ރާއްޖެއިން ޕާކިސްތާނަށް ކަނޑައަޅާފައިވާ ސަފީރު މުހައްމަދު ތޯހާ، ތުރުކެމިނިސްތާނުން ޕާކިސްތާނަށް ކަނޑައަޅާފައިވާ ސަފީރު އަޓަދުޔަން މޮވްލަމޯވްއާ ބައްދަލުކުރެއްވުން.-- ފޮޓޯ: ރާއްޖެ-ޕާކިސްތާން ހައި ކޮމިޝަން
26 ނޮވެމްބަރ 2025 - 19:41
އަފްޣާނިސްތާނުގެ ސަރުކާރު ވައްޓާލުމަށް ފަހު، އެ ގައުމުގައި ވެރިކަންކުރާ ހަނގުރާމަވެރި ޖަމާއަތް ކަމަށްވާ ތާލިބާނުން ޕާކިސްތާނަށް ކަނޑައަޅާފައިވާ މަންދޫބާ ބައްދަލުކުރެއްވި މައްސަލާގައި ރާއްޖެ ގެނައި، ޕާކިސްތާނުގައި ހުންނަވާ ދިވެހި ސަފީރު މުހައްމަދު ތޯހާ އެނބުރި އެ ގައުމަށް ވަޑައިގެންފި އެވެ.
ޕާކިސްތާނުގައި ހުންނަ ރާއްޖޭގެ ހައި ކޮމިޝަންގެ އެކްސް އެކައުންޓުގައި ބުނި ގޮތުގައި، ތޯހާ މިއަދު ވަނީ ތުރުކެމިނިސްތާނުން ޕާކިސްތާނަށް ކަނޑައަޅާފައިވާ ސަފީރު އަޓަދުޔަން މޮވްލަމޯވްއާ އެ ކޮމިޝަނުގެ އިދާރާގައި ބައްލުކުރައްވައިފަ އެވެ. ތޯހާ އެނބުރި ޕާކިސްތާނަށް ވަޑައިގެންނެވިކަން އެނގުނީ އެ ޕޯސްޓުންނެވެ.
ތާލިބާނުންގެ މަންދޫބަކީ ބައްދަލުކުރެއްވި މައްސަލާގައި ތޯހާ ރާއްޖެ ގެނައީ މިދިޔަ އަހަރުގެ ނޮވެމްބަރު މަހު އެވެ. އޭނާ އެނބުރި ޕާކިސްތާނަށް މި ވަޑައިގަތީ އޭގެ އަހަރެއްހާ ދުވަސް ފަހުންނެވެ.
އެކަމަކު، ތޯހާ އެނބުރި ޕާކިސްތާނަށް ވަޑައިގެން ސަފީރުގެ މަގާމު ފުރުއްވަން ފެއްްޓެވި ސަބަބާ ގުޅޭ ގޮތުން ދިވެހި ސަރުކާރުން އަދި އެއްޗެއް ނުބުނެ އެވެ.
High Commissioner @MdvHcPakistan met with H.E Mr. Atadjan Movlamov, Ambassador of Turkmenistan to Pakistan and Dean of Diplomatic Corps. Both dignitaries assured continued engagement in support of mutual objectives.#mvinpk pic.twitter.com/XkLVzdw7qf
— Maldives in Pakistan (@MDVinPakistan) November 25, 2025
ތޯހާ ވަނީ އަފްޣާނިސްތާނުން ޕާކިސްތާނަށް ހަމަޖައްސާފައި ހުންނަ މަންދޫބު ސަރުދާރު އަހުމަދު ޝަކީބުއާ ޕާކިސްތާނުގެ ވެރިރަށް، އިސްލާމްއާބާދުގައި މިދިޔަ އަހަރުގެ އޮކްޓޯބަރު 27 ގައި ބައްދަލުކުރައްވައިފަ އެވެ. އެއާ އެކު، ތާލިބާން ޖަމާއަތުން އަފްޣާނިސްތާނުގައި ހިންގާ ވެރިކަން ރާއްޖޭން ބަލައިގަތީތޯ ގިނަ ބަޔަކު ސުވާލު އުފެއްދި އެވެ.
އެކަމާ ގުޅިގެން، ރާއްޖޭގެ ފޮރިން މިނިސްޓްރީން އޭރު ނެރުނު ނޫސްބަޔާނެއްގައި ބުނީ އަފްޣާނިސްތާނުގެ މަންދޫބާ، ތޯހާ ބައްދަލުކުރެއްވީ ދިވެހި ސަރުކާރުގެ ހުއްދަ ނެތި ކަމަށާއި އެކަމުގައި އޭނާއަށް ފިޔަވަޅު އަޅާފައިވާ ކަމަށެވެ.
ފޮރިން މިނިސްޓްރީން ބުނެފައިވާ ގޮތުގައި، ރާއްޖޭން ގައުމުތަކުގެ ސަރުކާރުތައް ބަލައިގަތުމުގައި ސުވާލު އުފެދޭ ހާލަތެއްގައި އަބަދު ވެސް ބަލަނީ އދ. އިން ކަނޑައަޅާފައިވާ މިންގަނޑުތަކާ އުސޫލުތަކަށެވެ. އެ އުސޫލާ އެއްގޮތަށް، އދ. ގައި އަފްޣާނިސްތާން ތަމްސީލުކުރާ ފަރާތަކީ، އަފްޣާނިސްތާނުގެ ސަރުކާރުގެ ގޮތުގައި ދިވެހި ސަރުކާރުން ވެސް ބަލައިގަންނަ ފަރާތެވެ.
އެމެރިކާ އާއި އިނގިރޭސި ސިފައިން 20 އަހަރު ވަންދެން އަފްޣާނިސްތާން އަޅުވެތިކޮށްގެން ތިބުމަށް ފަހު، އޮގަސްޓް 2021 ގައި އެ ގައުމުން ފޭބުމާ އެކު، ތާލިބާނުންގެ ހަނގުރާމަވެރިން ވަނީ އެ ގައުމުގައި އޮތް ސަރުކާރު ވައްޓާލައި، ވެރިކަމަށް އަރައިފަ އެވެ.
ތާލިބާނުން އަފްޣާނިސްތާނުގެ ވެރިކަމާ ހަވާލުވިތާ ހަތަރު އަހަރުވީ އިރު ވެސް ގިނަ ގައުމަކުން އަދި ބައިނަލްއަގުވާމީ ޖަމާއަތަކުން ވެސް ތާލިބާނުންގެ ސަރުކާރު ގަބޫލެއް ނުކުރެ އެވެ.
ޕާކިސްތާނުގައި ހުންނަވާ ދިވެހި ސަފީރަކަށް ނ. ހޮޅުދޫ، އުފަންވެލި، ތޯހާ ހަމަޖެއްސެވުމުގެ ކުރިން އޭނާ ފުރަތަމަ ކަނޑައެޅީ ސައޫދީ އަރަބިއްޔާގެ ސަފީރަކަށެވެ. ސައޫދީ ސަފީރަކަށް ތޯހާ އައްޔަންކުރަން ފެންނަ ކަމަށް ރައްޔިތުންގެ މަޖިލިހުން ރުހުން ވެސް ދީފައި ވަނިކޮށް، އޭނާ ޕާކިސްތާނަށް ބަދަލުކުރަން ދިވެހި ސަރުކާރުން ނިންމީ އެވެ. އެކަމަކު، އޭގެ ސަބަބެއް ނުބުނެ އެވެ.
ތޯހާ، އޭނާގެ ސަފީރުކަމުގެ ފަތްކޮޅު ޕާކިސްތާނުގެ ރައީސް އާސިފް އަލީ ޒަރްދާރީއަށް އެރުވީ މިދިޔަ އަހަރުގެ އޯގަސްޓު މަހުގެ 14 ވަނަ ދުވަހު އެވެ.
Copyright © 2025 Mihaaru · Terms and Conditions · Privacy Policy · Code of Ethics · Editorial Policy
ކޮމެންޓްތައް
މަބުނީ
27 November 2025
މަތިބަރުސަރުކާރު، މި ދެން ކާކުތޯ؟ ބަލަދު އަރާފަ ދެއްތޯ؟ މުޅިން ޅަ އެއްޗެހިއަޅާ ސަރުކާރެއް.. ދޭނެ ވޯޓެއް ނެތް.. ވ. ސަލާމް.
ގޯލާޕު
27 November 2025
ތިބުނާ ތޯހާ ސީރިއާގެ ޖައުލާނީ އާ ބައްދަަލު ކޮށްފިއްޔާ ކިކޭ ކަލޭމެން ލިޔާނި. ޓްރަމްޕު އެވަނީ ޖައުލާނީ ވައިޓުހައުސްއަށް ގެންގޮސް އަތަރުވެސް ލައިދީފަ. ކަލޭމެން ކުރީގަ ޓެރަރިސްޓު ލީޑަރެކޭ ގޮވިމިހެއް އެވެސް. އެމެރިކާ އޯކޭ ދިނީމަ ދޯ ލިސްޓުން ކެނޑެނީ. މަޑުކުރޭ އަދި ކަނޑާލާނެ ތޯލިބާނުންވެސް. ލަދު ކަމެއް މީ
ލަސް
27 November 2025
ތާލިބާނުންނާއި އެއްގޮތަކަށް އުޅޭބަޔަކަށް މާބޮޑުކަމަކަށް ނުވާނެތާ
ރޮދި50
27 November 2025
ކާފަރުން އަފްގާނިސްތާނުގެ ސަރުކާރު ބަލައި ނުގަންނަނީ އިސްލާމީ ވެރިކަމެއްވީމަ. މުސލިމުން ނުޖެހޭ ކާފަރުން ނިންމާނިންމުން ބަލައިގަންނާކައް. މުސްލިމުންނަކީ ބްރަދާސް ކޮންމެގައުމެއްގެބަޔަކަސް. ކާފަރުން އަހަރުމެން ބައިބައިކޮއްފި
ސަޗ×ަސދޗ
27 November 2025
އެމެރިކާއިން އަފްޤާނިސްތާން ހިފީ ތާލިބާނުން ވެރިކަމުގައި ތިއްބައި، އޭގެ 20 އަހަރުފަހުން ތާލިބާނުން އެމެރިކާގެ އަތުން އަފްޤާނިސްތާން ހިފީ. މިއީ ކަން ހިނގިގޮތް.
ޖަލީލީ
27 November 2025
އެމެރިކާ އަދި އެމެރިކާގެ ބައިވެރިން އަދި ހިންދޫން މުސްލިމުންނާއި ދެކޮޅަށް ޖަރީމާތަށް ހިންގާ އިރު އެމީހުންނާއި ބަރާބަރަށް ގުޅުން ބޭއްވިފަ. އެކަމުގައި މައްސަލައެއް ނެތިފަ. އަފްގާނިސްތާންގެ މުސްލިމުންނާއި ގުޅުން ބޭއްވުން މައްސަލަ އަކަށް ވަނީ ކީއްވެތޯ. މުސްލިމުން އެމެރިކާގެ ޓެރެރިސްޓް ގުއިރޯނުގަ ޖެހިފަ ތިބިލެއް ބޮޑީހަމަ.
ބަޝީރ
27 November 2025
މާ ބޮޑު ކަމެއް ނޫން. ސަބަބަކީ ސަރުކާރުން މަޤާމްތަކަށް މީހުން ހަމަ ޖައްސާއިރު އެ މީހަކީ އެމަޤާމަކަށް ކުފޫ ހަމަވާ މިހެއްތޯ ނުބެލުން. އިއްޔެ. ޢެއޮތީ ޖަޕާން އެމްބަސަޑަރު ކަމަށް ވެސް މީހަކު ހަމަޖައްސަން ނަން ހާމަކޮށްފަ. މިފަދަ މަޤާމްތަކަށް މީހުން ހަމަ ޖައްސާއިރު އެމީހަކު އެއީ ޕޮލިޓިކަލް ސައިންސް، އިންޓަރނޭޝަނަލް ރިލޭޝަންސް ކިޔަވައިގެން ހުރި ބޭކަލެއްތޯ ބައްލަވާ ލައްވާބާ؟ މިޤައުމުގަ ބޮޑެތި ލޯނު ނަގައި ކިޔެވުން ބޭކާރު މިވަނީ. ކްއަލިފިކޭޝަން ބޭކާރު.
ހުސެންބެތޔޔޔ
26 November 2025
ތީގެ ސުވާލަކީ ދެން ކޮންބަޔެއްގެ ސަރުކާރު ބަލާ ގަންނާނީ؟؟
ކަށިގަނޑުގެ
26 November 2025
އެއަށްވުރެން ދެރަ ކަމަކީ މިއޮތް ހުރިހާ ދުވަހު އެއްވެސް މަސައްކަތެއް ކުރަން ނުޖައްސާ، މަހުންމަހަށް މުސާރަ ދިންކަން....އެއީ ނާޖާއިޒު މަންފާއެއްނޫންބާ