ޑްރަގްގެ ބޮޑު އޮޕަރޭޝަންގެ މައުލޫމާތު މިއަދު ދެނީ

ފުލުހުން ހިންގި ބޮޑު އޮޕަރޭޝަންގައި އަތުލައިގަތް މަސްތުވާތަކެތި.---ފޮޓޯ: ޕޮލިސް

އާސިމާ ނިޒާރު، މިހާރު

25 ނޮވެމްބަރ 2025 - 11:09

މަސްތުވާތަކެއްޗާ ދެކޮޅަށް ފުލުހުން ފެށި ކުއްލި ބޮޑު އޮޕަރޭޝަނާ ގުޅޭ މައުލޫމާތު ދިނުމަށް މިއަދު ޕްރެސް ކޮންފަރެންސެއް ބާއްވަން ތައްޔާރުވެއްޖެ އެވެ.

"އޮޕަރޭޝަން އަލިމަގު"ގެ ނަމުގައި މި މަހުގެ 13 ގައި ހިންގި އޮޕަރޭޝަނުގައި އެއްފަހަރާ 100 ސަރަހައްދެއް ފާސްކޮށް، 100 އެއްހާ މީހުން ހައްޔަރުކުރި އެވެ. އެ މީހުންނަކީ ވެސް ޑްރަގްގެ ވިޔަފާރީގެ ތެރޭގައި އުޅުނު މީހުންކަމަށް ހޯމް މިނިސްޓަރު އަލީ އިހުސާން އޭރު ވިދާޅުވި އެވެ.

ނަމަވެސް، ދެ ހަފުތާވާން ކައިރިވިއިރު ވެސް އޮޕަރޭޝަނުގެ ތަފްސީލެއް ފުލުހުން ހާމައެއް ނުކުރެ އެވެ. އަދި އެ ހަބަރު ނޫސްތަކުގައި ޖެހުމުން ފުލުހުން ވަނީ މިއަދު މެންދުރު 2:15 ގައި ޕްރެސް ކޮންފަރެންސެއް ބާއްވަން ނިންމައި މީޑިއާތަކަށް ދައުވަތު ދީފަ އެވެ.

އިހުސާން ކުރިން ވިދާޅުވީ ހައްޔަރުކުރި މީހުންގެ ތެރޭގައި މަސްތުވާތަކެތީގެ ވިޔަފާރީގެ ހުރިހާ ފަންތިއެއްގެ މީހުން ހިމެނޭ ކަމަށެވެ. އޭގެ ތެރޭގައި ކުދި، މެދު މިނުގައި އަދި އެންމެ ފުޅާ ދާއިރާއެއްގައި އެ ކުށަށް އަރައިގަންނަ މީހުން ވެސް ހިމެނޭ ކަމަށެވެ.

ޑްރަގް ވިޔަފާރި ރާއްޖޭގައި ދެން ނުކުރެވޭނެ ކަމަށާއި އެކަން ކުރާ ނަމަ "ރާއްޖޭގައި އުޅެން އުނދަގޫ ކުރާނެ" ކަމަށް ވެސް އޭނާ ވިދާޅުވި އެވެ.

ދައުލަތުގެ މީޑިއާ، ޕީއެސްއެމަށް ދެއްވި އިންޓަވިއުއެއްގައި އިހުސާން ވިދާޅުވީ ޑްރަގް ވިއްކުމުގައި އުޅުނު މީހުން މިއަދަށް ފަހު ދެން ޖެހޭނީ އެކަންތައް ހުއްޓާލަން ކަމަށާއި ރާއްޖޭގައި ދެން އެ ފުރުސަތު ނުދޭނެ ކަމަށެވެ. ޑްރަގްގެ ވިޔަފާރި ހުއްޓުވަން ރާއްޖޭގައި ގާނޫނީ ގޮތުން އެޅެން ހުރި އެންމެ ވަރުގަދަ ފިޔަވަޅުތައް އަޅާނެ ކަމަށް ވެސް އޭނާ ވިދާޅުވި އެވެ.

މަސްތުވާތަކެއްޗާ ދެކޮޅަށް މި ސަރުކާރުން ކުރާ މަސައްކަތްތަކާ ގުޅޭ ގޮތުން، ރައީސް ޑރ. މުހައްމަދު މުއިއްޒު ވިދާޅުވީ ސޯޝަލް މީޑިއާގައި ކުރެއްވި ޕޯސްޓުގައި ވިދާޅުވީ އެއް ވަގުތެއްގައި 100 އަށް ވުރެ ގިނަ ތަންތަން ބަލައި ފާސްކުރުމުގެ އެ އޮޕަރޭޝަނުގައި 500 އަށް ވުރެ ގިނަ ފުލުހުން ބައިވެރިވި ކަމަށެވެ. އަދި އެއީ މަސްތުވާތަކެއްޗާ ދެކޮޅަށް ފަހުގެ ތާރީހެއްގައި އެންމެ ފުޅާ ދާއިރާއެއްގައި ހިންގި ހަރަކާތް ކަމަށް ވެސް އެ މަނިކުފާނު ވިދާޅުވި އެވެ.

ފުލުހުން ހޯމްލޭންޑް ސެކިއުރިޓީ މިނިސްޓްރީ މަސްތުވާތަކެތި

10 ކޮމެންޓް, 5 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޑރ ވާންޗޯ

25 November 2025

ތިޔަކަން ޖަމަލު ފޮޑިއަކަށްވެ ނިމިއްޖެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

25 November 2025

ޑަވާއޯގެ މޭޔަރު ކަމުގެ މަޤާމް ގައި ހުންނަވައިގެން އެ ސިޓީގައި ޑްރަޤްގެ ވިޔަފާރި ހުއްޓުވަން Rodrigo Roa Duterte ކުރެއްވި މަސައްކަށް ބަލައިގަނެ ޕިލިޕިންސް ރައްޔިތުން ވަނީ 2016 އަހަރުގެ ރިޔާސީ އިންތިޙާބްގައި އޭނާއަށް ރައީސް ކަން ވެސް ދީފައި. އެކަމަކު ހޯމްލޭންޑް ސެކިއުރިޓީ ވަޒީރު އިޙްސާން އަކީ ޑުޓާރޓޭ ފަދަ ހިތްވަރުހުރި މީހެއްކަމަށް ޤަބޫލު ނުކުރެވޭތީ، ތިކަންވެސް ނިމޭނީ ހަމަ "ޖަމަކު ފޮނޑިއަށް ވެގެން" ކަމާއިމެދު އަހަރުމެން ގިނަ ދިވެހިން ޝައްކެއް ނުކުރޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހާސަރު

25 November 2025

ހެޔޮނުވާނެ މިގޮތަށް ނޫސްތަކުގައި ބޮޑެތި ސުރުޚީ ތައް ނުހަދާ މިކަން ކުރާން އުޅޭނަމަ ފިސާރި ރަގަޅަށް ކޮށްބަލަ. މިނިސްޓަރ ވެސް ރައީސް ގަދަބަސް ބުނުން ނޫންކަމެއް ކުރާތަނެއް ނުފެނޭ! ޖަލްސާއަކާ ދިމާކޮށް ތިފެއްޓި އޮޕަރޭޝަން ހިގާތަން މިހާރު ފެންނަ މީހަކުނެތް! ޑްރަގް ނައްތާލަން އުޅޭތަނެއް ނުފެނޭ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢަރުތަ

25 November 2025

"އެ ހަބަރު ނޫސްތަކުގައި ޖެހުމުން ފުލުހުން ވަނީ މިއަދު މެންދުރު 2:15 ގައި ޕްރެސް ކޮންފަރެންސެއް ބާއްވަން ނިންމައި މީޑިއާތަކަށް ދައުވަތު ދީފަ އެވެ". ޑައިރެކްޝަން އަވަސް ކޮށްލާފަ ފިލްމު ކުރުކޮށްލީއުތަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޝަބްނަމް

25 November 2025

މިއަދުގެ ސަރުކާރުން ތިޔަކުރާ ހިތްވަރަށް ހަމަ ސާބަހާ އައްސަރިބަސް ރައްދުކުރަމެވެ. ދަންނަވަމެވެ. ގަލޮޅު ސަހަރާގެ އިރުމަތީ ކަނާ ދިމާވާގޮތަށް އެމަގުގެ އަނެއް ފަރާތުގެ ހަނިގޯޅިން އެތެރެއަށް ގޮސް ދަނގަޑުތޭރިޖެހި ދޮރުން އަތްދިތްކޮށްގެން އެކި އުމުރުފުރާގެ މީހުން އެގަންނަ އެއްޗެއް ނިކަން ހުއްޓުވާބަލާށެވެ. އެތާ މަޑުކުރާއިރު ގަޑިއަކު 20 ނުވަތަ 30 މީހުން އެތަނަށް ވަދެ އެ ވިޔަފާރިއެއް ކުރާތާ ލައްކަ ދުވަސް ވެއްޖެއެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

4262727

25 November 2025

ހައްޔަރު ކުރިކަމަށް ބުނާ މީހުންގެ މަގްޝޮޓް ހާމަނުކުރެވިގެން އުޅެނީ ކީއްވެތޯ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގާސިމްސސ

25 November 2025

ނޫސްވެިން ގެ ތެރޭގައި ޑުރަގުޑީލަރުން އޫލޭހެން ހާދަހީވެއޭ. މާވަރަކަށް މިއޮޕަރޭޝަނާ ގުޅޭ މައުލޫމާތު ހޯދަން އުޅޭނީ މި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވޮޗްމޭން

25 November 2025

ޕްރެސް ކޮންފްރެންސް ބާއްވާފައި ވީޑިޔޯ ޑިލީޓް ނުކުރާނެތޯ؟ ޕޮލިސްއިން އެބަ ބާއްވަންޖެހޭ ހަފްތާއަކު އެއްފަހަރު ހުޅުވާލެވިފައިވާ ޕްރެސް ކޮންފްރެންސްއެއް ހުރިހާ ކޭސްތަކާއި މެދު ސުވަލުކުރަން.