިކުފާނު ވިދާޅުވި އެވެ.

ޒުވާނުން ރައީސް ޑރ. މުހައްމަދު މުއިއްޒު އާބާދީ ދުނިޔޭގެ އާބާދީ ދުވަސް

13 ކޮމެންޓް, 6 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޑރ ވާންޗޯ

12 July 2025

ކަރެކްސަން، ޒުވާނުންނޭ ބުނުމުގެ ބަދަލުގަ ޕާޓޭންނާ ޑްރަގްޑީލަރުންނޭ ބުނުން ރަގަޅުގޮތަކީ. ހަދާފަތިއޮތް ހުރިހާ ފުޓްސެލްދަނޑަކާ އޮތިއްޔާއޮތް ކުޅޭތަނެއްގެ ކޮންޓްރޯލް އެއޮތީ މިޔަވިދާޅުވި ޒުވާނުންއަތުގަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަދިވެސް އެއްފަހަރު ބުނެލަން.

12 July 2025

ޒުވާނުންނޭ ކިޔައިގެން ވާހަކަ ދައްކާއިރު ޒުވާނުން ހިލޭ ފުޓްބޯޅަ ކުޅެން ހުރިތަންތަން ގޭންގްތަކުގެ ކޮންޓްރޯލް ނޫނީ ސަރުކާރުގެ ކޮންމެވެސް ތަނެއްގެ ކޮންޓރޯލްގެ ދަށުގަ އެތަން ބާއްވާ، ހުސްކޮށް އޮންނައިރު ކުޅެލަން ދޭން ބުނީމާ އެނުދެވެނީ، ޒުވާނުންދެކެ ވާލޯބިން ދެއްތޮ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޒުއިން

12 July 2025

ދަރާފައޭ އޮތީ ރާއްޖެ ދެން އަދިވެސް ހޭދަ ކުރާވަރު އިތުރު ކުރަންވީ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހީހީ ސުލީހް

12 July 2025

ކިޔަވަިގެން ސިޔާސީ ނުވަންޔާ ވަޒީފާއެއް ނުލިބޭ. ބަހާ އަމަލާ ދިމާކުރައްވާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަތްދައްތަ

12 July 2025

ވަރަށް ހެޔޮފުޅު ވާހަކައެއް.ޒުވާނުންނާ ގުޅޭ ޓެމޫ އަލީ އެކްސްޕްރެސްއިން ކުރާ މުޢާމަލާތް ތަކުން 30% ގެ އިތުރު ހޭދައެއް ކުރިން 5ރ އަށް ބޮއިލާ ދުމަކަށް 15ރ 100ރގެ ބަދަލު 245ރ ހޭދަވޭ. ޑޮލަރަކަށް ކުރިން އެންމެ ބޮޑަށް 16ރ މިހާރު 20ރ. މުސާރައިން 30 އިންސައްތަ ޑީވެލިއު. ކުރިން 100ރ ހޭދަ ކުރާނަމަ މިހާރު 130ރ. ރުފިޔާއެއް ނެތް. ބޮލަކު އިސްތައްޓެއްވެސް ނެތް. ވަށާޖައްސާނީ ކޯއްޗެއްތޯ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރއސ މހ

11 July 2025

ރިބާގެ މުއާމަލާތްކުރުން ދައުލަތުން އަދި ދައުލަތް ހިއްސާވާ ފަރާތްތަކުން ކުރުން ހުއްޓާލާނީ ކޮންއިރަކުތޯ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހޮޓްކިންގ

11 July 2025

މުއިއްޒުގެ ވެރިކަމަށް 2 އަހަރުވާއިރު ޒުވާނުންނަށްވިޔަސް ދުވަސްވީމީހުން އަދި މެދުއުމުރުގެ މީހުނަށްވެސް ކޮށްދިންކަމެއްކޮބާ؟ ބޯހިޔާވަހިކަމަށްވެސް ދީފައިއޮތީ މާޔޫސްކަން. ދެންކޮން އިލްތިމާސެއްކުރާކަށް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

‫ވާންޗޯ

11 July 2025

‫ރާއްޖެ މީހުން ވަރަށް ގިނައިން އުމުރު އޮޅުވާލާ، މިހާރު ވެސް 65 މަތީ މީހުން ވާނީ އަސްލު 1/5 މީހުން ނަށް ރާއްޖެ ގަ، ކީކުރާނީ ގައުމު ގެ ހާލަތު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަނބިލި

11 July 2025

އިތުރުކުރާށޭ ބުނަނީ ސިޔާސީ ގޮތުން. އެއީ އެއްވެސް ވަރަކަށް މާލީ ހާލަތު ދިރާސާނުކޮށް. ރައްޔިތުންނަށް ބޭނުންވާ ކަންކަން ކުރަން ނުހުރޭ ފައިސާއެއް. ފައިސާ ހުރި ނަމަ ރަށްރަށުގައި ފެށިފައިހުރި ޕްރޮޖެކްޓްތައް ކުރިއަށް ދިޔައިސް. ހުއްޓިފައި. ހުރިހާ ކަމެއް.