މިދިޔަ ރޯދަމަހު ސަރުކާރުން ބެހި މަސްދަޅުތަކެއް ލިބުނު ބަޔަކު މަސްދަޅުކޭސް ގެންދަނީ.-- ފޮޓޯ: ނިޝާން އަލީ / މިހާރު
12 ނޮވެމްބަރ 2025 - 17:20
އަންނަ އަހަރުގެ ރޯދަމަހު ވެސް ރޯދަ ހަދިޔާގެ ގޮތުގައި ސަރުކާރުގެ ފަރާތުން މަސްދަޅު ބަހަން ރައީސް ޑރ. މުހައްމަދު މުއިއްޒު ނިންމަވާފައިވާ ކަމަށް ލޯކަލް ގަވަމަންޓް މިނިސްޓްރީން މިއަދު ބުނެފި އެވެ.
މިނިސްޓަރު އާދަމް ޝަރީފު "މިހާރު" އަށް ވިދާޅުވީ، އަންނަ އަހަރުގެ ފެބްރުއަރީ 18 ގައި ފަށާ އެ އަހަރުގެ ރޯދަމަހުގެ ރޯދަ ހަދިޔާގެ ގޮތުގައި ސަރުކާރުން ކޮންމެ ގޭބީސީއަކަށް ދޫކުރާނީ ކުރީ ފަހަރެކޭ އެއްގޮތަށް މަސްދަޅު ކޭހެއް ކަމަށެވެ.
އޭގެ ތަފުސީލް ނުދެއްވި ނަމަވެސް ރޯދަ ހަދިޔާ ބެހުމަށްޓަކައި ބައެއް ރަށްރަށުގެ ކައުންސިލްތަކުން މިހާރު ވަނީ ގޭބީސީތަކުގެ މައުލޫމާތު ނަގަން ފަށައިފަ އެވެ.
ފިނޭންސް މިނިސްޓްރީން ކުރިން ބުނެފައިވާ ގޮތުގައި މިދިޔަ ރޯދަ ހަދިޔާގެ ގޮތުގައި ސަރުކާރުން 108،000 އަށް ވުރެ ގިނަ މަސްދަޅު ކޭސް ބެހި އެވެ.
ރޯދަމަހަށް ސަރުކާރުން މަސްދަޅު ކޭހެއް ހަދިޔާކުރަން ރައީސް މުއިއްޒު ނިންމަވައި، މާލެ އާއި އަތޮޅުތެރޭގެ ރަށްރަށުގައި މަސްދަޅު ކޭސް މިދިޔަ ފަހަރު ބެހި އެވެ.
އެކަމާ ބެހޭ އިތުރު ތަފުސީލް ހޯދަން "މިހާރު" އިން މިދިޔަ އޭޕްރިލް މަހު ސުވާލު ކުރުމުން ފިނޭންސް މިނިސްޓްރީގެ އޮފިޝަލަކު އޭރު ވިދާޅުވީ 108،801 މަސްދަޅު ކޭސް ރޯދަ ހަދިޔާގެ ގޮތުގައި ސަރުކާރުން ދޫކޮށްފައިވާނެ ކަމަށެވެ. އެ މަސްދަޅު ކޭސްތައް ގަތުމަށް ދައުލަތުން 79.4 މިލިއަން ރުފިޔާ "ރައްޔިތުންނަށްޓަކައި ހޭދަކުރި" ކަމަށް އޮފިޝަލް ވިދާޅުވެފައި ވެ އެވެ.
"އެއީ ރޯދަ ހަދިޔާގެ ގޮތުގައި ރައްޔިތުންނަށް ބެހި 79 މިލިއަން ރުފިޔާ،" އޭނާ އޭރު ވިދާޅުވި އެވެ. ފިނޭންސް މިނިސްޓްރީން އޭރު ބުނެފައިވާ ގޮތުގައި، ކޮންމެ މަސްދަޅު ކޭހަކަށް މިފްކޯ އިން 30ރ. ގެ ޑިސްކައުންޓެއް ވެސް ދިނެވެ. އެހެންވެ، މަސްދަޅު ކޭހަކަށް ސަރުކާރުން ހަރަދުކުރީ 730ރ. އެވެ.
މަސްދަޅު ކޭސްތައް މާލެ ސަރަހައްދުގައި އެންމެ ފަހުން ބެހީ ދައުލަތުގެ ކުންފުނިތަކާއި ސިފައިންގެ އެހީތެރިކަމާ އެކު އެވެ. ނަމަވެސް ރަށްރަށުގައި މަސް ކޭސް ބެހީ ކައުންސިލްތަކާ ހަވާލު ކޮށްގެންނެވެ
Copyright © 2025 Mihaaru · Terms and Conditions · Privacy Policy · Code of Ethics · Editorial Policy
ކޮމެންޓްތައް
ޚުލާސަން
14 November 2025
ސަރުކާރު ހަދިޔާއަކީ ރަގަޅުކަމެއްނޫން. ޓެކްސްނަގާލާރި ގޮނަވެގެންތަ މިއުޅެނީ؟ ހެޔޮކަމެއްކުރަންޔާ ވެރިން އަމިއްލަހަރަދުގަ ދޭންވީނު.
ހުސައިން
14 November 2025
ޝުކްރިއްޔާ
މުނާފިޤުން
13 November 2025
ރައްޔިތުންނަށް އެއްޗެއް ލިބެންޏާ ހުރަސް އަޅާ މީހުން ވެސް އުޅޭ... އަތުން ހުއްޓުވޭނެ ނަމަ ހުއްޓުވާނެ.
އަބޫ
13 November 2025
މި ފަހަރު އަޑުގަދަ މީހާއަށް ގިނައިން ލިބޭ އުސޫލު ނުގެންގުޅޭނެ ކަމަށް ހީކުރަން
ހަސަން އަލީ
13 November 2025
ޝުކުރިއްޔާ. މިދިޔަ އަހަރު ލިބުނު ކޭސް އަދި ހުސްނުވޭ.
އެކޮއި
13 November 2025
ތިޔަ މަސްދަޅުތައް ބަހާލައިގެން ރައްޔިތުން ފެލަނީ. ރައްޔިތުން ގުނބޯހައްދަން ވަރަށް ކުޅަދާނަ ވެރިއެއް މިހާރު މިހުރީ. އަދި ރައްޔިތުނުް އަޅުވރިކުރަންވެސް މިވަރުގެ ވެރިއެއް އަދި މިޤައުމަކުން ނުފެނޭ.
ސައިނީސް
13 November 2025
ސަރުކާރުން އެބަޖެހޭ އަދި ވިސްނާލަން ، މީކޮންމެހެން ކުރަން ޖެހޭ ކަމެއްބާ ވެސް!
ލަދެއް ނެތި އަތް ދިމާކުރުމީ
13 November 2025
އަހަރެން ހިތަށް އަރާ ދިވެހީންނަށް މިހާރު މިތިބެނީ ކިހިނެއް ވެފައިބާއޭ. ލަދެއް ހަޔާތެއްގެ ކަންފުޅެއްވެސް ނުހުރޭ ކާއެއްޗިއްސަށް އަތް ދިއްކުރާއިރަކު. ބަލަ އަމިއްލަ އަތުން ފައިން މަސައްކަތްކޮށްގެން އަނބިދަރީންނަށް ކާންބޯންދީ ހަދާބަލަ!
އަހައްމަދޫ
13 November 2025
މިކަމާ ދެކޮޅަށް އިގިލި ދީފައި މިވަނީ އެމްޑީޕީ މީހުން ކަމަށް ލަފާ ކުރެވެނީ.
ފަލަމަސް
12 November 2025
ފެން މަސްދަޅު ބަހާތި...ގިނަ ދިވެހިންނަކީ ހުރިހާ މަތީގަ ތިބޭ ބައެއް... ސޯ ފެން މަސް ބެޓަރ ދެން ތި ތެޔޮގަނޑަށް ވުރެ