ބާރަށު ދާއިރާގެ މެމްބަރު ޝުޖާއު: ޝުޖާއު ވިދާޅުވީ، އޭނާގެ ހިއްސާ އޮންނަ އެއްވެސް ކުންފުންޏަކާ ގުޅޭގޮތުން މިއަދާ ހަމައަށް އެއްވެސް އިދާރާއަކުން އެއްވެސް ކަމެއް ސާފުކޮށް އެއްވެސް މައްސަލައެއް ބަލާފައި ނެތް ކަމަށް.
03 އޯގަސްޓް 2025 - 08:27
82 comments
ރައްޔިތުންގެ މަޖިލިހުގެ ބާރަށު ދާއިރާގެ އިބްރާހިމް ޝުޖާއުގެ ހިއްސާ އޮންނަ ކުންފުނިތަކަކަށް ނާޖާއިޒު މަންފާ ލިބޭ ގޮތަށް ހިންގާފައިވާ ބައެއް މުއާމަލާތްތަކަކާ ގުޅޭ ގޮތުން މަރުކަޒީ ބޭންކު އެމްއެމްއޭގެ ފައިނޭންޝަލް އިންޓެލިޖެންސް ޔުނިޓް (އެފްއައިޔޫ) އިން ތައްޔާރުކުރި ކަމަށް ބުނާ ރިޕޯޓެއް ސޯޝަލް މީޑިއާގައި ރޭ އާންމުވި ނަމަވެސް އެއީ ސައްހަ އެއްޗެއްކަން ނުވަތަ ނޫންކަން ވެސް އެނގިވަޑައިނުގަންނަވާ ކަމަށް އޭނާ ވިދާޅުވެއްޖެ އެވެ.
އެ ރިޕޯޓު އާންމުވުމާ އެކު ސޯޝަލް މީޑިއާގައި ކުރެއްވި ޕޯސްޓެއްގައި ޕީއެންސީގެ މެމްބަރު ޝުޖާއު ތުހުމަތުކުރެއްވި ގޮތުގައި އެ ރިޕޯޓަކީ ސައްހަ އެއްޗެއް ނަމަ އެއީ އޭނާގެ ހިއްސާ އޮންނަ އޮފިޝަލް އިވެންޓްސް އާއި އެހެން ބައެއް ވިޔަފާރިތަކުން މަސައްކަތްތައް ކާމިޔާބު ކުރިގޮތާއި މަސައްކަތް ކުރިގޮތް ވަރަށް ބޮޑަށް އޮޅޭ ގޮތަށް ނުވަތަ ގަސްދުގަައި ހަގީގަތް އޮޅުވާލައި އޭނާ ހިއްސާވާ ވިޔަފާރިތަކަށް ގެއްލުން ދިނުމަށް ކޮށްފައިވާ ކަމެކެވެ.
"ސަބަބަކީ އެކަމުގެ އެއްވެސް މައުލޫމާތެއް އެއްވެސް ރަސްމީ އިދާރާއަކުން އަޅުގަނޑަށް ލިބިފައި ނުވާތީ އެވެ. އެއީ ސައްހަ ލިޔުމެއް ނަމަ އެއީ އެ މަސައްކަތްތައް ކާމިޔާބުކުރި ގޮތާއި އެ މަސައްކަތް ކުރި ގޮތް ވަރަށް ބޮޑަށް އޮޅޭ ގޮތަށް ނުވަތަ ގަސްދުގަައި ހަގީގަތް އޮޅުވާލައި އަޅުގަނޑުގެ ހިއްސާވާ ވިޔަފާރި ކުންފުންޏަށް ގެއްލުން ދިނުމުގެ މަގުސަދުގައި ކޮށްފައިވާ ކަމެއް ކަމުގައި ދެކެމެވެ،" ޝުޖާއު ވިދާޅުވި އެވެ.
އެފްއައިޔޫ އިން ތައްޔާރުކޮށް އަދި ފުލުހުންނަށް ފޮނުވާފައިވާ ކަމަށް ބުނާ އިންޓެލިޖެންސް ރިޕޯޓުގައިވާ ގޮތުން ޝުޖާއުގެ އޮފިޝަލް އިވެންޓްސްއާ އެކު އިތުރު ހަތަރު ކުންފުންޏަކުން ވަނީ މުއާމަލާތްކޮށްފަ އެވެ. އޭގެ ތެރޭގައި ހިމެނެނީ ސްވޯން ފެމިލީ އާއި ސްޓޯ ޕްރޯސް ޓްރޭޑިން އާއި ކުއިކް ޝުއާ އަދި ޑީކިއު ހޯލްޑިންސް އެވެ. އަދި މި ރިޕޯޓު ތައްޔާރުކުރީ އޭގައި ބުނާ ގޮތުން ޝުޖާއުގެ އިތުރުން އޭނާގެ އާއިލާއާ ގުޅުން އޮންނަ ބައެއް ކަމަށްވާ މުހައްމަދު ނާފިޒާއި އަހުމަދު އަދުހަމްއާ ބެހޭ ގޮތުންނެވެ.
މީގެ ތެރެއިން ނާފިޒަކީ ފިޝަރީޒް މިނިސްޓްރީގެ ޑެޕިއުޓީ މިނިސްޓަރެކެވެ. އަދުހަމަކީ އޮފިޝަލް އިވެންޓުގެ އެއް ހިއްސާދާރެވެ. އަދުހަމް ގެންދަވަނީ ޕީއެސްއެމްގެ ބޯޑުގެ މެމްބަރުކަން ވެސް ކުރައްވަމުންނެވެ.
އާންމުވެފައިވާ ލިޔުންތަކުން ފެންނަ ގޮތުގައި ނޮވެމްބަރު 1، 2023 އިން ޖެނުއަރީ 2024 އަށް ޝުޖާއު އާއި އާއިލާގެ މި ދެ މެންބަރުންގެ ހިއްސާ އޮންނަ ކުންފުނިތަކަށް ސަރުކާރުގެ އެކި އިދާރާތަކުން 42.5 މިލިއަން ރުފިޔާ އެކި އިވެންޓުތަކާ ގުޅުވައިގެން ދީފައިވެ އެވެ.
ތުހުމަތުތަކާ ގުޅޭ ގޮތުން ޝުޖާއު ވިދާޅުވީ، ރާއްޖޭގެ ގާނޫނުތަކާއި ގަވައިދުތަކުގެ ތެރެއިން އޭނާގެ ކުންފުނިން ރާއްޖޭގައި ކުރަނީ ކާމިޔާބު މަސައްކަތްތަކެއް ކަމަށެވެ.
"ރައީސް ޔާމީން، ރައީސް ސާލިހް އަދި ރައީސް ޑރ. މުއިއްޒުގެ ވެރިކަމުގައި ވެސް ހެދިފައިވާ އުސޫލުތަކުގެ ތެރެއިން އެކި ޕްރޮޖެކްޓުތައް ވާނީ ކާމިޔާބު ކަމާއެކު ހިންގާފަ އެވެ. އަދި މިފަދަ މަސައްކަތްތަކުގެ ބިޑުތައް އަޅުގަނޑުމެންގެ ކުންފުންޏަށް ކާމިޔާބުވެފައި ވަނީ ތަޖުރިބާ އާއި މަސައްކަތުގެ ފެންވަރު ވަރަށް ބޮޑު ތަނުން ރަނގަޅުވީމާ ކަމީ ފެންނަން އޮތް ހަގީގަތެކެވެ. އެ ކަންކަން އަޅުގަނޑުމެންގެ މަސައްކަތްތަކުން ފެންނާނެ އެވެ،" ދިފާއުގައި ޝުޖާއު ވިދާޅުވި އެވެ.
ނޮވެމްބަރު 13، 2023 ގައި ފިނޭންސް މިނިސްޓްރީން ސިފައިންގެ ކުންފުނި، ސިވެކަށް ދެއްކި 23 މިލިއަން ރުފިޔާގެ ތެރެއިން 13 މިލިއަން ރުފިޔާ އޮފިޝަލް އިވެންޓްސް އަށް ދޫކުރި ކަމަށް ރިޕޯޓުގައި ބަޔާން ކޮށްފައި ވެ އެވެ. ފިނޭންސް މިނިސްޓްރީން ސިވެކަށް ދޫކުރި ކަމަށް ބުނާ 23 މިލިއަން ރުފިޔާއަކީ ރައީސް ޑރ. މުހައްމަދު މުއިއްޒު މަގާމުގެ ހުވާކުރެއްވުމުގެ ރަސްމިއްޔާތުގެ ހަރަދުތަކެވެ.
ސަބަބަކީ އެކަމުގެ އެއްވެސް މައުލޫމާތެއް އެއްވެސް ރަސްމީ އިދާރާއަކުން އަޅުގަނޑަށް ލިބިފައި ނުވާތީ އެވެ. އެއީ ސައްހަ ލިޔުމެއް ނަމަ އެއީ އެ މަސައްކަތްތައް ކާމިޔާބުކުރި ގޮތާއި އެ މަސައްކަތް ކުރި ގޮތް ވަރަށް ބޮޑަށް އޮޅޭ ގޮތަށް ނުވަތަ ގަސްދުގަައި ހަގީގަތް އޮޅުވާލައި އަޅުގަނޑުގެ ހިއްސާވާ ވިޔަފާރި ކުންފުންޏަށް ގެއްލުން ދިނުމުގެ މަގުސަދުގައި ކޮށްފައިވާ ކަމެއް ކަމުގައި ދެކެމެވެ،"--- ޝުޖާއު
އޭގެ ތެރެއިން 13 މިލިއަން ރުފިޔާ އޮފިޝަލް އިވެންޓްސް އަށް ދޫކުރުމުން ފައިސާގެ ބައެއް ގޮސްފައި ވަނީ އެފްއައިޔޫގެ ރިޕޯޓުގައި ބުނާ ދެ ކުންފުންޏަކަށެވެ. އެއީ ޑީކިއު ހޯލްޑިންސް އަށް 4.2 މިލިއަން ރުފިޔާ އަދި ކުއިކް ޝުއާ އަށް 2.3 މިލިއަން ރުފިޔާ އެވެ.
އޮފިޝަލް އިވެންޓްސް އަށް ސިވެކުން ދޫކުރި ފައިސާގެ ތެރެއިން 8 މިލިއަން ހަރަދުކުރީ އޮފިޝަލް އިވެންޓްސްގެ ހިއްސާދާރުންނަށް ދެ އެޕާޓްމަންޓެއް ގަތުމަށް ކަމަށް ވެސް އެފްއައިޔޫގެ ރިޕޯޓު ކަމަށް ބުނާ ރިޕޯޓުގައި ބުންޏެވެ. އޭގައި ބުނާ 8 މިލިއަނަކީ ކޮމިޓްމަންޓު ފީ އެވެ. ކޮންމެ އެޕާޓްމަންޓެއްގެ އަގަކީ 20 މިލިއަން ރުފިޔާ އެވެ.
ޝުޖާއު ވިދާޅުވީ، ރައްޔިތުންގެ މަޖިލީހުގެ މެމްބަރެއް ކަމަށް ވިޔަސް އަދި ދިވެހި ކޮންމެ ރައްޔިތަކަށް ވެސް މިނިވަންކަމާ އެކު، ވިޔަފާރިކޮށް އުޅުމަށް ލިބިދޭ ހައްގުގެ ތެރެއިން، އޭނާގެ ވިޔަފާރި ފުޅާކޮށް، ކުރިއަށް އޮތް ތަނުގައި ވެސް ކުރިއަށް ވަޑައިގަތުމަކީ އުންމީދެކެވެ.
އަަޅުގަނޑާއި އަޅުގަނޑު ހިއްސާ އޮންނަ އެއްވެސް ކުންފުންޏަކާ ގުޅޭގޮތުން މިއަދާ ހަމައަށް ވެސް އަދި ދުވަހަކު ވެސް އެއްވެސް އިދާރާއަކުން އެއްވެސް ކަމެއް ސާފުކޮށް އެއްވެސް މައްސަލައެއް ބަލާފައެއް ނެތެވެ. އަދި އިންޝާﷲ، ބަލަންޖެހޭ މައްސަލައެއް ނުވެސް އޮންނާނެ އެވެ. އަދި އެއްވެސް މައްސަލައެއް ބަލަން އޮތް ނަމަ ކަމާބެހޭ އިދާރާތަކުން ތަހުގީގު ކުރައްވާނެ އެވެ،" ޝުޖާއު ވިދާޅުވި އެވެ.
އެފްއައިޔޫގެ ރިޕޯޓްތަކަކީ ކުށުގެ އަމަލުތަކާ ގުޅުން ހުރެދާނެ ކަމަށް ބެލެވޭ ފައިސާގެ މުއާމަލާތްތަކާ ގުޅޭ ގޮތުން މަރުކަޒީ ބޭންކުން ކަމާ ގުޅުން ހުރި އިދާރާތަކަށް ފޮނުވާ ސިއްރު ރިޕޯޓެކެވެ. ސޯޝަލް މީޑިއާގައި އާންމުވެފައިވާ ރިޕޯޓާ ގުޅޭ ގޮތުން އެމްއެމްއޭ އިން އަދި ފުލުހުން ވެސް އެއްޗެކޭ ނުބުނާތީ ރިޕޯޓްގެ ސައްހަކަން އަދި އެއީ ސައްހަ އެއްޗެއް ނަމަ އެއްވެސް ތަހުގީގެއް ކުރި ކަމެއް ވެސް އަދި ނޭނގެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
Copyright © 2025 Mihaaru · Terms and Conditions · Privacy Policy · Code of Ethics · Editorial Policy
ކޮމެންޓްތައް
ޑރ ވާންޗޯ
04 August 2025
މަނިކުފާނަށް ލިބިލެއްވި ފައިސާ ކަށަވަރުތޯ؟.
ގުއިއްޒު
03 August 2025
ކޮން ތަހުގީގެއް. ކުރާނެ ކަމެއް ނެތް. ނަތީޖާއެއް ނުލިބޭނެ. ބޭކާރު ވަގުތުތަކެއް ތިއީ.
ޔަގީންނުވާނެ
03 August 2025
އޭގަ ބުނާ އަދަދުތަކާ އޭނައަށް ލިބުނު ވަރާ ދިމާނުވަންޏާ ރިޕޯޓާމެދު ޔަގީންކަމެއް ނޯންނާނެތާ
ވޯޓު
03 August 2025
އާންމު ރައްޔިތުން އިސްލާހުވި ދުވަހަކުން އިޙްލާސްތެރި ލީޑަރުން ނިކުންނާނީ، އެހެންނޫނީ ހޮވާނީ ކޮރަޕްޓްމީހުން ވޯޓުދީ ހޮވާނީވެސް ކޮރަޕްޓް މީހުން.
ހޮޅިސަރުކާރު
03 August 2025
މީހަކާއި ބެހޭގޮތުން ދައުލަތުގެ އިދާރާތަކުގެ މެދުގައި ބަދަލުކުރެވޭ ސިއްރު ލިޔުންތަކުގެ މައުލޫމާތު އެފަރާތާއި ހިއްސާކުރަން ފެށި ދުވަހެއް ނޫސްވެރިންވެސް ބައްލަވަން އެބަޖެހޭ. ޝުޖާއު އާއި ގުޅޭ ގޮތުން އެފްއައިޔޫ އިން ތައްޔާރުކޮށް ފޮނުވާ ސިއްރުލިޔުމެއް ސުޖާއު އަށް ހިއްސާކުރަންޖެހޭކަމަށް ދޭހަވާގޮތަށް ވާހަކަ ދައްކަވަނީ މެމްބަރަކަށް ވީމަތަ؟
ތިމާވެށި
03 August 2025
ގާޞިލް މީހާ ހުއްޓަ ޕާޓީ މީހާ އަށް ވޯޓް ދިނުމުގެ ނަތީޖާ އެވެ. ވިސްނުމެއް ނެތި ވޯޓް ދިނުމުން ވާ ކަމެކެވެ. މައި ދެ ޕާޓީ އިން ތައުލީމީ ޒުވާނުންނަށް މަތީ މަގާމް ތައް ދޭން ބޭނުމެއް ނުވެ އެވެ. ކޮންމެ 5 އަހަރަކުން ގޮނޑީ އަނބުރަނީ އެވެ. ހަމަ އެއް ބައެކެވެ.
ހުސަ
03 August 2025
މިހަކަލަ ހެޑްލައިން ކިޔާކިޔާލަ ދިވެހި ރައްޔިތުން ތިބޭތާ ބައި ގަރުނުވަނީ! ވީކަމެއް ވާކަމެއް ނެތް! ރައްޔިތުންނަށް އެނގޭ ކަމަކީ މިރާއްޖޭގެ ލޮބޮވެތި ރައްޔިތުންނަށް މިއަށްވުރެން ތަނަވަސްކޮށް އުޅެވޭވަރުގެ ތަނަވަސް ގައުމެއްކަން ރާއްޖެއަކީ! އެފްޕީއައިޑީ އިން ފެށިގެން އެމްއެމްޕީއާރުސީ އިން ކޮވިޑްގެ ޙާލަތުގައި ރައްޔިތުންގެ "ނޭވާހޮޅީން" ކުރި ވައްކަންތަކާއި ކޮރަޕްޝަންގެ އެތައް ވާހަކައެއް! ނުޙައްގުން "ކައިގެން" އެންމެން އިތިބަ އުދުހެނީ އުފަލުގަ!
ސޭކު
03 August 2025
ޙިޔާފްލެޓުން ވެސް އެބަހުރި ދީފަ ނުވަތަ ކަޓަކަށް ވިއްކާފަ
އެއްކަލަ މީހާ ދޯ
03 August 2025
މިފަދަ ބައެއް ޚަބަރުތައް ނޫސްތަކުން ކިޔާލާއިރު މީހާ ލޭކެކި ރުޅިގަދަވޭ. ސަބަބަކީ މިފަދަ މައްސަލަތަކުގައި ދައުވާ ލިބޭފަރާތުން ނުވަތަ ތުހުމަތުކުރެވޭ ފަރާތުން ހަމަ ބުއްދިއަށް ގަބޫލު ނުކުރެވޭ ކޮންމެވެސް ވާހަކައެއް މީޑިއާގަ ބުނެފަ ހިނިއައިސްފަ އިންނަނީ. ހީވާކަހަލަ މިހެން އެންމެންވެސް އުޅެންވީ! އަޅެ މިގައުމުގަ ހަމަ އަދުލު އިންސާފުގެ ކަންފުޅެއްވެސް ނެތީތަ؟ ގައުމެއް ކައި ހުސްކުރަނީ އެންމެން ލޯމަތީ ވިއްޔާ!!
ޢާބަކުރު
03 August 2025
ކޮންމެ ސަރުކާރެއްގައިވެސް މިކަން މިހެން ވާތީ މައްސަލައަކީ! ރައްޔިތުން ގައުމުގެ ވެރިކަމަށް ބޭފުޅަކު އިސްކުރައްވަނީ އެސަރުކާރެއްގެތެރޭ ތިބޭ "ކަތުރުފަނިތައް" ބޭނުންކޮށްގެން ރައްޔިތުންގެ ފައިސާ ކައި ހުސްކުރާކަށް ނޫނެވެ! ސަރުކާރުތަކަށް ކެރެން އެބަޖެހޭ މި "ކަތުރުފަނިތައް" ވީހާވެސް އަވަހަށް "ބޭސް" ޖަހައިގެން ނައްތާލެވޭނެ މަގެއް ހޯދަން! "ވަރުގަދަ" "ކަތުރުފަނިތައް" ނައްތާލެވޭ ހިސާބުން ގައުމުގެ މާލިއްޔާ ނަހަމަ ގޮތުގައި "ކާކެއުން" ބޮޑުތަނުން މަދުކުރެވޭނެ!