ހަނިމާދޫ ހޮސްޕިޓަލްގެ ބިންގާ އަޅައިފި

ހދ. ހަނިމާދޫ ހޮސްޕިޓަލްގެ ބިންގާ އެޅުމުގެ ރަސްމިއްޔާތުގައި އާރްޑީސީގެ މެނޭޖިން ޑިރެކްޓަރު އިބްރާހިމް ނަޒީމް ބައިވެރިވެ ވަޑައިގަންނަވަނީ. -- ފޮޓޯ: ރައީސް އޮފީސް

ފާތިމަތު އަޖްފާން، މިހާރު

25 އޯގަސްޓް 2025 - 09:46

11 comments

ހދ. ހަނިމާދޫގައި އަޅަން ނިންމާފައިވާ ހޮސްޕިޓަލުގެ ބިންގާ މިއަދު އަޅައިފި އެވެ.

ރައީސް ހދ. އަށް ކުރައްވަމުން ގެންދަވާ ދަތުރުފުޅުގައި މިއަދު އެ ރަށު ހޮސްޕިޓަލްގެ ބިންގާ އަޅުއްވައިދެއްވީ ހެލްތު މިނިސްޓަރު އަބްދުﷲ ނާޒިމާއި، މަސައްކަތް ހަވާލުކޮށްފައިވާ އާރްޑީސީގެ ފަރާތުން މެނޭޖިން ޑިރެކްޓަރު އިބްރާހިމް ނަޒީމެވެ.

އާރްޑީސީއާ ހަވާލުކޮށްފައިވާ މި މަޝްރޫއުގެ އަގަކީ 104,834,778.55ރ. އެވެ.

ދެހާސް ފައްސަތޭކައެއްހާ މީހުން ދިރިއުޅޭ އެ ރަށުގައި އަޅަން ނިންމާފައި ވަނީ 30 އެނދުގެ ހޮސްޕިޓަލެކެވެ.

ރޭ ހަނިމާދޫ ރައްޔިތުންނާ ވާހަކަ ދައްކަވަމުން ރައީސް ވިދާޅުވީ މި އަހަރު ނިމުމުގެ ކުރިން މިހާރު ހުރި ސިއްހީ މަރުކަޒުގައި ޑަޔަލިސިސްގެ ހިދުމަތް ވެސް ފައްޓަވައި ދެއްވާނެ ކަމަށެވެ.

މީގެ އިތުރުން އަންހެނުންގެ ހާއްސަ ޑޮކްޓަރަކާއި ކުޑަކުދިންގެ ޑޮކްޓަރެއްގެ ހިދުމަތް ލިބޭނެ ގޮތް ވެސް ހަމަޖައްސަވައިދެއްވާނެ ކަމަށް ރައީސް ވިދާޅުވި އެވެ.

ހަނިމާދޫ ހޮސްޕިޓަލް ހިމެނެނީ ކުވެއިތު ފަންޑު ފޯ އަރަބް އިކޮނޮމިކް ޑިވެލޮޕްމަންޓުގެ އެހީގައި ހަތް ރަށެއްގައި ހޮސްޕިޓަލް އެޅުމަށް 2022 ވަނަ އަހަރު އިއުލާނުކުރި ޕްރޮޖެކްޓު ތެރޭގަ އެވެ. ހަނިމާދޫ ހޮސްޕިޓަލްގެ މަސައްކަތް މީގެ ކުރިން 2023 ވަނަ އަހަރު އަމިއްލަ ކުންފުންޏަކާ ވެސް ހަވާލުކުރި އެވެ.

ހަތް ރަށުގެ ހޮސްޕިޓަލްތަކަށް 686،089،524.22ރ. ކުވައިތު ފަންޑުން ހޭދަކުރަން ނިންމާފައި ވާއިރު ހަނިމާދޫގެ އިތުރުން ށ. މިިލަންދޫ، ނ. ވެލިދޫ، ކ. ތުލުސްދޫ، އދ. މާމިގިލި، ވ. ފެލިދޫ އަދި ތ. ވިލުފުށީގައި ވެސް ހޮސްޕިޓަލް އަޅަން ނިންމައި އެ މަސައްކަތް އެކި ކުންފުނިތަކާ ހަވާލުކުރި އެވެ.

ސިއްހަތު ހޮސްޕިޓަލް ހދ. އަތޮޅު ހދ. ހަނިމާދޫ އިބްރާހިމް ނަޒީމް (އެމްޑީ، އާރުޑީސީ) މިނިސްޓަރު އަބްދުﷲ ނާޒިމް އިބްރާހިމް ރައީސް ޑރ. މުހައްމަދު މުއިއްޒު

11 ކޮމެންޓް, 9 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އައިސަން

26 August 2025

ހޮސްޕިޓަލުގެ ކުރެހުންގަނޑެއް ވެސް ނުލާތަ؟ އެއީ ހިޔާލީ ހޮސްޕިޓަލެއްވީމަ ދޯ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކެލާ

25 August 2025

ކެލާ ހޮސް÷ިޓަލް އިބޫ ފަށާފަ ވާތީ ވެރިކަމަށަމް އައިސް ބުއްޓުވާފަ އޮތީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނޫހް އިބްރާހިމް

25 August 2025

އަތޮޅުތަކުގެ ތަރައްގީ މިހާ ބާރަށް ދާތީ އުފާކުރަން. މިހެން ދަންޔާ މާލެ ނައިސް ކަންކަން ހަމަ ޖެހިގެން ދާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަހީން ޢަލީ

25 August 2025

ބައެއް ރަށްރަށުގެ މީހުން ރޮއެ އާދޭސްކުރާއިރުވެސް ބިންގަލެއް ނޭޅޭ. އަނެއްބައި ރަށްރަށުގެ މީހުން އެއްވެސް ވަރަކަަށް އެވހަކަ ނުދެއްކިޔަސް ބިންގާތައް ބަހައްޓަނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަފްރާސިޔާބު

25 August 2025

އާދޭސްކުރަން ނޭގި އާދޭސްކުރީމާ ވާގޮތެއް އެއީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަވާވާ

25 August 2025

ދެން ހަވާއަރުވާފަ ހުޅުވަންއުޅޭ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އ އަހްމަދު

25 August 2025

ބިންގާއެޅުމަކުންނުފުދޭ އާރުޑީސީން ތިކަހަލަ ކިތައްބިންގާ މިދައުރުގަ އެޅިއްޖެތޯ ރައްޔިތުންނައް ދޯކާދޭންވާނީވެސް ވަކިވަރަކަށް ސަރުކާރުގެކުންފުނިތަކަކީ ތިޔަހާ ހަކަތަހުރިތަންތަނެއްނޫން ކޮންމެވޯޓކަށް ރައްޔިތުންނައް ދޯކާނުދީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މާއްޓޭ މައުރޫފް

25 August 2025

ރައީސް މުއިއްޒު އެގެންދަވަނީ ރައްޔިތުން އެދެމުންދާ ކަންކަމަށް އަމަލީ މަސައްކަތް ފައްޓަވައި ދެއްވަމުން، މިކަން ކަން ނިމުމުން ރައްޔިތުންނަށް ވިސްނޭނެ ރައީސް މުއިއްޒު ޖައްސަވީ ކަޑަ ނޫންކަން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އައިސަން

26 August 2025

އަމަލީ މަސައްކަތް ފައިބަނީ ބިމުގެ އަޑިޔަށް 0=0

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހިމާރުލްގައުމު

25 August 2025

ލައްކަ ހިއްވަރު އެބަކުރޭ ކައުންސިލް އިންތިޙާބަށް. މުއިއްޒުގެ ސައިޒަކީ ކޮބައިކަން އޭނައަށް މިފަހަރު އެނގޭނެ. މޮޔަވަގެން ނޫޅޭ. ވަހީދުވެސް ރަށްރަށް ދިޔައިރު މުޅި ބަނދަރު ފުރާލާ. އިންތިޙާބުން އަސްލު ސައިޒު ފެނުނީ. މި ކޮމެންޓް ސޭވްކޮށްފަ ބައިންދާ. ވަހީދަށް ވީވަރުވެސް ނުވާނެ މުއިއްޒަށް.